一寿司 (已結業)

首先唔好怪我直接, 半價又高於預期已經值回票價啦我地2個人第一次食宵夜壽司, 趁平日少人10點3攞飛, 11點前入得, 最醒就係出面睇menu劃定食咩先, 一入去就俾waiter.平時食壽司2個人就住叫都要百幾蚊, 呢度一個人幾十蚊已經好飽1. 火灸三文魚, 火灸帆立貝 - 肥美又滑2. 火灸吞拿魚: 鯹d, 唔推介, 可能凍食好d 3. 必食 - 燒汁玉子: 好大件, 大板前一倍. 有蛋味燒汁甜甜地, 夠熱, 正 4. 必食 - 軟殼蟹壽司: 軟殼蟹一件有2舊飯咁大, 勁脆又熱, 冇骨冇渣, 正 5. 蟹肉腐皮 - 初初睇似乾爭爭, 原來食落正常, 幾好6. 蔥吞拿魚壽司, 海膽軍艦 - 因唔算多料, 食落唔覺有魚, 海膽味6. 特飲 - 香蕉芒果smoothie, 唔算甜, 嗜甜朋友可能覺少少酸, 我覺岩岩好, 好夠凍壽司d飯唔算多, 料足, 夠熱, 值得推介, 半價只限壽司, 刺身, 飲品服務都唔錯, 因為坐係bar檯, 係後面上菜都提你小心之類

琴日同女友去o左呢間店度食晏,一入到去裝修係幾靚o既,坐o係bar枱到,氣輸送帶來來去去都係得三文魚,北寄貝,蟹腳壽司,冇其他壽司,要其他壽司就要另叫,都幾冇癮,叫o左幾款壽司,得個甜蝦同八爪魚叫好食d,其他o既壽司可以不理,價錢亦偏貴,食o左十碟野,埋單要二百幾蚊,就真係唔得啦!!仲要係咁o既質素,唔通真係食個裝修?

平時成日黎食黑夜時段 save左10個印花可以當100蚊用但因為唔可以係黑夜時段用果d印花 於是今日黎食正價今日係主打小食什錦天婦羅--新鮮炸起 但嫌太多油 層粉好有趣 唔算係好厚 但咬落去又會覺得d粉好多海膽雞軟骨--唔知關海膽咩事 可能係個醬係海膽醬掛?!不過不失稻亭冷烏冬最鍾意 涼浸浸好好味 仲有好多我最愛既三文魚子個湯味道清淡 岩哂我海膽壽司算新鮮 鮮甜其他既都係差唔多埋單164 因為有dollar CARD可以當100蚊用所以每人都係32 當係食TEA 相當唔錯

個日同2個朋友睇完戲去食我地9點9去到排隊等位等左差唔多2個鐘= =一坐低梗係ORDER先啦ORDER左燒3文魚壽司 呢個幾好玉子壽司 我諗燒會好食D油甘魚刺身 唔夠鮮,好似擺左好耐咁.唔建議食3文魚子壽司 都OK!障紅魚壽司 又係好唔鮮初吻 幾特別,用青瓜代替紫菜3文魚壽司 都OK!整體上黎講...唔係好值用2個鐘時間換黎呢餐= =

連一個侍應都不如的經理都可以做經理, 早幾日同朋友去旺角雅雅蘭中心一壽司, 我都等左個鍾咁入到去坐叫嘢食( 大約十點幾), 突然之間聽到有人好大聲講粗口 ( 餐廳已經有很多人)咁好奇之下咪睇下咩人會係公眾場所大聲講粗口, 原來是一個穿西裝的女人 ( 後來先知係個到的經理 ) , 都唔知係話d客人定員工, 咁我哋咪繼續食嘢 ( 一路斷斷續續都有聽到果個經理大聲講粗口 )其實都想食完就走, 係我哋仲食緊嘢的時侯聽到果個經理大聲講有關不潔的詞語( 便便 ), 我哋仲食緊嘢立即唔想食 ( 覺得好唔衛生連小朋友都識 ) 令我覺得餐廳唔衛生之後就埋單走( 係埋緊單的時候都一路講), 其實d嘢食及其他侍應係ok, 我未試過去 一間餐廳食嘢會有一個經理大聲講粗口及有關不潔的詞語不用理會客人的感受,呢d係咩經理, 不知所謂, 所以我唔會再去食嘢

我今晚和朋友一齊去旺角雅雅蘭中心一壽司，我都等左差不多45分鐘。入到去原來坐對正門口，諗住無所謂la但幾分鐘，佢地不停開關門d風吹到正一正。我同佢地職員講，可唔可以換過另一個位，我唔介意等一陣。我地茶都無飲。個職員話ok點知企門口個經理話要我地重新排隊，我地當然問點解，中間個所謂經理已經黑面，態度差，話無辦法，一定要重新排過又話個個人都有唔同request la 等等，又話對其他人唔公平最離譜係佢居然係reception 大大聲問在場等位既人公唔公平，俾唔俾我地轉位。仲要問左好幾次，最後我地當然唔食，我地走時仲聽到佢同d客講我地無理。呢d係咩service，咩management ar????經理，佢真係歸家休息

依間好過新世紀間一壽司+好多啦起碼魚生都叫新鮮d野食得落口三文魚,甜蝦等都幾好入口帶鮮味火灸極品黑和牛(A5級)入口即溶,正 環境都幾好,又有一大個魚缸,望落去都幾舒服,同人坐低傾計食野個feel正服務亦都唔差如果想同人去食壽司依個係一個幾好的選擇

09年1月20日晚（星期二），因為沒有心情溫書，所以偷懶去接女友放學。初時想係朗豪坊“開飯”，不知道是否一早已經想定去吃壽司還是找不到想試的餐廳，行過了大部份的餐廳也不合適，所以行完想行的地方就直接走去雅蘭的「壹壽司」。其實現時香港眾多連鎖集團的迴轉壽司店，食過的次數最多應該是這間（最重要的是有我最喜愛的熱sake！），而這間的水準亦尚算不錯。我和女友大約八點四十五分左右到，但係已經見到有數人排隊“黑夜壽司”，反而我們入內的時候就有不少坐位。我們合共點了鰻魚壽司、帶子壽司等，其實質素很一般，不是很難食卻也不見得很好吃，其中花之戀壽司比較失色，祇具其形；反而有些令我覺得有些驚喜，例如火灸三文魚壽司，三文魚經過略略燒過後反肉質嫩滑美味；蟹籽蟹柳腐皮卷的腐皮很甜，意料之外；露筍天婦羅蝦壽司，幾新奇，天婦羅蝦外層香脆、內裡爽口；XX鰻魚牛油果卷，外層用紙般薄的蘿蔔包著（當然還有紫菜），很有新意，而且味道不錯。總括而言，我覺得整體水準比「板」字頭的好一些，至少製作上見到員工們都很認真，雖然服務有些「機械化」！

第一次去食，七點去到，都叫早架啦～係就係好多位，不過係迴轉枱囉！因為多人食，迴轉枱唔方便傾計，只好等 Order 枱～等等等，等得唔耐煩，問吓幾時有位，門口個姐姐話有人埋緊單，但埋咗成個字我哋都未入到去嘅？最後，我哋最少等咗半個鐘先先有位．．．因為下晝已經喺九龍城食咗啲嘢，所以唔太餓～總括嚟講，嘢食都 OK 吖！係嗰串串燒冬菇賣相有點嚇人，黑到成舊炭咁！但食落辣辣哋又唔錯喎！而服務態度唔算太差，環境唔錯，卡位好有情調～會再嚟～P.S.食完出嚟，發現門口激多人～先知原來十點有半價壽司～但咁多人等，我寧願食正價嚕～

相約友人晚上10時來這裡吃宵夜，壽司卷物飲品之類半價9:30左右就到了，只見人龍很長兼打蛇餅，接近10時就開始派飛我們一共4個人，就然10:15左右就有卡位了，都幾快我地一坐低就狂點野食，叫左好幾樣野︰三文魚︰肥美新鮮，我們吃了很多件火灸三文魚︰推介之選，三文魚燒到入口即溶，一流甜蝦(巨)︰不夠新鮮，味道一般，有點失望，不過真係幾大...凡立貝︰幾大粒，唔錯火灸凡立貝︰燒得幾好味，唔想食「生」野既朋友可以試試初吻︰華而不實，青瓜味道太搶，三文魚鮮味都被蓋過花之戀︰Size較小，沒有特別驚喜芒果花之戀︰Size較小，芒果反而有點突兀軟殼蟹︰炸得很好吃，很大舊，一定要試!壽司飯不錯，不會一夾就散，有點暖暖的都OK我們就大概叫了這些東西好幾次，吃到4個人都飽每個人才HKD 68元!!P.S.每人最低消費60元，1.5小時交檯

於１２月６日下午經過想不到吃什麼好了。。。幸好沒有人排隊便二話不說進去大吃一翻。。雖然店內有一大魚缸很美...但帶來有些內疚, 因為我們在吃的是牠們同纇吧!先來一客三文魚壽司...很鮮..一般都不會不好吃的, 開始建立了信心可以開始升級了玥ORDER 蟹膏不可錯過很鮮甜, 辣味三文魚, 玉子, 吞拿魚, 海瞻,吞拿魚腩壽司及 炸軟殼蟹反卷等...各種都很新鮮以前要久等都入不到的店..今天一次過食盡心頭愛..是人生一大樂事

十月三日, 放咗學, 老公話同我去食《一壽司》,其實老公個幾月前已經約咗我, 話生日時請我嚟呢度食噃餐,咁梗係好啦! 我都不知幾想嚟食呀!因為呢度都算新鮮, 份量又足, 但係十點後又有半價, 可以揀啲貴嘢嚟食嘛~由於放學後都已經十點幾, 去到門口攞飛已經係 10:26pm 啦!最後等咗一個鐘先有位 (預咗), 等位時已經落定晒單, 因為開始等到好肚餓嘛~好采佢又上菜上得勁快手, 証明呢度既老闆好識做生意, 快啲上菜, 啲客快啲食完, 又可以做多轉!今次唔咁詳細介紹, 大家睇圖啦!後面單一件既係長腳蟹棒, 原來係刺生嚟架, 都幾甜。呢個「初吻」上次食過翻尋味, 正!本來一直都冇諗住叫刺生, 但由於我哋坐正刺生盆吧檯前, 見到勁多人落單, 又一樣有半價, 就算已經飽飽都決定一試, 結果揀咗呢款有三文魚、巨甜蝦同凡立貝既刺生拼盆 ($55), 嘩! 真係冇落錯單, 啲凡立貝好甜, 啲巨甜蝦連頭食更加鮮更加甜, 好正呀!!有心機有時間嚟等位食佢個半價時段確係超抵食呢!!更詳細資料及圖片請看 : http://hk.myblog.yahoo.com/joycewai616/article?m

10 點之後去食半價好抵呀雖然夜, 不過d 野仲係好新鮮4 個人食左30 幾碟壽司都係$400到三文魚同甜蝦斬好新鮮而且環境好舒服不過d 野飲就麻麻叫左1 杯叫passion 既野飲好似藥水

同朋友仔兩個人六點九唔洗等位入座。不過可以太早食唔到咁多野。火灸玉子:燒玉子係我至愛, 所到之處一定要食。一壽司個火灸玉子係一個必試! 佢一定係熱, 唔似板前可以凍上。食落好軟好好味, 唔知係咪特製醬汁, 有d雞香味...唯一彈就係個無花d心思係刀工度, 板前果件切得好靚ga!三文魚"較"七味燒:好似三文魚"較"西京燒咁, 不過用七味粉。味道唔夠西京燒咁好食。如果大家鍾意食呢味, 介紹大家去中環堅道果間「河田」, 一流!軟腳蟹手卷:敗筆! 炸漿似fish and chips, 厚! 飯太多, 唔好話抵食d! 紫菜淋哂...特大帶子:好大好好肉, 而且好鮮味, 比板前更鮮...必食是日重食左鮮海老、蟹棒、蟹膏蟹肉、吞拿魚蓉軍艦等等...中規中矩啦

今日又再去左排隊食一壽司~因為半價真係平好多~今次試左鹽燒檸檬三文魚(唔係肯定係唔係呢個名~)幾好味~ 唔會太咸又有檸檬香味~劍魚都好味~不過三文魚就好似越來越細咁........=.=而且清酒煮蜆好奇怪.......食落去苦苦地.....又唔似係酒精既苦味.....最後冇食晒就放棄左...始終最好食都係火灸玉子~ 次次去最少都叫2碟~而且今次個碟d玉子比以往既大份~其實一壽司唔係話好好好好味, 不過半價我就覺得好ok喇~比"笑"有一半係因為佢平~食到勁飽每人都係$100左右~ (包飲品~)希望佢d水準唔會下降啦~