一薯 (已結業)

幾特別嘅小店主打長過手掌嘅薯條！🍟超長薯條有10隻味揀！想食普通薯條仲有平時食開嘅粗薯條，「比利時粗薯條」，可以揀！點左黑松露蛋黃醬超長薯條，雖然係即炸但等左5分鐘就有！好多醬！薯條即炸熱辣辣！Counter則邊仲有鹽，黑胡椒，紫菜，芝麻俾你任加調味！唔想整污糟手指仲有竹籤提供！整體黎講薯條係薯條蓉整成條狀咁去炸但冇落炸粉所以唔厚身👍🏽醬好足👍🏽一份都好大份 好飽 兩個女仔都食唔哂！做小食好抵！👍🏽

而家行旺角，要喺登拉士街附近搵野食，選擇真係少左。比較少行入鎗街果邊，今日行左過果邊搵到好好食嘅薯條，仲要係好長好長嘅薯條~日本超長薯條配塔塔醬 $32店家有日本超長薯條同比利時薯條選擇，前者超長香脆口感綿密，後者正常長度更脆更香薯味~除左薯條有得揀，點醬都有好多選擇，車打芝士，黑松露蛋黃醬，塔塔醬都好吸引，今次先試塔塔醬。第一次食嘅時候覺得口感出面真係好少有，脆嘅薯條出面有，脆得黎綿密，啖啖薯香，真係一試愛上，大力推介!

旺角出現30cm超長薯條🍟啊😱登打士街成條都係小食舖 行入少少就搵到我寶寶太鍾意食薯條同炸雞🍗🐷🤦🏻‍♀️.#30cm日本超長薯條 $30鋪頭用日本薯仔🥔整成薯蓉 再唧一條長長既薯條去炸 太神奇🤭有好多唔同既醬揀 呢款係黑松露蛋黃醬🤩仲有日本沙律醬、綠魔醬、吸血鬼醬、櫻花蝦加芝麻醬、車打芝士🧀醬等等...由薯仔蓉炸出嚟比較淋身 但外皮都keep住脆👍🏻口感特別可以一試‼️成條都係黑松露蛋黃醬😍超正🍟.#比利時薯條 $32太喜歡食薯條嘅寶寶 叫埋呢款原個薯仔炸出嚟嘅薯條🍟比利時薯仔🥔薯味好重👍🏻果然用料高質呢款配搭搭醬 呢款醬係我最鍾意食嘅 酸酸甜甜咁👅🤩 係連鎖店永遠都唔會諗到！呢款醬必試‼️.另外仲有唔同嘅小食 Mini burger 🍔、炸雞、窩夫、荷蘭甜餅😋都係英國特色嘅小食可以推介鍾意食薯條既朋友試下🍟🍟🍟

係登打士街呢條充滿著各式各樣小食既街道 想站得住腳 無番少少特色係點都唔得生存唔到既🤭😂 今次經過我地就試左呢間專門賣超級長薯條既小食店🍟 人流唔少 都幾多人排隊 我地等左大概10分鐘先有得食 佢地既薯條有10款醬汁combination 可以選擇 我地就揀左黑松露蛋黃醬味🤤 本身薯條本身點沙律醬都已經好好味架啦 所以基本上呢d配搭都係無得輸既😋 而且佢落左好多醬 唔怕食到最後無哂醬 可惜等左咁耐佢d薯條都唔夠熱 同埋黑松露味唔夠濃 🙈

十分吸睛的日本超長薯條，每條有20多cm長，分量頗多的。對於一個人來吃的話是超級滿足；薯條採用日本薯蓉及薯粉，即叫即炸，很有薯香，亦十分香脆。餐廳提供日本長薯條及比利時薯條兩款選擇；而日本超長薯條的醬汁則有十款可供選擇，較為特別的有綠魔醬（日本沙律醬加青芥辣醬）、吸血鬼醬（番茄醬加是拉差醬）、干煎櫻花蝦加芝麻和黑松露蛋黃醬。這次點了吸血鬼醬，這個醬汁其實吃下去不太驚喜，就是混醬的配搭（沙律醬+茄汁+辣醬）相比之下比利時薯條的芝士肉醬口味的薯條更為吸引，是可以一嚐的小食新選擇。

係網上有不少media都報導咗一薯呢間小店，見到影片入面唧出長長嘅薯條，感覺好治癒，再加上滿滿嘅醬汁好似好吸引咁，所以一直都想搵日去旺角試下。咁岩當日係旺角唱完k，可以順便當下午茶咁試下佢嘅薯條。店鋪位置唔算難搵，因為附近街都係成排小食店，大概都知方向。店鋪比想像中細間，最多只可以企5-6人。本來以為media報導後會大排長龍，但當日店裡竟然無乜客人。當日印象中店內只有兩位店員，即點即炸薯條，可能因為客人唔太多，所以唔使等太耐。餐牌主要分咗兩種薯條，日本超長薯條、比利時粗薯條。今次試咗日本超長薯條先，因為好少見咁長嘅薯條。超長薯條配嘅醬料都有好幾款，揀咗一陣先決定到（選擇困難症發作haha）。我地揀咗綠魔醬，即係日本沙律醬＋日本青芥辣醬。由於即叫即炸，都要等一陣先有，要有少少耐性。日本超長薯條配綠魔醬醬料都幾足料，食到最後唔會無哂醬汁。至於薯條，真係好長好長，大概有一截手臂長？佢同預期中嘅口感真係好唔同，佢唔係m記薯條超級加長版，食落亦唔太有薯仔香，反而有啲油膱味。口感偏向爽口，但稱唔上好食。炸出離亦唔係金黃色，而係偏焦嘅深啡色。因為薯條太長嘅關係，吉住食個陣好易斷開，大家要小心翼翼地

人氣黑松露蛋黃醬再加上日本超長薯條，真係好特別等左一陣就有啦，即叫即炸。差不多成條薯條都沾上醬料，成個面都係，啖啖滋味！而薯條亦好香脆，用黑松露醬的確係物有所值，唔夠醬既佢都有不同的味粉比你，體貼。

✨旺角 即叫即炸超長薯條🍟✨去旺角掃街又有新選擇！經過聞到薯條香味真係好吸引🤤即叫即炸 主打兩款薯條 一款係幼長既 另一款係粗薯亦有多種醬汁配料可揀 .🍟日本超長薯條 配黑松露蛋黃醬（$30）嘩 真係長到嚇親😂即炸起好脆口！熱辣辣Total有十種醬可以揀蛋黃醬係我最愛 完全食唔停口 仲可以自己加料 加左好多海苔😍.🍟比利時薯條 肉醬拉絲芝士呢款係粗薯 口感會比上一款厚實個醬真係不得了🥰每條薯條都沾上肉醬同芝士！唔會太咸 不過食完都飽飽地😂.🍔脆炸雞肉漢堡現場睇住即炸即整雞肉炸得香脆 肉質唔會鞋如果可以多d醬會更惹味.

🍔今次決定介紹啲小食比大家掃街時多個選擇😤首先要讚一讚嘅喺佢地全部小食都新鮮即炸，而且醬汁好多選擇，有十款咁多，一定會有一隻鐘意💝，但選擇困難症嘅朋友就頭㾗啲喇🤭-日本超長薯條配綠魔醬同黑松露蛋黃醬(HKD$28) 薯條有成25cm長😱 炸到幾脆而且幾香薯味😍 綠魔醬即係芥辣醬，綠到咁雖然有啲嚇人，但味道完全冇問題🤣芥辣味幾出，但就冇左芥辣有嘅攻鼻，而且幾酸下，可以一解油膩感。黑松露蛋黃醬嘅黑松露味就不太夠了😟 由於薯條比較長身，一點醬就斷開兩半了😮比利時薯條配黃金聖鬥士(HKD$28) 薯味比頭先的濃，而且夠晒粗身，好食得泥又飽肚😋 黃金聖鬥士即係蜜糖芥末醬，甜甜酸酸咁，仲有少少蒜味~ 🍔幾推薦依個醬！韓式炸雞🐔（HKD$28）皮脆而肉質都幾嫩滑，韓式醬汁同韓國個啲都有幾分相似，甜甜哋咁，一啲都唔辣，愛辣嘅朋友仔可能會有少少失望喇🤭

(日本超長薯條 $30)呢間薯條專門店主要有超長薯條同比利時薯條兩款，長薯條每條長達25cm。用上日本薯蓉同薯粉製成麵糊油炸，醬料亦有十款之多，我就揀咗干煎櫻花蝦芝麻同綠魔醬。薯條炸得香脆乾爽，中間呈半空心狀，薯仔味較弱而且受醬料影響軟化速度較快；綠魔醬亦即係日本沙律醬配日本青芥辣，不過略嫌青芥辣味被沙律醬搶去風頭，個人比較鍾意另一款干煎櫻花蝦芝麻味，沙律醬配上大量櫻花蝦更加香口惹味🦐雖然無試到佢地既比利時薯條，但就食咗(肉醬芝士薯條$45)，同比利時薯條一樣係以原個薯仔即切即炸，面層佈滿大量熱熔芝士、肉醬同番茄醬；相比起超長薯條，比利時薯條口感更加實在，薯仔味重而且粉糯綿密，不過因為醬料佈滿整份薯條始終唔夠香脆，整體感覺會比較似Potato Gratin甘，偏好香脆感既我覺得一般沾醬版比利時薯條應該更加出色🍟其實我最鍾意係佢地既炸雞好高質

日本超長薯條每條都足足有25cm長用上日本薯蓉及薯粉製作炸粉好薄身食落去唔會有好熱氣嘅感覺薯味都幾正加埋有好多味道可以選擇但薯條好長,好幼每次拎起嘅時候都會斷開係咪小編有問題呢 下次去試下另一走先

我個人絕少寫食評，今次真係唔寫唔得，因為我身為一個從小食連鎖快餐店薯條長大嘅人，又食過兩三間美國過江龍快餐店嘅薯條，原本都係覺得麥記嘅薯條最好食，但我今日食左呢間之後，先知道天外有天。睇網上介紹，佢哋d超長薯條係即唧即炸，新鮮度唔洗講係一級，但最令人佩服嘅係，唧出黎係圓角長條形嘅薯條，呢點就令我覺得佢食落無咁熱氣，因為唔會𠝹口，呢點真係好重要！薯條本身炸出黎係外層偏薄而脆，咬落口首先你以爲好多空氣係入面，但再咬真d，入面d薯仔味即刻出晒黎，而且因為唔係炸好耐，入面既水份得以保留，口感即刻變左食薯蓉果種，令人更加食唔厭，最後有醬既點綴，完美！所以就算係賣緊30蚊份，我下次都會想再食

旺角小食呢期hit hit應該係呢間吧🙆🏻‍開設了一間薯條專賣店一薯,新開冇一個月,主打荷蘭小食,意大利薯條🍟但無奈地28cm長既日本🇯🇵薯條太吸晴...被蓋過風頭了😂🔹日本薯條配綠魔醬 $28日本薯條🍟大概25-28cм長,口感整其腍身,薯條味簡直係零😨如果你鍾意食薯條既話會失望到喊出黎😢!!!反而醬汁方面會有驚喜👍🏻綠魔醬係(日本沙律醬加青芥辣醬)...都幾開胃,但我覺得吸算鬼醬好食d,係(番茄醬加是拉差醬)!!🔹意大利薯條配一薯醬 $32反而呢個意大利🇮🇹薯條就真係薯味十足啦,口感仲好好,外脆內軟軟,凍左食又唔差架仲保持到脆口又唔油🙆🏻‍兩款薯仔太大對比了，配上一薯醬,呢個組合老闆都推介👍🏻番茄醬加荷蘭沙律醬再加洋蔥粒,估唔到咁мaтcн♥️意大利薯條好推介呀！呢度薯條醬料款式多又有特色值得一試的。(((笑臉)))

potato king長薯條今次剛剛經過(試一試)心中疑問(如何造手掌長的薯條)店有部電視(播出製造薯條過程)有部機按出長條薯蓉，入滾油中(即炸)即叫即炸(今日等5分鐘左右)嘩……比手掌更長選了綠魔醬(日本沙律醬+青芥辣醬)即炸即食食薯條一定要熱辣辣和脆卜卜(這店做到)口感外脆，內軟醬汁惹味另外有供應鹽和黑椒粉加少少在薯條上(更加惹味)$28的價錢，份量大份(熱辣辣的薯條，已經值得再食)

味道還不錯但薯條質地鬆散，口感欠佳，打卡可以但唔會突登再去買服務態度很好，加左汁之後薯條好易淋同斷開，味道比較淡口如果中意食重口味ge朋友唔會太中意，總結可以一試