一糖 (屏山)

營業中

休息中

今次係有12 個人一齊去食！！！入面冇位所以要坐係出面～～～～～中式糖水同西式甜品都有架～選擇都幾多～款式都係～～～～見到都開心啊！有普通既！另外都有有特色既～～～窩夫係見到都開心啊～～～～～痴線架，因為甘多個人所以都叫左幾個味黎試試佢！！！Oreo cookies ，朱古力，抺茶都係幾正既～～～～另外中式糖水朋友都有讚！好少可可以中式又得西式都吾差！！！環境就真係麻麻啦不過！同埋真係灰心既係，本身入面有位想入入面坐，店員就叫我地吾好入去因為怕我地會好嘈-- 即刻反左個白眼吾想食。。。。。。。。。。

近排留意到喺天水圍地鐵站D嗰邊, 望落去有間甜品鋪好大個招牌”一糖”今晚就行入去睇下食咩甜品, 本menu厚得很, 係最易睇嘅全picture menu👍🏻, 3個人一人一個又share下先.🍮紫薯泥椰皇燉蛋白 (HKD56)近排皮膚差左😭我要食啲養顏嘅燉蛋白. 原個椰皇熱辣辣等一陣就送上, 紫薯泥好大scoop好實在呀, 加上濃濃椰香, 我fd坐對面都聞到好正! 燉蛋白滑捋捋, 有興趣仲可以用鐵羹𢳂埋燉椰肉添.🍮朱古力心太軟 (HKD50)補足到心大軟嘅boomerang之後5稍後仲流緊心❤️勁高質, 而且流出黎嘅朱古力漿好味到爆! 平時唔鐘意食生果, 都拮左碟上嘅生日點朱古力漿食超正呀! 另外有一整球雪糕送(有得揀味ga)心太軟, 薄荷朱古力is good !!!!🍮綠茶牛奶冰 (HKD60)好食又好玩之選, 夏日炎炎正啱食綿綿冰甜品(li款甜品真係要寫清楚啲😅), 加左HKD12 for一個日式震騰騰布甸. 綿綿冰嘅冰底係牛奶味, 首先會均勻灑上綠茶粉, 然後店家調好嘅綠茶糖漿由我地淋上, fun 🤪, 連埋q彈小丸子+綠頭絕對係perfect match!

朋友搬到天水圍，我都沒有好好跟她遊遍天水圍的每一個角落，這個周日我決定帶她去天水圍甜品勝地一糖品嚐一番。朋友驚訝原來西鐵站居然有這麼特色的甜品店，她說我不帶她來的話，她完全不知道一糖的存在。我沒吃午餐，所以一來到一糖即點一份咖哩魚蛋和魚肉燒賣果腹。咖哩魚蛋讓人驚豔，魚蛋彈牙無比，入味非常，咖哩汁香中帶辣，魚肉燒賣嚼勁十足。Oreo士多啤梨奶昔和Oreo香蕉奶昔均是一糖最近的新出品，蠻有人氣的，朋友直呼Oreo士多啤梨奶昔很好喝。奶昔上的忌廉猶如小山丘，奶昔Oreo味道濃厚，還有士多啤梨的甜美十分討喜。至於我頗喜歡Oreo香蕉奶昔，剛好最近天氣變熱了，喝一杯Oreo香蕉奶昔正好消暑。奶昔喝起來蠻香的，Oreo與醇厚的香蕉味串起整體味道，入口舒服味美。焦糖布甸牛奶冰是朋友的味兒，布甸非一般軟綿綿的那種，而是穩固型。布甸有焦糖的甜滋滋之餘，蛋香極之濃重，口感滑順，布甸舀起時也感受到它的軟嫩。牛奶冰吃上來真的有點像在吃棉花糖般綿綿，只是沒那麼黏。先嚐一口原味，奶味恰到好處，脆脆增添牛奶冰嚼感。當想吃焦糖口味的時候，可以邊倒焦糖在冰上，邊品味冰品，牛奶冰結合焦糖不死甜，冰涼爽快。飲品才接著上沒多

三個女人一個墟甜品篇之搵食搵到要問路🤪😝其實呢間甜品鋪都幾近西鐵站，但路痴既我地睇完google都唔識行，要人幫手先搵到佢😆勁熱，即刻叫杯野飲先好多人叫呢個，我都跟下🌬先白色細細杯係蜜糖，建議加多d，好飲d😉西瓜盅勁啱依家🌞，上面雪糕，下面西瓜冰，芭菲啱晒勁鍾意食甜既佢😏食完已經飽左一半😏窩夫終於出場嗱🥳就係為左佢而黎，果然冇失望呀～好香😍外脆內軟~唔會過甜~見有Bailey's 心太軟，即刻試下~酒味唔重~唔洗驚會醉🤣榴槤球😍真係想一啖食晒佢😈食左咁多涷野，個人涷涷地，叫返個熱既，平衡返先😆下面d紫薯勁正👍又香又甜😍😍

一糖天水圍有正野糖水😍行完山😳記得附近有間糖水終於黎消消個暑先🤪芒果乳酸冰（$58)又有芒果又有椰果，綿綿冰🤤係類近益力多既乳酸味！係日本🇯🇵既感覺～可爾必思 ！酸酸地最岩夏天🤪芒果醬可以自己食幾多落幾多！榴槤皇子（$60) 椰皇燉蛋白（$48)連椰肉都可以食埋既椰王～榴槤皇子上邊係榴槤肉🤤🤤🤤非常香濃真榴槤😍下面係又白又滑嘅椰皇燉蛋白🤤蜂蜜白桃梳打（$32）蜂蜜綠茶🍵梳打（$32）蜂蜜自己落甜度自己簡👍🏻！白桃清甜😻唔會有藥水味綠茶苦中帶回甘🍵！飲番梳打多氣熱氣全消🥰兩者都非常之解暑🥰環境都走簡約裝修風！外面幅牆畫好靚既和風！聽講係人手畫😳😳😳😳

不是工作關係也不會走到天水圍那個遙遠的地方.....今日全天候開會，令我和同事都身心疲累，幸兒是次會議是此項目今年最後一次，故一完成便有如釋重負的感覺，真的要好好慶祝。在力量指數跌至低點的情況下，當然要嚐甜，我們就在OpenRice 中找到此間特色甜品店，仲要近西鐵，太好彩！店子門面設計獨特，灰泥磚的牆身畫上一條栩栩如生的大魚，好酷！而整個設計都帶點和風色彩。雖設露天座位，感覺空曠，但有點熱，還是拉門而來。內裏只設有五張二至六人枱，還有一個半開放式的廚房，地方雖小，但感覺舒適，最喜歡是牆上一塊塊食品相片，吸引得令人目不轉睛。翻閲厚厚的餐簿，每頁的相片同樣吸引，別看店子小小，選擇都唔少，有仙草、牛奶冰、豆腐花、沙冰、梳打、特飲、奶凍、芭菲、窩芙、心太軟、紫薯系列、特色甜品、蛋撻、花茶、中式糖水等等....除了甜品，仲有幾款鹹小食，最岩俾大家吃甜品之前打打底。************************先打底，來一客混醬香滑腸粉（$10/4條），熱辣辣，正！腸粉滑嘟嘟，帶少少彈牙，唔會腍啤啤，口感佳。伴着甜醬、麻醬、辣醬和豉油同吃，不錯！如灑多些芝麻就更吸引。*************

最近習慣飯後一點甜，記得住天水圍的朋友提及過西鐵站附近有一間很不錯的甜品店，所以晚飯後便與另一半去試試！沿西鐵站附近的一條小路直入走到盡頭，便會見到燈火通明的甜品店，而甜品店門前還有一個停車場，非常方便駕車人士！甜品店內外均設有座位，由於附近沒有其他店舖，即使坐在外面也很寧靜舒適！我倆被安排入座後，職員遞上厚厚的餐牌，餐牌上的甜品款色很多，亦都很有特色，看得我倆花多眼亂，而店內亦瀰漫着窩夫的香味，非常吸引😆我倆分別對幾款甜品都很感興趣，無奈胃部空間有限，經過篩選後最終點了榴槤皇子及芋泥小丸子西米露😆榴槤皇子內裏是椰子味的奶凍，混合了椰汁及西米，另外還加了榴槤蓉，味道真是不得了😋榴槤蓉味道很香濃，濃得有些少膩，但吃一口清淡的奶凍和椰汁後，又可中和膩感，味道幾有層次👍🏻芋泥小丸子西米露味道清香不太甜，非常適合我倆口味！芋頭是另一半的大愛，而且有芋泥供應的甜品店不多，再者芋泥中混合了芋頭粒，增加了口感，另一半超喜歡👍🏻甜品店除了有甜食外，還有鹹味小食，下次真的要留肚多試試其他甜品和小食😆

諗住去屏山圖書館，點知要限制人數入場先要攞籌，又未夠鐘入場，又口渴，就search 到喺附近有間叫「一糖」專食甜品！由西鐵站E3出口揾咗五分鐘，就見到門面設計得好有日本feel，入面坐位舒服，好開揚！打開餐牌，第一時間叫咗杯西瓜汁，而我朋友叫咗杯益力多沙冰！再揭吓有小食，就叫咗魚蛋，燒賣同雞翼尖，口渴加肚餓，無辦法要食咗鹹點先！西瓜汁有啲淡，而我朋友杯益力多沙冰好靚呀！杯飲品啲冰係用原支雪到結冰嘅益力多做，飲吓好解渴！小食𥚃面嘅魚蛋同雞翼尖好鹹，可能小食唔係主打啦！嚟到唔食甜品會對唔住自己，我哋再叫埋生磨芝麻窩夫🧇同朱古力心太軟，而呢兩款甜品都可以自選一球雪糕。終於嚟咗呢兩款甜品，賣相好靚😍😍生磨芝麻窩夫好脆，咬落口感好Q，感覺上係自家製，喺我近年食到最好食嘅窩夫🧇！而朱古力心太軟整得都好好食，朱古力溶醬流出嚟好好睇，先滿足視覺，食落唔會太膩，但食多幾口就覺得太甜，如果朱古力可以苦返少少就Perfect啦！仲有希望能改善吓小食，唔好咁鹹就好啦！身為天水圍居民，我會帶朋友過嚟食「一糖」，到時希望食埋其他味道嘅窩夫🧇

同朋友去屯門個邊行街，上網見到介紹呢個喺天水圍地鐵旁嘅 一糖 當然要去試下~入去已經好香~~榴槤皇子 $60極愛榴槤嘅人必食~入面有2 大舊榴槤選料新鮮，榴槤夠甜，配燉蛋白，燉嘅時間控制得好好非常嫩滑健康又養顏~😆而且份量幾多桃膠椰皇燉蛋白$56有冷/熱選擇，天氣咁熱當然要冷~嘩！入面勁多桃膠😄最岩女士們~有美顏作用呢款燉蛋白仲帶有椰皇味，蛋白嫩滑~唔會過甜Bailey's 心太軟 配cookie 雪糕 $58心太軟好靚，切開入面嘅朱古力醬流出嚟，好治癒~😆Bailey's心太軟冇平時朱古力咁甜，帶有點點酒味，幾有層次感而且個心太軟夠大，2 個人食都夠~紫薯梳乎厘 $49鐘意食紫薯嘅人應該呢間甜品店滿足到你~有唔同紫薯嘅甜品選擇梳乎里好滑，有空氣感~下面有紫薯配襯紫薯清甜~再加空氣感嘅梳乎厘配濃濃紫薯，好有口感😄仲可因應個人鐘意加朱古力醬~蒜香香辣雞翼尖 $20呢間雞翼尖同平時食開既b仔雞翼尖唔同，蒜頭唔太多，個汁帶有麻麻辣辣，愈食愈辣，但就停唔到口係甘食，食到嘴唇發麻魚蛋、燒賣、腸仔 $24除咗甜品仲有小食，魚蛋係傳統陳皮魚蛋，有一點點陳皮味，雖然細粒但好彈牙。燒賣口感唔粉，好彈

應該天水圍站西鐵轉輕鐵又見到呢間糖水舖，啲相幾靚，就嚟試下啦！地方都算易搵嘅，輕鐵站行過去兩三分鐘就到喇！試咗幾款糖水真係麻麻地！芒果西米露真係完全唔掂！好稀又吾甜'雞翼尖咸到七彩要叫多杯芒果冰！芒果粉味'魚蛋淋滋滋，腸粉最正常吧

晚上收到朋友電話..決定入天水圍食甜品....一行兩人大約9點入座...店鋪由一個類似貨櫃組合而成..地點位置都易搵今次點了 朱古力窩夫 + 朱古力味雪糕..窩夫外脆內軟...不會太甜..挺好吃.. 朱古力雪糕應該是自家制, 味道一般 口感好沙冰feel...唔夠幼滑整體上 性價比都高, 可以一試!

呢日放假前夕！減肥中嘅偶爾都要放縱下！天水圍西鐵站附近有間隱世甜品屋！日系嘅裝修，感覺溫暖其中心太軟同Waffle 特別出色🥰已經帶過唔同嘅朋友嚟過好多次！朋友都讚不絕口今次叫咗個Bailey’s心太軟！本身以為好重酒味！但原來比較似朱古力味囉😆一切開外面流心即刻流出嚟，味道不太甜正好啱哂減肥中嘅我朋友嘅紫薯Waffle ，脆脆嘅Waffle 中間夾住濃厚紫薯蓉！另外仲配上一球雪糕！份量多且內容豐富絕不欺場！另外都有幾款小食供應，唔食晚飯直接落嚟食甜品都可以好滿足

Happy Friday食完飯後又唔想咁快返屋企所以就同男朋友特登揸車過一糖嘆下甜品喇雖然筆者今次就揸車去嘅 但其實佢隔離就係天水圍西鐵站同輕鐵站所以無車都一樣方便嘅見到呢個大大嘅車場 唔駛猶豫行入去就啱㗎喇室內座位唔多 亦都有少量室外座位嘅俾定心理準備大家 繁忙時間有機會要等位嘅餐牌係有超多款甜品嘅無論流質類啦固體類啦新式舊式都有嘅 筆者最開心呢就係仲有少量小食添✨榴槤皇子 $60入面有椰子凍啦 椰汁啦 同埋一大嚿嘅榴槤蓉一食呢係超濃嘅榴槤味 濃到其他味完全食唔到😂直到食晒嚿榴槤蓉 就食到淡淡嘅椰子味喇係一個幾有層次嘅甜品✨芋泥小丸仔西米露 $38唔知關唔關食咗榴槤皇子事 所以成碗都係比較淡嘅✨蘋果肉桂窩夫 $60呢個超級驚喜阿蘋果味超香 鍾意食蘋果批嘅人真係必點阿✨Bailey’s 心太軟 $58佢嘅份量真係超級大 無論係個蛋糕同啲水果都啲bailey味就係喺上面啲泡泡嘅所以唔算話好濃 但有種錦上添花嘅感覺朱古力味都唔會話好濃好甜 食完都唔會好滯嘅✨咖哩魚蛋腸仔 $8+8食咗咁多甜野就忍唔住食啲鹹野hahaha😆魚蛋係陳皮魚蛋嚟嘅 唔好睇少個咖哩汁 都有啲辣下不過辣味呢就搶過個咖

朋友介紹喺天水圍西鐵站後面有一間隱世嘅甜品店，佢話嗰度嘅氛圍直情好似去咗日本咁，呢輪因為疫情餓咗咁耐，就即刻去試下，離開天水圍西鐵站行經一條小路之後就係一糖，都只係需要幾分鐘，十分方便，去到見到呢一幅咁有日本 feel 嘅水泥牆就係喇。一糖除咗窩夫、綿綿冰、即撞豆腐花、香蕉船、心太軟同沙冰等等之外，仲有好多款中式傳統甜品， 帶埋屋企嘅老人家嚟都啱食。抹茶椰汁紅豆冰，呢個椰汁紅豆冰絶對勾起我嘅童年回憶，但係一糖加入咗抹茶同埋雪糕，傳統之餘亦帶點創新，紅豆煮得夠腍而唔會太甜，係我最鐘意嘅味道。由於有少少肚餓，食甜品之前嗌少少鹹嘢嚟頂下肚，估唔到呢度連魚蛋燒賣腸粉都咁有賣相，呢度嘅魚蛋相當高質，有陳皮味之餘亦都好有咬口，腸粉亦都好滑溜，淨係嚟食呢碟小食都已經值回票價。 Mocha 脆脆麻薯窩夫，呢度嘅窩夫最大嘅特色係窩夫裏面係有麻薯夾心嘅，外層脆卜卜嘅窩夫裏面包住嘅係軟糯煙靱嘅麻薯，唔係咁多地方食到窩夫有咁嘅雙重口感，淋喺面頭嘅朱古力糖漿、棉花糖同白色嘅糖霜都為呢個甜品生色不少，一啖脆脆嘅麻薯窩夫，一啖曲奇雪糕，夫復何求。

由於受疫情影響， 台灣之旅被迫取消， 放大假要放放電， 唯有近近哋去位於天水圍站隔離嘅《一糖》 食個甜品， 滿足一下。呢一間《一糖》非常之有旅行感覺， 地點既方便( 隔離就係天水圍西鐵站) ， 亦帶點隱秘。 餐廳係一間小石屋內， 感覺就好似去咗台灣鄉郊嘅小店， 平時好多單車友嚟食甜品。呢度最出名嘅除咗有麻薯窩夫之外， 仲有各款心太軟同綿綿冰。 天氣咁熱， 最啱就係叫番個涼浸浸嘅綿綿冰消消暑。 今次試咗雪白純潔嘅牛奶冰， 牛奶冰充滿奶香， 入口即溶， 非常綿滑。 喜歡焦糖入朋友亦可以加上焦糖漿， 鮮奶同焦糖嘅香氣非常匹配， 一齊食亦唔會太甜。 加埋滑捋捋的焦糖布甸， 充滿蛋香， 入口即溶， 非常美味。另外的baileys心太軟亦同樣係招牌， 熱辣辣嘅心太軟入面有溶岩朱古力漿， 上面鋪滿咗baileys泡沫，酒味濃郁。 baileys和朱古力本身就是極度匹配， 甜中帶甘， 苦中帶甜。 加埋凍冰冰的朱古力雪糕， 一冷一熱的口感實在令人回味。除咗有甜品之外， 這家小店同樣提供咗港式小食， 有軟滑的豬腸粉， 彈牙的魚肉燒賣， 實而不華的雞肉腸 ，以及充滿陳皮味的魚蛋，各種小食都充滿童年回憶， 除