一粥麵 (大本型)

營業中

休息中

皮蛋瘦肉粥真是美味至極。粥的質地綿軟順滑，搭配著鮮嫩的瘦肉和香濃的皮蛋，每一口都散發出濃郁的風味。鮮蝦雲吞麵。這碗麵條彈牙有嚼勁，湯頭鮮美。雲吞裡面的蝦肉鮮嫩多汁，配上麵條和湯汁，每一口都充滿了美味的滋味。我還品嘗了他們的粟米瘦肉粥。粥的口感綿軟，粟米的甜味和瘦肉的鮮美很好地融合在一起。這碗粥讓人感到溫暖和滿足，是一個美味的早餐或輕食選擇。

一粥麵推出左粥底火鍋系列🍲，包括有椰子雞豚肉同鮮牛肉雜錦兩款口味！兩款都配搭鮮甜既魚湯粥底+綿滑靚粥，呢兩日凍冰冰最岩食🍲椰子雞豚肉粥底火鍋$79:有滑雞(半隻)、豬頸肉、雪耳、紅棗、椰子，嫩雞肉+椰子🥥幾清甜，加上雪耳紅棗，感覺好滋潤🍲鮮牛肉雜錦粥底火鍋$75:有鮮牛肉片、滑雞、鯰魚片、魚蛋、魚腐，鮮牛肉幾嫩滑、重牛味，仲有雞肉、魚旦、魚腐&鯰魚片，份量十足！👍🏻👍🏻兩款都配勁多生菜&菜甫粒、蔥花&炸花生，加埋落粥度食，又升左級$11 另加美國穀飼肥牛及果茶，牛一般般，但$11勁抵，冇要求啦$5 另加油條：油條脆卜卜，配粥一流$9紅豆沙：煲到起沙，唔過甜，正天氣甘凍，食完成個人即刻暖笠笠♨️♨️大滿足🤩🥳

早餐走咗嚟一粥麵，叫咗兩個餐火腿通粉配炒蛋，套餐包了一杯熱飲$29其實火腿通粉在普通茶餐廳經常見到，但今次係一粥麵食不停問自己在吃什麼通粉好似未發透咁硬硬地，成碗通粉唔夠熱只係暖暖哋，一路吃都驚自己會肚痛餐包配炒蛋，餐包是曾經加熱過，但不夠熱又係暖暖地，炒蛋算係最正常皮蛋瘦肉粥配叉燒包和炒麵$38 諗住一粥麵食粥品應該冇死，點知碗皮蛋瘦肉粥沒有味道好似唔記得落鹽一樣從來未食過這種種味道獨特的叉燒包一路食一路覺得伏伏伏成個餐最正常嘅味道算係炒麵，唔太油膩都仲食到落口下次早餐都係食其他餐廳會比較好。

同朋友去響鑽石山做完嘢趕住去油塘，諗住中間時間快快脆脆食少少嘢填下個肚，但係油塘嗰頭唔係好熟地方，咁就直接簡單香港商場嗰度搵咗一粥麵食，地點方便鄰近地鐵站響商場入邊，望落都乾淨企理，不過唔知係咪接近晚飯時間，所以要搭枱，不過問題都唔大。唔知點解我朋友覺得送餐機械人好得意，可能之前一段時間佢太少出嚟食嘢。我叫咗一個咕嚕肉飯餐，個餐原來有跟埋個雲吞雞鍋，仲有一杯茶，碗飯亦都好大碗，所以淨係依份量你計真係好抵食。仲有送多一張抽獎券添。白飯冇乜嘢特別，軟硬適中，咕嚕肉味道都算還可以嘅，份量都尚可，係有部份咕嚕肉會比較淋咗少少冇咁香口。但係仲要加埋個雲吞雞喎，真係有一隻原隻雞響度，仲有幾粒雲吞，個湯都幾甜，隻雞就冇想像中去到咁淋，但係食落味道都OK嘅，重點係呢個餐嘅價錢加埋真係好化算，下次再有機會經過可以試吓其他嘢。

好耐之前食過，啲食物質素差，估唔到而家都冇改進，啲飯硬到起晒骨，真係勁，咁差質素既米都俾佢揾到，食完都胃痛😡😡😡結果咪就係剩晒喺度囉！垃圾！都唔知點解仲可以生存到

知道油塘區新開了一間平價超級市場，所以今天下午搭港鐵去油塘站購物，行出地面，正下微雨，故進入商場避雨，迎面見到一粥麵，決定和太太食完下午茶再行。購買一份下午茶餐：鼓油雞脾配齋腸粉，附送奶茶。又利用本身的長者咭免費獲贈奶茶一杯，轉送給太太飲用。再加$9加配油菜，50元不用夠兩人吃了。雞脾很大隻，鼓油滷得很入味，肉質軟稔，非常美味，腸粉熱辣辣，軟綿綿，再加些花生醬和甜醬，味道不會輸蝕給街頭美食！最欣賞是一杯熱奶茶，豐富的茶香令人回味，疲倦盡消！大眾化的價錢，坐得舒適，望望手機資訊，亨受了一陣閒逸時光！

又買啲外賣下午茶食下.$28 細碗的細蓉雲吞麵+ 一杯紅豆冰$33 細碗的細蓉雲吞麵+ 一隻雞翼+ 一杯紅熱咖啡- 湯和雲吞麵是分開裝的, 不過始終是外賣, 麵質都是有啲冧，同在餐廳食有分別.麵都真係幾細碗，份量就當然唔會太多啦，但係性價比都算唔錯。- 紅豆冰都算幾好食, 有啲起沙的感覺。忘記了叫少冰,否則應該會更好。- 雞翼就麻麻地好食，唔夠香，比較乾。- 咖啡質素就真的不好了，感覺好稀，無咩咖啡味,又無奶味，失望呀.

呢日我約咗朋友喺大本型行街，不過佢一早已經同屋企人食咗個大早餐，而我又急急忙忙趕出門口未食嘢，唯有去到商場食個快餐再集合。一心諗住「一粥麵」都ok嘅，我見餐牌上嘅京都豬扒套餐又幾吸引，就點佢燈啦。等咗十分鐘有多，終於有嘢食。我一心以為就好似招牌上寫嘅一樣「fresh homemade」，點知碗白飯就已經穿哂煲，唔熱不特止，仲好似喺微波爐叮完出嚟咁「硬倔倔」，而京都豬扒亦一樣，溫度唔凍唔熱，肉味亦唔太新鮮。當時因為朋友已經到咗，我又唔想佢等太耐，唔係嘅話我一定會要求退錢或更換🤢🤮另外我要投訴嘅係幾個服務員企喺水吧附近傾偈，啲食物剛由廚房拎出嚟，又未冚蓋，佢哋繼續喺側邊高談闊論，互相研究點推銷啲coupon，好唔衛生啫😑 唉 又一次中伏！

一粥麵外賣羊腩煲天氣變冷了 突然很想吃羊腩煲啊本來想買大快活的 可是竟然已經下架了 傷心於是去試試看附近的一粥麵羊腩煲二人餐價錢是$188 雖然比大快活貴但似乎一粥麵的份量比較多而且已經有附白飯2碗和已清洗的唐生菜一盒如果在大快活買得到的話白飯那些要另外加錢哦忘了說 在一粥麵網站先下單的話買滿$100有9折所以最後只需$169.2言歸正傳外賣自取的包裝比我想像中的專業耶有一個大紙盒, 裡面還有一個錫紙盤放著瓦煲(外表看來很想蛋糕盒 哈哈)賣相也不錯在家直接把瓦煲放到明火煮食爐上再加熱就好了拿自家製足料的羊腩比較就沒意思啦以外賣來說 覺得是合格以上喔羊腩不會咬不開 肉也挺入味的馬蹄雖小顆但有很多整體味道不錯比較不足的是腐皮比較硬 可能因為事前浸泡時間不足而且份量足夠2個人吃

一粥麵嘅豬潤粥都幾好食，入面嘅豬潤份量多起碼有五六舊，而且切得都厚，最緊要係煮嘅時候唔會煮過龍，所以其實都好爽脆，再加埋一啲枸杞葉，帶呢小小清新嘅味道，上面亦配咗一啲花生豆，增加口感。

一煲羊腩煲裏面大約有五至六舊肉，跟住裏面有啲冬菇、馬蹄、支竹、唐生菜、白飯同埋一杯茶，盛惠$118，唔知我係咪食米唔知米貴，我覺得以快餐店來講食個set要$118我覺得好貴，定係其實出面都係咁嘅價錢？！講返個羊腩煲先，其實佢煮得幾好食，羊腩又夠淋，又入味，再加埋個腐乳醬，真係可以爬多幾啖飯。然後再煮埋啲生菜入晒味真係好正。跟餐加$10可以有一碟牛肉，大約4塊左右，$10無你又唔加，因為本身羊腩會令到你唔夠喉，加埋牛肉多幾舊肉食會好啲。

30幾蚊一碗鬼馬碎牛粥，得一舊膠羹份量嘅肉，仲要未整散，一舊過，自己用筷子都整唔散，碗粥亦完全無味道，以為係白粥，30幾蚊買碗白粥，好過去搶。腸粉又唔俾甜醬花生醬，食豉油腸粉。

前幾日天氣開始凍❄️好需要尋求熱能最終走咗去一粥麵食個新出嘅麻辣系列煲仔飯🍲一口氣試晒兩個新口味♨️麻辣滑雞臘腸/麻辣排骨煲仔飯♨️兩個口味都有原條臘腸，配料嘅量都幾多重點係煲仔飯有焦脆嘅黃金飯焦，飯粒軟腍加上甜豉油味道真係唔錯😚排骨同埋雞肉都都又滑又軟腍，臘腸油份多，熄晒成個都幾滿足😋麻辣味唔會太辣但加咗的確係惹味啲🌶而家午市晚市都有得食，手機落單去到就即刻有得拎，原煲外賣可以返屋企慢慢嘆星期一至四夜晚6:30前嚟食仲可以減$10添😚

Quite cheap in tea time. Noodles and soup will be served in different bowls. But I think the quality is not as good as dine in. Better go dine in if want to taste better But it’s quite fast to buy the takeaway. Still a convenient and valuable choice!

大家樂旗下既一粥麵，相信好多人食過，但我去親都係食🍜，今日同老婆黎食個快lunch，就試下佢啲🍚，一款有平有貴既福建炒飯。佢係素鮑片福建炒🍚，鮑片絕對係超市貨，純粹用黎升Lv。但佢個炒飯本身唔錯，炒🍚底香噴噴，加上冬菇🐷肉蠔油芡，夠晒惹味😋，重點係啲🐷肉唔肥，啱晒我口味👍🏻。我老婆叫左個無骨豬👋🏻菜飯，味道都唔錯，但我都係覺得我個福建rice啲。連鎖快餐店黎講，呢個炒🍚既質素真係唔錯，唔輸出面七八十蚊個啲，真值得嘉許。👍🏻