一薯 (已結業)

本身諗住行去買媽咪蛋仔，不過行去途中見到呢間小店新開，專賣薯條，我同女友都可以話係薯條迷，價錢又唔貴就一於試下。小店內外佢廚房位都算大，而食物整既速度亦快，唔洗等好耐。食物選擇專食薯條，仲分左日式同比利時式薯條兩種，不過都有炸雞同窩夫賣，價錢最平$18有交易。日本超長薯條(黑松露蛋黃醬) $3030cm既薯條，一拎上手真係幾驚喜，起碼係平時食既2倍長。有好多款醬可以揀，試左黑松露蛋黃醬，食落外層微脆，薯味唔算太重，不過色水就唔多靚，可能炸油用得比較多次，睇到薯條顏色偏深色左啲，食落亦有啲油溢感重。比利時薯條(一薯醬) $30呢款冇日本超長薯條咁多醬揀，而我揀左一薯醬，一薯醬即係蛋黃醬、蕃茄醬同鮮洋蔥粒。呢款就係平時食開既粗薯，以薯味黎講比日本超長薯條重，同埋外層脆身少少，內裡薯肉厚實返啲，不過就同日本超長薯條問題一樣，顏色偏深，油溢感重。我會覺得係中下水平，炸油唔算新鮮，令炸出黎既薯條唔夠爽脆，而係油多，食得多幾條喉嚨唔太舒服。

近來少有推薦的小食店 全部薯條炸雞即炸 薯仔由比利時入口✈味道口感的確與普通薯條不同😎.🍟長薯條(黑松露蛋黃醬+綠芥末醬)$30🍟巨大份 全部長幼身 外皮沒有裹粉 仍炸很很乾爽挺身👍 中間非常綿密 但不是一patpat 醬汁調得不錯 尤其綠芥末不嗆鼻但清爽的不會膩🎋唯一要改善係醬汁會令薯條變淋 (會唔會轉為沾醬?🙈).🍟比利時薯條 配一薯醬$30🍟一薯醬加10000000分😍😍😍😍😍😍(店員話可以加係長薯到 )甜多於酸的 但不是沙律醬 還有生洋蔥的爽甜放心 生洋蔥不會嗆 食完冇口臭😙粗薯更顯薯仔綿密感而且欣賞夠短身 咁脆皮:薯身比例更高😎.🍗日式炸雞$20🍗好多汁好滑 不重調味已經夠做🐥圖 就知有幾正 估唔到連炸雞都做得咁好👏.超級推薦的掃街店😝薯條真係好好食又大份 價錢貼地 又有gimmick📷 店員由荷蘭回來 相信真的帶來了歐洲的風味小食😌

旺角區主打外賣嘅小食店真係多到不得了，但九成以上都係賣熟口熟面嘅魚旦，牛雜，豬大腸，腸粉，台式飲/食品....等等。一D新意都冇今日去完廣華醫院探朋友，就在廣華街見到一個新招牌，五個Q版薯仔十分可愛，行埋去睇吓，原來係小食店，主打兩款薯條，比利時炸薯條同日式炸薯條。賣點係即叫即炸，保證新鮮。我地有幾個人，於事每款order一客試吓，在等待期間，老闆娘十分好頃，話佢地自已從歐州和日本空運薯仔做薯條確保水準質素。好快趣，新鮮熱棘薯條已經炸好，一試果然不同凡響，外脆内輭就唔使講，嗰陣薯仔香味就真的回味無窮，加埋D醬汁就更加好味。因為佢地開始營運不到一星期，暫時只有兩款薯條，很快會加入高質素格仔餅，炸雞，熱狗等等。遲小小一定耍再來

小弟之前曾經去過歐洲旅遊對於歐洲街頭小食頗有興趣，今日去到旺角行街發現到一間薯條店，｛一薯｝店員推薦我食比利時薯條，一試之下即刻追憶返十幾年前的味道！！好多感觸湧上心頭！強烈推介比利時薯條😄！