一粥麵 (大本型)

營業中

休息中

皮蛋瘦肉粥，外賣到我食，都成十分鐘；仲係熱辣辣的，夠熱已經抵讚。食粥都係粥底為先，雖然佢個份量好大碗，但粥底就偏向水一啲，算唔上粥底綿綿嘅感覺，還好的是有相當嘅粥味。至於皮蛋、瘦肉，製作同粥舖無異，但似乎分量就偏少。如果佢嘅粥底，可以放多幾粒米，粥底厚實啲；再放多少少材料，其實都相當相當抵食。齋腸粉好好食，米香好出，可能係新鮮製作嘅關係，無喺平時粥鋪、一朝早整定焗到淋咗嘅感覺；稱得上彈牙。配上李錦記嘅甜豉油、甜醬、同埋麻醬，配合得一絕。再講有成 6 條，每條都有 6 寸長，以加 $8 嚟講簡直係超值。冰鎮凍奶茶，童叟無欺，連外賣都真係冰鎮住。凍奶茶未稱得上絕佳，但絕對係可以一飲再飲。更何況係加 $9 就有了，真心係抵。後記，冰鎮奶茶啲冰，除咗冰鎮住杯奶茶外，仲有乜嘢用途呢？就喺我食完粥想洗手嘅時候，佢就派上用場喇！（注：今餐我係坐喺街食）

今日自己友食下午茶啦，咁我就叫咗佢最平嘅雲吞麵嚟食， 咁其實佢個雲吞麵我覺得就 還可以的，面就普普通通，不過雲吞都算幾好食，而且價錢又平， 咁呢個都算係窮人嘅恩物嚟嘅，希望佢可以用呢個價錢去調整下其他魚蛋麵牛腩麵啦， 畀多啲選擇我哋咁就好了。

天氣開始涼， 返工前好想食碗熱辣辣嘅粥，就諗起一粥麵，佢開咗咁耐我都冇幫襯過，今朝仲有時間可以試下。。。叫咗生滾荔灣🛶艇仔粥同 羊城🐮牛肉腸粉見仲有少少時間就堂食， 點知一直等， 時間一分一秒咁過去， 擔心唔夠時間食，眼見其他人嘅食物都到，但係我仲未有， 店員都有 主動 幫我查看為何咁耐， 跟住佢同我講因為食物是即做的， 心諗粥底唔係一早煮好只係加配料就得， 腸粉都係返熱啫🤔🤨店員講完我先留意到，原來羊城🐮牛肉腸粉係人手布拉即造，咁需要多啲時間整都合理， 點都好食過現成翻熱嘅🤭 都有少少驚喜 味道不過不失🛶艇仔粥普普通通冇乜特別但都算係足料嘅有 脆花生 ，蝦，魚，豬皮， 魷魚so so同叉燒

午餐諗唔到食乜之際見一粥麵唔使等位就入去試試佢。午市最麻煩就係要等位。因為大家lunch 時間都差唔多。得一個鐘。等位可能都佔你四份一時間。嗌餐等送餐。之後又要趕頭趕命咁食。打工仔真係命苦。好在我入坐前已經睇岩食乜。順手嗌埋就坐低等嗌號碼。香酥上海排骨，菜飯配肉燥四季豆加凍奶茶菜飯個份量可以再多少少就好啦。排骨唔夠熱。比較油膩。午市整定都明既。四季豆凍食還可以

係屋企煲粥始終都煲唔到好似出街咁綿，所以有時都要出街食下😛。粥呢樣野真係唔係有病唔舒服先食，有時餐餐大魚大肉，之後食返餐清清地都係幾好😝。咁就食返個粥餐，一個粥加一個小食，睇落好似好少嘢，但食落去就其實好飽😌。🔻皮蛋瘦肉粥🔻軟綿綿嘅粥，加上皮蛋瘦肉，據說有下火功效🤣。溫度不燙口，入口剛剛好，好舒服😌。皮蛋大約半隻，少許瘦肉，加上少少蔥花幾粒花生，分量配搭得幾好🤪🔻豉油王炒麵🔻唔會成咀油，味道幾好，不過唔夠熱，凍凍地😞，敗筆🥺，如果熱食應該係幾好🤣

一向我都覺得樣 #一粥麵 啲食物質素唔差，所以好多時簡簡單單一餐嘅我都會揀佢。呢日嚟到 #油塘 睇中醫，就順便喺 #大本型 裡面間 #一粥麵 食埋飯先返屋企。不過呢間分店似乎選擇唔多，所以我諗住揀佢哋嘅推介食物，包保冇錯。#海鮮炒麵 拼 #皮蛋瘦肉粥，承惠$50。俾錢之後，收銀員俾咗個 #號碼牌 我，話我一陣就有人嚟送餐，我仲以為佢哋咁先進啦，等左大概10分鐘，聽到個姐姐周圍叫號碼... 原來叫緊我，真係難為啲佢哋喇😌 講到啲食物，真係唔多掂，所謂嘅 #海鮮炒麵，#蟹柳、#蝦仁... 全部都係雪藏貨，黑蚊蚊咁、好唔新鮮，仲要係冇翻熱就撈埋落啲烏冬度，烏冬亦都唔似炒過，廚師係應該攞住熱水將烏冬煮熱，加啲蠔油就算數😕 整體感覺 #一粥麵 對人客超冇誠意，而且地方擠迫，又冇人管理，好多一兩個人就罷一張枱，最終搞到我要抱住個大旅行袋食哂成餐飯... 難受🧐

今日放假日在家又不想遠行，就落去一粥麵買個下午茶，又不想食粥，就買了一個刈包，豬扒包配火腿銀針粉飲茶走都不用三十元，都幾抵食。刈包入面的豬扒十分大片，但一咬之下竟然凍的，醬汁不太多但都夠味，豬扒口感都不錯，刈包底有點濕但都軟熟，但是凍的有失望。之後的銀針粉份量不多都夠食當下午茶，湯底都有味不錯而且都幾多火腿。飲品茶走味道吾夠香滑，普通不太差，坐在這裡都不錯又沒有趕，隔離食乾炒牛河都幾香，下次都試一試先，價錢三十九元都可接受。

一粥麵周年限定飯在網路看到都幾吸引有煎肉餅仲有菠蘿，午餐肉同蛋加飲品好平就去買，幸好來到時真的有當然即時叫了這個新飯，沙丹肉餅飯配熱檸檬茶三十三元再加八元要了糖水喳咋。買完外賣回家一打開同廣告相片差不多有驚喜，醬汁都是豉油汁，午餐肉切得好薄而且仲要是凍有失望，蛋都是凍的，肉餅都幾厚身有溫度，有豬肉口感，入面有爽口粒粒再加有洋蔥，都幾好味，白飯份量都足但是一食落去太濕口感不太好，熱檸檬茶有點苦，如整體熱點應該會加分不少，有時有些新鮮感的確不錯。

咳咗成個星期😷 #小秘書 終於捱唔住要去睇 #中醫😷 收工去到 #中醫診所 見到登記咗嘅病人已經差唔多排到出門口😅 姑娘👩‍🔬建議我先去食啲嘢再返嚟，反正要飽肚食藥，一陣仲可以順便啪埋包藥💊先走人。咁我唯有四圍行吓，睇吓有咩啱食啦😚#小秘書 路過 一粥麵，諗住入去食碗粥啦🥣 不過醒起自己晏晝嗰餐又係食 #粥... 好悶啫🧐 見到廣告牌上嘅 #細蓉 好吸引🤤 心多多嘅我馬上轉呔🤪 講明係 #細蓉，份量當然唔會太多，碗裡面大概得三四注麵🍜 + 三粒 #雲吞🥢 不過 #小秘書 飲得出個 #湯底 好重 #左口魚鮮味，而且 #雲吞 嘅 #餡料 都 #好豐富，幾樣嘢併埋，又真係幾得㗎喎👍🏻 而呢個 #下午茶餐 仲有隻 #雞翼 同 #奶茶，夠哂豐富都只係$32！唔怪得成日都咁好生意啦😉

夜晚9點半黎到。見到有宵夜套餐。揀左雲吞麵+炸鯪魚球。$33。去到等拎餐。等左好一陣子先講冇哂鯪魚球。咁就唯有轉時菜走油。見佢好快就淥左碟菜出黎。之後等碗麵又再等左成15分鐘。其實當時絕對唔多食客。個湯冇雲吞麵應有嘅香味。就係普通味精湯。食個麵時發現完全唔掂。雖然麵好爽口。不過鹼水味超重。咬多兩啖啲苦味就出晒嚟。雲吞有5粒。包到有鳳尾。蝦亦都爽口。不過味道係超市買急凍貨嗰啲味。明白對快餐店唔可以有太高要求。不過餐廳餐盤張紙係用雲吞麵做selling point。自然有啲期望。不過落差真係太大。

做完應該做嘅事之後就去醫肚，真係要食番啲嘢補充下體力，先至可以繼續抗爭落去。正所謂長命工夫長命做，有啲嘢唔係一朝一夕可以完成得到，喺個長期抗爭，食好緊要去咗一粥麵叫咗杯奶茶同炒牛河嚟食，河粉炒得好夠鑊氣，炒得好正，牙菜好香口，牛肉好淋好滑，食啲牛肉落口就知道師父用得好多，但係又非常好食，河粉食落口覺得好油，但係呢種油油畀我有好大充實嘅感覺，成個可粉都好夠味道而且好夠鹹，好啱我胃口。奶茶夠熱， 奶同茶嘅比例應該係好夾，我就覺得一杯奶茶落3包糖嘅味道最正。食完之後就覺得渾身是勁。

呢間算係大本營平較平嘅餐廳，所以我今日就揀左呢間！魚片頭墨魚丸撈粗麵本身個麵冇乜味，得少少豉油味，仲要係淋上去個隻，所以啲麵係吾入豉油味，浸完個湯，基本上係冇味！魚片頭就普通，都算彈牙，個皮就吾算炸得香脆！可以落翻少少調味料，例如:孜然粉。墨魚丸，就麻麻，有少少甜甜，吾太彈牙，裏面冇乜墨魚粒。呢個餐會有喳喳甜水，不過我希望會有多啲款式嘅糖水比人揀，因為吾係個個都食(包括我)，如果有啲大路啲嘅紅豆沙就會比較好。

今日(12-5-2019 Sun),同老公專程去拜祭萬人尊敬,意外去世o既歌手,時值中午,因怕老公拜祭後,至行去調景嶺食飯會撐唔住,於是就算唔肚餓,都o係o度食個晏先.我o地share一個$39.00o既福建炒飯餐,要凍檸茶,再買多杯$15.00o既冰鎮奶茶.等o左一段時間至有.份量都幾足,我先飲啖奶茶,杯裡面本身都有啲冰,好夠凍,茶味夠濃唔澀但夠滑,正.福建炒飯呢,有5隻蝦仁,啲汁充滿冬菇味,飯有啲硬,係煮唔透.抵食係2.7分

It’s been a while since I have last ate in the restaurant as the previous experience was not really good.... however I just pass by and notice they have a new congee Seafood Garoupa Fish with dried scallop congee.The set came with a fried bread which is a traditional Chinese style deep fried bread that serves along when ever there’s congee also there’s a cup of Chinese tea included I’ve added additional $8 for a 🍽 of vegetables it’s fresh and not over cooked just the way I liked itThere are ar

黑醬油雞髀+撈粗$38🐤🍜今日經過一粥麵，諗住頹頹地買個快飯🤔效率非常快，5分鐘唔使已經由落單—>食到👍🏻👍🏻👍🏻1. 撈粗份量都好少，作為dinner唔夠飽🙅🏻‍♀️2. 豉油雞髀色水就好黑，但一啲都唔入味🙅🏻‍♀️價錢對比其他餐係好超值，但唔推介👋🏻另外見到姐姐跌咗隻杯落地下，用熱水沖一沖又拎黎裝紅豆冰😢😰雖然表面唔係好污糟，但係感覺有點唔良好😅🤨Anyway都叫抵食又快嘅