一起 (已結業)

呢間小店位於大角咀，距離奧運站大約10分鐘, 沿途覺得幾舒服🍃一入店覺得環境都算企理，食物方面提供港式茶餐廳食物同串燒選擇，當日晚市時間去，見到有唔少街坊堂食同買外賣🥡 ✤//極上鹽燒牛舌 $38//牛舌燒得唔錯，雖然唔係厚切，但亦唔算好薄，口感有啲煙韌，味道幾香✤//老北京牛肉串 $22//相比之下更加鍾意食呢個牛肉串🤎 牛肉好軟冧 ，生熟程度適中，推介🙂✤//鹽燒虎蝦 $28//肉質都彈牙，但係以為會大隻啲✤//燒味淋雞泡魚乾 $48//呢個好味，有日式居酒屋嘅質素😝 個人覺得少甜會好啲，但係朋友好鍾意❤️✤//山葵章魚串 $28//呢個都好推介💕 章魚細細粒，口感煙韌又唔會好難咬，加上燒過嘅wasabi味道好濃郁好香😋✤//蒜蓉燒原條茄子 $48//賣相非常吸引，茄子都好大條，調味好香蒜味同孜然粉味🧂但係有啲油膩，建議同幾個朋友分享👨‍👩‍👧‍👦✤//話梅燒菠蘿 $18//菠蘿好香甜，唔錯👍🏻✤//香煎豬扒湯米線 $52//豬扒幾厚切，肉質同樣Juicy軟冧🐽✤//凍大杯檸水 $25//都幾大杯，叫咗少甜，清清地幾解暑整體覺得食物質素唔錯，如果喺附近度可以試吓😊⋆ ⋆ ⋆ ⋆ ⋆🐽

小店位於大角咀海庭道8號富榮花園8座8號地舖，三個8字，非常容易記。餐廳午市主要供應飯類、湯麵、小食和臭臭粉，但到了晚市則主攻串燒。串燒的種類有四十多種款式，有肉類、海鮮類、蔬菜水果類、丸/腸類、還有幾款小食可供選擇，價錢親民貼地，外賣串燒更提供88折，價錢更優惠。極尚鹽燒牛舌（$38）厚切的牛舌燒至剛熟，有嚼勁但又不過靭，上面還點綴了一小片金箔來突顯極尚的名字。鹽燒脆雞皮（$28/2串）薄薄的雞皮串，燒至脆卜卜，入口香脆並帶點雞油的香氣。鹽燒雞軟骨（$28/2串）雞軟骨一口一粒，軟骨部份口感彈牙鬆脆，佐酒一流。孜然燒雞中翼（$24）雞翼的外皮燒至金黃香脆，肉質鮮嫩，灑上孜然粉令香氣倍增。新疆烤羊肉串（$28）羊肉粒同樣添上孜然粉，令羊肉串添上濃厚的香料味道之外更可以辟去羊肉的羶味。山葵章魚串（$28）章魚粒加入了山葵，山葵的獨有氣味雖然有點嗆鼻，但十分醒神。燒五香豆卜（$12）豆卜燒至外脆內軟，五香粉調味令本身無味的豆卜增添味道。麻香蒜芯苗（$14）蒜芯苗燒至熟透，令蒜芯散發出甜味。蒜蓉燒原條茄子（$48）原條茄子開邊平放，加入蒜蓉、辣椒碎、蔥粒、孜然粉等，夾起上來一絲絲，惹味又滋味

串燒同熱食都唔錯又抵食，食咗4個串燒+一個燒物+2款小食+主食+2杯飲品都係$299就可結帳。沒想到這裡竟有潮式生醃螄蚶，以$58來講2 人食就啱啱好份量，幾鮮甜有啖啖肉，如果再大隻點就更好。煎6隻餃子幾脆夠熱，味道正常。老北京牛肉串+汁燒脆邊五花腩2款的肉好惹味而且微辣又不會太乾身。菜類就叫了川燒翠肉瓜面偏乾但入面都仲有汁不錯，話梅燒菠蘿味道正常幾甜微酸。份量不少蒜茸燒原條茄子價錢不用$50仲要勁多蒜好香啖啖茄子肉。吉列大蝦湯烏冬，大蝦新鮮炸起幾脆口不油身，隻數都不少。烏冬加$8我哋2人份一人一碗，幾滑同彈牙。飲品加餐$3凍檸檬茶/$18檸蜜，濃多少少會仲好飲，不過喜歡不太甜。

呢間“一起”我平時食過好幾次堂食，質素及份量都ok，只係二人鋪頭關係（一個店面，一個廚房）出菜會比一般茶記耐啲啲。今日太多野做，無時間堂食，就試下佢擺左出黎一段時間嘅外賣餐，45蚊連野飲。叫左個嫩雞肥牛麻辣米線加杯熱飲。竟然比平時快左出菜，好快就有外賣拎！臨走仲睇下佢有另一外賣餐係泰式魚餅，諗住下次可以試試～點知返到上去一開蓋，就係滿滿嘅失望！佢啲料係有名嘅都有肥牛係有嘅，但明顯係將平時打邊爐嘅一塊肥牛切開一半，甚至分3份！成碗就係得呢3塊食指咁長嘅好老好老肥牛以為咁樣好過份嗎？更過份嘅喺後面😠所謂嫩雞，拎到上黎變老雞我都算，佢比嘅雞size竟然比肯德基爺爺嘅炸雞寶還要細！而且成碗只有4粒，仲要好多係痴住肥膏！至於米線，麻辣湯底及熱飲都係正常水準嘅。講真經濟麻麻，尤其餐廳生意難做，我都明嘅餐牌名寫嫩雞肥牛米線，佢又真係比到雞，牛＆米線我食。有人都會話45蚊包野飲都預左架啦...點點點。咁我都無話佢呃人，但幫襯咁耐佢嘅水準（一般堂食餐都只係$52）同今日嘅（$45）比，7蚊之差令我滿滿嘅失望囉

呢間餐廳嘅上一手，我經常光顧，今日經過見到呢間開業，又見到有辣野食，天氣凍見有位就入咗去喇。店內大概20個位，光線比上一手更猛，但我個張桌搖來搖去，唔係好穩。餐廳未係好完善。想試臭臭粉，但未有。聽到人落單要凍菜蜜，都未有。好似都唔少野未ready...不過聽店員講，今日只係第一日試業，俾機會同時間佢地適應，日後再來試下。聽店員推介呢度嘅「麻辣豬扒」，我即管試下。原本我想order「麻辣豬扒臭臭粉」，但由於店裡未有臭臭粉，有肉躁飯都唔錯，幾好食，仲要平D！麻辣味係十足，炸得豬扒外皮幾香脆。但豬有D肥 / 炸得唔夠喉，食落似「豬肉條」，唔似「豬扒」。豬肉份量都有好多件，我冇食晒，下次會再試麻辣，但未必係豬扒，睇個樣都唔係我鍾意食開個種大大塊好有肉味嘅排。新開期間有88折，我+$3凍飲後，折後只係HK$48，抵食。