一糖 (屏山)

營業中

休息中

不是工作關係也不會走到天水圍那個遙遠的地方.....今日全天候開會，令我和同事都身心疲累，幸兒是次會議是此項目今年最後一次，故一完成便有如釋重負的感覺，真的要好好慶祝。在力量指數跌至低點的情況下，當然要嚐甜，我們就在OpenRice 中找到此間特色甜品店，仲要近西鐵，太好彩！店子門面設計獨特，灰泥磚的牆身畫上一條栩栩如生的大魚，好酷！而整個設計都帶點和風色彩。雖設露天座位，感覺空曠，但有點熱，還是拉門而來。內裏只設有五張二至六人枱，還有一個半開放式的廚房，地方雖小，但感覺舒適，最喜歡是牆上一塊塊食品相片，吸引得令人目不轉睛。翻閲厚厚的餐簿，每頁的相片同樣吸引，別看店子小小，選擇都唔少，有仙草、牛奶冰、豆腐花、沙冰、梳打、特飲、奶凍、芭菲、窩芙、心太軟、紫薯系列、特色甜品、蛋撻、花茶、中式糖水等等....除了甜品，仲有幾款鹹小食，最岩俾大家吃甜品之前打打底。************************先打底，來一客混醬香滑腸粉（$10/4條），熱辣辣，正！腸粉滑嘟嘟，帶少少彈牙，唔會腍啤啤，口感佳。伴着甜醬、麻醬、辣醬和豉油同吃，不錯！如灑多些芝麻就更吸引。*************

最近習慣飯後一點甜，記得住天水圍的朋友提及過西鐵站附近有一間很不錯的甜品店，所以晚飯後便與另一半去試試！沿西鐵站附近的一條小路直入走到盡頭，便會見到燈火通明的甜品店，而甜品店門前還有一個停車場，非常方便駕車人士！甜品店內外均設有座位，由於附近沒有其他店舖，即使坐在外面也很寧靜舒適！我倆被安排入座後，職員遞上厚厚的餐牌，餐牌上的甜品款色很多，亦都很有特色，看得我倆花多眼亂，而店內亦瀰漫着窩夫的香味，非常吸引😆我倆分別對幾款甜品都很感興趣，無奈胃部空間有限，經過篩選後最終點了榴槤皇子及芋泥小丸子西米露😆榴槤皇子內裏是椰子味的奶凍，混合了椰汁及西米，另外還加了榴槤蓉，味道真是不得了😋榴槤蓉味道很香濃，濃得有些少膩，但吃一口清淡的奶凍和椰汁後，又可中和膩感，味道幾有層次👍🏻芋泥小丸子西米露味道清香不太甜，非常適合我倆口味！芋頭是另一半的大愛，而且有芋泥供應的甜品店不多，再者芋泥中混合了芋頭粒，增加了口感，另一半超喜歡👍🏻甜品店除了有甜食外，還有鹹味小食，下次真的要留肚多試試其他甜品和小食😆

諗住去屏山圖書館，點知要限制人數入場先要攞籌，又未夠鐘入場，又口渴，就search 到喺附近有間叫「一糖」專食甜品！由西鐵站E3出口揾咗五分鐘，就見到門面設計得好有日本feel，入面坐位舒服，好開揚！打開餐牌，第一時間叫咗杯西瓜汁，而我朋友叫咗杯益力多沙冰！再揭吓有小食，就叫咗魚蛋，燒賣同雞翼尖，口渴加肚餓，無辦法要食咗鹹點先！西瓜汁有啲淡，而我朋友杯益力多沙冰好靚呀！杯飲品啲冰係用原支雪到結冰嘅益力多做，飲吓好解渴！小食𥚃面嘅魚蛋同雞翼尖好鹹，可能小食唔係主打啦！嚟到唔食甜品會對唔住自己，我哋再叫埋生磨芝麻窩夫🧇同朱古力心太軟，而呢兩款甜品都可以自選一球雪糕。終於嚟咗呢兩款甜品，賣相好靚😍😍生磨芝麻窩夫好脆，咬落口感好Q，感覺上係自家製，喺我近年食到最好食嘅窩夫🧇！而朱古力心太軟整得都好好食，朱古力溶醬流出嚟好好睇，先滿足視覺，食落唔會太膩，但食多幾口就覺得太甜，如果朱古力可以苦返少少就Perfect啦！仲有希望能改善吓小食，唔好咁鹹就好啦！身為天水圍居民，我會帶朋友過嚟食「一糖」，到時希望食埋其他味道嘅窩夫🧇

同朋友去屯門個邊行街，上網見到介紹呢個喺天水圍地鐵旁嘅 一糖 當然要去試下~入去已經好香~~榴槤皇子 $60極愛榴槤嘅人必食~入面有2 大舊榴槤選料新鮮，榴槤夠甜，配燉蛋白，燉嘅時間控制得好好非常嫩滑健康又養顏~😆而且份量幾多桃膠椰皇燉蛋白$56有冷/熱選擇，天氣咁熱當然要冷~嘩！入面勁多桃膠😄最岩女士們~有美顏作用呢款燉蛋白仲帶有椰皇味，蛋白嫩滑~唔會過甜Bailey's 心太軟 配cookie 雪糕 $58心太軟好靚，切開入面嘅朱古力醬流出嚟，好治癒~😆Bailey's心太軟冇平時朱古力咁甜，帶有點點酒味，幾有層次感而且個心太軟夠大，2 個人食都夠~紫薯梳乎厘 $49鐘意食紫薯嘅人應該呢間甜品店滿足到你~有唔同紫薯嘅甜品選擇梳乎里好滑，有空氣感~下面有紫薯配襯紫薯清甜~再加空氣感嘅梳乎厘配濃濃紫薯，好有口感😄仲可因應個人鐘意加朱古力醬~蒜香香辣雞翼尖 $20呢間雞翼尖同平時食開既b仔雞翼尖唔同，蒜頭唔太多，個汁帶有麻麻辣辣，愈食愈辣，但就停唔到口係甘食，食到嘴唇發麻魚蛋、燒賣、腸仔 $24除咗甜品仲有小食，魚蛋係傳統陳皮魚蛋，有一點點陳皮味，雖然細粒但好彈牙。燒賣口感唔粉，好彈

應該天水圍站西鐵轉輕鐵又見到呢間糖水舖，啲相幾靚，就嚟試下啦！地方都算易搵嘅，輕鐵站行過去兩三分鐘就到喇！試咗幾款糖水真係麻麻地！芒果西米露真係完全唔掂！好稀又吾甜'雞翼尖咸到七彩要叫多杯芒果冰！芒果粉味'魚蛋淋滋滋，腸粉最正常吧

晚上收到朋友電話..決定入天水圍食甜品....一行兩人大約9點入座...店鋪由一個類似貨櫃組合而成..地點位置都易搵今次點了 朱古力窩夫 + 朱古力味雪糕..窩夫外脆內軟...不會太甜..挺好吃.. 朱古力雪糕應該是自家制, 味道一般 口感好沙冰feel...唔夠幼滑整體上 性價比都高, 可以一試!

呢日放假前夕！減肥中嘅偶爾都要放縱下！天水圍西鐵站附近有間隱世甜品屋！日系嘅裝修，感覺溫暖其中心太軟同Waffle 特別出色🥰已經帶過唔同嘅朋友嚟過好多次！朋友都讚不絕口今次叫咗個Bailey’s心太軟！本身以為好重酒味！但原來比較似朱古力味囉😆一切開外面流心即刻流出嚟，味道不太甜正好啱哂減肥中嘅我朋友嘅紫薯Waffle ，脆脆嘅Waffle 中間夾住濃厚紫薯蓉！另外仲配上一球雪糕！份量多且內容豐富絕不欺場！另外都有幾款小食供應，唔食晚飯直接落嚟食甜品都可以好滿足

Happy Friday食完飯後又唔想咁快返屋企所以就同男朋友特登揸車過一糖嘆下甜品喇雖然筆者今次就揸車去嘅 但其實佢隔離就係天水圍西鐵站同輕鐵站所以無車都一樣方便嘅見到呢個大大嘅車場 唔駛猶豫行入去就啱㗎喇室內座位唔多 亦都有少量室外座位嘅俾定心理準備大家 繁忙時間有機會要等位嘅餐牌係有超多款甜品嘅無論流質類啦固體類啦新式舊式都有嘅 筆者最開心呢就係仲有少量小食添✨榴槤皇子 $60入面有椰子凍啦 椰汁啦 同埋一大嚿嘅榴槤蓉一食呢係超濃嘅榴槤味 濃到其他味完全食唔到😂直到食晒嚿榴槤蓉 就食到淡淡嘅椰子味喇係一個幾有層次嘅甜品✨芋泥小丸仔西米露 $38唔知關唔關食咗榴槤皇子事 所以成碗都係比較淡嘅✨蘋果肉桂窩夫 $60呢個超級驚喜阿蘋果味超香 鍾意食蘋果批嘅人真係必點阿✨Bailey’s 心太軟 $58佢嘅份量真係超級大 無論係個蛋糕同啲水果都啲bailey味就係喺上面啲泡泡嘅所以唔算話好濃 但有種錦上添花嘅感覺朱古力味都唔會話好濃好甜 食完都唔會好滯嘅✨咖哩魚蛋腸仔 $8+8食咗咁多甜野就忍唔住食啲鹹野hahaha😆魚蛋係陳皮魚蛋嚟嘅 唔好睇少個咖哩汁 都有啲辣下不過辣味呢就搶過個咖

朋友介紹喺天水圍西鐵站後面有一間隱世嘅甜品店，佢話嗰度嘅氛圍直情好似去咗日本咁，呢輪因為疫情餓咗咁耐，就即刻去試下，離開天水圍西鐵站行經一條小路之後就係一糖，都只係需要幾分鐘，十分方便，去到見到呢一幅咁有日本 feel 嘅水泥牆就係喇。一糖除咗窩夫、綿綿冰、即撞豆腐花、香蕉船、心太軟同沙冰等等之外，仲有好多款中式傳統甜品， 帶埋屋企嘅老人家嚟都啱食。抹茶椰汁紅豆冰，呢個椰汁紅豆冰絶對勾起我嘅童年回憶，但係一糖加入咗抹茶同埋雪糕，傳統之餘亦帶點創新，紅豆煮得夠腍而唔會太甜，係我最鐘意嘅味道。由於有少少肚餓，食甜品之前嗌少少鹹嘢嚟頂下肚，估唔到呢度連魚蛋燒賣腸粉都咁有賣相，呢度嘅魚蛋相當高質，有陳皮味之餘亦都好有咬口，腸粉亦都好滑溜，淨係嚟食呢碟小食都已經值回票價。 Mocha 脆脆麻薯窩夫，呢度嘅窩夫最大嘅特色係窩夫裏面係有麻薯夾心嘅，外層脆卜卜嘅窩夫裏面包住嘅係軟糯煙靱嘅麻薯，唔係咁多地方食到窩夫有咁嘅雙重口感，淋喺面頭嘅朱古力糖漿、棉花糖同白色嘅糖霜都為呢個甜品生色不少，一啖脆脆嘅麻薯窩夫，一啖曲奇雪糕，夫復何求。

由於受疫情影響， 台灣之旅被迫取消， 放大假要放放電， 唯有近近哋去位於天水圍站隔離嘅《一糖》 食個甜品， 滿足一下。呢一間《一糖》非常之有旅行感覺， 地點既方便( 隔離就係天水圍西鐵站) ， 亦帶點隱秘。 餐廳係一間小石屋內， 感覺就好似去咗台灣鄉郊嘅小店， 平時好多單車友嚟食甜品。呢度最出名嘅除咗有麻薯窩夫之外， 仲有各款心太軟同綿綿冰。 天氣咁熱， 最啱就係叫番個涼浸浸嘅綿綿冰消消暑。 今次試咗雪白純潔嘅牛奶冰， 牛奶冰充滿奶香， 入口即溶， 非常綿滑。 喜歡焦糖入朋友亦可以加上焦糖漿， 鮮奶同焦糖嘅香氣非常匹配， 一齊食亦唔會太甜。 加埋滑捋捋的焦糖布甸， 充滿蛋香， 入口即溶， 非常美味。另外的baileys心太軟亦同樣係招牌， 熱辣辣嘅心太軟入面有溶岩朱古力漿， 上面鋪滿咗baileys泡沫，酒味濃郁。 baileys和朱古力本身就是極度匹配， 甜中帶甘， 苦中帶甜。 加埋凍冰冰的朱古力雪糕， 一冷一熱的口感實在令人回味。除咗有甜品之外， 這家小店同樣提供咗港式小食， 有軟滑的豬腸粉， 彈牙的魚肉燒賣， 實而不華的雞肉腸 ，以及充滿陳皮味的魚蛋，各種小食都充滿童年回憶， 除

聞說天水圍區最好味嘅糖水舖係屏山嗰邊，我自己不嬲食開新北江嗰啲糖水舖，經過朋友介紹一糖之後，今日朋友就帶我去試吓啦。其實佢嘅位置都只不過係天水圍西鐵站行過去幾分鐘，都好就腳，亦都比其他糖水舖坐得舒服。因為我同我朋友都未食嘢嘅關係，所以我哋諗住甜品同鹹點都照嗌。先食咗鹹嘢先，我哋叫咗一份嘅腸粉同埋魚蛋，仲有雞翼尖。魚蛋幾彈牙，同埋雞翼尖辣得好過癮。跟住太口渴嘅關係，我哋每人都嗌咗一杯飲品我就要左芒果汁，消一消暑。我朋友就推介別係呢度嘅窩夫，所以我哋就帶咗一個焦糖Oreo窩夫啦，果然冇介紹錯個窩夫超好食，佢外面係好脆嘅，食得出係即叫即整。另外我朋友好想食榴槤嘅甜品，所以我哋就叫咗個榴槤心太軟，一切開個心真係即刻流晒出嚟，榴槤味亦好夠，我朋友都讚不絕口。見到餐牌上面有桃膠嘅選擇，又忍唔住叫咗，叫咗個椰王桃膠燉蛋白，對女人養顏補身好啊。味道唔會太甜，好啱我口味。另一位朋友就帶咗一碗黑糖芋圓紅豆仙草。見到都好足料，好好味咁。

榴槤王子 $60榴槤迷必試，榴槤蓉味道非常濃郁，食到有一絲絲既榴槤肉， 真材實料。下面係牛奶蛋白布丁加左椰汁好滑，淡淡椰子香，食埋側邊的椰子肉， 成個清曬。桃膠紅棗木瓜燉雪耳 $49好多桃膠，女士們的恩物，可以保保膠質，養顏。木瓜好甜，雪耳好爽脆， 值得一試。芒果窩夫配綠茶雪糕 $55其實一入到餐廳已經聞到一陣好香牛油同雞蛋味，應該係窩夫味。 果然冇叫錯，外脆內鬆軟， 而且加咗麻薯，有點煙韌，有驚喜，絕對值得一試。川貝圓肉燉雪梨 $48川貝潤肺，啱曬而家呢段時期食，原隻雪梨燉好少見，好考功夫同花心計的甜品。榴槤心太軟 配朱古力雪糕 $58即叫即整，一上台已經香噴 噴，熱辣辣脹卜卜咁， 切開少少，榴槤漿已經流曬出嚟，非常邪惡，流心效果同味道都做得好好，但略嫌有點過甜。 雜果芭菲 $48上面係芒果雪糕，滿滿的雜果， 朱古力脆脆，下面係牛奶布丁，一層一層食到底。

成日喺IG見到friend po story 都係一糖啲窩夫，今日終於有機會帶女朋友嚟食啦！紫薯窩夫配曲奇雪糕 $58見到舖頭入面啲poster都有啲紫薯feature既product相，相信都係好受歡迎同好好食☺️ 雖然而家紫薯越嚟越普及，但係唔係間間都整得好食，一糖果然名不經傳，窩夫好鬆化，用咗啲蜜糖墊底，蜜糖嘅甜味同紫薯好夾，啲紫薯蓉處理得一啲都唔馬虎，好香滑，又唧晒花咁樣打卡一流呀！仲有紫薯脆片，同埋自己揀味嘅雪糕，一次過滿足你四個願望！

原來女仔食甜品係用第二個胃，係真嘅！今日上完瑜伽，朋友話帶我去食甜品，依個位置確實係隔涉， 我住喺呢個佢咁耐，都唔知原來呢個位置有糖水舖。10:30嚟到竟然仲要等位，咁睇嚟呢間糖水舖真係好好食。坐低之後見到佢真係好多嘢揀，心大心細嘅我樣樣都想食，於是做咗一個挑戰，就係隨心所欲咁揀晒自己想食嘅嘢。因為以我理解，一般糖水舖嘅甜品都唔會好大份。首先其實我好鍾意食心太軟，而加左Bailey s嘅心太軟都係第一次食。佢個味道會比普通朱古力心太軟香啲，佢仲會配埋新鮮水果同埋一個雪糕球，如果抹茶雪糕都唔會太甜，而且都仲有淡淡的抹茶香。而最重要嘅係呢度嘅心太軟嘅size係出邊普遍嘅Double。然之後我哋仲帶咗個焦糖燉蛋，同樣地呢度嘅焦糖燉蛋嘅size係出邊嘅1.5倍，確實係另外意想唔到。而且佢都做到好Creamy,每一啖都好似食緊cream 咁，佢本身嘅味道唔會好甜，所以加埋脆卜卜嘅焦糖就啱啱好啦。至於我朋友就揀咗個榴槤王子，佢呢個其實係椰皇燉奶，不過就加咗榴槤雪糕。我自己本身就唔食榴槤嘅，不過個味道令我唔係太抗拒，已朋友都話食到榴槤香。另外佢啲燉奶都好滑，椰子肉都好清甜，而且椰子嘅味道唔會比榴槤蓋

話說今日一班朋友晏咗食晏晝飯😅， 到夜晚食飯時間，唔想又食飯😂😂，所以就話不如去食 甜品🤩，醒起天水圍西鐵站附近有間甜品舖🧈(之前同車會朋友一齊嚟過)，所以特登帶自己啲朋友嚟食多次🤤，我哋坐低冇耐，就叫咗好幾樣嘢，包括有一堆魚蛋燒賣腸仔🍡，雞翼尖🍗呢d 既熱食，另外當然唔少得梗係叫甜品啦😆， 我哋叫咗嘅甜品包括有榴槤奶凍🍮， 呢間舖主打嘅黑芝麻窩夫🧇配薄荷朱古力雪糕🍨， 榴槤王子🥥， 同埋黑糖芋圓紅豆仙草剉冰🍧， 由於我哋係share食，所以我每樣試咗少少，其中最推薦嘅係黑芝麻窩夫，因為個窩夫真係好脆🎉，而且有好香嘅黑芝麻味👌🏼，另外我亦都推薦榴槤奶凍，因為個榴槤好濃味🤪，鍾意食榴槤嘅你千祈唔好錯過😜，整體每一樣甜品都非常之唔錯，所以經過天水圍記得要你試下