一虎

營業中

休息中

這間位於灣仔的人氣拉麵店，每逢午市時段必定大排長龍，小店座位不多，但充滿傳統和風，吧檯能欣賞到師傅的製作過程。每碗拉麵均即點即煮，麵條可選擇幼或粗麵，硬度也可選擇，亦會加入香油，或可交由大廚決定。每枱座位上均有蒿菜、辣芽菜和紅薑，亦有芝麻等調味料自行加到拉麵中。檯面上還有高菜，辣芽菜和酸薑，可以自行加到拉麵中，調製一碗屬於自己，獨一無二的一虎拉麵。一虎特選 - $143純白色的招牌拉麵湯底是經大量豬骨和蔬菜長時間熬製而成，比一般豚骨湯更清透且更濃郁豚骨味；一片片叉燒肉柔嫩入味，入口即化，散發著滷汁香氣，不油不膩；原隻溏心蛋蛋黃半熟不凝固好香甜；還有紫菜、筍、木耳和香蔥等配料，少許辣醬更有層次。黑虎特選 - $149黑漆漆的湯底是豬骨湯底加入了香濃的黑蒜油，濃香的蒜味惹味撲鼻，隱隱透出甘香的豬骨湯。煎餃子 - $48金黃色的香煎餃子，薄薄餃皮煙韌帶脆，包裹著飽滿的鮮五花肉餡，入口柔嫩，富油脂。玉泉忌廉 - $15烏龍茶 - $17多款罐裝汽水及樽裝飲品，亦有生啤提供。

同女朋友行完利東街影靚相就搵到呢間係厦門街既一虎拉麵回想起好耐之前已經係討論區見過有好多人推介呢間 今日終於有機會黎試一試我就揀左個106蚊既檸檬拉麵原本以為會好醉貪得意試下一上枱就比佢獨特嘅香味吸引住！檸檬既香味同豬骨湯既香味原來係咁夾影完相打卡已經急不及待飲啖湯試下豬骨湯又香又濃 唔會係死咸加上檸檬既酸味 醒神又開胃食到停唔到！再配上檸檬味嘅可樂 雙重享受！女朋友揀左108既海老虎湯比較濃郁 蝦味既味噌加上超大量既櫻花蝦 無論係視覺 味覺 都係極大嘅享受拉麵仲要好掛湯 每一啖拉麵都有濃濃既蝦味鍾意蝦嘅朋友一定唔可以錯過！另外再配左48蚊既餃子平平無奇嘅豬肉餃子煎到外皮金黃色餃子最緊要皮夠薄！咬落去超juicy 勁多汁唧晒出嚟！鍾意食拉麵嘅朋友，一定唔可以錯過果晚8點半左右到 好彩唔洗等好耐！

唔落糖嘅酸澀熱檸茶都可以照飲無誤，區區檸檬拉麵點會難到我😎🍋🍜 檸檬拉麵 $106雖然係抱住試伏嘅心態嚟食，不過咁多好評，應該伏極有限🤔檸檬味一個唔小心，就會同清潔劑味劃上等號，呢碗拉麵完全冇出事😳秘製嘅檸檬醬唔太酸，有種清爽嘅感覺；當係飲檸茶咁督爛晒啲檸檬，理論上會酸咗，但亦可能因為咁，更凸顯出湯底嘅甜味，豬骨湯即使食到最後都冇覺得油膩，差啲想成碗飲晒😆叉燒稍嫌偏瘦，Vip 竟然係辣芽菜，啱晒爛聲但又想食辣、唔敢叫赤虎嘅我🌶

小編終於出拉麵post了🥹 咁啱經過灣仔就去呢間人氣小店"一虎"食拉麵了🍜一虎拉麵 $103價錢係少貴，但係佢個豬骨湯好濃郁，飲落都少少creamy同埋個拉麵掛到汁，淨係個湯已經Feel到呢碗拉麵唔簡單🫴🏻 叉燒偏瘦但係唔嚡🥹 隻流心蛋平時上堂一定好乖，因為佢好流心！賣相：⭐⭐⭐⭐⭐味道：⭐⭐⭐⭐⭐CP值：⭐⭐⭐⭐🥹好彩嗰日唔多人排隊，最貼心係佢店入面係有冰水比你自己斟嚟飲(好似正宗日式拉麵店咁)，預算多嘅朋友仔真心都幾推薦食呢間。 #Foodporn #Foodie #平民 #小資 #灣仔美食 #拉麵 #灣仔

次次經過灣仔呢間一虎都見好多人排隊比我發現7PM前同8PM後會少D人如果排第4～5張檯， 其實AROUND 20分鐘都已經入到去海老虎拉麵 湯頭以蝦湯熬製而成，味道鮮甜濃郁拉麵彈牙仲有好多好多櫻花蝦， 口感味道層次豐富招牌 一虎拉麵有日式叉燒，溏心蛋，以及木耳絲同蔥花，用上豬骨湯底，味濃但唔會油膩兩碗都唔錯， 差D連湯都飲晒紫菜另加的餃子皮唔夠脆， 不過夠熱嘅關係都算OK啦～黃罐檸檬可樂係期間限定食拉麵配可樂是享受

朋友仔係灣仔番工，話中午成日經開呢間一虎拉麵店，但中午次次都排晒隊食唔到，今次我地約埋放工去試，終於入到坐啦！好，坐低睇下有咩好食先。赤虎，朋友仔叫左呢個係激辛味噌，試一口湯底，個辣味幾好，配合湯底味道，拉麵有好多木耳。黑虎，黑蒜油配濃豬骨，個湯底好香蒜味，黑蒜黎講又冇蒜果種搶味。叉燒薄片半肥瘦，脂肪均勻。仲有海量爽口木耳。拉麵揀左粗麵，麵質食落有口感，滑口之餘沾到湯底味道。飲品就叫左紅花蜜桃茶，烏龍茶，支裝夠方便。

好受歡迎嘅拉麵店 午餐時段要排隊不過唔算耐 大概10至15分鐘最特別係餐廳職員好有活力咁😝去一次就明 鮪魚拉麵🐟 $108 湯底清澈 但味道足 好鮮味 唔會太鹹😍飲咗好多溏心蛋熟度剛好 筍爽甜 叉燒大塊😋麵質方面 朋友揀軟 有比普通嘅軟少少 不過仍然有咬口👍本身有蔥 不過朋友唔鍾意(好奇怪🤣) 就冇加 一虎拉麵🍜$103湯底較濃郁 鍾意口味濃 呢款就啱呢碗有木耳絲 好鍾意😝整體配料同上 一樣高質 整體係水準以上嘅拉麵 會為鮪魚湯底回訪🤤

A bowl of comforting ramen is the best hangover cure. Ichitora in Wanchai specializes in Hakata style ramen. The restaurant is always busy during lunch hours. Today we standed in the queue for about 20 mins before getting inside.An ice old beer was exactly what I needed after standing in the heat to wait. Gyoza was served quickly upon order. Always the perfect ramen companion. Tried two different flavors of their soup base. Ichitora, as their signature tonkotsu soup, had a rich texture and was s

灣仔餐廳選擇多，這一間大熱天時的午餐時間都大排長龍，今日就試下佢嘅實力。我們叫了招牌拉麵和日式煎餃子。餃子薄脆的外皮和嫩滑的內餡，使用豬肉和蔬菜作為餡料。表面金黃酥脆，吃起來香脆可口。招牌叉燒拉麵的湯底是濃郁的豬骨高湯和自家製醬油熬製而成，油膩濃厚，有著豐富的味道。拉麵條帶著嚼勁，配菜豐富。有3塊口感鮮嫩的叉燒，還有豐富的筍和紫菜，加上湯頭的香氣，讓人食欲大開。美味的叉燒拉麵是一道令人回味無窮、冇味精。

今日lunch 同事話想食拉麵, 於是就慢行到灣仔搵拉麵食, 經過廈門街, 見到一虎拉麵, 門外已企左7-8人, 我地喺門口等左15分鐘先可以入座. 入座前見到門外貼左幾款特式拉麵, 分別係: 蒜頭拉麵, 檸檬拉麵, 鮪魚拉麵, 下次要試下先.是日午餐一虎特選赤虎煎餃子拉麵有粗/幼, 軟/硬, 香油等等選擇, 睇下個人喜好, 可以自己揀.一虎特選 – 有4塊义燒, 4塊紫菜, 大量木耳, 糖心蛋等等, 湯底清香, 唔算太濃, 但好易入口, 麵身選硬D, 幾爽口, 义燒就肉嫩.赤虎 – 辣道適中, 香口撲鼻, 同事選軟麵, 但都唔會林到一PET野咁.煎餃子 – 熱辣辣. 外脆內軟, 配上有少少辣味嘅醬油, 好好味.

餐廳：一虎地點：灣仔廈門街菜式：日式拉麵餐牌：有拉麵6款，飯一款，餃子一款，飲品。另外都有其他口味拉麵，例如期間限定口味。可以剔紙選擇麵既種類同硬度，湯既香油，配料要唔要，加料或者加麵。一虎特選 $143一虎特選賣相唔錯，係包含所有配菜既拉麵，非常豐富。叉燒5片，好薄切，完全唔韌，又唔會太肥，好有豬味。味付蛋一隻，非常入味，呢度係原隻上，無切開，入面軟淋淋好滑溜，味道偏濃。海苔4大片，浸左落湯更好味。味付筍同木耳絲爽脆，份量好多。加上新鮮蔥花同一小pat辣蘿蔔蓉。蔬菜份量真係好足！一虎個湯底係豬骨湯，好清，唔會太濃或者太油，我地叫左走香油。個麵我揀左幼麵同正常硬度，個人覺得都可以，下次希望可以試試粗麵。赤虎特選 $149赤虎特選配料同一虎特選一樣。赤虎係大阪人氣激辛口味，個湯底呈紅色，味道果然係辣，都幾辣架。煎餃子 $48煎餃子一客六件。餃子皮煎得少少脆而滑溜，入面有豬肉同蔬菜餡。食埋餃子真係大大滿足。紅茶花伝檸檬茶 $17烏龍茶 $17紅茶花伝檸檬茶同烏龍茶都係支裝，衛生方便，仲有飲管。枱面都有冰水自己斟。枱頭有辣芽菜，鹹菜同紅姜。星期日下午兩點幾都要等位，非常旺場。

拉麵｜一虎 ｜灣仔可以自由選擇拉麵嘅硬度同粗幼———————————🫶🏼海老虎 $108 & 溏心蛋 +$10 + Lemon Coca-cola $15叉燒有兩大塊湯底上面有大量嘅櫻花蝦 蝦味超級濃郁但唔會太過重口味 麵條口感彈牙而且仲有好多蔥🤍 口感同味道提升溏心蛋 一咬開就有流心嘅蛋黃湧出來配埋拉麵食一流🫶🏼 黑虎拉麵 & 溏心蛋 +$10豬骨湯底配黑蒜油 香濃嘅蒜油味 完全唔會好油膩叉燒有兩大塊 同蒜味好match🫶🏼煎餃子 $42即叫即煎 熱辣辣 即刻食仲有爆汁嘅效果皮唔厚 而且都算大舊仲要有6隻————————————————————————📍灣仔廈門街23號地舖@ichitora_ramen_wanchai ————————————————————————Overall 💗💗💗💗#香港 #food #delicious #hk #hongkong #eatwithfoodiez #灣仔美食 #香港拉麵 #香港日本菜

拉麵控又出動啦，今次要食既係一虎拉麵想試咗好耐但成日都見要排隊 今日接友人放工剛好見到唔太洗排梗係飛入去啦有聽過一虎既都知佢哋出名檸檬拉麵，所以叫咗個加 一虎 唔好見碗麵咁好似得檸檬呀，事關我朋友唔食葱 所以走哂！檸檬中和咗湯底嘅油膩，湯底帶有檬香同少少酸味一虎拉麵🍜招牌濃厚嘅豚骨湯底加超級多既木耳同葱木耳爽甜，份量多到誇張叉燒偏瘦冇乜肥膏，麵條簡咗粗麵 爽口彈牙糖心蛋仲流緊心！總結，兩碗麵各有千秋 好難分高下如果想試新野既可以試吓檸檬 保守派既就一虎啦！

灣仔呢間拉麵店成日都排滿人龍，今日終於可以一試店舖雖小，但店員效率好高每碗都係由師傅即製唔洗一陣就有得食桌上放有 蒿菜．辣芽菜．紅姜可以按自己喜好隨意添加每碗拉麵都可選擇麵質粗幼度 同 湯底濃度✨一虎特選拉麵特選拉麵湯底好香濃加上紫菜．糖心蛋．叉燒．木耳同筍大大碗．份量充足✨赤虎特選拉麵朋友好鍾意食辣，佢話呢個湯底超級好味我試咗一啖，果然係好香好惹味鍾意呢度嘅麵質非常爽彈糖心蛋滑嘟嘟連裡面嘅蛋王都好幼滑✨煎餃子餃子煎到外脆內軟，依然保留豐富嘅肉汁 好Juicy見到隔離枱食緊檸檬拉麵好特別下次一定要試

I recently visited a Japanese ramen shop in Wan Chai. I had the pleasure of trying their Lemon Ramen and pan-fried dumplings.I arrived at the shop at around 1 pm and was pleased to only wait for 10 minutes for a table. The shop was cozy and could accommodate about 20 people. The atmosphere was reminiscent of a classic Japanese ramen shop, complete with wooden furniture and minimalistic décor.Now, onto the food. The Lemon Ramen was an interesting twist on the classic dish, and I was pleased to fi