一鍋豐 (已結業)

成棟創興廣場都係餐廳，食飯時間預左要排長龍搭𨋢。平日7點半黎到，差唔多滿座，所以最好訂位。座位都幾闊落，張枱夠晒大放火鍋料。我地食每位$268象拔蚌海鮮餐，可以揀特選湯底：川芎天麻大魚頭鍋 或 馬來喇沙大頭蝦鍋，因為屋企人唔係個個食辣，就揀左大魚頭鍋，都幾足料，藥材味重，感覺養生，我唔識食魚雲，不過屋企人就食得好滋味！套餐主打係象拔蚌，最岩一蚌兩食，蚌身做刺身，脆嫩又鮮味，至於蚌膽就淥熟再切細件，一樣鮮味濃郁。海鮮拼盤仲有幾款海鮮，樣樣都好新鮮又乾淨，份量適中，每款食一件已覺得好豐富。鮑魚已經洗淨內臟同埋一開三方便進食；其中有款大蚌好好食，大隻厚肉但又唔會韌。另外仲有蠔，螺，扇貝，斑片。火鍋配料方面以下幾款比較推介。因為打邊爐手口都唔得閒，所以冇一一影相～-丸類選擇好多，芝士丸海膽丸係好食不過開始厭厭地，芝士雙響丸就未食過，形狀似一對孖潤腸，其實都係芝士餡，不過打孖上，幾過癮可以一試。-雞子夠晒大粒飽滿，加分👍🏻-各款牛肉質素都唔錯，特別係安格斯牛小排，肉味濃，油脂適中。-其他火鍋店好少有大魚頭供應，阿媽都話街市買魚頭唔平，難得呢度可以任食！-牛⻣髓滑嘟嘟吸湯汁一流，如果配合較濃味既湯

香港有各式各樣既邊爐鋪，要突出重圍除左要有橋，location仲要夠靚！單單油尖旺就已經唔知有幾多間！今日同fd黎呢間個名都改得幾好，叫一鍋豐。基本任食邊爐有既飲品醬料都齊。surprisingly佢仲有任飲紅白酒。加分！坐底先揀湯底，養生既我地揀左個魚頭湯！我真係好鍾意食魚頭！個湯成煲藥材味！感覺就無咁熱氣。基本打邊爐要叫既野都叫左，墨魚滑，牛肉，魚片，炸魚片，菜。其實我打邊爐黎黎去去都係食個d，邊間留得住就要睇邊間野好食！呢間d食物質素都唔錯，特别係d牛，唔只有肥牛，仲有牛小排個d，好嫩又好有牛味。今晩既重頭戲係呢碟無得任叫既海鮮，基本野有齊，都幾新鮮既，係個魚差dd,其他都好食！鮑魚仲好sweet咁幫手切左片，以防難熟。象拔蚌我地基本上生食晒，因為都幾鮮甜，所以無淥。壽司豉油同wasabi係跟象拔蚌分開碟上既，我覺得都幾貼心。呢到都幾岩一大班fd打邊爐，我地坐個邊圓枱卡位都有，坐得都幾舒服，又不至於逼到同隔離枱講野咁！整體感覺唔錯！

新年前約埋d幾個同事去食團年飯，大家都鍾意打邊邊，所以就約埋去一鍋豐，嚟個邊爐團年之夜！團年飯食豪少少，鮑魚套餐都係218 / 人，非常抵食！當然再食得豪d ,可以食象拔蚌套餐，都係268/人醬汁選擇貴精唔貴多，一般既配料都有，例如沙茶醬，辣辣粒，蒜蓉等。。。免費任食選擇都幾多，連肥牛都有兩款，如果想食得豪d ,可以加$28任食刺身，不過我哋都係留返d空間食海鮮同其他配料！飲品櫃主打韓式飲品，除此之外仲有各式啤酒同汽水供應，我比較喜歡飲蜂蜜雪梨茶！少少甜，又有少少雪梨既果肉！今晚有人唔食得辣，我哋叫既蕃茄湯底好快送到，香噴噴既蕃茄味，用嚟滾海鮮就最好不過！鮑魚海鮮拼盤好快送到，除了鮑魚外，仲有蘭花蚌，東風螺，馬刀貝，蠔，斑片，帶子等。。真係非常豐富！感覺真係好抵食！除了海鮮拼盤外，其他配料都幾吸引，特別要讚任食既配料都跟落單既數量送到，叫左幾轉都無漏單，值得一讚！特別推介幾脆口又唔油膩既響鈴，索晒d 蕃茄湯汁嚟食就啱晒！仲有啖啖肉嫩滑既鮮雞件，都係我心水推介！除了海鮮拼盤，配料不俗外，飯後甜品同樣驚喜，有自助既軟雪糕供大家享用！ 仲有朱古力碎，棉花糖粒等配料可以撈出一杯特色既新地！唔食

象拔蚌海鮮火鍋套餐❤️新出左套餐，都係任食的節奏，但包左幾款貴價海鮮。麻辣鍋❤️湯底揀左麻辣湯，用左好多香料，味道豐富，唔會太辣但好惹味👍海鮮❤️主角😍😍份量好多，又有多種類，有生蠔，石斑，鮑魚，帶子同埋蝦，整體新鮮。 象拔蚌薄切，可以用牙纖串起再淥，彈牙爽口👍魚皮❤️鬆脆可口~點湯食一流😋帶子❤️唔會雪到實的的，鮮甜彈牙。羊肉粒❤️厚切有口感，so味唔重。 同湯底配搭😍肥牛❤️紋理清晰，唔會太肥，薄切入口即溶😋熱情果汁❤️有氣嘅果汁，唔會太甜，幾特別~ 雪糕❤️可自製冰沙雪糕，唔會太奶味，加入朱古力醬同m&m..有得食又有得玩😉

一行四人打邊爐，當然要選任食2小時嘅餐廳啦，如果唔係，傾得計嚟又食唔切野，食得野嚟又傾唔到計，何必呢? 今次呢間係朋友食過幾好，所以約我地去再食。先講食物種類，佢地有4款級數嘅套餐，原隻龍蝦刺身餐、象拔蚌餐、鮑魚餐、特色餐，豐儉由人，可以選嘅打邊爐食物都多款，而且新鮮。佢地仲有得每位加28蚊有8款刺身任食，抵啦! 我經過刺身吧都見佢d野幾靚，不過我地有兩個人唔食生野，所以冇點到。我地叫咗鮑魚海鮮餐，一睇個海鮮併盤已經流口水啦，有5款海鮮，樣樣都大大件，好豪爽。湯底係蕃茄蜆湯，鮮甜!菜單中我想推介：美國三角肥牛 - 肉質好，牛味香!海蝦 - 新鮮大隻! 全部唔黐殼! 羊肉粒 - 一咬即feel到羊味嘅強勁，肉質稔滑。芝士豆腐 - 我知呢個唔係自家製，但我好鍾意食，好味呀!飲品係自取嘅，我較為喜歡韓國的蜂蜜梨飲品，都飲咗三罐，而朋友就飲啤酒。客人自助雪糕corner都唔錯，有2款口味，我覺得我可以去賣雪糕，睇相就知我整得幾靚。如果唔整雪糕，佢地仲有雪條同雪米糍揀。總括一個字…「豐」!

一間超抵食既海鮮邊爐，$300有找有齊生猛海鮮、其他任食，你想點?先睇睇個環境場地乾淨，闊落，侍應有禮 款式太多，數之不盡，自己睇睇。鴛鴦湯底，滿足各位有辣有唔辣，任君選擇。叫左個海鮮餐，全部海鮮都非常新鮮，爽口，味道一流。海鮮餐絕不媽呼，有齊貴價野。最正有蠔及象拔蚌，識食一定食象拔蚌個膽! 好難先搵到個膽食 (放題有呢個超正，推介!)當然，仲有鮑魚!剩係海鮮都回本啦! 跟住點少得肥牛!本地、美國、雪花、牛粒，真係應有盡有，$300人頭，真係超值!比埋其他野食大家睇睇! 登登登登! 鮮鵝腸呀! 野飲任飲! 最正係，嗜酒如命既我，支裝藍妹任飲! 講真，任食好少藍妹任飲! 最後，雪糕甜品少不了。總結: 無論一大班或兩公婆都岩黎既火鍋放題，環境舒適，夠大。野食絕對一流，抵食。唔知點解成棟大廈都係做邊爐生意，下次或者試下其他樓層，不過呢間絕對可以翻吃，首選。多謝晒當日有禮既服務，$300有找，我唔知邊度搵到，我絕對會介紹一鍋豐比朋友試! 

雖然這個冬天不太冷，但是還有打邊爐的衝動。成班朋友圍着一個爐，嘻嘻哈哈的一邊吃飯一邊聊天，未嘗是件賞心樂事。餐廳門口擺放許多椅子，，如人流太多時，客人可以舒服地坐着等，當然建議提早book位。由於各人口味各有不同，我們分別叫了一邊清湯，一邊夠濃味的沙嗲湯。首先我們點了鮑魚套餐，這個套餐包括了不同的海鮮，元貝，蠔，象仔蚌等等新鮮的海鮮，餐廳把這些海鮮都洗得很乾淨，還細心地把鮑魚切片，這一點要加分。我很怕在外吃海鮮，洗得唔乾淨。經過火鍋的洗禮，各款海鮮大都脹卜卜，很有口感，肉質很爽口。仲有打邊爐不得不點的肥牛，肥牛的肉質未算頂級，口感一般，不算差又不是特別出眾。蔬菜盤，金菇也是打邊爐必需品，我喜歡將蔬菜放入清湯，可以吃得出蔬菜本身的甜度，由此可見這餐廳的蔬菜新鮮。其後我們還點了很多的打邊爐食品，不同的肉丸，牛肚，芝士腸等。特別要推薦牛肚及魚腩片，兩者很爽口。最後登場的是響鈴！！將響鈴放喺充滿不同肉汁同蔬菜的火鍋入面，吸收晒火鍋的精華，就算不用豉油，味道也十分濃郁，滿足的結尾。

天氣不凍吃火鍋沒意思， 天文台預測將有冷鋒襲港， 立刻約埋幾個朋友去打邊爐。來到創興廣場18樓，入去見到有卡位有大枱，我哋六個人，侍應竟然安排我哋坐一張八至十人的大枱， 落左單之後才知每樣小碟小碟， 鋪滿整張枱 ，所以這樣大的枱才夠擺放。平日少吃象拔蚌所以叫了象拔蚌海鮮火鍋套餐，除了主角象拔蚌，還有海鮮拼盤有生蠔，鮑魚，帶子，花螺及星斑片， 分量略為少，每款每人只幾件。 象拔蚌亦不多，每人只三兩件。因為我哋選的是貴價套餐，所以可以選擇 非一般的湯底， 川芎天麻大魚頭鍋， 單是大魚頭在街市也要七八十蚊，咁食好似抵D任飲紅酒白酒真係唔係間間有， 不過我哋都不好酒只飲啤酒和罐裝飲品，若是好紅酒必有賺。落了單只三分鐘，川芎天麻大魚頭鍋就已上枱而且半熱，加熱兩分鐘就食得，當然要先飲湯食魚頭，大大個魚頭，非常新鮮美味，魚湯濃郁啖啖川芎天麻味，我在專門做燉湯的食肆吃過同樣質素的川芎天麻大魚頭湯，小盅要80，大窩要500還只是分得8小碗。火鍋料陸續送上，最緊要是新鮮靚仔，尤其是內臟，例如鵝腸非常靚仔乾淨，整體材料不錯，最欣賞最喜愛是雞子，外面很少見這麼大的雞子，我哋幾個男的吃得津津有味，女的就笑我哋是

呢排餓左打邊邊好耐, 今日終於可以同FD子同主子一齊打邊邊!!黎左創興呢間一鍋豐~初頭見到樓下咁多人都驚樓上坐到密質質唔舒服,上到黎, 咦又幾好喎個場, 唔迫又夠光猛~我地一行4人，可以舒舒服服坐係卡位添仲!黎到刨下D MENU，佢有唔同既套餐~佢有龍蝦餐, 亦有鮑魚同蚌餐咁黎得打邊邊, 梗係豐富D好啦, 所要叫左個鮑魚餐喇D海鮮呢就冇得ENCORE, 但其他配料就可以任食係TICK配料之際，就爭取時間去拎飲品同調味料~飲品都好多選擇~連酒都有呀!! 想HAPPY下啤啤佢都冇問題!調味料部都好足夠, 有齊D基本既調味俾人揀~好喇, 想讚一讚個鍋同個爐上得快, 個爐亦滾得好快有睇阿澤既朋友都知, 一個給力既爐係幾咁緊要滾極都唔起要佢黎把 _ 咩呢度就岩喇, 唔會等十世都未滾~轉眼間水滾, 配料又黎埋, 好快就食得!!我地叫左D響鈴呀, 丸呀呢D呢度會因應你既人數黎計份量，所以係會每次少少咁樣其實係好架, 唔會浪費食物, 同埋試左OK先再叫多D手打丸好爽口~牛肉亦都唔o鞋係份量會少dd, 但唔緊要, 叫多幾轉一樣冇問題!最後個重點黎喇!! 海鮮拼盤~~靚! 海鮮冇得呃, 唔靚個d一眼就睇到

今晚好友黎一鍋豐食飯, 我地一早book 左所以唔洗等~一黎先揀鍋, 我地叫左個藥膳醉雞鍋... 真心講, 個湯底好濃好正，入面仲有唔少雞肉食!!呢度仲有好玖飲品種類，難得任食火鍋會有荔枝烏龍茶, 梨汁等嘅特別飲品//環境都寬敞舒服!!雖然食物種類唔算好多，但食材好新鮮，鮑魚拼盤好正!!鮑魚拼盤入面有: 鮑魚、扇貝、生蠔、馬刀貝、螺~ 賣相靚之際, 食落都feel 到係勁新鮮，仲要好肥美、鮮甜~~而其他野食都好乾淨, overall 真係唔錯, 價錢又合理,好推介!

今晚同班舊同事黎到mk, 食一鍋豐~ 因為佢地想打邊爐~咁凍嘅天氣打邊爐真係啱，我地叫左個鮑魚海鮮餐！入面有勁多海鮮，ｅｇ鮑魚、扇貝、生蠔、馬刀貝、螺！鮑魚切開左一片片既，方便煮熟又容易食，食落好爽口。扇貝大大粒，生蠔肥美，好鮮甜，其他都好新鮮～我地叫左好多野食，有肥牛、羊肉、唔同種類既丸，仲有白鱔、菜類、牛骨髓！牛肉都唔錯，鮮嫩，可口！呢度有好多野食，選擇多多，大家都食得滿足！另外一提，飲品啤酒任飲，雪糕都係任食，OVERALL 都真係唔錯~

星期日諗住同屋企人去打下邊爐，經過創興見到呢間好似唔錯就入去試下。一入到去覺得好大，燈光好充足。個時七點鐘唔係好多人，但八點左右就開始多人。位置都幾闊落，坐得幾舒服食物選擇都多，我地先叫左個湯底，川芎天麻大魚頭鍋，有少少藥膳既感覺，味道都唔錯，湯底亦都幾濃郁我地叫個套餐包左個海鮮拼盤，全部都好新鮮，最吸引既係鮑魚同埋魚，鮑魚雖然細細舊但好爽口彈牙，魚就比較嫩滑。之後到打邊爐既食物，一定要食嘅係鮮滑牛肉，唔使碌咁熟，就食到佢既嫩滑，超級正。另外蜆都值得一嗌，雖然細細隻但好鮮嫩。所以呢兩樣野都叫左兩三轉。墨魚滑都係其中一樣特別喜歡既食物，新鮮嫩滑。打邊爐必備既食物呢間都有，但環境一啲都唔遜色，價錢又合理，值得黎一試。

今日成班朋友約食飯我地揀咁呢間一鍋豐咁凍嘅天氣打邊爐真係啱曬仲有刺身食首先揀個海鮮餐先我地揀咗鮑魚海鮮餐鮑魚本身切開一片片方便煮熟又容易食個餐有鮑魚扇貝、生蠔、馬刀貝同埋螺海鮮勁新鮮，扇貝大大隻♥️生蠔肥美，好鮮甜呢度打邊爐只要加個好平嘅價錢就可以食埋刺身有吞拿魚、虎蝦、赤貝、北寄貝、立魚、希靈魚、鮑片同三文魚⋯全部都厚切肥美！選擇唔少👍🏻呢度啲肥牛、豬肉片都鮮嫩丸嘅選擇都豐富，食落彈牙仲有白鱔片、鯇魚、牛骨髓、水魷、響鈴都好好味👍🏻好多野食好多選擇好滿足食到好飽飲品啤酒任飲雪糕都係任食超滿足

早幾日同朋友約食飯♥️四條友凍冰冰揀咗去打邊爐🍲我地今日揀旺角比較就腳可以一邊食刺身一邊打邊爐🙌🏻一去到，我地就揀咗鮑魚餐鮑魚已經切開一片片，方便煮熟又容易食鮑魚餐唔只鮑魚嘅仲有扇貝、生蠔、馬刀貝同埋螺我地揀咗鴛鴦鍋湯底海鮮因為本身就好新鮮所以落清湯已經好正♥️啱啱提及呢度係有刺身食嘅加個好平嘅價錢已經可以食埋刺身赤貝、北寄貝、立魚同三文魚都好好味👍🏻頭先個馬刀貝熟咗喇♥️好鮮甜爽口墨魚滑好彈牙要讚下一個白鱔片👍🏻👍🏻好香好味牛肉都好好味丸嘅選擇都好多♥️太多野食，啲相放唔曬😂但整體嚟講好滿食到好飽飲品任飲，有啤酒有雪糕同雪米糍雪糕有杯裝亦都有自己吱出吱嘅我地幾個食到飽飽咁走

是日和家人聚會, 選了吃火鍋,來到創興這個食肆集中地,看到有好幾間火鍋店, 最後選了有海鮮吃的一鍋豐~店內有兩款海鮮火鍋套餐可選,而不吃海鮮的也可以選基本套餐;在象拔蚌和飽魚之間選了象拔蚌,正價時段 $268 一位 (宵夜時段 $248@),包一份七款海鮮的拼盤 ,另外藍妹, 森堡啤酒, 紅酒及白酒任飲,湯底也有十二款可選,如想吃刺身, 也可加 $28 就有八款刺身任食,這套餐包了超多東西,所以我們還是先吃著看看, 暫時不加配刺身選了很少見的猴頭菇沙魚骨湯底,湯內有很多大大粒的猴頭菇, 吸了湯汁非常好味~雖然有沙魚骨, 但完完沒腥味,個人覺得很不錯, 不會太過濃味海鮮拼盤份量也不少,有象拔蚌, 蠔, 帶子, 星斑, 鮑魚,全部都很新鮮, 也很厚身~正而花甲及東風螺則放在另外一碟,花甲超級大隻, 手掌般大~超級正!藍妹是大支裝  飲了好幾支其他飲品選擇也不少, 有火鍋必備的可樂~火鍋任食紙的種類很多, 有海蚌, 海蝦, ,花膠, 鱔片等等單是牛肉也有五款可選, 有牛小排和伕眼很淋~好味花膠是厚身及很大塊,不像坊間那種細細碎碎的, 淥完也大大塊~~正叫了好多款不同食物, 水準都很不錯,而且