一鍋豐 (已結業)

來到旺角想要吃火鍋，想也不用想當然要去創興中心，全幢不同火鍋店，總有一間合心意。這次我們選了一鍋豐，之前未吃過，價錢也經濟實惠。火鍋店提供三款火鍋套餐：特色火鍋套餐（最便宜）、鮑魚海鮮火鍋套餐和象拔蚌海鮮火鍋套餐（最貴）。我們選了中價的鮑魚海鮮套餐，會送一盤5款的海鮮拼盤，其他火鍋配料、雪糕、飲料都是任飲任食。海鮮拼盤除了鮑魚外，還有貴妃蚌、蠔、翡翠螺和帆立貝。鮑魚焯一會便可以吃，肉質爽口；翡翠螺肉大大顆，彈牙鮮味；貴妃蚌大大隻，同樣鮮甜，不錯。湯底我們選了椰子雞湯，貪其清甜滋潤，又有嫩滑雞件可吃，雞肉入味。其他火鍋配料都應有盡有，牛肉也有牛肩肉和肉眼之分，脂肪均勻，不會太多肥膏。海鮮方面，海蝦頗大隻結實，海蜆也鮮甜，值得一試。還有其他手打丸和水餃，不能盡錄。吃飽飽還要留肚吃雪糕！雪糕糯米糍、朱古力牛奶雪條、杯裝雪糕，還有我童年最愛大腳板也有！跟朋友打邊爐最重要坐得舒服，一鍋豐多卡位，四人一張大卡座，空間寬敞，有兩個半小時任食，可說是朋友相聚好去處！

家人愛吃火鍋又愛放題，當然要找一間可以滿足兩個願望，而且又平又正，所以便選了這裡。這間位於創興廣場18樓，佔地全層，座位寛敞又很多，適合全家聚餐和朋友聚會。火鍋套餐由$168至$268，我們選了$218套餐，包一份五款海鮮，另配料任食。飲品有啤酒、汽水，果汁飲料，十幾款。湯底有十幾款，我們要了鴛鴦鍋，清湯和沙爹鍋底。清湯是冬瓜豬骨，味道清甜。沙爹鍋底不算太濃，用來淥牛肉就一流。五款海鮮是鲍魚、貴妃蚌、青螺、蠔和元貝，其中以鲍魚最為鮮味可口。配料有牛肉、雞、豬、魚、蝦、丸類和蔬菜🥬，差不多有八十幾款。美國牛肩肉、美國三角肥牛和蟮，最為值得推薦。因為美國牛肩肉、美國三角肥牛，牛肉味道十足，肉質帶點嚼勁。吃完火鍋，就是甜品時間，雪糕糯米糍、雪糕和雪條都是任吃。連甜品都吃了，就非常滿足。

話説呢排忙住工作，好小同fd一齊食飯吹下水，咁啱上網睇話呢間唔錯，就試下啦。椰子雞鍋大大話話佢有10款湯底比你揀，款款我都想試，最後揀左椰子雞，當初貪佢有椰子食，但食落先知原來個椰子味好重，一啲都無偷工減料！海鮮拼盤呢個拼盤有勁多海鮮，有鮑魚，妃蚌蜆，太子，螺肉，就連生蠔都有。再加上每件都大大隻，想食海鮮嘅你就嘅哂！除左叫左個海鮮拼盤外，我重叫左美國牛肩肉眼，羊肉粒，海蝦，花膠，手打蝦丸，墨魚滑，魚皮餃，黑椒牛丸，台灣貢丸，炸魚皮，響鈴，炸芋頭，粟米，娃娃菜，菜心苗，金菇，茶樹菇，木耳！！基本上你想食咩佢都有得比你！而且佢飲品都好豐富，除左基本可樂橙汁之外，重有好多特別飲品，例如：黑糖薑母茶，唔太甜兼好重薑味🤤

上個幾星期同久未見面嘅郎才女貌朋友打邊爐，兩對情侶見面梗係揀地點就腳嘅旺角啦！行完街即食，幾好！我地揀咗$218鮑魚餐👆🏽包扇貝、蠔、螺等等👆🏽選擇困難症之唔知揀邊個湯底好😆😅結果揀咗椰子雞，夠哂潤😘👆🏽餐單好多菜同菇類👍🏽 👆🏽訂咗枱，有得坐卡位👍🏽👆🏽鮑魚餐的海鮮，好新鮮喔~ 個人認為蜆最好食🤤好肉地🤤👆🏽椰子雞湯，足料，雞都每人食幾件👍🏽如果湯底啲椰子再出啲就更正👏🏽👆🏽最正係花膠任叫😍😍我地兩個女人喪隊花膠，補返哂啊~😆 另外，丸類上盤前都處理得好，解凍夠時間，無雪藏味。雞柳嫩滑，菜都好清甜👍🏽總括而言，以旺角嚟講，呢度性價比超高，值得再嚟👍🏽

打邊爐真係食極都唔厭，今晚嚟咗一窩豐食任食打邊爐。我哋今晚食$268嘅餐，我哋揀咗椰子雞湯底！個湯底好香甜～套餐有一碟象拔蚌刺身味道好鮮甜！雖然份量唔多，但都令大家都高興！跟住就到海鮮拼盤份量好豐富，種類多，各人鍾意食嘅海鮮都有！貝類新鮮，厚肉好味。千祈唔好住得太耐，會浪費左啲食材！呢啲海鮮雖然冇得encore，但點菜紙上面仲有唔少海鮮可以任點！！鱔片同埋魚頭都幾好食火鍋配料選擇超多，我哋怕眼闊肚窄，唔敢要太多。牛肉有幾款可以揀，質素都唔錯！幾位牛魔王食咗好多我哋仲要留肚食甜品：好old school的乳酪同埋雪糕，唔好錯過。飲品選擇超多，而且飲品嘅選擇一啲都唔hea雖然呢間打邊爐相比起同一棟嘅其他食肆稍貴，但選擇多，質素亦比較好，物有所值！

閨蜜快生日，大家相約一起吃飯。無論冬天還是夏天，她都特別喜愛打邊爐，所以即使現在不是打邊爐的季節，仍陪她吃火爐。這裏有3種火鍋可供選擇，我們選擇鮑魚套餐（每人＄218），海鮮拼盤包括鮑魚、帶子、東風螺、蘭花蚌和蠔。至於其他配料則任食，我們點了響鈴、墨魚滑、芝士豆腐、墨魚仔、海蝦、烏冬、豚肉片等。自助醬料區湯底則是沙嗲和清湯的鴛鴦湯底。食物很快就到，便一次過把食材全放進鍋裏，待它們熟後慢慢吃😌整體上食物都很新鮮，最喜歡是墨魚滑，爽口彈牙很美味~帶子也不錯，顏色雪白而且味道鮮甜。飲品和甜品也毫不遜色。啤酒也任飲，但我們更喜歡韓國樂天飲品~甜品有雪糕雪條雪米糍和軟雪糕，我們各吃了一粒雪米糍，為這頓豐盛的晚餐畫上一個句號。

今晚約咗一班同事食飯，天氣涼涼哋，有人提議去打邊爐！於是去咗創興廣場，揀咗呢間一窩豐。呢度主要食套餐，我哋揀咗$268嘅餐，個餐已經有象拔蚌刺身、強勁海鮮拼盤同埋好多好多任點嘅火鍋料。地方都幾闊落。象拔蚌刺身份量唔多，不過真係好好味，好爽口鮮甜海鮮拼盤好豐富，每樣材料都好新鮮最鍾意食啲班片同鮑魚～兩款魚淥完啲肉質唔會淋哂、散開哂！我哋平時都麻麻哋鍾意食魚，但今晚啲魚都好快俾大家食曬！！生蠔其實都唔錯，如果大隻啲就更加好跟住我哋仲食咗好多碟牛肉同埋其他火鍋配料，估唔到任點嘅牛頸脊質素都好高！最後仲好健康咁食咗菜！由於個湯底好正，我哋仲食埋麵～差啲唔記得講呢個嘅飲品陣容都好強㗎！除咗藍妹、紅白酒任飲之外，雪櫃仲有好多飲品自己拎。甜品就有雪糕同埋乳酪。每人買單大約$300，性價比都唔錯，大家都好滿意

好耐冇去一鍋豐喇。 今日一鍋豐爽食。 我地叫左268 象拔蚌海鮮火鍋餐。首先， 黎左個象拔蚌，新鮮又爽口！ 平時食過其他火鍋任食既象拔蚌都會腥腥地。 呢度上菜好快手， 我地食象拔蚌已經食得好快架啦。佢地上菜速度仲快。 好快已經擺到成台都係野食。收碟執台都好快， 我地每食完一碟， 轉個頭就好快有人收走左。個海鮮盆呢， 冇腥味，新鮮。 生蠔， 魚片， 飽魚，翡翠螺，蝦， 蜆， 等等。 其實人少d食個海鮮盆都已經飽晒。 份量足，牛肉新鮮， 仲要下下大大盆牛， 食到我地都叫救命， 有盆食唔晒。 手打蝦丸墨魚丸必試， 好夠味， 又彈牙。 我地幾個人食左幾個鐘， 就算好飽都要食埋甜品。 有蜜瓜軟雪糕！ 食左一大杯！總結， 呢間一鍋豐真係物超所值！

天氣涼返少少，又想去打邊爐，今晚同埋屋企人出咗去打邊爐，提早慶祝母親節創興成幢都係餐廳，我哋揀咗呢間一鍋豐。餐廳好闊落，幾乾淨企理，大枱、細枱、卡位都有，亦都有BB櫈提供。我哋今晚食$268嘅餐。個餐包括左一份象拔蚌刺身、一個強勁嘅海鮮拼盤，紙上邊嘅食材就任叫！藍妹任飲！先啤一啤除咗藍妹，飲品嘅雪櫃有其他啤酒、汽水、韓國飲料，超級多選擇！湯底我哋揀咗椰子雞窩，真材實料，一上枱已經聞到椰子嘅香味，而且啲雞肉亦都好嫩滑我哋嗰餐仲有象拔蚌刺身。象拔蚌刺身真係好好味，口感爽滑，味道好鮮，非常快就被大家清晒強勁嘅海鮮拼盤之後就出現！大家平時都唔係好鍾意食魚，但今晚啲班件真係好有魚味！不過講最好味就係鮑魚！鮑魚切咗件，淥好快就食得，肉質好軟滑，味道又鮮味馬刀貝都好好味，不過就冇得任點。蜆仔細細隻，任點唔嬲，我哋encore咗幾次。打邊爐必食牛肉，手切安格斯牛小排係必點推介！小朋友就最鍾意食炸魚皮，又薄又脆。仲有甜品環節都好強勁，除咗幾款雀巢雪糕、雪條之外，仲有yogurt。呢個真係要留肚食呢度限時兩個半鐘，時間非常充裕，我哋恣恣悠悠咁食兩個鐘已經食到好飽！

今日同同事黎打邊爐，聚一聚，因為同事鐘意飲啤酒。餐廳位於創興廣場18樓，旺角站或油麻地站行過去都好近，餐廳好大，好多大枱，適合一大班人黎打邊爐，坐位亦唔逼。有自助醬料區，飲品都有十幾款選擇，已好足夠。鮑魚海鮮火鍋，有5款海鮮，每人一份，隻隻海鮮都大大隻，鮑魚已幫忙去殼、非常貼心、而扇貝、生蠔、海螺、都算新鮮鍋底：椰子雞鍋，好多椰子同雞件，好濃椰子味，雞件亦好滑。另點了美國三角肥牛、牛柏葉、水魷魚、午餐肉、芝士腸，牛柏葉爽口，午餐肉厚切最後打完邊爐熱辣辣，食返杯雪糕好涼快

以排約親朋友都話要去打邊爐，所以好多時都係朋友話事，今日朋友約我去創興廣場18樓一鍋豐，任飲任食。一鍋豐有三款套餐選擇，特色火鍋套餐、飽魚海鮮火鍋套餐、象拔蚌海鮮火鍋套餐，最後我地選了飽魚海鮮火鍋套餐（$218），湯底有成12款可選擇。椰子雞鍋，鍋底好足料先來海鮮拼盤，有5款海鮮，有鮑魚、扇貝、螺，馬刀貝，款款都好大隻，最緊要新鮮，冇臭味，特別馬刀貝，沒有沙處理得好好，肉質豐厚，好鮮甜。我地點左響鈴、山根、魚皮、海蝦、墨魚滑，墨魚滑粒粒墨魚，好彈牙，海蝦都算大隻，爽口彈牙。啤酒，飲品任飲雪糕任食

和舊同學在旺角聚餐，我們選擇了位於旺角創興廣場18樓的一鍋豐食火鍋。其實之前已經去過這間餐廳火鍋店，覺得不錯，所以同學聚會都再回來吃。這裏的位置很闊落，卡位餐桌面很大張可以放很多食物。我們點了鮑魚海鮮火鍋套餐。湯底點了椰子雞煲，非常足料，雞件有彈性，配有椰子水的湯底，及真材實料的椰子肉，味道很好。海鮮拼盤內有鮑魚，桶蠔，大蜆，扇貝及翡翠螺等。鮑魚很厚肉，為了不讓煮太耐令鮑魚肉質變 粗，餐廳已將原隻鮑魚切半，方便煮熟。果然，鮑魚肉質鮮嫩帶爽。桶蠔好肥美，滾起漲卜卜。大蜆非常厚肉鮮味。上菜速度相當迅速，我們點了响鈴，蔬菜，滑牛，脆鯇片，手打墨魚丸，手打蝦丸，炸魚皮等。滑牛唔錯，有肉香另外，飲品選擇非常之多和充足，有很多座飲品雪櫃，方便行兩步就可以去到飲品櫃選擇飲品。另外雪糕櫃有大腳板，雪糕杯及雪糕糯米糍，儲備很充足不用擔心會取光。總結： 一鍋豐是一間價錢合理，食物質素不足，尤其是他們的海鮮拼盤，夠足料。枱櫈亦夠大張，地方闊落，如果一大班朋友聚舊，這裏很適合。

首先我們一行人到了飲品櫃取飲品，除了普遍的可樂汽水，還有蘆薈汁芒果汁等韓式飲品，亦有我們喜愛的綠茶，大概有六至七款飲品可供選擇。在醬料區方面，除了普通的蒜、芫荽、蔥、沙茶醬、豉油，亦有炸蒜。漲了配搭不過不失，採取的是自助式取醬，可按照個人需要調配適當的醬料。坐下不到5分鐘便有是認奉上了海鮮拼盤，當中有扇貝、蠔、鮑魚等海鮮，樣樣都肥美大隻。率先把扇貝和好放了進火鍋中，味道線條， 並沒有腥味， 可以看得出是新鮮的海鮮。然後按人頭的份量有三隻蝦，蝦肉鮮甜爽口，十分彈牙，可見海鮮是十分新鮮的。然後加了$30就有一個刺身任食，有三文魚八爪魚等大路的刺身，不過款式就不算多，味道還算可以，雖不算十分新鮮，仍可說是不過不失。

平時多數打邊爐都去食逐碟計嘅火鍋店，其實相對地價錢會高啲，然而喺約一大班朋友gathering嘅情況下，foodpigss🐷🐷都會選擇返仼食火鍋，因為鐘意食咩都可以隨意選取，重點經濟實惠，唔洗就住就住。鮑魚海鮮火鍋套餐（$218/人）特別在每人各有一份五款海鮮拼盤，包括鮑魚、生蠔、海螺、扇貝&馬刀貝。當中鮑魚已經預先切好，更易熟；生蠔大隻，但始終唔係當造季節，然而有少少腥；海螺、扇貝&馬刀貝都好鮮甜，清潔得亦乾淨，唔會有沙。Ko後飲碗自加海鮮嘅皮蛋芫茜湯就開始瘋狂食肉，爽😊（共十款湯底可選）肉類包括美國牛肩肉眼、鮮滑牛肉&美國三角肥牛等。當中牛肩肉係十分鮮嫩，鮮滑牛肉比想像更滑🤣，又無騷味，同樣都值得一試魚皮餃同平時食開果啲一樣味當然仲要食啲菜，今次主要揀唐生菜不得不提仲有啤酒任飲，cheers🍻

香港人一年四季都鍾意打邊爐。打邊爐除左睇價錢，配料種類，重要睇地點。今次我同朋友又重遊舊地，係旺角創興既一鍋豐。我地選擇左一個$218既套餐，除左任食既配料，重有一大個海鮮拼盤，入面有蠔丶蚌丶螺同埋元貝。海鮮十分新鮮而且大隻，一開始就放落去煮，食落十分鮮甜，冇臭同爛，可見以質素取勝。配料方面，當日我地叫左好多，當中包括蝦滑丶牛柏葉丶豬頸肉丶海蝦同埋魚皮。當中最為出色既係豬頸肉，因為師父切得薄同埋醃得好，因此淥完之後都十分有味同埋好滑。而魚皮亦十分香脆，係打邊爐之前食幾舊大大提昇食慾。野飲方面，呢到野飲都十分齊全，除左最基本既可樂之外，重有仙草爽丶荔枝烏龍同埋超過兩種唔同既啤酒選擇。甜品方面，除左最基本既雪條雪糕，重有雪糕機，係自己精心炮製下，一杯toppings同雪糕比例一比一既雪糕為呢餐畫上完美句號。