一粥麵 (利東商場二期)

營業中

休息中

呢度有個特色,就系無論有無客,你都一定要等,最好笑系有次佢地話要等「雲吞」解凍!呢次又行開呢度,惟有快快食完走人去搭車,因為最方便就系一行出去就系巴士總站,下午茶叫左個「皮蛋瘦肉粥+炒麵」,再加多杯熱鴦,見到個位四眼阿妹,木口木面咁轉個身又鬧個新黎哥哥仔,拎左個餐坐底夾起d麵,炒得差就唔在講,又好似放左好耐,油淋淋,勝在肚餓就好一餐唔好又一餐啦,個粥底就「杰」,面就稀,算系咁啦!雖然都系屬大家樂,不過管理就差d,由開張到依家,仍然系賣晒d野,個牌系會除左佢或者貼張「賣晒」,總系你叫個樣無個樣,真系唔知佢地系點去管理?

即抄飯麵多油，有時無人等候買，等候時間太長。尤其干抄牛河，太多油，叫人點食呀！一粥麵D即抄飯麵仲貴過大家樂，D粥真係麻麻哋，下午茶都係一般，選擇少，係杯奶茶幾好飲。

自由身的時間，下午茶可以當正餐食，第一次發現這裡有全素下午茶餐，莫非是迎合全城無肉不歡。這個餐包括一碗雙菇粟米粥，加一款自選小食，從蘿蔔糕、炒麵或腸粉，任擇其中之一，我選了蘿蔔糕。不同時段食粥，碗的大小有所不同，正價時段的碗比較大隻，但是下午茶的碗也不算太細。雙菇粟米粥，粥底綿滑，但料不多，感覺在吃白粥，雙菇分別是鮮冬菇和磨菇，兩者口感分別很大，一軟一脆的。蘿蔔糕一碟有三件，略為煎過，糕身很軟，味道不會很鹹，清甜蘿蔔絲，看得見也吃得出。

本身住東村,留下得幾間食店,都冇咩可以選擇.而當中一粥麵咁耐以黎食親都唔掂..但日子耐左,今日又再去食..點知質素一樣極差.今日去食午餐,我特意選餐內最貴那款午餐--干炒牛河連飲品--,價值$41.諗住有保証d啦...點知咸到死...我平時餐飲一定飲唔到半杯...但今餐我可以飲曬杯可樂...因為真係太咸了....黎緊我又要再擺食一段時間,希望佢地改善到食物水準啦....

今晚上利東訪友而朋友因事夜歸，就在這裡先吃個麵等他歸家吧。下午五點多鐘這裡還有三成客人，大多數是街坊長者許多是為涼冷氣而來，有員工佔用了三張大檯正在用膳，也有客人已經開始了吃晚飯。我被「五星牛坑腩」吸而引點了一個「五星牛坑腩撈麵」再加9元配了一杯冰鎮咖啡，大約8分鐘後我的編號出現在LED數字板上（這裡已經不「叫籌」只用數字板），服務員告訴我那客麵要另外再等10分鐘，一旁的男經理更正他說「要再等三個字」，於是先將咖啡給我，也只有領了那杯冰鎮咖啡返回座位等候。為了等候那額外的15分鐘只有打開手機上網，在等候期間發現了LED數字板取代「叫籌」之後的問題：（一）長者不習慣要看LED數字板，（二）數字板有些座位觀望不方便，例如背向而坐的人客（三）上網及閱讀者要時不時望向那數字板；令等候人士很不安心，尤其是年長人士。冰鎮咖啡明顯看得出是抄襲「太興」之作，這或者可以說是「抄襲是最高的致敬」吧！冰鎮咖啡的味道很好。等到我的號碼出現，前往取餐時真的很失望，因為完全看不到有什麼原因要等23分鐘才能得出一個這樣的撈麵；簡陋如此。因為數字板上的號碼來去只有幾個，知道出餐的數量不多。 這碟牛坑腩決對無資格自稱「

8點幾9點, 想食炸兩, 決定去一粥麵, 話哂即叩即做, 好啦, order完, 去bar度等, 點知.....俾我見到佢地啱啱洗完碗, 將成盤碗碟放係整腸粉既枱上面, 唔係呀MA, OK...如果佢地一陣會再清理整腸粉既枱面,可惜, 佢地接到我張order, 就成盤碗碟拎起, 繼而就直接整我既炸兩嘩, 嚇鬼死, 頭先個盤碗碟仲滴緊水就咁就整 好驚呀.......所以, 以後腸粉既product make from呢間野既話....我會多加考慮~~~~~~~

這裡粥粉麵飯都有，我們買了兩個套餐分享，分別是砂鍋雲吞雞伴荷葉飯，及海鮮炒烏冬伴魚球肉丸粥。雲吞雞有一隻全雞，雞皮不厚，雞肉很嫩，小小雲吞很可口，湯底味精不算多，還有數片金華火腿和蔬菜，我們喝不出湯底是由什麼食材煲成，很有可能是由現成的濃縮罐頭湯煮成。海鮮炒烏冬伴魚球肉丸粥，烏冬的顏色看上去不錯，有點像上海粗炒，海鮮配料不夠，粥的味道比較淡，鯪魚球的味道也很淡，肉丸我沒有吃，所以不予致評，但有一點可以肯定，份量是很夠的，吃得很飽。還有一段小插曲，排隊付錢時發生，突然感覺有東西跌落在頭上，伸手一摸，昆蟲在我掌心，嚇了一跳，隨即將牠扔在地上！ 太刺激了！收銀員看見卻沒有理會，我是否應該投訴! 但媽媽卻說這類小虫是她小時候的玩具!

本人不是第一次去此店用餐, 發覺員工既表現都仲叫OK..食物質數就開始下降之前晚餐既炒飯生骨(飯未煮)...換左都算...今次比上次更離譜..本人去收銀想買 "手打魚蛋水餃麵" ,由於餐牌上只有"手打魚蛋雲吞麵"."雲吞麵" 同"水餃麵"咁本人都習慣"手打魚蛋雲吞麵 唔要雲吞 轉 水餃", 收銀姐姐好似我玩野咁大大聲對住咪問入面D 阿姐可唔可以...好啦~最後講唔得, 我就問"."雲吞麵" 同"水餃麵" 都一樣價, 點解唔轉得...佢答我大公司係咁...冇得轉...好啦~算啦~叫多個皮蛋瘦肉粥+腸粉...行去水吧咪問多句...個大姐就講好多謝你既意見, 我地會反映返...我感覺俾人潤緊...冷冷答左句我會E-MAIL 你地問事講聲就走...之後拿左個粥...焦左...一間賣粥既快餐店, 粥底焦左員工都唔知...拿過第2碗都仲係焦氣十足...咁本人拿返去同賣粥姐姐講...佢個粥底焦左...廚房入面定係出面都會一樣...佢答我"我係入面拿出來無味..." 當然我就叫佢嗅下佢都仲講冇...咁你唔攪下佢佢又點會出味...唉....終於出左收銀換左水餃麵, 過程十分低能...收銀姐姐問我咩事,

差差差!話晒街坊都好應該試下區內o既快餐店o既, 琴晚打完羽毛波, 諗住近近地去樓下o既一粥麵到醫醫個肚喇, 點知醫到一肚氣出黎!一入去就已經好似入左個雪房咁!!洗唔洗咁大冷氣呀!我打完波都未要到咁凍喇....一d都唔環保o既!我叫左個皮蛋瘦肉粥同埋一份炸兩, 個fd就叫左個楊洲炒飯同埋一杯可樂!我個粥當然好快就黎到喇, 但個炸兩就要等喇, 係我碗粥食左1/3, d炸兩就拎得喇, 但!係唔熱o既, 我唔能夠話佢凍, 因床為佢仲有少少暖....腸粉皮入面o既油炸鬼係脆o既!仲係好鬼死脆添o既!但!脆得一d都唔好味, 仲脆得有d硬添!!!總之一句: 難食!到我碗粥食到剩返1/3o既時候, 我個fd o既楊洲炒飯仲未拎得喎!都成半個鐘喇, 搞乜炒咁耐呢??好好味架?佢正想出去要過另外一d野唔等o既時候, 出面又突然鬼死咁多人排隊喎....就快排到佢之際, 個數字排顯示佢o既楊洲炒飯終於有得拎喇!好喇, 拎到返黎(我都差唔多食晒d野喇), 原來又係唔係熱o既!!咁搞乜炒咁耐呀???唉~~冇心機!下次都係唔好貪近喇...同埋...佢冇個食評係好o既...我更加唔應該博喇....

放工後0黎一粥麵姚晚餐開張都有幾個月，但都係第1次0黎食野要左1碗生滾鮮牛肉粥$23 ，加$7 要左d腸粉等左10分鐘左右就有得食生滾粥味道唔錯，除左鮮牛肉重有小小薑絲牛肉好淋好滑，我諗係因為經過多次既梳打粉先會有咁既效果，所以牛肉已經無咩味$7既腸粉好大碟，係正常2碟既份量可惜腸粉個皮好厚，好難食$7 係抵，但下次一定唔會再叫lo

第一次去食外賣"萄汁雞飯"成盒飯得二舊雞lor! 打上去投訴!!!都算la! 今日去食諗住近近地,叫個常餐實冇死,因為d野一件件,點知買到返公司,一打開唔見左隻豬仔包,上返去拎la!點知佢地d樣....好以我錯咁,係冇check就拎走,我唔岩嗎?比齊d食物係一粥麵應該架,我冇意務幫佢check lor! 好la拎到返落去,又發現冇左杯可樂lor!簡直火滾!!!打去又投數,上餐飯要我走上走落三次唔慶就假la!以後都唔會幫襯一粥麵!!食完只食一肚氣!

是日晚飯同大舊倆人叫到成枱都係水餃麵 + 油菜 $28柴魚花生粥 +蜜味叉燒腸 $28.5 咸肉糭 $12 講左至差既係隻糭, 無料不止還散修修, 超唔掂 柴魚花生粥 : 粥底夠錦, 用料也不小, 合格蜜味叉燒腸 : 腸粉皮厚薄適中 水餃麵 : 蝦同豬肉比例合格, 蝦也爽口,只是味道欠鮮麵質也合格 油菜 : 用上湯上既老菜一碗, 十分多渣整 體 : size 與味道也合格同區得一間大家樂, 唔係A 就B , 雖則係同集團，但對居民來說無疑多了一個選擇　

今日 我見我未食過呢間野 就落街買外賣啦~~買左1個焗豬扒飯+熱華田 常餐飲凍檸茶!!!!!!首先就講個焗豬扒飯.....個炒飯底...勁硬!!!!!冇咩汁......塊豬扒係大係厚- - but.......冇味囉...........第2到個常餐~~.....包括火腿奄列+豬仔包+蕃茄牛肉意粉+凍檸茶...個奄列...只能夠講佢係一個超厚蛋皮夾住d火腿絲......仲要係厚到硬既個意粉係湯意粉......佢個湯係蕃茄 少少紅色+少少蕃茄碎 但係重點係冇蕃茄味!!!!個意粉冇味.......d牛肉比d梳打粉"拿"到勁軟 但冇曬牛肉味.........最得人驚係杯凍檸茶!!!!!!!!!!!!!!!!!!!!!!! 佢係一杯勁甜冇茶味+杯野勁深色既凍檸茶..有5塊檸檬 但比我篤到爛曬....仍然係勁甜...........= =d咁既質素...仲要食左我65蚊......真係頂佢- -以後唔會去食!!!!!!!!!!!!!!!!!!!!!!!!!!!!!!!!!!!!!!!!!!!!

今日同媽咪特登落去食早餐~我食左個碎牛粥~媽咪叫左個生滾x仔粥加個蘿蔔糕2個粥都完全唔合格!!!!冇味!唔好味~成個早餐係得個蘿蔔糕合格!咁樣食仲要食左$47~真係貴夾唔好食!!!!