一葉小廚

營業中

休息中

原本經常幫襯，近來服務和食物質素有偏差，上次早餐，雪菜米竟然冇雪菜，點第二個餐竟然又唔可以轉通粉，明明餐牌係粥同炒麵，偏偏要人選擇銀針粉; 今次早餐，再三催促下，25分鐘才到食物，冇豬仔包又唔出聲，求其俾咗塊多士，問佢先講。樓面又話廚房唔夠人用。上次午餐外賣，等咗半個鐘，阿姐又話廚房唔夠人用，仲要話外賣係咁耐！係咪附近沒有多的選擇，才咁樣對客人街坊？！感覺越做越差！

第一次喺廣源邨搵食 ，試咗蕃茄魚湯飯， 飯好大份 ，啲蕃茄湯好鮮甜 而且好濃， 蕃茄好新鮮 ，魚肉非常新鮮 ，同埋 煮得 好 嫩滑， 配上少許嘅酸菜 和 芫茜 , 即香口又惹味， 啲魚嘅份量都好多 夠飽肚。

2020.09.05今日遠道前來探朋友，佢介紹我哋去試吓。環境舒適。倘大的地方，至少有上百個坐位(不計算疫情影響) 但竟然沒有洗手間。太唔方便了！需要用的話，去邨內的{一格，只有一格} <男、女> 共用的公厠😱，太欠衛生。即食麵就只係泡麵好失望。牛肉還可以。冇仲到會有兩隻煎蛋。雞翼細細隻，雖然未至於凍冰冰，但係唔可以講話熱囉。不但只唔脆亦冇乜味道。厚西多士還可以，外脆內軟，花生醬份量剛剛好。跟餐飲品蜂蜜紅茶，喝不出蜂蜜味但總算不太甜。如果要選其他飲品，如凍奶茶、凍檸茶、等等⋯⋯就要加錢呀！

今日行黃牛山睇石天窗，11點食完少少野就出發過去，結果行下影吓相都成6點先落到山腳，好鬼肚餓呀！所以唔去咁遠 就係山下既廣源村食叫左好大塊排先滿足到😂不過冇咩牛味另一個就叫左一人火鍋好足料呢個就最好味👍🏻

行山關係走進小瀝源的廣源邨午餐這條小屋邨的食肆出奇的多這間台式食肆的人流算多價錢不貴，裝修也算新穎午餐時間有幾個精選午餐只是$41-$53左右還有台式鍋物及台式常餐選擇生煎香葉牛肉土豆蛋餅 - $49五大塊切件新鮮煎起冒出小煙蛋味濃郁，土豆切條好像洋蔥，整道菜比較清淡生煎南瓜海苔肉餅 - $41三小件，又凍冰冰的味道出奇的淡鹽酥雞排 - $50炸得很脆口而不油膩，但炸粉比較厚中間的粉末和醬汁比較辣和咸，旁邊的又沒有粉末和醬汁高雄蔥香肉排 - $49五件很瘦的肉排這個最好味，醬汁醃得很入味，又炸得有小小脆跟餐配香菇肉燥飯有半片糖心蛋*可以選擇菜飯跟餐加$3配凍無糖豆漿

今日去廣源探朋友，同佢地一家大細四個人落左樓下食飯！個陣啱啱好午市，差唔多就黎坐爆，但係餐廳望落好大，休閒風既裝修， 就算坐爆都唔會覺得迫喼，推BB車黎都唔怕。 一入到去啲職員就好熱情甘帶位， 仲推埋bb凳過嚟，但個位對正風口位，有啲凍，同職員反映咗之後好快就安排咗卡位畀我哋！坐低無耐餐廳就開始多人，見到班職員都忙到踢曬腳，雖然忙，但都好快甘幫到我地落單，仲好親切甘推介咗幾款嘢食畀我哋！我自己叫左碗紅燒牛肉麵超級大碗，好抵食！D牛肉又唔騷好入味， 仲有隻好好食嘅糖心蛋，超正！ 朋友嗌咗個炒飯同蔥香肉扒飯，個炒飯超都係大碟，又夠鑊氣好好食！ 個香肉扒飯好抵，一碗飯一碟餸都係45蚊！仲有飲品既蜂蜜紅茶係免費嘅， 唔會好甜，味道啱啱好！因為冇諗過份量會咁多，所以食剩咗個炒飯，職員見到就好好咁畀咗個外賣碗我哋打包拎走！總結而言係一間好有人情味既餐廳， 環境舒適氣氛又好， 員工服務態度好好，嘢食都好抵食，下次過黎一定會試埋其他野食！！推薦埋俾其他朋友！！

廣源邨雖然身處山上面，自成一角， 但村入面其實都有唔同食物選擇。巴士總站附近就有呢間台式美食住打嘅一葉小廚。外型好似一間屋仔咁樣，入面環境尚算寬敞。午市有一系列嘅招牌同精選午餐，連蜂蜜紅茶。另一賣點，就係呢度有啲餐嘅飯可以揀菜飯或者肉燥飯，最適合我呢邊唔鍾意食白飯嘅人！台式孖寶肉燥飯 ($45)我揀咗黑醋燻魚配手搖脆雞翼， 另外仲配上豆，同埋半隻糖心蛋。醬汁方面味道好濃， 平時食得清淡嘅人可能會覺得偏鹹， 但係配上飯我就覺得味道唔錯。雞翼炸得比較乾身，好彩肉質都唔會太乾太硬。肉燥分量同味道適中，整體成個飯嘅味道都不過不失。 飲品方面，蜂蜜紅茶好好飲！平時我唔鍾意飲啲好甜嘅飲品，但我覺得呢度嘅蜂蜜紅茶甜味啱啱好，而且蜂蜜配上紅茶味道好夾，推薦！

晚飯時間今日放假唔想煮飯，就去了附近餐廳醫肚啦！這間食台灣菜套餐可選菜飯或燥肉飯。柱候牛腩炆蘿蔔鍋飯 牛腩蘿蔔鍋都幾大份，跟了燥肉飯一碗仲有半隻蛋，牛腩夠腍身好入味，蘿蔔清甜。鳳梨京都肉排飯京都肉排酸酸甜甜，配埋菠蘿口感豐富夠醒胃。花膠雲腿雞鍋飯半隻大肥雞好嫰滑，湯底味濃配料有花膠、雲腿同冬菇，熱辣辣只是吃這個已經夠飽，食埋碗飯個肚腩即時凸曬出來。餐飲有蜂蜜紅茶，味道濃郁。巨牛鐵板餐這款一樣超大份，牛扒真的夠巨型煎得剛剛好，唔會韌有牛味配蛋炒飯仲有蕃茄半個同薯菜，今餐真的好滿足囉！

星期六去朋友家拜訪難得見面傾計傾到唔知時候，已經晚上八時左右朋友說不如係附近食埋飯，有間食台灣菜都不錯的，問我去唔去食呀！我見肚子已經很餓了就梗係食完先回家啦！這間小店都有很多食客已經坐滿，我們都要等十幾分鐘才有位置。這間店裝修簡約清新，地方大同乾淨。我點了 S01 秘製紅燒牛肉湯麵 $53跟杯熱/凍 蜂蜜紅茶湯底熱辣辣味濃，紅燒牛肉煮得夠腍好香，湯麵煙煙韌韌。D05 香葉三杯雞鍋 $60招牌套餐可揀 (香菇肉燥飯/菜飯)，三杯雞香噴噴，炒得香脆雞肉鮮嫰惹味。

間唔中Happy Friday都會上嚟廣源, 呢度其實冇乜食肆, 所以都係嚟返呢度食, 不過呢度啱我地口味的又唔多, 所以次次都係叫鹽酥雞扒麵, 不過今次有發現, 有個台灣小食好掛住, 就係蚵仔煎, 見佢有, 就當然要試試啦~ 鹽酥雞扒麵每次都係叫呢個, 睇返我之前啲食評就知, 不過唔知係咪次次都唔同師傅, 個雞扒有時炸得好乾身, 唔油膩, 但有時又炸得差啲, 好鬼油, 真係要睇師傅兼睇師傅心情~ 蚵仔煎睇個樣都唔差, 食落都唔錯, 蚵仔都夠多, 而且有啲仲唔係仔, 係佬 不過要趁熱食, 因為口感非常QQ, 但凍咗就變成又厚又實, 相差好遠~ 凍蜂蜜紅茶超多蜂密, 太甜, 雖然茶味都夠, 但下次可以叫佢少甜~

同朋友行完山終點係從未去過嘅黃泥頭誤打誤撞去到廣源搵食Openrice一輪大多數餐廳評價都麻麻見呢間台灣嘢都幾多人就試下佢啦滑雞煲仔飯足料有飯焦啲雞幾滑花菇夠厚身意外地好食同埋刮完飯焦見個煲都幾乾淨金菇肥牛粉絲煲跟菜飯一嚟到即刻心心眼因為個金菇肥牛粉絲煲有我最愛嘅芫茜味道方面正正常常其實呢啲又好難唔好食嘅牛肉都頗多金菇粉絲送飯一流整體嚟講大份夾抵食抱住會中伏嘅心態入嚟結果竟然冇伏唯一冇咁滿意係成個menu都係肉

今日去沙田廣源邨找一位朋友，之後落去下面的商場吃午餐，見一葉小廚的門面骨子，餐牌的選擇又多，價錢又便宜，於是入去試一試。一葉小廚午餐選擇有十多款，如乾炒牛河、九層塔煎肉餅、滷水雞翼拼魚餅湯飯、焗豬扒飯、沙茶牛肉炒芥蘭等，主菜不夠食，還可加十多、二十元配小食，最後點了九層塔煎肉餅。煎肉餅是配菜飯，十分適合追求健康的人士，而肉餅煎得非常香口，味道調配得宜，不會過淡或過咸。作為一間街坊茶餐廳，水準真是好。

廣源邨個頭食肆真係唔多選擇，今次試左呢間台灣野。屋邨食肆黎講間野整體價錢偏貴，平均都4x-5x 一個餐，多數係一份小食/ 餸配肉燥飯或菜飯。 不過今次點嘅係焗豬扒飯😅個豬扒飯面頭有隻太陽蛋，飯量適中有炒底，豬扒都唔鞋手，加左唔少蕃茄, 芝士, 磨菇同洋蔥去焗，食落幾開胃。不過汁比較多，食落個飯比較濕，同埋食食下覺得咸左啲同開始漏。跟餐免費配凍峰蜜紅茶，正正常常，略甜。

難得屋企附近有台灣菜！可以近近地有珍珠奶茶飲。set lunch / dinner 都價錢合理，幾好味！廣源一帶較為可以一大班人坐低食飯的地方，唔逼，乾乾淨淨，舒服夠冷氣。

本想拼黑醋豬軟骨、蛋餃同魚餅，但豬軟骨售罄，於是改了台灣腸，之前食過這台式三寶肉燥飯對於我來說份量充足，所以自備飯盒實行一飯兩餐，聽日午餐有著落了。帶點甜甜的台灣腸令我有點嗟異，一小條分兩邊⋯⋯蛋餃蛋皮香，餡是雲耳同碎肉，雲耳滑滑，肉「鞋鞋」，雙重口感好味道，魚餅算彈牙，味道適中，配肉燥飯都唔覺太濃味