一粥麵 (大本型)

營業中

休息中

做完應該做嘅事之後就去醫肚，真係要食番啲嘢補充下體力，先至可以繼續抗爭落去。正所謂長命工夫長命做，有啲嘢唔係一朝一夕可以完成得到，喺個長期抗爭，食好緊要去咗一粥麵叫咗杯奶茶同炒牛河嚟食，河粉炒得好夠鑊氣，炒得好正，牙菜好香口，牛肉好淋好滑，食啲牛肉落口就知道師父用得好多，但係又非常好食，河粉食落口覺得好油，但係呢種油油畀我有好大充實嘅感覺，成個可粉都好夠味道而且好夠鹹，好啱我胃口。奶茶夠熱， 奶同茶嘅比例應該係好夾，我就覺得一杯奶茶落3包糖嘅味道最正。食完之後就覺得渾身是勁。