一番日本料理

營業中

休息中

係元朗行街，路過一間性價比勁高嘅日本嘢，就決定入去試下。餐廳嘅宣傳海報其中一個最吸引人嘅賣點就係佢嘅生蠔，只需13蚊一隻，好抵！d生蠔都唔算細隻，比想像中大，亦都好新鮮，可以一試！而佢嘅三文魚腩片都好唔錯，切得幾厚，口感好好，三文魚腩嘅鮮味亦都好足。依度嘅拖羅好平，雖然唔算好厚，但絕對係性價比好高。有d遺憾，今次冇乜食燒物，剩係叫左個平時最鍾意食嘅牛舌，都唔錯。總體嚟講，依間壽司店嘅出品都唔錯，價錢親民，如果突然想食壽司都可以嚟試下。

尋晚行街經過見幾多人,所以入去試下,叫左個牛肉煱,8件壽司,兩串串燒,蛟子。係得個蛟子食得下,其他都十分唔掂。最失敗牛肉煱,沒有用火煱一路熱住比客人食,基本上上檯唔洗十分鐘已經凍晒,叫人點食,湯味唔夠濃,牛肉亦無味。壽司唔新鮮,啲野大部分見到感覺是霉的,毫無鮮味。串燒咁簡單既野都可以燒得唔好食,真失敗。真的沒有下次。

元朗真係好多嘢食，哈哈行吓見到一間食日本嘢嘅小店，俾佢出邊個牌有拖羅同埋生蠔吸引左，而且價錢好合理，於是入去試試佢嘅壽司種類非常之多，好多街邊都冇得食，而且仲有串燒，特飲等，個餐單真係多選擇到花多眼亂😂叫咗啲刺身，特別好味嘅有極上三文魚雪花腩，好肥美呀，充滿油脂嘅感覺好正好正！壽司我就鍾意左口群邊同埋海膽壽司，海膽嘅份量非一般的多，而且食得出好新鮮，好抵食呀！壽司仲可以加錢變火焰，這個值得一讚！到最期待嘅生蠔，本身冇咩期望，但係原來好大隻，只係$13咋，一次過食幾隻啦，食落都有啲蠔味(金屬味), 唔係淡茂茂個款，我鍾意！仲有就係不得不食嘅牡丹蝦刺身，勁大隻，勁新鮮，蝦頭啲膏食到舔舔脷！最後叫咗一客拖羅，喺香港我都係第一次食，太美味了，同平時嘅吞拿魚或者三文魚根本唔同檔次，肉質肥瘦均勻，一啲都唔腥，荷包肉痛都要試吓😂

今天和老婆元朗行街，晩餐時間就選擇這間一番日本料理，這間料理出名經濟，性價比高進入店內環景裝修別緻，入到店舖店員很有禮貎招呼我們座低細看一下餐牌有很多選擇，而且價錢適中，可以放心盡情點餐首先這個刺身，有赤蝦，墨魚，每樣都有相質素這個赤蝦刺身相當大隻，一食落口鮮蝦甜味，蝦頭的精華不得了，蝦膏蝦汁濃郁我的至愛又散叫了一點壽司，每樣都可以，蟹子新鮮卜卜脆芥末八爪魚壽司，食落口十分（公）鼻，又想食，又要它的刺激感覺，好食三文魚腩一睇就知靚部位，一食落囗食油甘香，三文魚肉爽口的口感，越食越香，魚油越多，甘香在口腔中徘徊這個雞亦沒有特別，還可以這個芝士蓮糕剛剛炸起皮脆內軟食落口軟棉的芝士，十分香口，一定要襯熱食

元朗出名食店多，朋友們話想食日本菜，又見到呢間嘅餐牌價錢都大眾化，所以入去試一試👍🏻見到門口已經推介空運嘅時令刺身，款式眾多下午茶時段刺身都係$6，好抵食我六點未夠就到咗餐廳，人流不多，職員話到咗七點就會坐滿，好彩我早到不用等位見到好多限定嘅推介同埋刺身餐牌上面都有好多唔同種類嘅刺身壽司拼盤，而且壽司同刺身嘅種類要有的已經齊晒，要食晒全部相信要分開10次你先可以😂珍寶赤蝦刺身，下午茶時段只需$10 一隻，好抵唷肉質爽口鮮甜，而且蝦頭仲有非常多嘅蝦膏蟹子壽司非常大件，最重要嘅係蟹子嘅份量非常多，紫菜卜卜脆，明顯是剛剛做起的，夠晒新鮮極上三文魚腩，見到就知非常肥美，食落又鮮甜魚油滿口，肥而不油膩一份雞翼有四隻，鋪滿大量嘅蒜香，食落非常香口，外脆內軟，咬一啖啲肉汁出晒嚟鹽燒三文魚頭，雖然等嘅時間係比較長，但是是值得的燒到好乾身，完全沒有肥淋淋嘅感覺芝士年糕咬一淡啲芝士流晒出嚟，溫馨提示：記得趁熱食，因為凍左年糕就會變硬銀鱈魚$88🐟完全沒有腥味，魚肉又好滑，旁邊仲有沙律好新鮮

元朗真係有好多日本料理，今日喺朋友口中推介呢間一番日本料理,地方非常方便就位於千色廣場附近嘅教育路，地理位置非常方便,平時午餐晚餐都是排長龍的，今日我5:30就到達，好彩不用排隊行到入門口已經聽到餐廳播着流行曲，出邊熱辣辣嘅天氣行到入去都感覺到冷氣非常足夠，非常舒服刺身多款而且新鮮肥美，壽司種類也比較多，給唔同類型嘅客人選擇珍寶赤蝦係每次必食嘅首選，大大隻蝦頭有非常多膏，肉質爽口鮮甜，賣相都比100分打卡呃like 一流芥辣八爪魚壽司，味道有少少微辣，紫菜非常爽口八爪魚嘅size非常大粒，食落口又煙韌，又爽口極上三文魚雪花腩刺身五片$58，望到個外觀已經知道非常肥美，入口中非常濃郁嘅魚油味，夠晒新鮮又夠凍蒜香雞翼4 隻$38，雞翼旁邊放滿炸過嘅蒜頭粒，非常香口，雞翼炸完之後，入邊嘅肉都非常嫩滑，並不乾身，外皮炸到非常脆，口感一流芝士年糕一共兩件$30，咬一啖芝士已經流出嚟，香滑嘅芝士再加上熱辣辣嘅年糕，配搭得非常好對芝士有興趣嘅朋友仔，必選嘅食物照燒銀雪魚$88，銀雪魚嘅份量雖然不多，味道甜甜的，食落非常惹味，加埋沙律醬配在一起，簡直完美仲有和牛粒係限定嘅，$298，價位適中，不算太貴

自己好鍾意食壽司 所以成日去周圍發掘下邊到有壽司店食 點知朋友知道我鍾意食壽司所以星期六就去左食呢間野 元朗壽司店真係冇得輸 大件而且勁平 所以每晚都勁多人排隊 好彩個日我地六點就去到 所以唔洗等位就可以入去食了 我地五個人叫左好多野食 好似食緊放題咁 哈哈手卷系列:有八爪魚 螺肉 魷魚 海膽手卷 食材都非常新鮮 海膽好鮮味 另外朋友好想有fresh既感覺 所以叫左二人前芒果鮮蝦沙律 果然冇叫錯 酸酸甜甜 好開胃 係開飯前食一流魚生 新鮮到不得了 特別鍾意佢既三文魚 好滑 入口即溶 另外叫左一些壽司 超級大件 食一兩件已經覺得好飽 份量十足 性價比高鰻魚壽司 長長既鰻魚 絕對唔會有覺得唔抵食既感覺 而且新鮮 絕對要點明太子雞翼 朋友叫的 佢話有d辣辣地 食唔到辣既朋友仔可以考慮叫唔叫牛舌 好嫰多汁 好食炸物 炸薯仔 咸咸甜甜的 而且即叫即炸 絕不行貨 好似食了一個物超所值既放題 人均140元 食到飽飽的 加上又大件又新鮮 鍾意食壽司既你就唔好錯過啦 超級推介!!!!

呢間成日都大排長龍嘅日本料理，終於都比我食到啦😆之前朋友食過話壽司好抵食好高質，我都吾係好信，因為高質得黎又抵食嘅日本野係香港已經好難揾到。好彩最後我都抱住一試嘅心態！不得不讚，壽司真係 無 得 輸！In terms of性價比，無一間比得上佢。件件都咁新鮮，份量十足！另外，佢地嘅鮮茄牛肉湯烏東都好入味，絕對會再encore又encore！不過，稍為有少少失色嘅係炸雞比較多粉，吾係好食到雞肉。不過overall黎講已經係接近滿分！另外要讚嘅係，待應服務態度好好，好主動咁過黎收野同勘水👍

今日放假約左朋友一齊去食日本野,已經搵好食邊間所以一直好期待好彩都無令我失望我地五個人都叫左好多野份量岩岩好首先叫左芒果鮮蝦沙律,好fresh 好開胃，做頭盤好唔錯,我地幾個人叫左二人份量,下次會叫份量多d, 唔夠喉😝叫左四個手卷,黃金魷魚、芝麻八爪魚丶縲肉同埋海膽😝份量幾多😋好滿足叫左個刺身,好新鮮,味道唔錯小食牛舌😋幾野味朋友想食炸物,叫左芝士年糕同埋甜薯好香口重頭戲 壽司☺️ 最鐘意 好好食好新鮮, 完全無失望鰻魚壽司好正好大條好正今餐好正,下次會再去食😋推介大家去食

黎開元朗探朋友，順便同佢係附近搵野食啦。見到有間好似好正嘅日本料理，於是就入左去食❤️。入面嘅價錢唔算貴，係走大眾化嘅路線😚原板海膽($68)海膽好鮮甜，入口即溶😝，無乜腥味，性價比超高😍刺身拼盤（$48）入面有吞拿魚、立魚、甜蝦各二，一片海膽同一隻螺，螺片好爽口，甜蝦清甜可口，非常抵食。原條蒲燒鰻魚（$49）鰻魚嘅肉質好嫩滑，而且燒嘅火喉啱啱好，令到佢嘅表皮帶一點燒焦嘅香味。極尚三文魚雪花腩刺身（$58）油花直係好足☺️入口即溶，食完仲會成口都殘留住個陣油香，好食到不得了🤤🤤。火焰雪花腩壽司x3（$48）D三文魚雪花腩太好食，忍唔住嗌多個火炙嘅試下，經過火炙之後，d雪花腩嘅美味又昇華左🤪，入口即溶，三文魚油香帶點火炙獨有嘅焦香🤯太邪惡啦。呢間野真係又平又好食，兩個人食完咁多正樣都只係300有找，認真抵食😊

上次山長水遠搭巴士去元朗，去到呢間食唔成，皆因排隊排到傻，想食分分鐘等成個鐘。今次同樣係星期三晚又經過，發覺竟然冇人排隊，時機到了，衝呀呢間出名乜都大份過人，唔知係咪佢地覺得元朗會多啲相撲手呢？份沙律簡直係一座山，大胃最叻就係坐食山崩㗎喇一般壽司一兩啖就會食完，呢啲壽司大到，大胃擘盡口都要分三四啖先解決到佢，不過原來啲壽司可以嗌少飯，但刺身真係好大份幾新鮮花之戀仲誇張呀，六啖都食唔完，大到食得好捩棄燒茄子賣相好吸引呀吉列卷皮好脆，內裡啖啖芝士！唔得喇，嗌親每樣嘢都大份到超乎預算，差啲KO唔到佢地呀

其實元朗啲壽司店間間都差唔多，但係比較出色嘅來講都係一番日本料理，選擇好多壽司又完全係符合元朗嘅要求大件夾抵食，另外主食方面都做得非常之唔錯，我哋嗰日叫咗一個盛岡冷麵，喺宜家呢個炎炎夏日食呢個冷麵真係出奇地順口，因為佢小小辣凍冰冰嘅，啲面嘅質地呢就好似芋絲咁但係在煙人少少，我哋眨吓眼就成碟都食晒，另外在叫咗一啲小食同壽司，我覺得比較令我印象深刻嘅，係明太子雞翼同埋鹽燒三文魚水撥，明太子雞翼辣辣地好開胃同埋燒得好香，鹽燒三文魚水撥就好滑，另外壽司就絕對係合格之選，成餐飯都食得好開心，好滿足

元朗老字號一番日本料理，其實我都有一兩年冇食了，因為冇成日去元朗以前讀書嘅時候成日蒲元朗，一個星期都食到一次一番㗎，今次重有故地，我就食返以前最鍾意食嘅嘢啦，咁耐冇黎一番佢多咗一啲新嘅優惠食物，生蠔$13一隻，珍寶赤蝦刺身$9一隻，真係忍唔住要帶來食下，生蠔好有海水味好甜，珍寶赤海蝦刺身都好新鮮，但係刺身真係食唔得多，會好飽！當然啦梗係要食必叫的芒果蟹子沙律，以前剩係得大size嘅咋，依家仲有埋細嘅選擇， 但係我哋梗係唔執輸叫咗大size啦，因為真係勁抵食！當然仲叫咗一番最大嘅特色壽司，件件都大大件，另外我哋仲叫咗天婦羅同埋一啲串燒

同朋友嚟到元朗做嘢，正值中午時段，有好多嘢食選擇，每間餐廳都很多人，經過這間日本料理，佢做緊優惠，細看一下正門的餐牌，價錢很吸引很超值。其實食物唔錯的，但個女店員服務態度真係好差，一啲表情都冇，好似欠佢好多咁，落單嘅時候望都唔望下個客，海膽即時點左一人一隻，味道唔算鮮甜，顏色亦一般般，唔推介。總嘅嚟講，食物不過不失，壽司、刺身都算新鮮，但希望唔該改善下服務質素。

難得入元朗玩，男朋友同我一早plan好玩咩食咩😝😝一場入到黎，梗係要research下防止中伏🤭見到呢間一番日本料理好人氣，多好評，重點仲要好平！就決定晚餐食~~極上三文魚雪花腩刺身（5片）$58.0大讚！呢個價錢食到極上三文魚雪花腩刺身真係冇諗過，魚甘味好重，油脂含量豐富，食完全個口都係三文魚雪花腩既味🤤🤤（特價）海膽刺身一板 $68.0抵！到！爛！一板total有12片海膽😋都幾鮮味㗎！（優惠）刺身拼盤👉🏻吞拿魚2片+立魚2片+大甜蝦2隻+海膽1件+北極翡翠螺1隻 $48.0到底點解可以咁平咁抵😭甜蝦好新鮮，吞拿魚同立魚非常厚切👍🏻原條蒲燒鰻魚 $49.0全晚食得最開心就係呢個🤪🤪🤪平到傻左🤪鰻魚控表示，雖然肉唔算激厚，但肉質鮮嫩多汁又冇骨，好滿意啊💕火焰雪花腩壽司三食 $48.0最後又encore多次三文魚雪花腩🤘🏻分別係香草、海鹽同埋鰻魚汁，火炙過更加入口即溶啊jengggg♥️希望下次入元朗再翻啅！