一豊 (已結業)

天耀一個商場竟然有間日本料理抱住一個冇咩特別嘅心態去食，點知竟然係好食！甚至係會想再次去食🤪嗰日食咗好多嘢其中最鍾意嘅係牛柳粒同埋火炙醬油漬三文魚腩壽司🍣兩款都係極度高質！甚至比一些日本料理連鎖店更加好食😋

天水圍係我細個住嘅地方導航前拍下朋友嘅屋企就係喺屋企樓下見到呢間日本料理😗見佢午餐外賣一啲都唔貴同埋都幾抵所以就買咗嚟食☺️雖然份量唔係好多但係$40呢個價錢真心覺得冇嘢好講 😌

聖誕節那天早上，在天水圍工作完畢後，我們便入去這間餐廳食早餐😋餐廳光潔明亮，座位唔多但尚算寬敞，店員勤快服務，我們坐下點了煎牛扒配拉麵及精選早餐(雞扒,香腸,炒蛋,丹麥吐司及時令蔬菜)，飲品熱檸水及凍咖啡😋牛扒拉麵略為細碗，但牛扒幾淋身😋精選早餐幾豐富，雞扒幾厚幾大塊，唔會好油，炒蛋好滑有蛋香，丹麥吐司幾厚幾脆身，好耐冇食煎香腸幾好食，配茄汁焗豆幾健康，咖啡香濃可口😋我們食過一餐豐富的早餐便回家休息😋

中午八號風球周圍都人山人海，試下來一豊看看，幸運地一人可以立即入不用等。這裏因為地點比較偏人流唔多，雖然開業好久也未試過，這次有機會試感覺唔錯，食物質素ok又唔太貴。

間中都會去下呢度食野 星期六既tea time 冇咩人 坐得都好舒服 冇點留意員工質素 只享受同朋友食野既時間 食物質素算好 會再番轉頭 食物種類也很多 tea time比較平 都推介大家可以黎食下午茶😊

呢度既收銀阿姐係咪連多謝光臨都唔識？而家係人地幫襯你地！食物質素還可以，不過湯面既湯味太淡，外賣等around 20mins,堂食唔知，禮貌方面需改善。唔好以為無禮貌就得,客人可在open rice comments!!!

點左1個2人前，味道完全對唔起個價味噌湯同水冇分別沙律平平無奇都係青瓜絲配幾條急凍蟹柳刺身多筋又冇味帆立唔肉質極散天婦羅垃圾中既垃圾天婦羅蝦食落係急凍蝦仁咁其它天婦羅菜完全同油浸熟菜一樣，冇面衣既口感，極軟身最後炒飯叫正常但鰻魚粒極少最後唔信邪叫多個火灸3點盛同芝士蝦卷芝士蝦卷就係一瓷飯包住1隻細細地既正常炸蝦（唔知點解明明炸蝦可以炸得好正常但天婦羅炸蝦炸到咁），所謂芝心就係沙津醬，唔知佢上錯定點火灸壽司3件，帶子鰻魚叫正常，三文魚冇味最後埋單444送左張優惠券，同間野水準襯到十足，唔會再幫襯

睇咗呢度嘅食評話服務麻麻...所以來打寥寥數隻字來平反一下...我同仔仔二人第1次嚟呢度食晏，個 lunch set 嚟到時無餐具，於是問店員攞餐具...之後男店員喺一板之隔嘅同枱度攞咗餐具俾我，我即時覺得唔好意思地想搵窿捐..男店員由我問至我 say sor..都好好禮貌...J6個 set 硬要搵嘢挑嘅會係...個西米露同杯菊花蜜...好甜（利申~我飲開齋啡的；阿仔覺得甜度OK正常）

🔺鐵板蒜香一口牛柳粒🐄 $68極度推薦大家叫呢個😚本身冇抱有任何期望但好有驚喜😳一黎度個陣係出哂煙好熱🔥有大概10舊牛柳粒🤤每一舊都好淋😍仲有幾舊番薯🍠同蒜頭🧄個人係好鐘意係佢d番薯😂🔺伊勢壽司(8件)🍣$85包括有三文魚,油甘魚,赤蝦🦐帆立貝,北寄貝,吞拿魚,火灸左口魚同芥辣八爪魚🐙壽司都係正常水平👐🏻冇話特別好食🤭🔺三文魚三品盛(三文魚,三文魚腩,花之戀)🎣$38其實係想食花之戀但單叫要$25,所以就叫咗三品盛😂花之戀係我鐘意食個隻沙律醬😆酸酸地😙但三件都係正正常常咁😳🔺刺身拼盤(呢個係個日嘅特別meun,唔記得個真正嘅名同價錢🥺)三文魚腩,北寄貝,油甘魚各有三件🙌🏻而赤蝦有2件👐🏻三文魚腩好肥美🤤而其他都係普通😝🔺燒三文魚腩🐟 $58外表已經吸引咗我🤩講明係三文魚腩所以d肉真係好滑😚同好多油脂✨但食得多會有d膩所以真係食適量就夠啦😂但要留意係呢個係每日限量供應🙌🏻🔺火炙醬油漬三文魚腩壽司🍣 $28呢個真係必叫‼️三文魚腩燒過再加埋蔥同醬油真係冇得頂🤤仲要三文魚腩好滑😍呢碟我同屋企人叫咗三碟😂但食得多同樣會膩🤭🔺豚肉生薑燒🐷$58呢個係正常水準🙌🏻除咗豬肉仲有洋蔥同紅蘿蔔🥕但豬肉稍微

今日出街行到攰，反到天水圍想話食個日本嘢。諗起天耀商場地下有間睇落去好似唔錯嘅店（之前夜晚經過見人都多都決定一定要試下）。來到嘅時候已經快一點半，應該過左午餐高峰時間，所以唔需要排隊就入左去。一入到去，店內裝潢同多數日式料理店差唔多。只有四五檯客人。唔知店員系忙定冇睇到有客人到。過左一陣先問幾多個（我一個人，同時仲有一對情侶同一位女士等緊係門口位置）。輪到我安排座位，坐低後冇幾耐，隔離檯對面嘅客人同我講尼度有人坐。我即時叫做服務員過來幫手重新安排座位。正正坐定後，檯面乾淨，一次性竹筷子，但味碟上有殘留飯粒。開始睇食咩。餐牌選擇內容唔算太多。午餐套餐內容都豐富，套餐附餐湯、中華海草小食以及黃桃西米露甜品。我叫左set大和牛肉飯➕凍齋啡，劍魚腩刺身同串燒冬菇。整體賣相okay唔錯。色澤過關，口感過關。賣相有，食落口真系喊出來。胡椒落太重手變地獄料理。*使用信用卡者注意，消費未夠200蚊唔用得。

一個月先見到阿女幾日，最後一日無出街，又要送佢番媽媽到，就係屋企附近搵Ｄ野食啦阿女比較鐘意食烏冬，所以點左個烏冬佢食，之後點左幾件壽司，一份串燒同埋燒魚烏冬都幾大份，我同阿女一齊食都食唔晒味道清清地幾岩小朋友，配料都幾特別有芝士餡既但阿女唔食芝士之後串燒一人食小小就已經飽飽地，串燒係拼盤黎樣樣都有一串幾好味價錢又唔貴抵食過出面D串燒。壽司用料都幾新鮮有光澤燒青魚就燒得岩岩好，唔會燒到乾晒無汁。整體而言都價錢實惠，味道OＫ

已很久沒去吃這裏的早餐，特再來吃：煎豬扒炒蛋一丁加熱啡，36元平民餐，有扒蛋五穀熱飲，日式簡座，空間闊落，伺應殷勤，天耀一帶好選擇。相比打風時要20元才一斤菜芯和壟斷肉價的五x行，我希望這實幹的餐廳長做長有，服務好街坊。

1:31pm叫咗個火山雜錦魚生碎冷麵外賣，1:50pm問員工1是否漏單咁耐仲未有，員工1話一定唔會漏單等下啦多人啊！！1:56pm員工2問有位喇你幾多個？我係等外賣佢望望張單，魚生冷麵一向都係要等耐啲㗎啦！好多人食㗎！！唔使煮都要等耐啲？？多差唔多30分鐘喇喎！！

服務奇差，頭一次幫襯，已經試過上左既菜唔夠熱，我都算，當比次機會佢。但最近一次，3個人到齊曬，入左佢門口可以完全無人理，問左幾多個之後又唔比等位飛我地，到再一批人走左，諗住到我地，點知佢比左張台一個5個人但未黎齊，都唔比3個人但齊曬人。咁唔想做就唔好做la，呢間野，永世唔會再幫襯！如果服務果到有得比負分，我一定會比負分！

想食天水圍食拉麵真係冇咩選擇，今日黎左天耀呢間日本店。中午去到人唔算多，即卡有位坐底左，店入面環境都幾舒服幾大，日式居酒屋既裝修都幾適合朋友小聚。揀左最安全唔易中伏既九州厚切叉燒拉麵，配壽司 / 加州卷，揀左加州卷。整體都不過不失，加州卷唔算特別高質，不過都唔難食，可接受。叉燒拉麵都OK , 叉燒肥瘦岩岩好，拉麵湯唔算話太香濃，淡淡地易入口，麵條亦都夠彈牙，入面既木耳份量都幾多下，亦有大大粒流心蛋。本身想試埋佢既小食同炸物，不過一個人食唔到太多就放棄左。