一虎

營業中

休息中

今日lunch 同事話想食拉麵, 於是就慢行到灣仔搵拉麵食, 經過廈門街, 見到一虎拉麵, 門外已企左7-8人, 我地喺門口等左15分鐘先可以入座. 入座前見到門外貼左幾款特式拉麵, 分別係: 蒜頭拉麵, 檸檬拉麵, 鮪魚拉麵, 下次要試下先.是日午餐一虎特選赤虎煎餃子拉麵有粗/幼, 軟/硬, 香油等等選擇, 睇下個人喜好, 可以自己揀.一虎特選 – 有4塊义燒, 4塊紫菜, 大量木耳, 糖心蛋等等, 湯底清香, 唔算太濃, 但好易入口, 麵身選硬D, 幾爽口, 义燒就肉嫩.赤虎 – 辣道適中, 香口撲鼻, 同事選軟麵, 但都唔會林到一PET野咁.煎餃子 – 熱辣辣. 外脆內軟, 配上有少少辣味嘅醬油, 好好味.

餐廳：一虎地點：灣仔廈門街菜式：日式拉麵餐牌：有拉麵6款，飯一款，餃子一款，飲品。另外都有其他口味拉麵，例如期間限定口味。可以剔紙選擇麵既種類同硬度，湯既香油，配料要唔要，加料或者加麵。一虎特選 $143一虎特選賣相唔錯，係包含所有配菜既拉麵，非常豐富。叉燒5片，好薄切，完全唔韌，又唔會太肥，好有豬味。味付蛋一隻，非常入味，呢度係原隻上，無切開，入面軟淋淋好滑溜，味道偏濃。海苔4大片，浸左落湯更好味。味付筍同木耳絲爽脆，份量好多。加上新鮮蔥花同一小pat辣蘿蔔蓉。蔬菜份量真係好足！一虎個湯底係豬骨湯，好清，唔會太濃或者太油，我地叫左走香油。個麵我揀左幼麵同正常硬度，個人覺得都可以，下次希望可以試試粗麵。赤虎特選 $149赤虎特選配料同一虎特選一樣。赤虎係大阪人氣激辛口味，個湯底呈紅色，味道果然係辣，都幾辣架。煎餃子 $48煎餃子一客六件。餃子皮煎得少少脆而滑溜，入面有豬肉同蔬菜餡。食埋餃子真係大大滿足。紅茶花伝檸檬茶 $17烏龍茶 $17紅茶花伝檸檬茶同烏龍茶都係支裝，衛生方便，仲有飲管。枱面都有冰水自己斟。枱頭有辣芽菜，鹹菜同紅姜。星期日下午兩點幾都要等位，非常旺場。

拉麵｜一虎 ｜灣仔可以自由選擇拉麵嘅硬度同粗幼———————————🫶🏼海老虎 $108 & 溏心蛋 +$10 + Lemon Coca-cola $15叉燒有兩大塊湯底上面有大量嘅櫻花蝦 蝦味超級濃郁但唔會太過重口味 麵條口感彈牙而且仲有好多蔥🤍 口感同味道提升溏心蛋 一咬開就有流心嘅蛋黃湧出來配埋拉麵食一流🫶🏼 黑虎拉麵 & 溏心蛋 +$10豬骨湯底配黑蒜油 香濃嘅蒜油味 完全唔會好油膩叉燒有兩大塊 同蒜味好match🫶🏼煎餃子 $42即叫即煎 熱辣辣 即刻食仲有爆汁嘅效果皮唔厚 而且都算大舊仲要有6隻————————————————————————📍灣仔廈門街23號地舖@ichitora_ramen_wanchai ————————————————————————Overall 💗💗💗💗#香港 #food #delicious #hk #hongkong #eatwithfoodiez #灣仔美食 #香港拉麵 #香港日本菜

拉麵控又出動啦，今次要食既係一虎拉麵想試咗好耐但成日都見要排隊 今日接友人放工剛好見到唔太洗排梗係飛入去啦有聽過一虎既都知佢哋出名檸檬拉麵，所以叫咗個加 一虎 唔好見碗麵咁好似得檸檬呀，事關我朋友唔食葱 所以走哂！檸檬中和咗湯底嘅油膩，湯底帶有檬香同少少酸味一虎拉麵🍜招牌濃厚嘅豚骨湯底加超級多既木耳同葱木耳爽甜，份量多到誇張叉燒偏瘦冇乜肥膏，麵條簡咗粗麵 爽口彈牙糖心蛋仲流緊心！總結，兩碗麵各有千秋 好難分高下如果想試新野既可以試吓檸檬 保守派既就一虎啦！

灣仔呢間拉麵店成日都排滿人龍，今日終於可以一試店舖雖小，但店員效率好高每碗都係由師傅即製唔洗一陣就有得食桌上放有 蒿菜．辣芽菜．紅姜可以按自己喜好隨意添加每碗拉麵都可選擇麵質粗幼度 同 湯底濃度✨一虎特選拉麵特選拉麵湯底好香濃加上紫菜．糖心蛋．叉燒．木耳同筍大大碗．份量充足✨赤虎特選拉麵朋友好鍾意食辣，佢話呢個湯底超級好味我試咗一啖，果然係好香好惹味鍾意呢度嘅麵質非常爽彈糖心蛋滑嘟嘟連裡面嘅蛋王都好幼滑✨煎餃子餃子煎到外脆內軟，依然保留豐富嘅肉汁 好Juicy見到隔離枱食緊檸檬拉麵好特別下次一定要試

I recently visited a Japanese ramen shop in Wan Chai. I had the pleasure of trying their Lemon Ramen and pan-fried dumplings.I arrived at the shop at around 1 pm and was pleased to only wait for 10 minutes for a table. The shop was cozy and could accommodate about 20 people. The atmosphere was reminiscent of a classic Japanese ramen shop, complete with wooden furniture and minimalistic décor.Now, onto the food. The Lemon Ramen was an interesting twist on the classic dish, and I was pleased to fi

做完運動後有點肚餓，唔想食得太heavy但又想有飽肚感，食拉麵就岩晒，灣仔呢區拉麵店眾多，但「一虎」往往是我首選店內裝修同日本拉麵店都十分相似，大概有十多個座位，播住日文歌，更加有feel呀，店內除左有「一虎」、「赤虎」、「黑虎」、「海老虎」& 「白虎」外，仲有「檸檬拉麵」、「鮪魚拉麵」同岩晒素食朋友既「素拉麵」檸檬拉麵🍋🍜檸檬拉麵係其中一款人氣拉麵，湯底混合左祕製檸檬醬同自家製豬骨湯，再配上新鮮檸檬片，個酸度好清新又醒胃，亦都食到淡淡既豬骨湯味，附上薄薄既叉燒，麵既粗幼度亦都岩岩好，加埋紅姜、辣芽菜、蒿菜、芝麻成碗麵既味道頓時去左另一個層次😋無諗過拉麵店都有咁多款式選擇，檸檬拉麵既獨特湯底亦都係令我念念不忘的，唔掛得成日都見到有人排隊啦

每次經過都好多人的小拉麵店重點推介流心蛋🤤--✳️一虎特選 (即自家制的豬骨湯底叉燒拉麵，配上所有配料）的加量版本🙈🙈湯底的濃鹹度偏重，但卻非常濃郁還有紫菜，吸收湯汁後，超越香口🤤加上荀和爽口黑木耳增添了豐富的口感✳️叉燒肉質較瘦但大片🤭適合妹子✳️糖心蛋😍😍好驚喜！！蛋黃綿密，流心如絲綢般，入口即化不是稀身的流出來，也有淡淡醬油香還加了一些蔥花和少量的香油蔥花的清香和香油的香氣有更豐富的層次感✳️拉麵🍜可以自由選擇拉麵的硬度和寬度我選了粗麵和普通硬度但它的粗度也是相對幼身的，不會是像油麵般粗度✳️另也點了一樽烏龍茶😌

📍 一虎 Ichitora🌍灣仔廈門街23號地舖 G/F, 23 Amoy Street, Wan Chai📝整體評分：9／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝1:30左右黎到，裡面坐滿哂人，都keep住有人黎排隊。不過好快就入得。 ⤫ 檸檬拉麵 ⤫ $106店員話係本店人氣嘅拉麵，初頭都搶心會唔會好酸架，檸檬拉麵未試過真係好想試下。奶白醋骨湯底濃厚，加左半個檸檬，檸檬既清新感去豬骨既油膩，兩者係完美嘅結合，係最好食既豬骨湯底。情不自禁飲到底， 唔會覺得濟同好口渴。⤫ 赤虎拉麵 ⤫ $101辣而不沖，卻回旋口腔之中久久未散，辛辣味突出同剛好。⤫ 糖心蛋 ⤫ $10必須追加糖心蛋，入味之餘仲好有蛋味，水準之上！⤫ 煎餃子 ⤫ $48一咬落去餃子係爆哂汁！！！

Happy Friday難得準時放工，發掘下屋企附近既特色小店，呢間位於廈門街既一虎拉麵，一到繁忙時間就特別多人排隊，今晚一於試下先～🌟海老虎 ($108)▫️配料: 溏心蛋 (+$10)▫️配料: 紫菜 (+$10)▫️Coke Zero ($15)小店一共提供六款口味既拉麵，我呢個海鮮控當然揀個海老虎拉麵啦，湯底用左秘製蝦味噌熬製，上面配鋪大量櫻花蝦，蝦味超濃郁，拉麵煮到剛剛好，口感彈牙，每啖拉麵都吸收哂湯底既精華，櫻花蝦乾脆卜卜，超好食，配料我就揀左紫菜同溏心蛋，一咬開溏心蛋見到鮮橙色既蛋黃，配埋一罐冰凍既Coke Zero，大滿足

位於囍帖街旁邊嘅一虎拉麵成日都見到有人排隊，今日終於排隊一試，據說小店以豬骨湯底為主，但我卻被口味特別的檸檬拉麵吸引住🍋唯有下次先食豬骨湯底😂▪️檸檬拉麵 $106 + 糖心蛋 $10檸檬拉麵湯底要豬骨湯和自家製的檸檬醬混合而成，相對偏甜，酸酸甜甜好開胃，感覺亦好清新，想再酸啲就可以篤下湯入面嘅檸檬片，叉燒都夠淋但就冇特別驚喜，麵條軟硬度選擇左普通，軟硬適中糖心蛋幾重醬油味，夠流心▪️餃子 $48皮夠薄，咬落去都有啲肉汁爆出嚟.

📍一虎 𝑰𝒄𝒉𝒊𝒕𝒐𝒓𝒂 🧭 灣仔廈門街23號地鋪💰人均消費: HKD103話說一直好想去 #一虎 @ichitora_ramen_wanchai ，但永遠都排晒長龍🥲 今次的起心肝，11:15就落街等開門😂😂😂內心爭扎咗好耐，結果揀咗郁魚湯底！💯 郁魚拉麵 $103 𝑻𝒖𝒏𝒂 𝑹𝒂𝒎𝒆𝒏超清湯底，帶有微微魚鮮咸咸地，香到不得了！放心，一啲鯹都無，而且一啲都唔膩！個麵好有咬口 ，連湯食正！個味付筍好爽超好味！流心蛋都好好味，入口甜甜地特別香！但個叉燒就爭少少，有啲柴！個湯底真係好出色好正！必食！下次試佢個檸檬拉麵先得🥴#MFJ灣仔 #MFJ日本菜 #mfoodjournal #foodie #hkfoodie #foodblog #hkfoodblog #japanesefood #japanesecuisine #ramen #noodles #japanesenoodles #相機食先 #灣仔美食 #日本菜 #拉麵

IchitoraG/F, 23 Amoy Street, Wan ChaiEvery time I go there, I see a long queue. There are Japanese people and foreigners in the queue. It takes about 20 minutes to get a seat.The most classic tonkotsu ramen, a bowl with char siu, black fungus, candied egg. The soft-boiled eggs here are delicious, have a more caramel-like taste The char siu soft pork is nice. The level of ramen is average, and the soup base is rich, thick noodles gives it a more chewy texture.

喺YouTube有KOL介紹佢哋嘅檸檬拉麵，見口碑都唔錯，但試完後覺得唔係想像中咁好食，都係嗰句，拉麵嘅湯唔夠熱，已扣咗一半分。麵嘅味道算可以，但食完都係有啲口渴，個人覺得唔係啲KOL講得咁好食。鮪魚拉麵，味道可以，算清，但個湯唔熱，所以扣一半分。檸檬拉麵，清甜，有食埋個檸檬，唔似醃製過嗰種，但味道都算okay。性價比一般，唔記得佢原本拉麵有冇紫菜，但自己加咗。好多拉麵選擇，都可以俾多次機會試多幾款先再決定係咪一間值得推介嘅拉麵。

作為拉麵關注組一員，緊係要周圍試伏啦🤣今次黎到位於灣仔既一虎🍜🍋檸檬拉麵$101最鐘意試新野既我叫左個檸檬拉麵🤪同好多拉麵店一樣，可以揀麵既硬度同粗幼，我叫左硬既幼麵。一上麵就聞到檸檬味，拉麵上面有幾塊檸檬，但望落去就有啲格格不入🤣第一啖緊係要試下個湯，well，係夾既，清新既，但對於我呢個重口味既人黎講，檸檬味cover哂豬骨味，我要落調味先夠味🥲同埋我本身叫左硬麵，但佢應該煮耐左，因為我地之後叫既替玉真係硬既🤣🤣🦐海老虎拉麵 $103相比之下，我鍾意食朋友叫既海老虎多啲。超多櫻花蝦令到個蝦湯更加濃郁🤤 不過因為佢太濃郁，食到一半會好漏，朋友要同我交換個麵黎食🤣🤣順帶一提，一虎應該主打湯底，我覺得佢地既瘦叉燒唔突出，應該係話唔提都唔記得佢地既存在🙃一虎📍灣仔廈門街23號地舖回頭率：65%（佢既辣芽菜好好食，不過食完好口渴🥴）