影片
以上資料只供參考, 請與餐廳確認詳情
葵廣出名芝士撈麵係人都知，但當我經過第一次見到呢個原個parmesen芝士輪，第一反應係「嘩呢度葵廣咋喎駛唔駛咁揼本？？」要知道一個芝士輪都唔平㗎要成萬蚊😥.咁我當然好有興趣試試佢，價位出奇地唔貴，三十零蚊咁。有12款，但全部都只係面頭個餸嘅分別。呢度係即叫即製，佢成間舖其實得兩個人、三個爐，店員都提醒我地訂單較多要等耐少少。等咗15分鐘左右就齊曬所有嘢～上手發現勁聚手😦意粉份量真心多但好老實講食落 不怎麼樣雖然係好真實嘅芝士味 但實在唔夠濃，係有喺芝士輪入面撈過 但芝士存在感實在唔高，芝士控如我係會好失望😭都明白呢個成本同售價又唔可以要求太高，至少佢係都算對得住價錢，大大份夠曬食飽（同真係有用過個芝士輪嘛）但如果吹到酒店級又真係⋯做多咗個人覺得 鹹牛肉鵝肝係最好食的～雖然有少少偏鹹了，鵝肝味道又實在食唔出，但係鹹牛肉嘅質感同個意粉好夾好融和，撈埋一齊個意粉濕潤啲又鹹香啲，會比較好食呢三文魚實在冇咩大特別，就係有兩塊魚係面咁。Rosemary雞雖然面頭真係有rosemary，但係雞肉肉質太鞋了⋯其實都有個唔駛增加成本又可以令個意粉好食啲嘅方法，就係意粉煲快啲－－－ 而家啲意粉過淋了⋯另外叫左兩個小食反而個豬仔包係有驚喜的！本身仲想話佢實物同圖片完全不相符：但！一咬落去就被驚艷到了！坊間一般豬仔包都整到好硬好厚唔好食，但呢個係超薄脆，中間又鬆軟，配埋牛油香真係淨係食個包都滿足～～一啖接一啖啊！係啲蛋唔夠多同滑🤔但價錢同口感都好滿意，我最推薦呢個.至於薯蓉就⋯⋯真係唔好嗌，$22勁細份又唔係特別好食（細到出乎意料）因為薯蓉冇奶香冇牛油香，芝士感覺好似用片裝嘅效果，煙肉份量都好吝嗇 >_<總括黎講，佢成本真係高，而售價真係好低，絕對唔可以用好高標準去評價，但係起碼佢對得住個價錢，意粉大大份食得飽人，當正餐都算幾抵？大概係學校啲canteen嘅價錢同質素吧，一試都算毋妨丫而脆豬，呢個價錢配埋黑松露醬我覺得係可以encore再encore的！平時一個奶油豬都要十幾啦～P.S. 店員態度幾好，有種人情味.
繼續閱讀
📸#tagnshare葵涌篇- 芝士輪意粉🍝你唔係無食過嘛.. .FULL OF CHEESE YOU KNOW❤️巴馬臣芝士 芝士味勁濃郁葵涌廣場都有得食啦！$40有找👍🏻.-🙋🏻♀️高妹小編.. - 👇🏻地址👇🏻.一號餐車 (葵芳)葵芳葵富路7號葵涌廣場2樓2022A號舖-#hk #hongkong #hkig #hkfood #hkfoodie #foodpics #foodbloggers #香港吃貨 #uhkfood #foodig #香港美食 #相機食先 #hkfoodieblogger #hkfoodblogger #LikeForFollow #FollowForLike #HK #Mood #HongKong #LikeForLike #FollowForFollow #手機食先 #Likes4Likes #葵廣
繼續閱讀
舖內員工有禮，睇得出間舖係有熱誠嘅但意粉味道真心麻麻，嗌左個黑松露煙肉意粉，意粉基本上無味道可言，好似無落調味咁，但個配料就勁咸，成個味道反差好大而且意粉醬汁少得可憐，成碗嘢食落口係乾爭爭，食左幾啖已經唔想再食可能岩岩開業仍在摸索階段吧？其他食物未試，但始終主打意粉，好希望將來質素會有所改善，其實多些少汁會好好多，即使出面酒店同西餐廳食嘅巴馬臣意粉都唔會乾到咁，老實講，意粉味道唔算難食嘅，但就一定無網上報導吹捧到咁好味，只可以話不過不失
繼續閱讀
香蒜蜆肉意粉 $25是日去左葵廣掃街 包括呢間一號餐車餐店好新下 主打巴馬臣芝士意粉 另有包括水果茶黑糖奶茶等飲品 我就試左份蜆肉意粉落左order要稍等一陣 因為意粉係即整 調味料又落左幾轉 包括最後將意粉放去個好芝士既桶狀物 過下芝士河意粉本身standard 即整所以熱辣辣 要注意係份量好重手下 我係二人share食 食完都要抖抖先繼續掃街重點既芝士係乾果種 唔係芝士汁 有啲意外既係食到底都仲重芝士粉 味係夠既 調味料之一又有蒜粉 我係自己落到夠為止 芝士同蒜味都叫夾蜆肉唔多唔少 始終價錢咁平 大概五六粒左右 唔會太細粒 無汁版 我係落蒜吊味葵廣小食出名平 呢個意粉性價比都可以 乾食份量又足所以share食較佳 如果有小份選項提供就更加好沖繩黑糖珍珠鮮奶蓋茶 $30.前2個post提到買意粉野飲就半價 估唔到間鋪既店員煮完意粉又走去沖珍珠奶茶俾我😂😂😂超人咁.賣相都ok 咁都做到掛杯樣 半價我唔會期望太高 杯野飲味道都算過得去既 中規中矩 珍珠都叫有咬口 都飲到黑糖味 普通奶茶既味道囉 不過我最黑人問號係個奶蓋係一舊雪糕cream既物體 有d滴汗😂😂😂laughed .
繼續閱讀
周不時都會去葵涌廣場行街，二樓有個角落特別多嘢食，總係會喺呢個位置流連忘返。今次發現左有間新開嘅小食店，佢做緊最近好興嘅芝士輪意粉！見到鋪面乾淨企理，於是就決定一試啦🤗意粉都有好多選擇，我同朋友叫左黑松露煙肉同香草黑胡椒扇貝😛😛😛價錢適中！黑松露煙肉巴馬臣芝士意粉$35材料好多而又份量大！ 煙肉配上香草同埋芝士仲係非常之搭配😛 芝士嘅味好重，但係又唔會有陣騷味，適合大眾嘅口味。 加埋番茄就更加健康啦。香草黑胡椒扇貝巴馬臣芝士意粉$35賣相都係非常之靚以有分量好大嘅一碗意粉~ 扇貝有四粒，相當唔錯嘅份量。 同樣地都係有好重嘅芝士味，咁多鍾意食芝士嘅朋友一定要食啦！可惜芝士似乎太多，而醬汁較少，令到個意粉索哂啲汁，有啲乾。 如果可以多番啲醬汁嘅話，就會更好啦。香草同黑胡椒配搭扇貝極佳🤗🤗另外叫咗一個薯蓉，呢度嘅薯蓉大概二十幾蚊，都有好多唔同嘅選擇。可惜以二十幾蚊嚟講，呢個薯蓉嘅份量比較細。 不過配料好多，而薯蓉比較少，都覺得係幾抵食嘅。而且調味方面，都比較厚。如果可以份量大返少少，而有調味輕身啲嘅話，就會更佳😆整體都係幾好食嘅，而且大大個芝士輪好吸引人嘅眼睛😂😂另外意粉份量都幾大，就算係男士都會好夠飽，係性價比幾高嘅一間小店。
繼續閱讀