一番日本料理店 (已易手)

9/3/2010親戚係上水黎同我地食餐飯佢話想試1番雖然不抱太大期望皆因年幾前食過第1次之後就已經唔想再食但今次親戚叫到硬住頭皮咁去啦唔係好多人啵又可能係平日吧1向都知道1番既賣點係超級超級大舊飯所以唔敢叫太多野3個人叫左3客6件3文魚壽司見到隔離台既反卷超大舊所以又叫左客3文魚反卷另外叫左1客金菇肥牛卷同雜錦天婦羅3文魚壽司唔錯食到魚味但飯認真十分大舊要分3次先食得哂反卷仲嚇人-口-太大舊喇如果舊3文魚跟比例又大返就好喇大到點唔到豉油唯有將豉油倒落舊反卷度好似食緊飯咁肥牛卷唔錯幾惹味而伴碟既芽菜配上醬汁味道很不錯另外叫左既雜錦天婦羅好厚粉食1舊已經頂唔順而且已經好飽不過蝦都幾足料係厚粉而是日只有9度既氣溫見到好多台既客人都叫左個肥牛葛絲鍋令我好想食可惜眼闊肚窄不過我話比自己聽過2日1定要食到11/3/2010男友知道我好想食所以特登帶我黎食今次又係3個人叫左1個肥牛雜菜葛絲鍋另外叫左2碟3文魚壽司1個炸蠔反卷1個軟殼蟹反卷1客北寄貝壽司3文魚壽司薄到死但舊飯就好大舊但比上次好因為食得出有淡淡既醋味而且係凍既另外北寄貝壽司舊北寄貝實在太細舊同舊飯完全唔合比例亦唔夠鮮味炸軟殼蟹反卷得4舊

真的未見過d壽司這麼大件, 見到時超開心客人可以要求少飯, 少飯跟平常的壽司size一樣除了拉麵外, 其他食物都好食的但最好2-4位朋友去, 因地方真的有點逼如果到元朗食日本料理, 我一定去一番, 平抵正

補打番食評先,2010-01-26係我同男朋友三週年紀念本身想食new york cafe,誰不知又冇睇清楚,原來星期二休息=_=臨時臨急再搵第二間食野,本身又決定左食十番(十番係我最愛)點知.....................放左學去到,十番貼住張紙話休息.........真係好黑仔......................................................又唔知食乜好低下,唔要太貴,又要男朋友飽肚既情況底下,冇乜選擇最終就去左食一番一番係包保你飽,但未必樣樣野都好味,而且態度好多時都唔係太好,呢樣野要留意螺肉sushi($1x):男朋友食,重雪味三文魚sushi($18):男朋友食,冇問題軟殼蟹sushi+芝士另+$5($35+$5):上次食咪話有咸魚似屎既味,今次終於冇喇~幾好味!!!蒜粒牛油炒蜆($40):殼多過蜆,如果殼有100隻,我諗有肉只得50隻,好似比人呃咁炸蝦6條($3x-4x):冇特別,鍾意食蝦既我都覺得唔太好味如果唔係要睇男朋友飽唔飽,我都唔想食呢間.........十番真係好味得多~一番係多選擇,但都要好味架........

首先講下d侍應先:個個都不知所謂,女既就好似未訓醒咁,男既就兇神惡殺,黑口黑面, 但又要係度扮曬風趣,真係搞到我無曬胃口!!!食物壽司得個"大"字, d飯唔好食,魚生又唔新鮮,d吞拿魚d"根"又多又粗除左壽司,我仲叫左個"燒汁牛仔骨飯",等左勁耐之後終於黎到,睇個樣就真係唔錯,但一咬落去,d所謂既牛仔骨,成塊牛肉干咁,點咬都唔爛,真係咬到我牙血都出埋!!!最嬲,最離譜既:個餐明明係有野飲送既,但食足全程,d侍應一句都無問過,提過,直到差唔多埋單既時候,我地發覺再問佢,佢先話有~,~ 於是我就叫左"可樂", 我等左成10分鍾都仲未有,咁我就好奇地望下廚房,竟然見到佢地係張2罐可樂分成3,4杯,先再俾我地-0-"於是第2杯我就專登叫佢走冰,佢竟然同我講,走冰要加錢!!!加$2!!!!!問個侍應點解,原因係佢要俾曬成罐可樂我,所以要加錢~!!佢地都唔知係咪有病,我食左咁多年野,真係第1次聽到走冰要加錢!!!呢間咁既野,真係貼錢俾我,都唔會再去!! 垃圾!!

兩個人晚飯一客三文魚拼帶子刺身 <-- 每樣共四件, 三文魚好厚, 新鮮, 帶子則好似唔夠大隻, 都係峰壽司甜d ($50)甜蝦壽司 <-- 還可以, 好大隻甜蝦打孖上 ($28)海膽刺身 <-- 新鮮, 平 ($88)滑蛋豬扒飯 <-- 一般, 個飯就幾好味, 因為個滑蛋界乎熟與唔熟之間, 撈埋d 飯幾好味, 不過塊豬扒就麻麻, 好薄芝士吉列蠔反卷 <-- 六大舊...基本上食完以上的食物已經飽死...而味道...淡...求其搵塊芝士卷埋隻炸蠔, 外面包住幾層厚的飯....再將d 蟹子 "菌" 邊...P.S. D 蟹子勁小其實今次係我第.....8-9 次去, 呢間野個賣點係 "大件"...主要係用 "多飯" 攻勢, 食到你飽, maybe 會比人一種 "好抵" 的感覺總括, 壽司/ 反卷就真係麻麻, 不過我覺得刺身係幾新鮮同抵食之前試過佢個鍋物都幾好so...可以試下!!!P.S. 我見d 人comment 佢d 服務差, 我又唔多覺丫....個waiter 幾搞笑, 同埋佢地個個都nice 喎, 地方係淺窄d 不過佢地都keep 住笑容,

在同事的介紹下...第一次試吃...兩個人...吃了一個牛肉鍋...一個反卷...加一個炸蠔...一個鍋已經飽了...牛肉鍋...偏咸...d 葛粉好好味...其他...普普通通...不吃也不覺得可惜...第二次...同男朋友食...一入到去...服務員指指點點...喝你坐呢坐那...好似老闆指使我做野咁...為左試下佢其他野食...我算...食左個芥茉八爪魚小食...失望...炸蝦反卷...失望沙律...失望...辣味三文魚軍艦...失望總之...失望...第三次...同媽媽黎食...媽媽無食鍋...食左個清酒蜆...反卷...炸蝦...仲有唔記得食咩...清酒蜆...好勁既酒味...普通...炸蝦...媽媽話唔好食...反卷...都係普通...第四次...因為都係覺得個鍋好食...想同男朋友試下...俾佢最後一次機會...今次食石狩鍋(三文魚頭鍋)...好抵食...好大鍋...有葛粉...湯係面豉湯...整整一個魚頭...可以一試...其他既...還是一樣...可以不試...

今日收左工, 同媽咪,妹妹入元朗食壽司本來去另一間的, 因為上個月去過, 都ok啊~點知! 冇開門 = = 十分的O嘴, 其實都有不少客人去到門口就好失望,也好奇怪點解冇開紙仔都冇開在鐵閘上...UM! 所以~就轉移去一番 (朋友話大件夾抵食)去到重有10分鐘先到6點...唔入得去~門外的客人真係熱到好似用汗水淋身咁..不過未到時間就唔開門... >< 太狠心喇時間到就入去第一件事係飲茶不過, 第一杯係凍的 (不過之後加的都是溫熱的)位置有點逼~一番有兩種壽司拼盤壽司拼盤A 共14件 $ 8X (好似)壽司拼盤B 共20件 $13X (差不多)我們3個人, 就Order左壽司拼盤A不過14件中有6大件超巨形加州卷其實就係超巨形壽司其實, 如果Order左壽司拼盤B會抵d , 因為完全冇超巨形加州卷20件都係超巨形壽司! 所以~其實如果多兩個人~可以考慮下壽司拼盤B, 起碼冇咁傻豬的感覺然後重有牛肉XXXX鍋 $ 50超大鍋的~而且算多料~尼個我覺得好抵因為壽司拼盤A只有2件三文魚壽司不夠吃~ 所以另Order多一客三文魚壽司同鰻魚壽司三文

呢間野真係越來越差service唔好就不在話d野食超差個日3個人去食飯一入到去無咩人都知咩事喇係d人話好食先去試下...點知一試就出事啦講左d 侍應先女既頭又亂呆下呆下咁.....真係岩岩訓醒都無佢咁亂男既gel頭gel到好似個亞佰咁濕曬都唔好講樣拿...佢真係好似做咩都想打人咁....最頂隠既係...佢地張張餐紙都係有是油漬既,...拿無見過既都真係唔知點解啦我隔離張table無人坐既張紙上一大達是油....到到有人坐既時候個個客人要求換張新既...佢竟然夠膽話係新既無人用過唔換好啦佢問第二個啦....佢真係夠膽弄走d是油再扮新既...俾返佢用真係睇到我眼都突埋咩事呀...又唔係要佢俾錢買.....唔洗咁呀....明明有人用過都扮新真係立即唔想食再講d野食喇....黃金"游"魚...得23條係面我問佢.....佢當然覺得自己既壽司無問題啦咁食白飯得啦...野唔新鮮唔好食平都無用再見到d咁既事發生一定唔會再去p.s好多烏"英"飛來飛去一定好dirty

一番呢間餐廳已經聽聞左好多年...出名大件夾抵食....本人唔係住元朗所以一直都未有機會去試.........今次終於有機會啦........ 一入門口 d waitress望住我黑面.......好驚....好似好唔想我入去咁...入到去落單繼續黑口黑面...... 食物黎到....係好大件....不過味道就好一般... 壽司大到根本唔可以夾起放入口... 不過係勁大舊飯....一夾散晒~好似"扒"緊飯咁~d 飯無乜醋味似白飯咁o既味.. .... 無左食sushi o既意義; tuna, 三文魚唔新鮮....大件夾無味; 鰻魚真係好大條...不過味道就...... (茶餐廳o既鰻魚都好過佢)唔係好記得仲食左d咩.....因為無樣好...成餐都好似用壽司d大舊飯塞飽個肚咁.....不過最令人一肚氣o既係入面d waitress o既態度.................................!!!!!!!!!!由入門口到落單到埋單都唔會同你講一句o野~落單時完全無反應...!!我以為我呢餐唔駛比錢o架添~~最終每人都食左成$100..........咁o既價錢去板x都

如果係想平,抵既咁咪去食囉...因為真係好大件,飯同魚生都大...如果想正宗,好好味,好環境既咁就唔好去啦~夜晚好多人排隊,地方唔大,服務麻麻....d飯一咬係散架~會趺架~我&男朋友一個月左右會去食一次...我地最鍾意食呢到既石狩鍋,三文魚壽司,蒜粒炒辣蜆,炸軟殼蟹壽司次次去都會叫~我食過:1)石狩鍋 (有圖)$55 大大個三文魚頭+麵豉湯底,下面係有麵架^^,我地最鍾意爭食佢果d軟骨,好好味,係佢地整完三文魚刺身淨低...之後拎埋個頭黎賣,不過唔係時時有就賣...但好抵食!!!!2)三文魚壽司 (有圖)$17 都係大..飯大,三文魚大..有次食落口,好似溶左咁既感覺~正3)蒜粒炒辣蜆 (有圖)$40 ..味唔錯..幾辣下!男友食到出汗=.=仲係咁食(傻左)..佢話好好食,好抵食..係出面都無咁平...食完d蜆殼有3個碗咁多呀~ 唔鍾意辣唔好食r~4)金菇肥牛肉飯 (有圖) $33 包前菜+麵豉湯, d汁no飯好好食,我本身唔鍾意食金菇,加左汁..食哂~汁唔太咸5)炸軟殼蟹壽司 $45 炸得好好味,不過可能有d 4件6)黃金蟹籽沙律 $35(好大=.= 有3碗飯左右咁大)...成日見

又係廿六號,又係慶祝拍拖紀念日揀左食一番,不過唔食軟殼蟹了,因為之前食到有咸魚味又係叫左個沙拉($35),三文魚sushi($18),一個鰻魚sushi($28)同埋今次試下叫炸蝦卷($35)再加芝士(+$5)而家好似冇茶得水,定係d茶淡到好似水咁??????頂唔順叫左罐coke....埋單先叫一罐要$9......?????!!!三文魚同鰻魚係次次都叫,冇乜野講不過想講下個炸蝦,又幾好味喎,八件大大的沙拉都仲係食唔哂的d service真係冇好過,次次都咁差,真係忍唔住要講下

考完試,友人說來一番,當然茹素的我最緊張也過是有沒有東西岩食!門口看到的餐牌只得玉子壽司及腐皮壽司岩食,本來想轉地方,不過友人說這裏的壽司是很大舊的,兩件已經有一碗飯大,所以被這吸引了!最終都係點了玉子及腐皮壽司!當侍應放低一刻...心想真係幾大舊!味道方面同其他地方的同款壽司都不太有分別!! 整體來說不錯不錯吃了四件已經有飽肚的感覺

今日係情人節...男朋友話想去呢間食,我地預左要等,因為一定好多人我地大約六點半去到,去左拎飛,之後行左去千色行一陣番去個到又等...我諗total大約要九個字到佢係可以比人打電話book"木台",但我諗情人節book左都唔會快得幾多我地叫左:三文魚sushi($18),芥辣八爪魚sushi($18),芝士軟殼蟹sushi(芝士要+$5)($40),什錦天婦羅(4條蝦, 2條蟹柳, 其他就係菜類eg冬菇,南爪,茄子etc)($40),同燒帶子串($48),一罐可樂($7)三文魚sushi&芥辣八爪魚sushi: 前者肉比較薄,後者偏辣,減dd辣就好芝士軟殼蟹sushi: 唔知點解我地食到有陣咸魚味~而且比上次來食細件左好多(相有比較)什錦天婦羅: 其實麻麻地,好淡味...燒帶子串: 真係好貴,我仲以為好大粒,來到...又細粒又唔厚,三串一串有三粒,十二粒就要$48,一粒平均都要$4!!!埋單$188

食日本野我地不嬲都食開對面果間''御品''*次次都見到對面''一番''成日都要排隊,,尋晚2條友就諗住試下啦....出事啦~~d壽司拳頭咁大根本無可能飯連埋上面舊魚1齊放入口結果會係''魚還魚 飯還飯''咁食---->已經完全唔係壽司果樣野啦d魚仲要唔新鮮....根本1個人食2客都夠晒但完全滿足唔倒食慾(食飯食飽左)最後我地仲要嗌多個刺身,,食剩既''飯團''係唔想咁節惰先打包拎走...埋單之後,,男朋友仲要響街買返10蚊炸魷魚先覺得自己食過野!mainpoint係果晚我食完之後滯左胃痛得要死......1定無下次....

本身想試酒泉的但見到人山人海既人龍之後 都係下次先啦去過少少見到一番前都有唔少人排隊.當然少好多啦好啦!就呢度! 點知就出事了!坐低之後，見到隔離台d 壽司成個拳頭咁大舊!!!!!!跟本係飯團扮壽司!!!見到都怕怕!心感不妙! 又係類似田中 重質唔重量的店! 不過佢可以比你落單時叫少飯!我地兩個人食左 :1.蟹子沙律 ($35) : 痴線ga!!! 成個洗面碗咁大! 5-6個人都夠食! 我地兩個食左一半已經投降 ,真係好抵 ! 味道就...一舨啦!2. 三文魚手卷($22) : d壽司飯幾好味! 但魚生就夠新鮮...要狂+ 鼓油 先啃得落!3.芥末8找魚軍艦 ($18) : 少飯!但都好大舊 ! 但d飯1實唔會散...但一啖真係食唔哂!3.吉列豬扒咖哩飯 (35) : 我冇食.唔知咩味.但我見老公食哂d 飯! 應該唔錯!4.炸蝦付皮卷 (28) : 不知所謂!!抵食係抵食.但味道真係唔太ok , 其實我覺得食日本菜就係貪佢夠細件..可以細心品嚐!而家咁樣好似有d 本末倒置!!如果係但求質飽個胃.就唔會選日本菜啦!!