一番日本料理

營業中

休息中

今日下午嗌左2個餐，上第一樣野就知道張單入錯枱號，因為送左隔離再隔離張枱，人地話無嗌，我話係我地既，咁一上錯即刻拎走我覺得都ok，但知道左錯枱號之後其他野食繼續送錯哂，直到人地發現無嗌又拎翻過嚟比我地，我同侍應講放左係人地枱咁耐我唔要，隔左一陣又攞翻同一碟比我，我話我唔要佢又攞翻走，之後無再送過黎，完全唔知發生咩事，一開始佢哋已經知道錯枱號，仲搞到咁。最後我只係食左一開始送黎個兩舊壽司，但錢照收，一句唔好意思都無。

去到元朗通常都有各式各樣嘅美食🤪日本嘢同埋雞煲當然係最出名😊元朗都有幾間日本料理都排晒長龍，呢間都唔例外所以我決定六點就到步，唔使排隊😆門口望入去佈置得非常細緻職員都見到有三四個一踏入門口就感覺得到冷氣嘅涼快下次一定要來試吓下午茶時段，價錢非常便宜，傳聞中大大件嘅壽司只，售$6真係好抵店舖雖然不是太大，但位置都坐得舒服，寛敞👍🏻我兩個人都給我4人枱👍🏻只想都有唔同種類嘅食物有炸物，鍋物，刺身，卷物，珍味，沙律💋日本料理的食物都齊備晒牡丹蝦做特價$9一隻，蝦肉爽口，鮮甜，非常新鮮廚師仲好細心將蝦嘅腸除去才給客人食用帶子非常厚身夠晒鮮甜，北寄貝仲好爽口凍冰冰明顯從雪櫃剛剛除出夠晒新鮮沙律種類都有好多先想配料候選沙律今次我揀咗個魚生碎二人份量$42，配左蟹籽沙律，其實種類繁多，可以配黃金粟米，煙鴨胸，芒果鮮蝦，同雜果鮮蝦軟殼蟹反卷，入面啲軟殼蟹炸到卜卜脆又唔會乾身剛剛炸起熱辣辣，入面有青瓜絲同沙律醬一啖咬落去味道非常夾叫咗個鰻魚烏冬，加咗$20轉稻庭烏冬，烏冬個湯底熱辣辣，湯底雖然不是太濃郁，但是味道都非常足夠，原條鰻魚剛剛燒起😋外脆內軟🤪上面加咗甜甜的醬汁食落非常嘢未

長假期後嘅第一天，喺地獄一日剛完都嫌長，仲有漫漫長路先有下一日紅日放，都係食個勁飽肚晚餐，飽死自己算喇，飽唔死都有力第二日返工啦$9一隻手板咁長嘅赤蝦，抵到核爆，個頭仲要好多蝦膏十幾蚊就有一隻生蠔，仲要冇乜腥味，食得安心又開心呢度嘅壽司唔係細胃組織可以挑戰到，料大飯大，大胃都好少食到咁厚嘅白豚肉通常左口魚邊薄切切，但呢舊非常厚，好彈牙又充滿油香牛舌唔會燒得嚡，好嫩口壽司大，卷物有過之而無不及，飽到你成仙魚生丼一樣大大碗超足料仲有味噌湯送𠻹好彩大胃懸崖勒馬，再嗌真係會食唔晒

行完山行到元朗國想同朋友食壽司, 原本想去對面的黃店魚一, 不過個邊大排長龍. 真係太肚餓所以試呢間。入到去坐底左揀壽司, 揀完一張點餐紙比左一個女侍應落單先, 仲睇緊另一張都比佢拎走埋?!想講而家限眾令已經唔多人，所以無籍口話一個侍應要serve太多人太趕。如果多人又咁既態度，少人又咁既態度，請一番既工作人員認真考慮下你地適唔適合呢份工。至於食物方面，冇其他食評講既大件夾抵食，因為真係唔大件，啲壽司飯又唔好食。總結，因為服務同食物質素都欠佳，所以無下次。Ps. 呢間唔係藍黃list

同男朋友六點前去到，見到有特價刺身，所以隨意地揀咗少少，唔同嘅刺身都好新鮮。特別一提，珍寶赤蝦真係好大隻，只係$10，所以我哋兩個傻仔叫咗六隻，但原來夜晚Menu裏面仲抵，只係$9炸，所以之後唯有叫多一轉啦🤣依間d壽司係相撲size，超級超值，望吓卷物依張相，係用兩隻炸蝦去做架！沙律亦都好大碗，拎嚟影相真係啱晒啦❤️呢度有幾樣食物都係蒜香X X，上碟嘅時候碟碟都係一樣架，因為超多蒜，如果鍾意食蒜嘅話應該會好正，但個人認為就好似多蒜得滯，最後會浪費曬，同埋好似好熱氣咁😅溫馨提示：早d去，6:40pm離座時出面有十幾廿人等ing位

#cassiegoyuenlong-瘦編本身今個月去東京旅行，但因為疫情影響，所以冇得去。有冇朋友仔同我一樣呢？唯有繼續同朋友去下日本餐廳食日本菜望梅止渴啦！💛-今日收工瘦編同朋友去左元朗教育路附近搵食。一開始入座6點幾都唔算多人，慢慢7點愈黎愈多街坊客出現。餐廳上菜速度好快，叫左刺身同壽司無耐就有得醫肚。刺身叫左三文魚腩($48)同油甘魚($42)，壽司就叫左甜蝦($9)、醋青魚($10）同赤龍卷($39/4件)。刺身味道鮮甜，不過Size就偏細，相反壽司就好大件好抵食，重點係赤龍卷，一登場就即刻哇左一聲，隻炸蝦大隻到！😍-小菜叫左軟殼蟹天婦羅($39)，主菜叫左豬軟骨番茄湯底烏冬($59)，兩份都係好大份，天婦羅即叫即炸，蕃茄湯底好濃郁。黎依度食野真係唔好一開始叫太多，因為件件都咁大件咁抵食，好快就飽肚。埋單個陣，仲送一支細細支嘅酒精搓手液俾我，好Sweet呀，推介新界西人黎試下。👍🏿-味道評分▶️🌕🌕🌕🌕🌑 (4) 抵食評分▶️️🌕🌕🌕🌕🌕 (5)回購評分▶️️️🌕🌕🌕🌕🌑 (4) -➡️ 一番日本料理 (元朗)📍 元朗教育路29號地下C舖-IG: cassiecwy/ cassiegetfa

好多年前食過一次。尋日突然想起，同男朋友再次光顧，價錢都係咁抵食。味道唔錯👍🏻三文魚新鮮...芝士焗蠔好食👍🏻環境都唔錯，服務態度都唔錯。都值得去食☺️

（相片=原圖）一段時間無返元朗食飯啦。今晚一家人係元朗一番食日本料理。大家都係第1次食呢間,不過聽講就好平好抵食今晚去唔洗等位就入到去。好多野都做緊特價生蠔都係13蚊一隻,試左半打,雖然唔夠肥美但都算新鮮。推介***海膽*** 一板都係68蚊,真係出面好少可食到呢一個價,而且係好食。點少得order埋超人氣,大割引既刺身都係承為58蚊。花之戀都係大大舊,好滿足呀其他熟食: 整體真係如聽聞一樣:平靚正,上菜速度快,食物選擇多,真係要encore多幾次~一番日本料理地址:元朗教育路29號地下C舖電話號碼:35210387|營業時間:星期一至日12:00 - 23:30

那天晚上我和太太及外父母等共四人，一同前往在元朗教育路的一番日本料理，以品嚐一頓日式膳食晚餐。首先我叫了一碟日式什錦炒拉麵。它乃是以豉油或醬油炒拉麵作主底，並配以一些主要餸料如紫菜絲、紅蘿蔔絲、椰菜絲、洋蔥絲、蔥菜絲及牛肉絲等，甚有鍋氣。熱辣辣一碟炒麵，吃落口麵質真嫩滑具彈性質感，連餸料一起吃便更惹味十足。然後我外父母則叫了一碗肥牛湯拉麵。它乃是以豬骨湯拉麵作主底，再配以熟咸蛋、紫菜塊、粟米粒、肥牛塊及蟹柳塊等餸料，也算是典型的日式湯拉麵。和炒拉麵一樣，滲了滾熱湯汁的麵質入口當然更具彈性嫩滑，也正是日式拉麵的主要賣點。此外我太太也叫了一碟六塊的加州卷壽司。它以細細橙色的蟹子粒鋪在飯團面上，內裡則包著切紫菜絲、切熟蛋及蟹柳四方粒等，及再加上wasabi鮮醬油作調味料。這類壽司食品亦是日式膳食餐中典型的添加小食。

有邊個元朗人未食過一番日本料理？印象中10+年前開始幫襯，小店唔算太大間，但係平靚正，仲要大大份！爸媽一直未食過🤣 慰勞下佢哋$150已經食到佢哋飽飽🥰🥰襯而家冇咩人出街食🙊 去到唔怕太多人😂 中午12:00先開門，做到第一個客人🤣必點刺身、壽司🍣食得出係新鮮、衞生，食親都未試過肚屙🙊「迷你雜錦壽司配烏冬」只係$52有8件唔同款式嘅壽司 跟餐+$10就有前菜、蟹子沙律、甜品（係泡芙）+$5 有多2件三文魚壽司真係抵！到！爛！食多啲飯好呀😊 儲米氣「咖哩吉列豬扒飯」，跟餐送麵豉湯😋 大大碟，飯、豬扒、咖喱汁都好多！地盤佬都夠食！豬扒炸得非常香脆可口，皮脆肉嫩。爸媽真係好鍾意食三文魚😂 每次去日本餐廳都要食額外點咗4件三文魚刺身 $43 都幾厚身，冇咩腥味👍🏻呢個價錢來講，食物質素算係物超所值。餐廳衞生情況可以，可以放心食。

放左工突然好想食日本野，咁夜附近無乜舖頭仲開門，就黎左開到十一點半嘅一番，之前黎食過記得佢好夜先收門，哈哈。原本已經超長嘅餐紙外，仲多左特別餐牌，越來越多選擇啦。叫左呢款特價刺身set，48蚊有三文魚，油甘魚，北極貝，北極翡翠螺，帶子，抵到爛呀！刺身新鮮厚切，加少少芥末，豉油都唔使點。黎到又梗係要呢度啲超大件嘅壽司啦，頭一件係京蔥三文魚碎軍艦，京蔥香口三文魚下得很多，大大件正呀。三文魚壽司拖尾㗎，好長嘅魚生，哈哈。後面係蟹籽沙律腐皮船，呢度個蟹籽沙律超大盤，以本人嘅食力應該食唔晒，但又想食喎，咁唯有叫住同系列嘅壽司先啦，好多沙律醬好正呀，腐皮又甜甜地咁，好味好味。仲有中間呢件三文魚沙律軍艦，熟左嘅三文魚撈左沙律醬，鍾意食沙律醬所以覺得佢超好味，勁多醬太正了。淨係食刺身壽司有啲悶㗎嘛，又叫啲香口野過下引，要左呢樣脆炸南瓜餅，可樂餅又係本人至愛，成日買黎食嘅，自己炸咁多功夫梗係出街食啦，即叫即炸熱辣辣，南瓜蓉甜蜜蜜，爆餡再加上勁脆外層，點埋沙律醬又係好好味。最後想食下肉點左一串鹽燒牛舌，黑椒香口，牛舌軟腍，都唔錯呀。九點後入座有野飲送，揀左熱柚子蜜，唔過甜幾好飲吖。一個人食左百幾蚊，好飽好

平時坐車經過見到好多人都想入去食下，今日放假終於有機會來個一人日本料理，慢慢嘆下入到去睇到餐牌好平呀，所以決定試下吉列豬扒定食，仲要加埋餐黎到個陣已經覺得應該幾脆口， 同埋佢個飯真係好多，如果食得少飯既一定要講少飯，如果唔係哂左真係，前菜係沙律同螺肉，同平時食開日本餐既無大分別去到食豬扒個陣，佢地吉列豬扒好大塊，而且佢真係好脆口，肉又嫩，哩個價錢食真係好抵好吸引重頭戲黎啦，壽司🍣壽司佢地都好新鮮，飯可叫細舊啲，但係當下唔記得左所以真係食得太飽，下次再食可以食刺身最鐘意都係食佢個赤蝦，貝同埋魷魚，佢地都好鮮甜另外仲有個燒蠔壽司都好好食架， 不過唔記得幫佢影相不停都見到一家大細同埋啲朋友黎食飯，因為真係好平好抵食，下次都要再黎食，平時出街食到咁平咁大份同咁有質量既定食

佢地D軍艦壽司 只要10件就可以質飽一個人。而且飯煮得好，魚肉亦夠多。雖然佢地既炭燒雞肉比想像中細粒，而且外賣豉油質素亦唔算好，不過依家係人都識係超市買萬字豉油，所以問題不大。刺身方面，或許要係現場食先會好味。外賣既話叫軍艦就好。總括黎講，係一個又好食又平既選擇。

唔知食咩好，見幾full 就入去試吓，真係畀佢d壽司size 嚇親！🤣鋪頭唔算大，坐得少迫但香港地黎講都算正常！點餐方便，自己係餐紙tick 就ok！環境正常，嘢食種類都頗多！海膽刺身：是日海膽刺身特價，即管嗌嚟試吓！估唔到又幾好味，幾重芒果香味，又冇腥味！軟殼蟹反卷: 一嚟到真心嚇親，一舊好似岀邊兩舊咁大舊，味道都唔差，絕對抵食！雜錦魚生飯: 又係超級無敵大碗，食到勁飽！三文魚有驚喜，油脂好豐富食落去好滑！吉列豬扒飯: 又係勁大碗, 豬扒好大舊, 淨係個size已經好驚喜！關東煮: 味道OK，分量十足！總括黎講，味道ok，嘢食大件夾抵食，值得一試！

本身元朗做開平價日本料理都唔算多, 今次食到呢一間日本一番料理打在的旗號做街坊生意, 食材本身也十分之新鮮. 你約七點出面已經好多人等位, 雖然舖頭唔算大, 但係啲嘢食嚟得好快所以啲人食完都好快走. 唔使等得太耐就可以拎到位. 餐廳有好多款式餸菜. 連一板海膽都唔使70蚊, 十分抵食. 今日同老婆叫咗呢幾樣餸. 原板海膽新鮮又唔腥, 海膽尺寸都屬於大粒. 跟住嚟左個軟殼蟹反捲, 真係嚇死人因為好大粒. 留意到佢個餐牌係有少飯可以叫, 我叫咗小飯會係普通一般嘅size. 否則我覺得人食一碟已經夠飽. 之後食咗個海鮮丼, 吉列豬扒定食, 關東煮. 海鮮丼都好多海鮮, 完全對得起個價錢又新鮮, 跟住豬扒定食50蚊到有湯有沙律, 豬扒鬆脆. 至於關東煮又係大大碗附有糖心雞蛋同埋元貝. 300蚊食到捧住個肚超讚.