一粥麵

營業中

休息中

周日原本是預計去麥記食件pancake ,見過了十一點 都係試下隔離的一粥麵。見到有個生滾薑絲牛肉通心粉 $31 包一杯飲品，一件多士及疍。我走多士，都覺得超值。薑絲牛肉都好，回家加了點黑椒粒，添加味道層次。牛肉雖然不是超班，但都滑嫩，炒疍下次可以改荷包疍會好D。今天烚疍賣晒不然烚疍是最佳。最初還以為過了十一點就唔係三十蚊，點知是全日價，真係退休之選，實在可以再訪。下次試埋干炒牛河，佢話即叫即做 ，究竟係咪真？

香港不論連鎖快餐店抑或茶餐廳，大多都有供應雞髀紅豆冰茶餐，可謂一個經典配搭！主打粥同麵嘅「一粥麵」，下午茶市亦推出雞髀紅豆冰餐。舊年同樣嘅茶餐只係賣 $26，到今時今日物價飛漲嘅 2023 年，雞髀紅豆冰餐索價 $34。相比舊年，呢個餐貴咗超過 30%。 但相似嘅下午茶，茶餐廳分分鐘賣得更貴。雞髀無骨，至於係咪更方便食用，就視乎食家享唔享受揸住雞髀骨咬雞髀。紅豆冰並沒有走甜/少甜選項，因為甜味大部分嚟自預製紅豆，甜度不算過高，可以接受。另加 $9 追加喳咋糖水。足料，值得讚。多款豆類材料。食物啱口味的話，連鎖快餐店可是方便相宜之選！

中午lunch時分去買兩個套餐，一個雲吞麵加個炸兩腸40蚊都幾抵食，另一個餐係豬潤粥加蘿蔔糕48蚊。 雲吞麵係鹼水麵，個湯底就夠味，但個麵食食下有啲苦味，唔知係咪關鹼水事，結果食淨半碗。雲吞就正常發揮，有蝦，皮亦都算滑溜。個油炸鬼都幾好食，唯獨過腸粉皮有啲鞋。豬潤有啲偏un,蘿蔔糕就煎過龍,唔脆之餘又有啲林。 最大問題係佢包裝兩個餐都要塞落去一個大膠袋入面，底下唔放紙皮，結果行到返屋企入面啲雲吞湯底同埋學生餐送嘅紅豆冰瀉曬出嚟，冇咗一半。

今朝起身想食粥，於是去咗商場入面嗰間《一粥麵》食早餐。呢度唔單止有中式早餐，仲有各款西式早餐可供選擇。我叫咗碗香茜魚粒粥+炒麵，盛惠$30。魚粒粥都幾大碗，入面有大大粒魚肉，餐牌上話選用環保魚，其實唔知佢哋用咩魚，食落亦冇乜鮮味。炒麵賣相還可以，不過就乾身咗啲，唔夠熱，味道普通。呢類連鎖快餐店通常都有中式早餐提供，但在味道及風味上，絕對比唔上傳統粥麵舖。如果想食有番咁上下水準嘅粥麵，都係要回歸舊式粥面小店。

屋邨商場入面搵食。好多都係大型連鎖店。見一粥麵早餐配搭相對唔同少少。所以就揀左佢。鮮牛肉通粉+脆皮腸+炒蛋+炸魚+蘿蔔糕+中茶。咁多野食都只係$39。兩個女仔食應該都夠。執餐哥哥態度好好。有求必應。炸魚寫話係用環保魚柳。魚柳厚身炸粉薄。冇雪藏味。唔會炸到又乾又鞋。質素幾高。脆皮腸個皮堅脆。配左燒汁。炒蛋預先調左味。蘿蔔糕唔會得舊粉。可以揀要多士。中茶係茉莉花茶茶包。呢個價錢真係性價比好高。略嫌通粉質感爭啲。入口爽口不過咬多兩啖粉感好高。

經過一粥麵見到有新搞作一人一邊爐好似好吸引,即刻叫個酸菜魚火鍋同羊腩煲黎試下。酸菜魚煲好足料,食落啖啖魚肉,湯底味濃好夠味! 打邊爐配料唔多選擇, 好在個鍋本身已經好足料,唔加配料都夠食。酸菜魚湯滾肥牛,味道特別,值得一試!羊腩煲, 羊腩大大件, 入味得黎又易咬， 加埋枝竹煲到入晒味真係好正! 分量唔會太少， 算適中啦， 個汁勁好味。

今日天氣仍然寒冷，朝早起身個頭暈陀陀，有點耳水不平衡。食晏諗住食碗粥，就去咗一粥麵。叫咗碗皮蛋瘦肉粥，但淨一碗粥又好似唔夠，叫多個蘿蔔糕。等咗好耐，仲意為漏單，問女店員佢先話煎緊要等陣，點解俾錢買飛時唔早講要時間要即整等等，又再繼續等，又過咗一陣，問男店員仲要等幾耐，佢直頭無理我，😡😡😡究竟係咩態度！終於有啦拎咗返屋企，打開個蘿蔔糕，燶咗嘅... 原來等勁耐就係等呢個燶咗嘅蘿蔔糕😡😡😡皮蛋瘦肉粥加蘿蔔糕要40元，唔係平嘅囖，仲食再一肚氣。😡😡😡碗粥就一般咁啦！

夜晚同朋友唔知食咩好，想食清淡啲就諗起呢間一粥麵的粉粥麵都唔錯，又抵食，就入咗黎食。夜晚食飯時間都幾满座，都要等下先有位。叫咗個雲吞麵同齋腸粉，加埋都唔過40蚊。雲吞麵有3粒雲吞，做法同正宗細蓉一樣，匙羹同雲吞擺係麵下面，麵無咩皂水味，但十分爽口彈牙，雲吞的蝦同豬肉都好新鮮，好入味，湯底清甜，仲有少量韭黃係面。腸粉係值得一讚，係布拉腸粉，很滑身，米味重，就咁淋上豉油食都好夠味，一個人可以食晒一碟。

腸粉炸兩，以往食都小會如此淡口，醬汁感覺是轉了供應商。炸兩一如以往的脆口，就是麻醬和甜不同了腸粉皮還好，但不夠薄身，外界一些店舖，外皮是可以做很薄身，以前這家一粥麵都會好點的，現在好像真的差了。。。可能是集團通病吧！

記回早前的，上個禮拜六剛開始生病的時候人很累只想吃得清淡點，就跑到附近買粥品來做晚餐，選擇也算多的還記得以前跟老妹2個人在家的時候，會幫常常光顧現在嘛，我常跑到澳門去在家的日子並不多，所以呢....很久都沒吃過了但品質明顯地沒初期般美味這個皮蛋瘦肉粥，水狀般稀質味道也算普普通通，裡頭的肉很粗糙吃個粗飽就好了但另外沒拍到的蘿蔔糕有比較好吃，沒以前般重粉感吃到更多的蘿蔔絲，但要不是生病的話再光顧的機會也不高

*想食雲吞麵,見一粥麵有TEA食,便叫一份細蓉跟冰鎮奶茶(+$5) 雲吞 有三小粒(太細粒),皮夠薄,蝦肉夠爽彈,夾上麻油香味既豬肉 算滿意麵底 生麵爽彈,份量好少,只有五,六口 不滿意湯底 清清淡淡,有少少韭黃 都可以凍奶茶 加5蚊就比冰鎮奶茶,夠晒冰凍,茶味及奶滑均勻 滿足

無飯少女(haha)今晚在屋企附近壹粥麵食dinner, 呢間野係屬於大家樂集團, 供應粥麵類食物, 亦有供應大家樂式的快餐, 價錢比大家樂貴些少, 但係絕對物有所值.今日好胃口, 唔食粥麵, 叫左大家樂皇牌之一- 排骨菜飯. 壹粥麵鋪頭較小,客量亦較少 不會預先預備太多食物, 所以好多野都係即叫即整, 一個排骨菜飯等左我十多分鐘, 但係好野食我係唔介意等, 排骨菜飯出場lu, 三塊油潤大排骨躺在菜飯上, 一口咬落去, 肉質軟腍, 骨肉分離, 排骨腌得夠味, 仲有陣陣米酒香, 炸得香酥可口. (我覺得仲好食過鼎X豐的炸排骨)伴菜有炸豆腐粒粒同埋肉燥, 好新鮮好好味呀!!隨餐附紅蘿蔔粟米排骨湯, 料少水多, 太稀了之前食過美X快餐難以下咽的焗豬排飯(焗豬排飯好難難食,但係美X o個個…, 頓時覺得依個排骨飯如天上之味唔該大財團唔好淨係識得加價, 應該好好嚴控出品品質, 先可以留住客人的心和銀兩

同軒仔一班FD 打完波散隊 4:15 走到此處HEA下 TEA一TEA一粥麵既其他分店 久不久我也會幫趁 但水準麻麻(尤其是樂富果間)所以食個TEA 係OK 冇期望就唔會失望..點了熱狗 $17 冰鎮奶茶+$4 超值 (太興好飲係真 但個TEA SET要收倍價錢 離譜)熱狗 熱辣辣炮製 好鬆脆 醬汁用上我最喜歡既"黃色蛋黃醬" 超多醬超好味冰鎮奶茶 得 .. 去開尼頭 會有下次