一鍋瘋 (已結業)

【一人鍋之極緻 10款海鮮×好多色水粥底】🔸海鮮粥底鍋 $188🔹粥底：椰子/菠菜/紫薯/粟米/南瓜🔸10款海鮮：菲律賓肉蟹 泰國海中蝦 大連鮑魚 陽江生蠔 大蓮貴妃蚌 韓國北寄貝 本地鮮魚片 紐西蘭黃刀貝 越南蕃蜆 日本白蜆呢個價位食十款海鮮嘅粥底鍋真係少見(仲要黃)，之但係$188就凈係海鮮同粥，如果想好似打邊爐咁食下其他野就要另外加配料，都係一人份量$12起，建議食海鮮食到一半先決定嗌唔嗌，因為凈係海鮮都幾多！同埋全部食落都幾高質，最鍾意個肉蟹，又厚肉又鮮甜🦀，我個綠色湯係菠菜😂雖然畀fd歧視佢青bb但其實煲完個味正常架囉！！最後加南瓜粒、芋頭粒同米糊煮成粥，超甜～一鍋瘋旺角砵蘭街139號地下

返工返到悶悶哋，心血來潮好想食火鍋！好多茶樓而家疫症都提早關門，行下行下見到呢間一鍋瘋，一見到個餐牌係有我最鍾意嘅粥火鍋，二話不說就入去坐低。一個人去食人一煱海鮮煱，最怕叫一碟碟份量太多食唔到好多款，一煱瘋呢個一人海鮮煱就啱哂我，一個人餐海鮮款式好多，有蝦， 蟹，魚，墨魚，帶子，大蜆及另外兩款蜆，仲有我最喜歡嘅粥。蝦勁爽甜，帶子超大粒，蟹好鮮甜，食到最後食埋個粥，火鍋精華入哂個粥入面，個啖粥甜到呢！超讚！

朋友約會冬天多數都會選打邊爐咁呢間一人一鍋就去試$188十樣海鮮，先系選粥底都幾特別蕃茄湯底粟米湯底紫薯湯底 椰子湯底我就選左椰子1人10樣海鮮 1.扇貝2.肉蟹半隻3.鮑魚4.蠔5.蝦 6.蟶子 7.蜆8.蜆9. 蜆10.蜆其實抵唔抵食見仁見智，去過街市買海鮮就知呢10樣野值唔值188（其中4蜆，不唔既蜆，有花蛤，只記得呢個，有的野系新鮮既)食完10樣海鮮緊系唔會飽啦再叫3角牛肩同小量丸,蝦滑，水餃（冇影相）牛肩系幾似肥肥牛（姐系肥過肥牛）最後食完會加好傑撻撻既粥加南瓜粒Ps: 海鮮系新鮮，但價格既話可去食一人價 任食火鍋有找（因我地都叫好小野食），系冇蟹同扇貝，其實都會做到呢餐一個人食左300蚊到，4位1200蚊，我估會再有其實選擇😏，唔會再選呢間，唔太值，食蒸氣火鍋海鮮都比美到咁既價同海鮮好的，對4仲都系蜆類貝殼有的不是味兒，各人喜好🤔

係病毒肆虐嘅時間，就連同朋友出街打邊爐都有所避忌，今日跟朋友就去左間一人一鍋嘅餐廳，食得安心之餘，最尾仲可以搖身一變做海鮮粥，值得一試餐廳主打海鮮，每人$188嘅價錢就已經包左一set海鮮，份量都唔少，建議大家等海鮮上枱之後再加選其他配料。湯底方面，分別揀咗南瓜同埋紫薯，一開始唔算好濃味，但煮完唔同嘅海鮮之後，湯底會越嚟越濃，建議大家唔需要加水，咁樣最後煮出嚟嘅粥先會係最好食。海鮮方面，咁嘅價錢真係有驚喜，有鮑魚、聖子、象拔蚌、蝦、生蠔、扇貝等等，全部都好新鮮而且好大隻，果然冇失望食咗一輪基本嘅海鮮之後，就開始揀配料，墨魚滑同蝦滑都係自家製，有鮮味之餘亦好彈牙牛小排同肥牛，份量都算多，肉質不過不失打邊爐必備嘅脆鯇片，厚度適中亦都冇咩骨，就算烚耐咗依然好爽脆鮮淮山，亦係打邊爐最鍾意嘅配菜海鮮方面加點咗蝦，意想不到嘅新鮮隻蝦上枱嗰時非常生猛，差啲跳埋落張枱度打完邊爐之後，先至係今日嘅重頭戲：海鮮火鍋粥！食晒材料之後，店員會主動走過來幫你加米飯落鍋到，煮幾分鐘就可以變成海鮮粥。粥底吸收晒唔同海鮮嘅鮮味，而本身嘅南瓜味亦都好出，確實好驚喜，食到好飽好滿足～所以建議大家一定要留肚食呢個海鮮粥嘅精

只要＄188就食到新鮮海鮮拼盤，邊到搵到呀，粥底夠特別，有五種特色湯底，並不是非一般傳統湯底，而是有我的最鍾意既紫薯湯底，仲要係一人一爐，吾怕交叉感染，岩曬而家想打邊邊既我，的海鮮聽老板講即日去買架並吾系海鮮檔交貨既，呢間鋪好有活力，個員工又有禮，地方細小少但好整潔，岩曬情侶來食，直得推薦，之前見有人仲傷佢地所以特登去屋企去試試，又到又吾系之前有網友所講甘差呀，間小店都好有良心呀，份量夠足，又夠新鮮，雖然食有限時，不過只要自己自律少少按時食完走都ok。

經過邊爐家族後， 大家都擔心打邊爐會較易受感染所以就同朋友簡左呢間一人一鍋。佢地有5款粥底選擇我就簡左椰子 而朋友就簡左南瓜真係有椰子係入面架! 而且真係好香當我地仲諗緊加咩配料既時候  個海鮮盤已經送到上黎喇海鮮盤內有十款海鮮 一拎出黎就已經忍唔住wow 左出聲。先唔好講佢地既味道  單係個擺盤都夠我地班港女影相打卡!! 當我地仲影緊相既時候， 其中一隻蝦仲活躍到跳埋出黎😂 咁你想像到佢地有幾新鮮啦 ！另外我哋仲加咗蝦滑同墨魚滑份量比想像中大得多而且圓轆轆咁好可愛 味道也很不錯 很爽👍🏻食到差唔多 店員就會過黎幫你加啲南瓜、椰子粒等你食晒海鮮後 再幫你加入米糊 煮成粥*如果唔想要咁多粥 可以同店員講咁佢就會幫你倒走啲湯 呢個就係我嘅海鮮椰子粥除咗鮮甜 我都唔知仲可以用啲咩黎形容佢！開頭仲擔心只食海鮮會唔夠飽  但食埋呢個粥之後 真係大滿足!!整體而言 味道非常好 全部海鮮都十分新鮮鮮味呢樣野真係冇得呃 一試便知龍與鳳就以蝦為例 佢哋嘅蝦都好爽甜 有幾隻仲有膏添另外隻蟹、蠔同貝類都令我地印象十分深刻 以呢個價錢有咁嘅質素同份量 真係好抵👍🏻 

一行4人想打邊爐呢間一鍋瘋一人一鍋睇落好正所以book左呢間職員安排左我地上樓上坐本身包左十款海鮮 呢張紙係比你點其他野由於係粥底火鍋所以有得揀咩粥底我地揀左2個粟米2個番茄朋友話粟米比較淡我自己叫左番茄就好濃味相對黎講番茄會比粟米好d另外下面有教你d海鮮要煮幾耐相當貼心一行4人叫左好多野個海鮮set超大所以張枱覺得有d細同埋環境都比較逼不過海鮮都幾新鮮同埋都算多牛肉都唔錯最後埋單好似係1個人200幾計落其實好抵食可以食到牛肉同唔同既海鮮職員態度有禮最尾職員比粥我地果陣唔夠飽既職員會比多少少真係好貼心雕同埋我地傾計傾耐左職員都無趕我地走 勁好人下次會再食

支持。之前去親都勁多人，今日終於有機會試。$188（未計加一）十種海鮮，海鮮非常鮮甜，隻蝦仲生猛到跳咗落枱，差啲捉都捉唔實。紫薯味湯底夠濃夠特別，紫薯控必吃！

7:00入座（有訂位，訂位時冇人告知有限時）7:20落order，然後才被店員告知，只可以食1小時45分鐘7:40先上海鮮，等足20分鐘8:25店員提醒8:40需要走，有人訂左位（就算係以我入座時間計，都應該可以食到8:45）當時成枱食物，後經協商，店員同意9:00前交枱8:50叫埋單，佢自己店員忙，做得慢。只收現金或payme，俾現金，店員找錢找少2蚊（誠信問題，不是金額問題）9:00已經落樓走，疑似老闆的一位女士大聲講說話俾我地聽，原話如下：終於走囉，冇陰功，要其他人在外面吹風吹成個鐘。（按貴店的遊戲規則，我都係遲左15分鐘交台，哪來的一個鐘）成晚只食了一肚氣，如果唔係身邊有小朋友，一定會鬧交囉。之前去過一次，覺得食得幾開心，但諗唔到第二次會咁，真係唔會有下次。留返間舖俾其他人吹風等吧～

支持黃店！失望已回⋯周末6:00左右book 到即日9:30枱，滿心歡喜的去試。可惜粟米湯底無味如滾水，蕃茄湯底就好d。醬料豉油味精過勁，食完3日口腔仲有陣味，睇嚟鹽份過高⋯$188 以為是任叫⋯不是呢，只係海鮮set ，但份量少不算新鮮，我哋都係細食人，都要加2份肥牛才勉強叫吃到8成飽⋯爐火力不夠、煲極都唔滾，最後的粥底更唔知想點⋯筆pat 粥落嚟就叫係⋯飲品又不包，茶都無杯⋯二人成五舊水埋單有點伏⋯⋯後悔沒多看comments 才吃

由一坐低已經感覺唔良好。好迫好窄，之後唔知係咪坐樓上嘅關係冇咩人招呼，有時連職員都見唔到，湯底海鮮都嚟咗好耐，普通肥牛，響鈴，魚皮等勁耐都未到。最好笑既係11點食到晚上12點到想加單，同我講咩牛都冇！唔緊要，問題俾我聽到佢同其他枱講最後一碟肥牛我俾埋你 ，咩情況。丸又話冇 好多種菜都冇，仲要聽到隔離枱埋單出單嘅時候發現有啲嘢冇黎到都計埋入去。個職員仲好似慣咗咁講話我幫你取消返，我諗年中好多人都會咁樣俾人收多幾十蚊，如果大家有幸睇到呢篇文章，希望大家千祈唔好試依間野

呢間一鍋瘋出曬名食粥底海鮮火鍋，本來同朋友抱住好大期望去食， 點知失望而回！ 雖然呢度唔係任食，但係佢嘅海鮮份量係極少，蟹半隻，青口鮑魚蠔每樣只有一件，蝦、蟶子同貝殼類有二至三件！ 雖然話就話有十種不同海鮮，但係食完其實一啲都唔飽，焗住你一定要叫其他火鍋配料 ！另外，d海鮮一啲都唔新鮮！！之後佢個粥底火鍋係全程都冇滾起過，應該係佢個爐火力唔夠！同埋呢度係限時90分鐘， 用一個唔滾嘅爐係90分鐘內烚曬所有海鮮仲要煲埋粥，啲時間其實都好緊湊！

讚1.海鮮的確係新鮮既，雖然未係上檯識郁，但入口係鮮既2.粟米湯好足料彈1.入座後等菜底太太太太耐，湯底放底後，足足等左半個鐘先有海鮮☹️，但明明唔使切唔使煮既野，點解要咁耐呢？唔明噃？？仲要催左兩次單先有2.唔飽，$188價錢包既海鮮份量，係一定一定唔飽既，所以之後溜左去食餃子3.環境就算以旺角黎計，都實在太逼啦卦

以前仲有得食吉野家嘅時候，一定係食一人邊爐，而就要迫自己多啲試多啲唔同嘅餐廳！店鋪位置都不算少，而且都有兩層，不過因為係黃店關係所以人好多，預早打電話都勉強攝到一個位比我。火鍋嘅好處係可以自製調味料，不過呢個調味盤就略嫌簡單咗啲。湯底應該都係賣點之一，色彩都好鮮艷，我地一人都簡咗唔同鍋底試下。我揀嘅係椰子湯底，聞落好香，打邊爐嘅時候又唔算太出，不過煲粥果時又幾夾！海鮮盤擺得幾靚～海鮮睇落都Ok～不過不失。粥底嘅時候個朋友就嫌自己個粥底有啲太淡，我就ok因為我留得咗個蟹殼嚟煲出啲味。

本身無book位，等左一個鐘先入到去食，不過都係幾值得。本身係門口見到電視賣，發現火鍋有好多個湯底，紫薯，粟米等等。仲要剛好海鮮加火鍋，做緊188元優惠價，所以就同朋友等入去食。店入面位置有點窄同焗。我點左紫薯湯底，朋友就點左蕃茄湯。本身簡紫薯，我仲以為會有點甜，但試左後，發現湯底有點太淡，不夠紫薯味。一邊整海鮮時，都食不出湯底味。直到後來食完海鮮，變左做粥底時，先真係發現有紫薯味。我覺得係幾有創意，但湯底味唔夠。同鋪頭真係有點窄。