一鳴屋台料理

營業中

休息中

朋友聽講呢度嘅午餐好好食，一定要拉我去試下，好啦好啦，咁一齊試新野啦。呢度裝修帶有日本風，簡約，木系，令我非常懷念以前去日本旅行時嘅居酒屋。仲有吧台座位，拉近廚師同食客嘅距離。午市主要揀多款日式便當或者自選拉麵。日式便當配汽水或烏龍茶。自選拉麵好個人化，由湯底，麵條麵質到配菜，都可以可以自己揀，實啱自己口味啦。今日日式便當揀左唐揚雞配咖哩薯餅。擺盤非常精緻，好靚，一黎就眼睛食先，已經覺得好滿意。咖哩薯餅外脆內軟，薯蓉好滑，咖喱味充滿著口腔。唐揚雞大大件，份量十足，炸粉唔算厚，雞肉滑，仲配合有微辣芥末味嘅沙律醬，唔錯。沙律菜爽甜，但對貪靚嘅女士黎講，沙律醬就略嫌太多了。黑蒜叉燒豬軟骨拉麵，黑蒜油豬骨湯配黑蒜油，味道好香，味道鮮甜。豬軟骨一夾就散，煮得好軟稔，好入味，就算係軟骨部分都一咬就開，膠感十足，好正。拉麵仲有紫菜，雲耳絲，增加口感。仲加錢叫左餃子，真係好滿足呀。午市嘅便當同拉麵都非常出色，可惜冇小食，唯有下次晚市時候再黎，試下佢嘅玉子燒，御好燒啦。

朋友過黎北區揾我食飯係石湖墟行過見到幾靚就入去 好似係新開以前見到以為係台灣野 見佢個名寫台料理咁原來係日本野haha個裝修環境都好靚好舒服用木做主題仲要有2層樓高menu如上 叫左幾樣野同一個朋友食食唔到太多首先係叫 香菜湯叉燒拉麵 $78個湯好好味 有芫茜但又唔會好似出面啲餐廳咁有陣青味冇青味仲要有芫茜味 加埋d拉麵一流叉燒都好食然後因為鐘意食蛋同竹筍就加錢叫埋估唔到$10就可以比咁多我加蛋$12叫左個燒河豚乾 $46好好食 香口得黎又唔會太硬 少脆同朋友都話好好食 入口陣味好香必食汁燒厚切牛舌心 $56好香好好食 應該有秘制醬汁整過而且牛舌燒到啱啱好 好有咬口入口Juicy 同朋友都讚不絕口最後叫左個 鰻魚御好燒 $88好大塊估唔到入面好多大隻鮮蝦滿滿醬汁 正飽到爆炸以上埋單$308

疫情之下，同朋友見面嘅機會真係比以前少咗，難得見面，梗係要搵間好少少嘅餐廳一齊食返餐好。我同朋友都好鍾意食日本嘢，而家冇得去旅行，唯有搵間有日本風味嘅餐廳頂住先🧄黑蒜拉麵🍜朋友點咗個黑蒜拉麵，佢話個湯底好香豬骨味，黑蒜味好濃，但又唔會好油膩。豬軟骨亦好腍，好入味。海鮮什錦炒麵由於我之前已經試過拉麵，所以今次試吓佢嘅炒麵。都幾足料，有好多唔同嘅海鮮做配料，味道較為清淡。相比之下，我個人會比較推薦呢度嘅香濃拉麵。🐙章魚御好燒呢個御好燒賣相唔錯，非常足料，每一啖都係餡料，配上呢個冇得輸嘅日式醬汁，正！🐮鹽燒牛柳粒牛柳粒香嫩juicy，一啲都唔韌，簡單以少少鹽調味，已經好正。🧀燒芝士年糕呢個係邪惡又好味嘅小食，裏面半溶嘅芝士令人好滿足。

今晚同朋友嚟到上水呢間勁有feel嘅日式屋台料理食晚餐，環境舒服，適合三五知己聚會，食物款式多之餘，樣樣都幾唔錯，食到好滿足，要記錄一下。🇯🇵Orion 5% (日本沖繩)🍻咁開心梗係要啤啤佢，先點咗呢杯大大杯嘅沖繩啤酒。唐揚北海道池魚仔🐟跟住當然要點埋呢個池魚仔送酒，真係好香好好食。燒芝士年糕🧀芝士年糕燒得好香，口感好得意，煙煙韌韌，咬開裏面係滿滿嘅流心芝士，邪惡的美味。免治雞肉棒🐥每次去到日式燒物店必點嘅菜式。好鍾意呢種獨特嘅口感同味道，配上醬汁同香蔥，真係冇得頂。鰻魚玉子燒玉子好嫩滑，鰻魚又好肥美，成個口感好滑溜，配上呢個甜甜地嘅鰻魚汁，係幸福嘅味道呀

上水抵食便當拉麵🌸黑蒜拉麵$70+火灸叉燒$20+$10味荀⭐️⭐️⭐️⭐️⭐️傻婆R揀左細麵，普通麵質，多蔥，揀左秘製豬軟骨同埋火灸叉燒，要左一粒🌶唐辛醬。溏心蛋蛋香足夠流心，豬軟骨煮到十分入味十分軟淋，火灸叉燒微微既燒香而且十分肥美，味荀加入拉麵中更加昇華，湯底十分濃郁厚身，再掛上拉麵上，成件事十分好味👍🌸原條蒲燒鰻魚$98 ⭐️⭐️⭐️⭐️☆有新鮮沙律，秋葵、粟米芯、菇類等等，2件大大件唐揚雞，原條鰻魚燒得香而且好彈牙，白飯上有飯素。🌸唐揚雞配咖喱薯餅$68 ⭐️⭐️⭐️⭐️☆咖喱薯餅炸得香脆，甜甜既咖喱香，超惹味呀。有新鮮沙律秋葵、粟米芯、菇類等等，還有五件大大件唐揚雞，鐘意食唐揚雞就必叫啦！🌸乳酸梳打和餃子+$30⭐️⭐️⭐️⭐️⭐️餃子炸到十分香脆可口，外脆內嫩，內含豬肉，散發微微既薑味，再沾上碟上既汁十分香胃。乳酸梳打十分夠氣不太甜。🌸烏龍茶、玉泉跟餐免費烏龍茶跟平時飲的不同，飲到有陣濃濃的烏龍味！午市免加一服務費======詳情======一鳴屋台料理上水馬會道180號================#yummy #香港美食指南 #香港美食 #hkfoodie #hkfood #hkeat #吃

彷如置身日本的屋台料理今日專登去上水搵食， 行過見到門面裝修好靚超級日本feel， 實在太耐冇去旅行啦，所以見到二話不說就入咗去食， 入面嘅裝修亦都好配合日本風格， 感覺就好似去咗日本屋台食拉麵一樣。豚肉生薑燒丼 $68非常豐富， 佢個丼擺盤好靚睇見都好開胃😍 首先食咗冷盤，入邊有秋葵蘑菇同粟米芯， 然後就有個沙律， 冷盤同沙律菜食材非常新鮮。另外有個小食唐揚炸雞，炸雞入面非常嫩滑， 不會非常乾柴， 最特別的就是炸雞的醬汁， 食得到入面是有芥末的沙律醬，配合炸雞非常完美。主食豚肉生薑燒， 豚肉肥瘦均勻 ，食落不會嚡口， 豚肉份量亦不少 ，有七至八塊， 加埋牙菜和椰菜配合炒， 食落味道夾之餘亦都唔會覺得肥膩， 白飯用日本珍珠米上面加咗日本飯素，所以空口就咁食白飯都好好食黑蒜油叉燒細麵 $70 + 豬軟骨$20 + 溏心蛋$12 + 特飲小食 $30 + 太麵$15拉麵先飲過湯底， 感受到豬骨嘅濃湯底，配以黑蒜油香， 已經令人一而再灌下一口又一口的湯， 細切嘅䓤花，爽口木耳絲， 已經不是香港所有拉麵舖可以做得到， 先叫上細麵， 麵質軟淋， 感覺真的像日本司傅在我身邊剛剛炮製， 叫了叉燒，

今日係舊墟行過，見到一鳴屋台料理既日本野就入去試下。估唔到有驚喜😳，味道各方面都幾好，老實講區內來來去去都係個幾間日本野，無咩選擇。佢個餐牌都算多野揀，主食有拉麵同便當，仲有好多小食。淨係便當都有八款，今次我揀左吉列豬扒便當，賣相非常吸引，沙律同配菜好開胃，吉列豬扒外脆內軟，一口咬落去肉汁係口入面四淺，非常Juicy，仲有配埋唐揚炸雞小吃，一樣香脆多汁。而拉麵有五款口味，而今次就試下一鳴拉麵，拉麵可以選擇麵條粗幼，麵質，細葱，配料同辛辣，可以按個人喜好配搭。拉麵好有水準，湯底香濃，麵條吸收左湯汁再啜入口，味道濃郁，叉燒肥美非常，但係一啲都唔漏，連湯都飲晒，非常滿足。小食方面我點左燒河豚乾，汁燒雞翼同唐揚雞軟骨。河豚乾好惹味，如果飲酒嘅話可以當下酒菜，燒雞翼好香口，肉質嫩滑，絶對係必食選擇，加埋雞軟骨甘香酥脆，但係一啲都唔油膩，食幾多都唔怕。整體來講都係好食，環境又舒服，坐得好闊落，試菜都快，值得推介👍👍👍👍

餐廳主打拉麵和便當，拉麵有4款湯底選擇(豬骨濃湯/黑蒜/赤辛/香菜)，呢個自家製黑蒜味湯底係推介呀，夠濃郁和重蒜味，麵質揀咗硬身，都幾有咬口，叉燒肥瘦適中，入口甘香。加埋蔥和唐辛醬，令碗麵更加好味🌶。此外，午市跟餐加$30，有飲品和一個小食😋。小食叫咗炸雞和餃子🥟每款有4件。炸雞即叫即炸，咬落香脆，啖啖肉又夠juicy。餃子都唔錯，點埋個特色醬汁就唔覺得膩。🔸黑蒜叉燒/豬軟骨拉麵 🧄🍜 🔸炸雞 🔸餃子 📍一鳴屋台料理上水馬會道180號

女店員態度惡劣中午一點幾鐘，我們一行四人，一踏入門口，女店員在門口粗聲粗氣叫我們：自己揾位坐。我們坐了在中間卡位，入到去樓面只得女職員一個，我們了舉幾次手都沒有過來取點餐紙。其中我們有個女性朋友想要暖水，問女職員取，一句得埋嚟：無暖水，咁就走開咗。全程匿埋係收銀位，好似唔當間舖有客咁又勁冇禮貌。中午食個飯每人舊幾水，原本開開心心食飯，結果就入去受氣，以後都不會再幫襯。

馬鞍還未來，那麼繼續遊走開心行，上水特色日本拉麵店，餐廳內播放著輕快的日本音樂，帶你進到返到日本一樣。 午餐主打拉麵與便當，即是最出色的兩大項「為什麼做人總是要選擇？    因為⋯⋯要選擇，所以才會知道得來不易，才會珍惜。」今次就選了拉麵仲要係辣。。。 麵有兩種選擇（仲可選軟硬度），湯底有四種選擇（食辣仲有三種辣度），蔥及配料也可選，可見店主的細心，顧客至上的心意。 湯底有豬骨香味，加上我選了中辣，更顯惹味。每一條麵條也吸收了湯汁的味道，凈湯+麵，都開心滿足。 我當然對自己好好，有不同配菜伴麵：叉燒外皮燒得焦香入味；豬軟骨炆得軟骨位也成了膠狀，嘩嘩嘩，係心機菜……；木耳絲增加了口感；炸蒜超香；半熟蛋好味，仲有最愛的櫻花蝦。 仲點選了炸雞做小食：外脆內嫩，仲要係juice ，點做到呀；仲有4大件，超級滿足。飲品當然要清新口味的西柚梳打，簡直一絕。 下次再嚟食原條鰻魚便當。

今日去上水搵朋友，行去龍豐對面一帶睇下有咩餐廳岩食😋因為呢邊好多餐廳見到呢間裝修好靚，好日式居酒屋feel就睇下餐牌，價錢唔貴又岩食就入左去啦🤣午市有自選拉麵同便當🍱 選擇，免加一服務費多豐盛既午餐🤩🤩簡左赤辛太麵（地獄醬豬骨湯）$70配料可選擇叉燒或者豬軟骨 因為想兩樣都食所以加多$20，湯底唔太辣豬軟骨超淋，最愛半熟蛋，流心度不錯叉燒有火炙過，肉和焦邊好香口加左$10味筍 份量照多沾埋湯食一流拉麵可加$30變套餐（一份小食同一杯特飲）原條蒲燒鰻魚便當🍱 好豐盛饅魚好厚肉無骨，肉質好味😋鰻魚汁調味適中，唔會太甜太重味有多兩件炸雞食食完個便當都好飽🤣🤣

難得入上水搵fd玩 佢推薦呢間唔錯嘅日本餐廳🍴🇯🇵 就咁睇個門口裝修已經好日系😍當自己去緊旅行🧳餐廳環境雖然係長方形設計 不過位置之間都好寬敞👍🏻坐得好舒適😆食物除左幾款拉麵🍜仲有好多小食串燒選擇😆😆正啊！🧄黑蒜拉麵湯底超濃超濃郁！好濃黑蒜油味🤪就咁睇個顏色都知足料！溏心蛋啱啱好好味😋叉燒肥瘦適中😋🦆鴨胸湯拉麵（期間限定）職員一來就有推薦，見未食過就嗌來試吓🤪鴨湯湯底都好濃郁😋鴨味濃 鴨胸都好嫩 🥰鍾意食鴨嘅朋友都不妨一試🧀芝士明太子玉子燒原條玉子上枱🥰切開仲有拉絲😋😋蛋整得唔錯 入口仲有啲濕潤不會過老😚🐙章魚御好燒都幾大塊😋而且好足料好多章魚😛😛都有足夠菜 不會得好厚嘅麵粉👍🏻味道都好味🥰🍗一鳴創作醬炸雞都有5-6大舊炸雞🍗新鮮出爐 炸粉薄 肌肉嫩而入味👍🏻點埋特調嘅醬幾fresh😋😋🥩鹽燒牛柳粒牛柳夠嫩 牛味濃👍🏻配上蔥好似都有香茅🤔幾特別 比較少見😆味道都唔錯🐥雞皮串燒燒到幾香🤪 略嫌唔夠脆😛如果燒多陣會更正🐥燒雞軟骨應該係燒汁雞軟骨 偏甜 雞軟骨處理得唔錯 😌😌🧀芝士年糕呢個真心必食😍 年糕好煙靭 配埋芝士餡 好夾🤣🤣食完想encore🤓呢間嘢好多選擇😆😆 整體嘅性價比都幾高☺️

📍 上水 一鳴屋台料理居酒屋feel ，吧枱對住廚房，木系裝修，有兩層🤎食拉麵為主🍜有5種口味，其中一款係神秘湯底。一坐低侍應就主動提供凍檸檬水比客人🍋𓇠 香菜叉燒拉麵 $78 𓇠芫荽愛好者必食！我仲要埋多蔥💚湯底呈青綠色，濃厚但唔會覺得油膩。芫荽醬完美融合咗豬骨湯底，估唔到超夾！比普通豬骨湯底清新🍜配料可揀叉燒/豬軟骨，我揀咗叉燒，有2大塊，半肥瘦，點唐辛醬更惹味😋麵條揀咗太麵同硬身，拉麵掛到湯👍🏻溏心蛋有半隻🥚木耳絲爽口，荀要額外加錢😢𓇠 芒果菠蘿乳酸梳打 $28 𓇠原本想叫青蘋果白桃乳酸🍏但賣曬🙈店員推介呢杯，話好受客人歡迎。飲落酸酸甜甜，如果有果肉就更好🥭🍍如果想再重口味少少，枱面有乾蒜、辣椒粉、辣油、白芝麻、七味粉比客人自己調味🌶PS 聽講呢間嘅小食，例如御好燒、鰻魚玉子燒同炸雞🍗都幾出名，但今次無食到，下次有機會再試！▪️類別：#yinkifoodie_noodles #yinkifoodie_🇯🇵🔺味道：4/5🔹服務：4/5🔸環境：4.5/5

經常出面食日本菜，喺上水食日本嘢真係少，今次就嚟上水舊佳試一試開業冇幾耐嘅日本餐廳首先，裝修好有日本居酒屋嘅感覺，今次同幾位朋友嚟，座位方面完全唔窄，好寬敞～另外，餐牌上都有好多嘢揀，有拉麵、串燒、丼飯等等由於同有人都叫咗好多嘢食，喺度我最深印象㗎最推薦嘅有拉麵、串燒以及御好燒1. 黑蒜豬軟骨拉麵呢度選擇性好多，無論係湯、拉麵、配料以及辛辣度都可以自由選擇，咁我就揀咗黑蒜豬軟骨太麵；個湯底唔太油，拉麵軟硬適中，而且啲豬軟骨好淋，份量都唔少，正～ 2. 串燒串燒方面，因為都同幾個朋友嚟，所以都叫左幾多，喺度大推雞皮、雞翼以及雞肉京蔥燒，三樣嘢都十分脆，味道都配得岩岩好，京蔥真係可能係而間鋪殺手鐧，無論係串燒抑或係拉麵內嘅京蔥麵好入味👍🏻3. 章魚御好燒御好燒熱辣辣送上嚟，已經贏咗一大半，另外，啲料好足夠，章魚同埋木魚滿滿的，所以食得好滿足～ 最後，必須要讚吓呢間鋪嘅職員個個都好有禮貌，同埋好主動幫手

係上水，日本餐廳都算多，但好似居酒屋嘅真係少見，今日同一大堆朋友就黎到而間好似開業不耐嘅「一鳴」餐單上有好多日本小食……係度我最深印象，亦推薦嘅係玉子燒、蜜糖芝士年糕同埋「限量」拉麵1. 芝士明太子玉子燒一切個陣，就知而樣野唔好差～ 蛋嫩滑，配埋流心芝士同明太子好香，重點唔會太咸，必定要encore 2. 蜜糖芝士年糕 本身都冇乜嘢想法，應該都係普普通通一個年糕，但食落去我後悔了，後悔叫咁少，年糕軟綿綿，配埋芝士同埋蜜糖，口感+味道都100分3. 限量拉麵— 蔥油鴨湯拉麵配鴨胸呢度選擇拉麵嘅自由度十分高，無論係湯底、麵、麵質、配料以及辛辣度都可以自由揀，正～ 鴨湯方面，濃濃嘅鴨味再配上嫩滑厚厚嘅鴨胸；另外必須要提+大讚，拉麵內嘅京蔥100分，十分入味最後，必須要讚，職員好有禮物+好主動幫手👍🏻👍🏻