一興粉麵

營業中

休息中

麵店整體環境餐具都好乾淨企理, 店員姐姐&老板服務好好。上菜速度理想。食得好窩心。香港情懷嘅粉麵店。❤️👍🏻1）鮮蝦雲吞麵呢個超驚喜😋雲吞皮薄幼滑。入面D蝦新鮮彈牙。大大粒。雲吞麵幼細彈牙爽口。齒頰留香一試難忘。😋👍🏻👍🏻👍🏻2）牛脆骨河第一次食。呢個超驚喜👍🏻。牛脆骨係牛嘅氣管位置，口感爽脆入味。有啲似豬軟骨 💁🏻‍♀️含有骨膠原豐富，增加皮膚彈性關節靈活性😀 口感十足👍🏻性價比超高。配合埋自家製辣椒油。老板話自己炒秘製而成。好味到停唔到口嗰種。配合牛脆骨，簡直絕配。超讚👍🏻👍🏻👍🏻。我都忍唔住買咗一樽辣椒油返屋企備用。4）凍檸檬茶好多人都讚過佢哋嘅檸檬茶，果然名不虛傳。茶膽正👍，檸檬多。加上大大杯夠冰凍，地道香港檸檬茶口味。飲完透心涼。正👍🏻好耐冇喺香港食到咁滿足嘅地道港式粉麵👍🏻❤️。menu仲有好多好多唔同種類嘅美食。相信都好出色。❤️ 感受到用心製作👍🏻。極之推介。會繼續嚟。我哋食咗半個鐘，就已經見到好多人幫襯。支持小店👍🏻。營業時間到一點💁🏻‍♀️宵夜推介。

長沙灣係香港一個老區，雖然冇大型百貨商場，但勝在多平民小店，價廉物美有時諗唔到食咩就會去食潮州粉麵，貪佢又便宜又多選擇，有牛腩有魚蛋有墨丸，但有一樣啱心水比起其他粉麵店，一興算係裝修新淨啲位又闊落，望下餐牌個特別推介，有樣嘢叫牛脆骨，係牛嘅氣管，係稀少部位，充滿膠原蛋白，真係未試過，一於試下一嚟到見到成碗滿滿的牛脆骨，一咬落去果然好爽脆，湯底清而不膩，食厭牛腩魚蛋嘅可以試下，成碗河粉好大碗又多餸，唔好話女仔，我諗男仔都夠飽，食到尾都仲有牛脆骨朋友叫咗牛腩雲吞雙併，試咗佢一舊牛腩，肉質鬆化又唔肥又唔過瘦，好食。聽佢講雲吞啲蝦都好大隻，又係抵食之選兩個人叫多個炸魚皮，好夠脆，又係一碗滿滿的，加幾蚊叫埋餐飲，食完飽足半日潮州粉麵四圍都有，但搵間好食又坐得舒服嘅都唔容易，仲要價錢親民，真係長沙灣一個好選擇食緊嗰陣時見到餐牌有外賣火鍋配料，有牛腩魚蛋牛丸等等，又幾得意喎，住附近嘅話都可以試下買嚟試

夜收工真係冇乜嘢可以選擇， 於是行過來這間 牛雜粉麵店，試試味道如何因為我們來的時候已經是晚上十一點半，諗住試牛沙瓜，已經賣曬。所以就試下牛坑腩河粉 (牛腩和崩沙腩之間的級數)牛坑腩:鬆化湯底:比較淡, 但加了辣椒油的話,還可以河粉:份量夠，不是碎碎的那種魚皮: 脆口, 正常發揮凍檸茶: 茶底不會苦澀補充一下~ 因為唔夠200字所以求其噏啲嘢平時食開嗰間馮記粉麵，已經關門大吉，新店又未開張，但係又想食 魚蛋粉,牛什,牛腩嗰d, 周圍搜索一下

平時好少嚟長沙灣深水埗區食嘢，上個星期咁啱上完堂約咗男朋友喺深水埗食晚飯，嗰陣時已經夜晚10:30啦😅好肚餓 好多餐廳其實都last order咗。俾我哋搵到呢一間咁夜仲咁旺嘅餐廳，一於入去試吓！🤭平時我都好少食牛腩😂今次我嗌咗牛坑腩河，嚟到嘅時候勁大碗，仲有好多生菜係底😍我一定要配辣椒油食，咬咗一啖牛腩，係我食過咁多間牛腩麵都覺得幾好食嘅一間！🤤佢嘅牛坑腩係超淋超入味，而且唔韌唔會覺得好肥膩👍🏻佢仲俾左一大兜生菜，勁nice(因為男朋友成日嚟食)😆如果比較夜，冇咩餐廳選擇，又行開深水埗區嘅話可以嚟呢度試下喇😋

這間位於興華街及青山道的粉麵店， 每當路過時都會聞到陣陣的牛腩香味。 這裏的招牌牛腩 肉質鮮嫩 肥瘦均勻， 口感一流， 肉嫩多汁。 無論 配上 是湯麵， 河粉或撈麵都一樣美味。 另外還有魚蛋 片頭河， 爽滑彈牙 湯底清甜 也是一流的選擇。 我每當光顧者麵店時 總是會配上一份炸魚皮。炸魚皮又薄又脆， 於麵湯內稍浸一兩秒， 即可入口。 這有脆又軟的感覺真是無與倫比，記住叫麵時多湯。雲吞麵也是值得推介給大家， 雲吞有大粒有足料， 雲吞皮除了包著大大隻的鮮蝦 還有大大的豬肉👍 相當抵食絕不馬虎。 總括來說此食店的環境 服務美食 都相當滿意， 你會食過返尋味。

剛剛经過買左個腩筋雙拼$90元，想問多一句，個阿姐即刻黑囗黑面，就大大聲講買腩就腩，想買筋就筋，我係想一半一半雙拼！ 本來想湯分開，買完都食唔落，以後都唔會再幫襯！

淨雲吞湯底無味,慘過飲水五香肉丁沙爹肥牛特餐,湯底冇咸味五香肉丁變壞員工成日爆粗口,態度差檸檬水冇檸檬味成日漏單食生菜冇生菜食雞扒冇雞扒態度非常惡劣食完有問題 真係唔好食

長沙灣呢面夜晚比較少宵夜選擇, 所以多數都會揸架車過黎一興買野食, 因為已經平時過到黎都已經過左10點, 但都無所謂因為可以外賣係架車度食, 每次都會叫牛腩再拼多一樣黎食, 牛腩真係百搭, 最鐘意就係半肥瘦既牛腩, 真係好好味! 最緊要要落埋辣椒油, 落埋之後即刻香口哂!同埋想講既係佢係淨食都幾抵 $6X-7X 已經有大大碗! 係多料既 所以我覺得係幾抵食試過牛筋同牛什都唔差,牛筋好似啫喱咁淋身 可以推介!!

作為一間良心店，但係店員下下叫人掃安心，差d懷疑自己入錯「腦殘色」嘅食店！😡😡😡😡😡仲有另一個阿姐，成日發夢，唔知又唔問，亂答客人。見到有個客人問，撈麵係咪一樣錢，問咗兩次，阿姐答兩次都話係。叫完嘢食（另一阿姐入單），結果張單係撈麵貴d。原先答錯果個阿姐又唔認自己答過撈麵係一樣錢。

呢一間係位於長沙灣嘅黃店 💛亦係我成日幫襯嘅餐廳 我諗起碼食過十次有多😛而且每一次都係點牛腩米線🍜 牛腩煮得好入味而且肥厚度適中 入口唔會太硬亦唔會太腍$30 一碗 外賣加一蚊 真係非常抵食 而且牛腩夠多 唔會偷工減料😍每次我都會煮多個菜浸啲菜入啲牛腩汁會吸晒啲牛腩汁未 真係好正💕如果你唔自己煮可以去加佢嘅菜都唔會好貴🤣除咗長沙灣有分店好似葵盛等等地方都有分店 但係唔知係咪一樣價錢同埋一樣咁好味😌下午茶仲會平幾$😝

剛剛搬嚟長沙灣，周圍搵下有咩食，行下行下就見到呢間“一興粉麵”，見到佢門口個牌有蠔仔粥，咁咪諗住叫個外賣啦， 收銀嗰個阿姐黑口黑面，問我食咩… 我話蠔仔粥唔該… 跟住佢好晦氣咁找返錢畀我， 我話咗佢一句服務態度咁差， 跟住佢行入去廚房，我見佢原來係佢煮蠔仔粥畀我， 我即時o曬嘴，(心諗…唔係廚房師傅整㗎，係樓面收銀整， 死啦今次中伏喇!!)返到屋企急不及待就已經打開嚟食， 跟住撈下撈下睇下有幾多粒蠔仔先，嘩…原來係10粒都無呀…有無攪錯呀…飯就好多呀… 跟住唔理啦…食啦…， 但食食下覺得味精好重，一路食一路飲水， 口渴到不得了… 食食下仲發現咗阿姐加料畀我， 發現咗有一條長膠條型， 都唔知乜差嚟( 阿姐… 你唔使咁呀，話你一句服務差啫，唔使喺我碗蠔仔粥到加料呀……😡😡)呢一間嘢真係可以以後唔洗幫襯，正一垃圾之中嘅垃圾🤬🤬🤬🤬🤬🤬

疫情之下，切牛雜個師父竟然冇戴好個口罩！見到喺黃店，又係新開無耐，諗住去試下，入到去坐低見到個牛雜師父個口罩戴喺下巴，再望下盆牛腩牛雜比佢冇口罩之下對住咁耐，我當堂打個突，即刻起身走人，個牛雜師父同個侍應仲問點解走呀！我只係答佢話唔太啱食（師父啲飛沫），開張咁耐一直都做唔起，之前就整到渠口好臭，最近搞番好，又整飛沫牛雜，真係凡事都有原因！

咁呢間都去過好多次架啦。啲牛雜河都好推介。不過環境比較狹窄，堂食就唔係咁好。外賣好貼心，河粉同湯肉分開裝（係一個盒入面），啲肉感覺上比堂食嘅多。大熱天時加上而家新冠就外賣啦。總體來講都ok，住係附近都可以試下。

自己一直都麻麻地牛雜粉面，覺得難咬又臭，但個fd話佢中意食又見呢間新野，就陪左佢去試。間舖面都幾乾淨光猛，環境ok既。坐低揀野食見到d價錢都幾抵，就嗌左個魚旦面同炸魚皮。個fd嗌左個牛雜牛腩面加個菜。個魚皮好正，好似打邊爐好脆果d，唔會話有陣油臭味黑蚊蚊咁，感覺上好新鮮，好中意食不過個面底有d硬，可能我岩我口感啦。個fd話好正不斷叫我試下d牛，佢咁誠意權權我咪試細細啖，諗住舊野可以好似香口膠咁咬到走都咬唔到架🤣 點知👉😍 估唔到 哇!我食得到呀😭 整得幾好食喎，林身得黎都爽口，唔會痴鬼住晒d牙，舊牛仲好香! 今次比個fd咁導完，對牛雜好感度up👍終於搵到間我食到既牛雜舖✌cp值都高! 之後都會繼續同個fd黎食

新搬去蘇屋邨住既我，當然第一時間睇下周圍有咩食啦！見到銀龍...心諗有牛什食喎 但40蚊幾一碗真係好唔抵，咁就再行下啦 點知有見到一間牛什粉麵鋪 名叫一興粉麵。一入去環境幾好企理，咁我就叫左碗牛腩河同淨雲吞！牛腩帶啲肥油，香口淋身！當然再試下辣椒油，好香！好有蒜味。問老闆有無得買。佢都話我識貨 20幾就有交收！老闆話用左炸蒜 蒜片 野生辣椒炒！廿幾蚊抵玩，打邊爐又點得。之後雲吞就好快上到！皮既厚度還可以，但餡就無偷雞喎，成隻蝦 爽口彈牙 仲食到有大地魚既味道，所以我會推介大家食雲吞，中意食雲吞既朋友可以試下。咁就一餐埋單都係60蚊內，幾抵食。我平時收夜食宵夜又多一個選擇啦，因為原來收凌晨1點 正！