一鍋瘋 (已結業)

朋友揀咗呢間嘢同我食生日飯，一人一個粥底打邊爐係幾好，至少揀返自己想食嘅味... 個湯底嚟到，真係淡到好似水咁，已經覺得好奇怪.... 諗住可能佢驚啲人打邊爐再加啲料個粥可能會濃所以都算... 咁佢個海鮮餐$188，嚟到啲海鮮勁少.... 一人一隻蟹仔、兩隻蝦、一隻鮑魚、一堆貝殼類嘅嘢.... 咁如果好新鮮，份量少都可以... 結果，除咗蝦，其他嘢都唔新鮮，我朋友話食到其中一個貝類仲要有怪味.... 然後望住張menu紙，啲款式好普通，又少選擇，真係唔知可以叫啲咩..... 最嬲係叫牛肉，佢平嗰隻肥牛係肥到不得了..... 好，我當你平嘢質素差，咁我哋都叫兩隻貴啲嘅牛試下... 一款係牛小排，一款係牛肩肉... 之後佢嚟兩碟牛肉，其中一碟同肥牛差不多樣，只係冇佢平嗰隻肥牛咁肥.... 我啲朋友仲以為個侍應嚟錯嘢，問佢呢碟係咪肥肉... 佢答係... 咁我哋梗係叫佢換啦！之後個侍應又叫另一個人嚟，之後再呢碟就係牛肩肉... 真係眼都凸... 我哋真係冇見過咁肥嘅牛肩肉，諗下碟肉嚟到我哋可以誤以為係肥牛就知係幾大件事... 我哋叫佢換過另一碟返嚟，結果都係咁嘅「肥牛樣」，直接叫佢取消呢碟嘢

北風初起，又係打邊爐嘅好時間了。兩個人一齊食個海鮮火鍋，其實我本身唔係特別鍾意食海鮮，但係食落又覺得鮮甜，美味。而且員工的服務態度唔錯啊，友善! 但叫咗個豬紅有漏單，不過太多嘢食了，後尾都係取消個豬紅。另外加叫嘅墨魚滑，肥牛，娃娃菜之中，除肥牛之外另外兩者都可以。但個肥牛實在係唔得，多筋又唔新鮮。呢樣就真係不完美，需改善。環境方面中規中矩，間隔唔算話好逼，光線就充足，唔太嘈雜嘅。只係個價格感覺上偏貴同埋有限時兩個鐘呢樣唔太好

原本約咗一班朋友想食雞煲打邊爐，冇太留意見到店名有火鍋就以為係雞煲邊爐，於是book 左枱🤣去到先發現係粥底火鍋🤣佢嘅做法係先叫咗個粥仔，另外會包10款海鮮，最後唔足夠先至在外加火鍋料同埋嘢飲。最後打完邊爐，佢會到啲粥落去俾你同個湯底一齊食，包你一定會飽。店員姐姐仲好好人拎左菜脯比我地伴粥。咁啱嗰日店主帶埋店主狗狗一齊，店主仲比我地同狗狗一齊玩。狗狗一d 都唔怕人，比我地搓圓撳扁🤣🤣🤣真係好似去左狗狗cafe,好開心！老細好傾，服務又好，有人情味之餘，仲好有良心。真係值得支持支持！！！

抵食…價錢又吾貴嘅一人一鍋😁重點系有十款新鮮嘅海鮮，價錢$ 188+1同埋D粥底都幾特別…有粟米、甘筍、椰子、菠菜、紫薯我就揀左粟米粥底…先食完鮮甜嘅海鮮🤤🤤之後叫左小小野食都巳經飽最後一定要試埋嗰粥…佢地幫我加左南瓜芋頭粒、米糊等左幾分鐘之後，就可以食哇…嗰粥底巳經有濃味嘅海鮮正👍👍👍👍👍👍👍👍👍值得推介🤤聽講遲D會出其他湯底…下次再黎試👏☺️

早兩星期朋友生日，去左一鍋豐食任食火鍋。老實講好多任食火鍋質素都一般。所以好耐冇去啦。.今次最想推薦係呢個海鮮拼盤，性價比高。個人認為最好食係個象柭蚌，太好食的關係，我地秒殺左都未影得切。.我地六個人有支白酒送，味道都唔錯架！.我地平日既七點半去到，佢都全場爆滿，如果呢個價錢，而又係任食呢個質素，我覺得可以再去！

其實粥底火鍋就好多款真係未試過食一款咁難食嘅粥底火鍋。首先個湯底係零味道得隻色冇香味乜都冇，$188並不是任食，它的海鮮是非常非常少，得兩隻蝦四份一隻蟹，幾隻生蠔，而且啲海鮮係並無鮮味。只係食到佢嗰啲豉油味。跟住佢嗰啲一份一份嘅火鍋底料，係超級少。根本唔值。食完之後埋單270蚊，但好似冇食過嘢咁我仲要返到屋企食多個M記先夠飽。另外佢啤酒係青島半打$74但想來嘅竟然係青島純新，你唔好同我講青島純新同青都係一樣樣。做生意嘅嘢其實清清楚楚話一晝一懷疑就已佢咁樣其實係某程度欺騙緊消費者。最後買單嘅時候佢竟然係冇信用卡機，跟住仲話門口寫咗然後我哋出去睇門口係寫咗但係用超級細隻字寫咗。

某日同父親行經旺角，留意到一間經營粥底火鍋的店鋪，由於父親從未食過，所以就帶佢試下，估唔到佢都幾鍾意食🤤——————————🔸 10款海鮮＋自選一款粥底 $188/位粥底有5款蔬菜湯底選擇（粟米，甘筍，椰子，紫薯，菠菜），我們選擇了椰子及菠菜，兩種湯底的味道較清淡，食起來好健康；而10款提供的海鮮有齊魚蝦蟹貝，每款都很新鮮😋特別是貝類，不但鮮甜彈牙，而且沒有沙👍🏼最後可向店員幫手在濃郁的海鮮蔬菜湯加上粥底，進食時更為美味🤤🔹其他火鍋配料 $12/份爸爸本身比較大食🤭再點了$12/份配料😍如肥牛丶美國豚肉丶丸類等等，端上時肥瘦分佈平均，色澤鮮紅，不錯👍🏼

其實我係一心想去食粥底火鍋呢間都係粥底火鍋 不過唔係我心目中嗰種哈哈哈一黎到就可以揀湯先 有五款湯 甘荀粟米椰子菠菜紫薯咁見到白色既會係椰子 綠色既就會係菠菜 四個人除左甘荀都嗌齊 小妹建議椰子會好啲因為紫薯唔算真係重紫薯味 粟米咁稀個感覺又怪怪地椰子會香啲 同冇咁死甜既感覺四個人 所以每款都係四份分得都好仔細 擺盤都擺得好靚魚個厚度都差唔多 都唔係拖刀 冇痴埋蝦每人兩隻 魚每人兩塊 蟹殼每人半邊 鮑魚 蚌 北寄貝 生蠔每人一隻咁因爲係一人一煲 所以都係自己食返自己嗰份食咩先同整幾耐佢有張野痴喺道教你不過我冇咩所謂先後就唔咁執著啦！！！基本上海鮮食落都似新鮮既同其實都抵食 百零蚊真係食得飽不過部分貝殼類既吐沙唔清！食到我成口同成碗沙！好啦我認我一開始冇睇清楚冇錯！我食左一半海鮮先發現碗湯一粒米碎都冇原來佢個粥底係你食完哂海鮮再有糊仔比你加落去 咁就可以比米吸下啲海鮮湯既鮮味仲有芋頭粒同南瓜粒可以放落剩低個湯道咁就變成粥底啦紫薯個湯本身都偏淡變左粥底都係唔太夠味 推薦加啲豉油落去 一黎好似冇咁腥二黎即係有返啲味咁係真係好飽肚既 因為芋頭南瓜同糊仔都任加係抵食既

原來經過佐敦咁多次，都冇留意呢間粥底火鍋店，重要嘅係佢主打七彩顏色嘅粥底火鍋，即刻同朋友去試，佢個價格係188海鮮拼盤配粥底火鍋，佢個海鮮拼盤好大盤，而且每款海鮮都係即叫即整，勁新鮮㗎，海鮮上左之後，就叫我地揀翻款粥底啦，梗係要食個驚喜啲嘅顏色啦，所以我就揀咗紫薯粥底同埋粟米粥底試吓究竟係驚定係喜海鮮一共有10款，款款都好新鮮而且大大件，一開始先跟佢嗰個方法順序烚海鮮，而且佢有教你每款海鮮烚嘅時間，咁樣就唔會烚過龍啦個粥底吸晒所有海鮮之後，會再加稀飯落去，就會變成咁好味嘅海鮮粥啦，完全係飽到捧住個肚出去呀

今日同朋友食一人一鍋既海鮮粥底火鍋，火鍋店地方整潔，座位舒適，又唔會太嘈，好岩同三五知己聚會傾計。一開始可以簡左粥底先，一共有五款無色素、無味精既天然粥底，包括：栗米、椰子、菠菜、紫薯、甘荀。咁我地就簡左椰子、菠菜粥底、一份肥牛同2個海鮮拼盤。店員好貼心，佢會先安排上粥底，再俾客人慢慢選擇配料，等我地唔洗等好耐個粥底先滾。而且，店員仲會主動提供醬料，抵讚。至於個海鮮拼盤，店家會挑選10款當季既時令海鮮供應俾客人。所以我地果日就食左10款好新鮮既海鮮，包括：青口、鮑魚、生蠔、肉蟹、海蝦、黃刀貝、蕃蜆、魷魚、扇貝、白蜆。款款海鮮都夠曬新鮮，尤其貝類，鮮甜又無沙，鮑魚亦好爽口彈牙，唔錯。不過我就比較鍾意肉蟹，大大隻，肉質鮮味，又夠實肉，蟹迷必食!而且啲海鮮非常乾淨衛生，食得非常安心。檯面仲有列明每款海鮮既煮食時間同順序，咁就唔怕熟得滯，可以食到岩岩好既海鮮！食完個咁鮮甜嘅拼盤之後，店員幫我地加芋頭粒、南瓜粒同粥。南瓜夠曬甜，令充滿海鮮味既粥底更加鮮味，加上芋頭粒，質感即時變得綿滑，令滿足感大增呀。

Actually I was here with my friends and with one hotpot per person there’re greater flexibilities in terms of what we eat and don’t eat. The seafood set was fresh and the meat were okay-ish. No surprise nor disappointment. They then make your “seafood-soup” into a congee afterwards by adding in taro, corn and rice, which was pretty new to me. Overall, the food were good, service was great. Might come back in the future if I happen to want my own hotpot without sharing again haha.

經過旺角想打邊爐，見到間小店有一人一鍋火鍋，就入去試188蚊一位，包十款時令海鮮。突然間想食海鮮同打邊爐嘅朋友就岩。首先店員會叫我哋揀選湯底，我哋揀咗椰子湯底及粟米湯底，因為最後會將個湯底精華煮成粥底。海鮮份量比想像中少，海鮮二人份量，若只食海鮮應該會唔夠飽，建議再叫配料。今日海鮮有鮑魚、蝦、大蜆、沙白、帶子、青口、北寄貝、生蠔、蟹及魷魚。海鮮種類多份量就唔算多。最新鮮就係蝦。火鍋配料係十二蚊一碟，我哋加配咗午餐肉、蟹子丸、響鈴、菜。小小碟啱曬啲想叫唔同款式又怕食得好飽嘅朋友。最後店員就會幫你整個粥底，味道比較清淡健康，要放少少調味。

自從冬天過後，已經有一段長時間沒有打過邊爐。今天突然忽發雅興，心思思想去吃個火鍋，於是我就詢問一下另一半的尊貴意見，怎料她竟然說:要食都得，但要找一間不是任食，而且是有特色的，因為她現在並不餓。這個問題確實考起我，不是任食的並不困難，但要找一間特別的，就要花一點腦力。經過OpenRice的協助，我找到了一間特色粥底海鮮火鍋 - 一鍋瘋，餐廳曾經接受過電視訪問，以創新粥底聞名。另一半聽日粥底加海鮮火鍋，當堂已經想拉我過去。火鍋店在旺角朗豪坊附近，非常方便，從朗豪坊行過去只是5分鐘之內的事。去到門口，已經看到有大電視正在播放其粥底火鍋的訪問片段，以及其多達十款海鮮的介紹，我們看了十餘秒，已經忍不住馬上入內。一鍋瘋非常簡單直接。如前所述，其以粥底及海鮮為名，所以餐牌只得一張，我們只須選擇粥底款式以及額外配料或飲品即可。我和另一半分別選擇粥底，可以互相試味，比較一下。◉ 1. 十款海鮮$188的套餐除粥底外，還包含十款海鮮，包括: 日本白蜆、越南蕃蜆、紐西蘭黃刀貝、本地鮮魚片、韓國北極貝、大蓮貴妃蚌、陽江生蠔、大蓮鮑魚、泰國海中蝦以及菲律賓肉蟹。十款海鮮各有風味，而我重點推薦的就是肉蟹以及鮑魚

今日放假 想到朋友經常提起的海鮮粥底火鍋 成日講到幾新鮮幾抵食 不過未試過不知道是不是真的 就趁今日放假約埋朋友過去試下一來到就比佢吸引到188包左十款新鮮空運海鮮 仲有蟹食喔 另外一個餐都係188 不過只有六款海鮮但係有任食40款配料 不免懷疑它的質素 一入去店員就好詳細咁介紹兩個餐的分別 同埋有五種由新鮮蔬菜製成的湯底椰子 菠菜 甘筍 粟米 紫薯 最終我地揀咗188十款海鮮 湯底要左菠菜同粟米食材沒來，先試下用新鮮蔬菜做出來的湯底，因為冇味精所以比較清淡，過左5分鐘左右海鮮就到啦一睇落去就好有食慾 不過好唔好食就要試下啦北韓油蚌好爽口即使打邊爐都唔會流失啲鮮甜美系湯底裡邊越南虎蝦超彈牙蟹真係好鮮甜好多膏 超級正 肉好飽滿性價比真係超高最厚食埋個粥底 唔洗加其他嘢都飽肚

今晚又想食下海鮮鍋, 近近地就去左旺角一鍋瘋食一人一鍋, 我地揀左$188餐, 有10款海鮮同埋自選粥底, 粥底有大路野好似粟米呀甘荀呀個d, 另外見到有特別d既菠菜, 椰子同埋紫薯, 我地就揀左椰子同紫薯, 想像到煲粥應該幾香湯底到, 陣陣椰子味飄散, 而相比起紫薯湯就聞落清淡d, 依度既湯底標榜無色素無味精, 食落就係天然既椰子同紫薯味~跟住海鮮盤就到, 10款海鮮擺到靚靚咁放埋一齊, d貝類都幾大隻, 其中有隻蜆仲好生猛開下合下咁肉蟹雖然睇落唔係好大隻但都竟然好多膏。海蝦肉質結實, 貴妃蚌同鮑魚都彈牙蠔縮左水都唔算細隻亦不失鮮味肉蟹細細隻但好多膏新鮮所以肉質結質, 可以成隻蟹鉗完整咁拆到出黎食完10款海鮮如果唔夠飽可以另外加火鍋配料, 一律都係$12, 一d都唔貴! 不過我地都已經飽飽地仲要食埋個粥~ 所以今次就無嗌到配料啦~ 同店員講聲可以落粥底, 店員好快就落左d切到好細粒既南瓜, 竽頭, 同埋已經預先煲好既白粥底, 滾起就可以食啦煲左出黎既紫薯粥又幾靚, 同頭先就咁紫色一鍋水差好遠~本身粥底已經煲到好綿, 加埋煲到溶哂既竽頭同南瓜, 仲有啖啖海鮮鮮味, 食左半煲已經好飽lu