一風堂 (德福廣場) (已結業)

之前睇完套日本動畫 愛吃拉麵的小泉同學 之後就成日心思思去食拉麵,lee間一風堂食左兩次.今日中午早放,就又去過下癮.除左第一次食白丸,之後基本都係食赤丸.每次都同自己講,今次要試限定,但最終order嘅時候都不由自主點赤丸.冇辦法,忍唔到.動畫都有介紹一風堂,然後先知道原來杯茶都有名堂.以前一直忽略嘅配菜,原來味道非常好.我lee種唔like芽菜嘅人,食面之前都食左成碟.據講可以吸收脂肪,所以更加要食啦.湯底非常好,我雖然中意濃味但好似黑龍咁濃我又有D頂唔順.赤丸就fit曬.先飲用原味嘅湯,之後在將紅色嘅打碎.正!叉燒味道肥瘦適中,其實紫菜我一直唔知道幾時食先正確,我一般一開始就食.謝謝下又想食啦.下次再去其他拉麵店慢慢品嘗先.

是但搵間野食個下午茶，見呢度無咩人就入去，點知中曬伏😐一入到去，明明大把位，我地想坐卡位佢又唔比，叫我地坐另一邊，甘好啦我地都聽話既，個度有兩張枱，我地是但揀左一張，佢又死都要我地坐返隔離個張，但明明兩張都係隔離、大細一樣，根本坐邊張都無分別、無影響到人，喂，係咪強迫症呀？個員工係木無表情、講多句解釋多句都唔願甘，咩料？叫左個拉麵A餐，掛住傾計無影相，但只可說食杯麵都無甘嬲。個湯無味、個塊肉又無味，唔知自己食緊咩。不過佢又差唔曬既，平心而論個甜品係好食既。不過呢間野我唔會再去囉。

今日下午茶去左德福商場一風堂試佢哋新出嘅期間限定冬陰功拉麵，配料有半熟蛋，炸雲吞，辣肉醬，少量芫荽同主角中蝦，湯頭味道酸辣適中，但唔夠香茅香味，隻蝦應該係先用豆板醬炒過再放上麵上面而且已經剝殼只淨蝦頭同尾食起上嚟好方便，味道唔錯蝦肉都爽口，而麵條都係平常用嘅粗直麵，麵質帶少煙靭，其他配料就普通，總括碗麵ok唔錯嘅，個人覺得連鎖店嚟講一風堂算係喺香港做得唔錯嘅一間連鎖品牌食店。

今日行過九龍灣，因為今晚飲囍酒所以去了一風堂食個下午茶先，環境設計好和風味，因為安排了卡位十分舒服。店員服務友善。我點了豚肉湯餃子和明太子雞翼，再加杯咖啡。豚肉餃子皮很薄，湯有點辣但好味的。我接受到。明太子雞翼有點失色沒有香脆的效果。賣相細隻了點。咖啡細細杯很精緻。

一直都有食開呢間拉麵 雖然是鏈鎖店 但是味道同香港出名既拉麵店都有得揮 間吾中都會食一次 重點系我真系好鐘意食呢間既芽菜 醃左既辣芽菜真系好正好辣不過今次好嬲就系 可能佢趕收工 食左一轉佢好快就收起哂d芽菜同我地講賣哂 個時我地碗拉麵先食左一半今次食左季節限定既雞醬油拉麵 九龍灣分店優惠$58拉麵系粗拉麵 口感不錯 湯底醬油味不錯 不會太過濃而導致太鹹亦不會不夠味雞肉白雪雪以為會無味 但原來食落又好似有調味過以前系日本食過一間得獎既醬油拉麵 但根本系豉油加拉麵 食完之後都好驚醬油拉麵 今次食完覺得其實間間拉麵店都吾同 呢間既醬油拉麵服務態度方面 店員都好有禮貌 但除左一個染左紅色頭髮既店員 真系俾左個差印象我同朋友你試過點餐講野俾店員疾住同搶住講野仲要講得好快未？你試過俾人催埋單仲要態度差未？ 我同朋友番完工 點知去食野都仲可以俾人西面🤷🏻‍♀️

其實整間分店，食物，環境都冇問題， 但其中一個職員就好有問題,冇歧視佢女人但中性打扮戴眼鏡 即係TB, 如果以佢公司食物嘅定價，但提供劣質嘅服務， 唔需要去呢間食！ 簡直係受氣， 態度好差， 十問九唔應， 再一杯特飲醉咗三次，整咗廿分鐘都冇到， 咁不如就正正經經做間拉麵店，唔好搞飲品啦！ 漏單都唔緊要， 叫個位 中性女同事 追單， 冇跟進之如，仲覺得我煩住佢， 個面口仲黑過嗰碗特製黑拉麵， 以後都唔幫襯， 睇番留言 都唔係第一次畀人投訴㗎啦呢位員工， 一風堂真係要多謝佢！

明太子雞翼係我地最愛, 每之都必叫, 仲要午飯時 忍唔住 要追加到... 一人一客自私食為止... 呵呵呵...熱辣 香濃, 滿滿餡料,加埋檸檬汁, 清新開胃, 仲更加想食呀!!!朋友最愛嘅德福限定超足料 好抵食呀!我地都估唔到加酢係清新咁多, 好味咁多~所以自從 n 月前店員推介之後, 加酢 真係 is a MUST!!!我今次食嘅雞味, 不過偏油感, 下次會叫番平日叫嘅白丸~btw, 雞肉滑好嫰, 唔錯~

我其實係一風堂嘅常客 大部分時間都係因為落左堂 就搭一個站過嚟下奏通常都好少人服務好好 有次試過個staff見到我著白衫 就好好心咁拎圍裙比我 👍👍呢啲服務態度亦係我成日過嚟一風堂食拉麵 兼帶fd過嚟食嘅原因但係今次服務超差 我唔會再嚟就話說 我同男朋友放左學又過嚟食一風堂做夜晚果餐等嘅時候前面有廿幾個number咁太想食所以就等入到去就有個剷哂青嘅女manager serve我地我男朋友係有啲選擇困難症佢要多少少時間先落到個經理又好似無咩耐性 落單唔覆落完就走 仲成日唧啲客我地想叫佢覆一次單 想問啲野 佢就好似趕去機場咁走左 完全理過 服務態度奇差 🤢佢下面其他樓面都做得好過佢 有個妹妹 佢見到我拎緊芽菜 但又無哂 就主動refill 咁忙都refill抵讚😘不過唔知點解啲芽菜咩味都無...😥無論如何我地都食完碗麵走希望一風堂會改善下旗下員工不論職位高低嘅服務態度特別係一風堂 注重自己嘅服務質素品牌聲譽嘅時候希望你地會將服務態度納入員工晉升嘅考量😠

呢個食評只針對九龍灣德福分店。我每星期都至少幫襯一風堂一次，因為自己鐘意，太太同阿囡都喜愛食拉麵。返工附近亦有一間(中環世紀廣場)，質素好好，但九龍灣德福呢間食物份量明顯細件，令人不快。有相為證，豆腐好似俾人批薄咗1/3，魷魚係大半碟，D叉燒細塊到呢。呢間長期係咁，所以要幫襯，就唔好係呢間囉。

係九龍灣突然想食拉麵，就諗起德福有間一風堂喇！見到佢有個德福限定既橫浜家系豚骨拉麵，最重要係有埋個半熟玉子🤣就試下啦！落完單幾分鐘就有得食喇麵條方面我叫左普通硬度，食落都岩岩好！熱辣辣既豚骨湯，味道香又濃厚，對我黎講鹹度都算ok！叉燒都幾滑，但都有少少騷騷既雪味啦？玉子就口感豐富，溏心味道香甜，真係好喜歡！有幾塊椰菜呀，紫菜呀，仲有一柱菜既配菜，感覺配菜少左啲～咁可以夾下佢枱上既鹹菜黎食既，但真係好鹹架🤣整體黎講都唔錯，份量都適中,岩岩好～仲諗住叫啲小食食下，不過應該會太飽，有朋友一齊食就更好喇！🤣🤣咁就可以試埋其他小食！

好耐無食過一風堂，今日其實係為限定既<海膽冷製麵>而黎。星期日七點鐘黎到，好彩仲有😍！！✨個湯好清，帶點點鮮味但味道略咸。話說係用法式清湯+日式上湯+海膽醬而成。不過海膽味我就唔係好覺喇🤔，湯底未算有驚喜，我覺得可以再冰凍d。不過個海膽真係好鮮甜好creamy!!🤤，一啖過啪晒，好正！！👅麵質㨂普通但係都幾煙韌彈牙，就咁食個麵感覺有點寡，我自己加左另外豚骨麵配既蒜泥同個辣辣地既京蔥，加埋落去反而好食左。另外，三文魚籽好鮮味，溏心蛋夠嫩滑，叉燒粒好瘦無咩特別。價錢黎講$138蚊唔係好抵，除左個海膽真係唔錯👍🏻。 ✨✨德褔店限定<橫浜家系豚骨>($78)想講個湯底真係超正，超濃郁既雞湯同豬骨味！！🤤🤤🤤👍🏻👍🏻👍🏻不過咁啱食果塊豬就偏瘦左d,除此之外都好好味呢個係豚骨麵配既蒜泥同個辣辣地既京蔥，幾惹味✨豚骨湯波菜（$28), 湯底好清，豚骨味唔多覺，菜味就好濃。✨呢個好正👍🏻限定Zucca卷（$32), 入邊係南瓜蓉，點埋蜜糖真係香甜鬆脆👍🏻得四條仔😭唔夠喉！！！！✨是日覺得最好食既登場！！估唔到最正既唔係拉麵，係呢個鰻魚天婦羅角包（$38)😍😍😍， 香脆

有時找不到人陪吃飯，吃拉麵都是一個不錯的選擇，你用不著去叫很多菜式，只是一碗美味的拉麵，已是一個滿足的用膳。一風堂香港，在每一間分店都有其特定的「分店限定拉麵」，所以去到九龍灣分店，我想也沒有想便叫了這個限定拉麵 - 橫浜家系豚骨拉麵。橫浜家豚骨拉麵（$78）德福分店限定拉麵, 在拉麵湯底中，豚骨湯底算是我的首選，這裏的湯底濃厚，滲著豬骨的香味，拉麵彈牙，流心蛋入口溶化，加埋肥瘦相間的义燒，就是一碗熱騰騰的拉麵，就足以讓人稱心滿意。

收工！肚餓！又諗唔到食乜！見到一風堂張海報，好勁咁有個㗎佬做封面！就佢啦！冇辦法啦依家啲拉麵開到成行成市，仲要咁好味，咁多選擇，想食好嘢點會諗起佢，心諗比次機會改觀我對佢既印象，我真係十世都冇幫襯佢！原因佢真係吾抵食 服務又差 味道又一般！結論：永無下次幫襯拉麵不講！因為甘耐依然冇進步！簡直嘥氣！我叫左佢依家同什麼Zucca合作嘅南瓜春卷，$32，簡直火都嚟埋，手指尾咁幼嘅春卷大家見過未？相片同真實版簡直兩回事，果啲南瓜蓉嗨疏疏同相片中填滿晒多到流嘅完全唔同跟手叫埋佢而家宣傳緊嘅雞翼，相片中嘅雞翼好飽滿架，嘩點知一黎到，瘦到馬拉雞咁，味道仲慘過我煎嗰啲雞翼咁呀！服務就更加唔好講啦，果啲服務員應該玩開急口令架！完全聽唔到佢哋講野架⋯⋯極度敷衍咁樣介紹完啲嘢，完全冇睇人客反應聽唔聽到就走左人，我簡直O晒嘴完全唔明咁望住佢走咗去囉！以後我餓到死我都唔會再幫襯佢我情願返去熝個杯面好過！！

是日晚上又來到一風堂晚餐。上一星期有數天都光顧它，因為同區食肆以它的最後落單時間較遲。但還是直到今天，才嚐得到它新推出的期間限定拉麵：海膽冷製拉麵（$138），好幾天它都早早售完。不試不知，這個冷麵跟一風堂平日供應的拼麵湯底不一樣。這碗凍湯拉麵用上法國清湯（味道是雞湯+蔬菜的味道）和日式上湯添合，加上出奇地幼滑的鵝黃色海膽醬製成。拼麵上桌時，嚐了它的湯，意外感到十分鮮甜。海膽的甜味沒有腥味半分，反而美妙地融合到湯底裡頭。主要嚐到雞肉清湯和海膽的甜味，冷凍的湯喝起來不咸不澀，非常出色。因為法式清湯十分講究下鹽的份量，下得太多太咸，不得少蔬菜味道會突出並掩蓋雞肉的味道。太麵幼滑煙韌，輕易掛上醬汁又不會軟爛。配料飛魚籽（用一風堂app免費多贈了一份飛魚籽）和溏心蛋跟湯式味道十分相襯，咸甜甘的融和是這碗冷製拉麵做得最出色的地方。慢慢咬著方塊叉燒粒，多了點肉香和日式醬油的味道，感覺就像吃拉麵了。這個拉麵創意，值得表揚一下，哈哈！而且，夏天吃冷拉麵，不僅是創新，更是清爽了，不會吃得滿頭大汗了。

八月九日，今日老婆🐷要去尖東做facial, 做到成7點半😨都過都唔緊要，有老公🐷錫錫🤤😘，去尖沙咀接完老婆🐷之後就順邊先行下街，原來老婆🐷睇岩左對高跟鞋，睇落又真係幾靚既😍不過其實老婆🐷著咩都靚。老婆🐷仲好得意咁問我買唔買好？買唔買好？ 坦白講，對鞋真係靚，而且係佢買既鞋黎講亦都唔算貴，買得過，唯一擔心既係危險，行起上黎好似唔太穩，好易拗到腳😣...不過最後都買左。之後我地就去左九龍灣既一風堂食日本拉面😍而且老婆🐷都鐘意食拉面🤤。我同老婆🐷就各要左個白拉面同黑拉面，咁樣大家就可以交換同埋share 黎食😍😍😍。大家都試到對方食既野。白拉面食落其實好普通，都係典型既拉面，所以建議大家唔好試，而上邊果兩塊低溫豬肉都幾香，幾有豬肉既原汁原味，okok😘黑拉面就好得多了，d 黑蒜非常之香，個湯底有點點既微辣，食落極之惹味，d 面吸收埋 湯底既精華，真係食到耳仔郁郁🤤（古語有云：耳仔郁郁，金銀滿屋）食到一個正既拉面，肚子既感足感真係好比金銀滿屋😍到呢個波菜煲，唔好比張相呃左，其實係超級迷你煲黎，d 菜係幾甜既...可惜性價比太低...除非好鐘意食菜，否則不推薦。以為頭先個菜煲已經係最迷你，點知