三代橋日本料理

營業中

休息中

人流非常多  建議埋單拎出收銀埋會更好係呢個馬鞍山美食沙漠既地方總算搵到間唔錯既日本餐廳每星期六/日都會落黎食一次野 食物味道可以 價格合理 只係weekend繁忙時間要等位有機會等一個鐘左右而且舖頭員工不多 所以有需要既時候都叫不到人計埋等位 落單 加埋野食到差不多要兩小時時間唔趕時間的可以去試下埋單直接出收銀處會更好減輕員工既負擔心

再嚟呢度食日本嘢，本身想食壽司郎個friend，但係雖然我認同壽司郎質素OK，不過選擇比較少，最近傷風想食多少少熱嘅嘢，所以就去咗呢間encore今次感覺店員服務態度麻麻哋，有兩個似係老闆🤔不過要求都做到，都周到嘅覺得午市套餐幾抵食，所以就算諗住食豪啲，都都要叫嚟試吓！呢個係目拔魚，見到個名覺得特別啲不過上網查完發覺其實應該係金目標嘅物體？一上枱，發覺極細份😂😂唔怪得知好似平啲咁🤣相信唔再嗌其他嘢食一個正常人應該食唔飽 起碼男士一定係！而且呢度lunch set原來唔跟蒸蛋㗎加咗燒牛肉串，朋友好鍾意，我就覺得有啲肥膩，佢似係用咗油去燒 不過牛嘅味道唔錯拉麵唔係幾抵食，正常應該大大碗食得飽，但係呢度係個碗真係好大，如圖所見啲湯都只係到碗嘅一半所以面嘅話就更加少！！！呢個係用正價反而咁吝嗇 13至$18.1件 朋友話吞拿魚蓉好味甜蝦刺身有一隻斷咗好有趣，正常唔應該出火，雖然質素應該冇影響，但係賣相會有啲差蝦膏係藍色 唔知點解呢？🙈魷魚刺身$52有啲貴，份量唔算好多質素合格吧。嗌咗我一個好鍾意嘅汁煮魚頭，應該都係頭先嗰隻魚，似金目鯛嗰隻 眼珠非常大，上枱好靚仔！不過想食好多魚肉嘅就唔使嗌呢個

日本餐廳竟然， 壽司飯又乾又硬， 似未煮熟， 又似超市放好耐， 乾曬硬曬， 係我食過最差壽司飯刺身，魚生唔新鮮， 腥味熟食， 雞軟骨， 雞翼， 又瘦又乾， 就甘放油高溫炸， 唔入味， 少少雪櫃味！以前都仲免免強強， 而家真係好差， 價錢又貴！坐位又迫， 一心想留港消費， 幫襯小店， 但真係好伏， 我諗我唔會再幫襯， 以前好多人排隊， 而家都好少人！連杯茶都好稀， 完全無茶味招呼就正正常常羅但係唔會享受到日本餐， 無樣食物想re order! 4位， $600 我食番genki 好過

整體質素性價比高，因為佢唔算太貴，但係刺身嘅質素唔算特別好！好似嗌咗帶子，帶子嘅質素冇乜鮮味，而且係解凍質素有雪味甜蝦好味，但係其他赤蝦之旅就冇乜味道，係個頭有味午市套餐比較抵食嗌咗啲小食，同埋散叫，天婦羅蝦嘅蝦係嫵媚急凍蝦彈力嗰種炸嘅程度就合格 嗌咗個海鮮鍋，不過好細個！ $82但係一眼就係睇到全部個鍋好似，所以底下嘅粉絲同埋菜都係非常之少食兩啖就會冇咗！勝在面頭嘅海鮮都好味的海膽香甜好食！呢個自選海鮮鍋加咗非常多配料，成為230幾蚊🙈芥辣八爪魚，比平時壽司舖嘅好味😋加拿大海膽魚頭$55好味！帶子好似頭先咁講普普通通朋友嗰碗豬頸肉地獄微辣湯烏冬太鹹味精太重！問店員拎咗啲湯溝都係好鹹好鹹都，最後要溝少少水！個味道就唔錯，但係應該太重手味精豬頸肉都滿意！呢個烏冬質素非常之彈壓非常好質素！聽完朋友大贊我都忍唔住拎咗幾次幾條哈哈最後都係因為太鍾意食呢個日式煮金木鯛魚頭！嗌咗一件嚟食如圖所見！好靚仔仲有冬菇豆腐等配料好似正式嘅菜式！雖然好少肉，但係呢度有嘅肉都係好好味，魚鮫同埋面珠墩

第一輪點餐叫了三文魚+劍魚腩刺身，炸豆腐，鹽燒牛舌及吉列蝦卷，所有食物的味道都很好，但餐廳個男接代員的態度完全破壞了餐廳的形象，可悲！第二輪點餐同一時間叫了一份冷稻庭烏冬+吉列炸蝦，等了多過半小時食物仲未到，便問店員。之後吉列炸蝦到，但烏冬遲遲未嚟，烏冬嚟到時炸蝦巳凍了！ 點知男接代員仲反過來怪責我哋唔一次過叫晒所有食物 ！ 請問顧客係咪無權選擇分两輪點選食物㗎呢？！ 嘩，明明係餐廳的問題，但仲要怪責顧客 ！ 當我出接代處埋單時，禮貌哋再向男接代員反應問題 (食物要等咁耐，你番枱就慢啦！)，他就話 “唔滿意，以後可以唔嚟㗎，無所謂的！ 走啦！” 嘩，這樣的服務態度，簡直係‘’趕客‘’ 不可能做飲食行業的接代員

我要說的是三代橋日本料理的食物非常美味。他們的菜單上有各種各樣的日本料理選擇，包括新鮮的刺身、壽司、炸物和燒烤等等。我嘗試了他們的壽司和炸物，都令我驚艷。壽司的魚片新鮮，米飯口感恰到好處，每一口都讓人陶醉其中。炸物則是炸得酥脆，油炸的過程中保持了食材的鮮美，讓人回味無窮。無論你是喜歡生魚片還是炸物，三代橋日本料理都能滿足你的味蕾。除了美食，三代橋日本料理的服務也非常出色。服務員們禮貌友好，總是微笑著迎接客人，提供專業的建議。

餐廳嘅裝修好日式，用咗好多木材同竹子，燈光好暗，氣氛好寧靜。枱椅都係木製嘅，服務員有禮貌地招呼我哋，令我哋覺得好好。我點咗一道主菜，就係海膽魚生飯。呢道菜係用新鮮嘅海膽同各種魚生放喺白飯上面。呢道菜海膽同魚生都好鮮甜，白飯好香滑，增加咗香氣同口感。整體不錯！

係馬鞍山想食日本野，就會諗起三代橋，因為方便，質素高，性價比高。今日就係突然想食刺身，就行咗去食。- 日本生蠔生蠔品種雖然唔係好大隻，不過好鮮甜，啱曬我口味。- 三文魚腩刺身刺身厚切，油脂飽滿，入口即溶，好好食。- 油甘魚刺身油甘魚肉身油分高，冇叫魚腩，但已經好肥，每口都充斥魚油香氣。- 鰻魚壽司鰻魚好長，係佢既特色，一口真係食唔曬。燒得啱啱好，好香口。- 角切魚生飯好多料，有三文魚，八爪魚，蟹籽等，鋪滿成個碗。相比刺身，當然冇咁正，但性價比十足。

晚餐時間光顧，點了幾道菜，當中以燒物最推介。燒物-安格斯牛粒串燒，燒得外面香脆，內裏保持肉汁及甘香。燒鯖魚，皮脆又香，配合蘿蔔醬汁，令人一口接一口地吃。鍋物--日式牛肉鍋，牛肉份量多，半生熟送上枱，到吃的時候剛好，鍋裏還有很多配菜，湯底鮮甜。如加配烏冬，相信也會不錯。炸物就相當一般，牛油果軟殼蟹卷中的軟殼蟹炸皮厚，吸滿油味，所以油味蓋過蟹味。另外一提，午餐也是不錯，特別推薦壽司餐，價格比晚餐相宜，但味道仍是保持水準的。

見門口客人只是問一句是否全部都剛入坐，門口經理態度極差回應，經理的態度都不如其他員工，其他員工都有禮貌回應，經理的反問門口客人：「你都係等左一兩分鐘姐。」本人覺得經理這樣對待客人，根本是幫餐廳倒米。同埋門口客戶都等左差不多十分鐘。

今日想早啲食晚餐，幫助消化，所以下午茶時段已經到咗馬鞍山三代穚食晚餐。先黎一杯月桂冠梅酒加冰，甜甜既酒味一貫香濃，但加埋咁多粒冰先得1/3杯，未飲先感受到通脹既巨大壓力。火灸和牛壽司，出色又香濃既牛脂經火灸後肉香四溢，配一口飯剛剛好忌廉蟹餅，的式小巧，外殼炸得好脆，餡料充滿空靈氣質蝦兵蟹醬丼，大大隻碗，有赤蝦，熟蝦，紅蝦，蟹羔，蟹籽，蟹柳，寫得出揾得到，魚生材料不能掩蓋大大底白飯既存在感黑蒜地獄拉麵配唐揚雞，蒜味香濃，辣度應該算係地獄淺層。畔有半隻溏心蛋。唐揚雞件炸得外脆肉嫩，成功保留滿滿既肉汁。*食評雖然有好多提及服務態度，但今次可能係下午茶時間，客人不多唔駛等位。而女店員應該係比較新，但態度幾好，點餐加單都順利。

三代橋，係馬鞍山嚟講唔係行高檔路線，街坊嘅路線，幫襯佢嘅次數多到自己都唔記得，食得咁多次嘅原因好簡單：平，靚，正😄食物質素：刺身壽司新鮮，鮮味，不時不食；熟食好味，炒飯仲要係好夠鍋氣，特別係蟹糕蟹肉炒飯，更是我嘅至愛服務態度好唔好就見人見智，我覺得唔係差😂

Lunch 成日都食呢間今次第一次食晚市好彩當日尚早👏👏等咗5分鐘左右就可以入座👍🏼👍🏼食物種類都好多有串燒刺身壽司鍋物等等😋😋叫咗個雜錦壽司拼盤同埋一個牛肉鍋材料都好新鮮牛肉鍋湯底係壽喜燒汁😍😍甜甜地幾好送飯牛肉都幾好食 好淋啲菜仲索晒味添!!🥰🥰壽司都好唔錯咁啱壽司配搭都係我最鍾意食嘅嘢能夠喺馬鞍山食到呢啲已經算唔錯👍🏼👍🏼另外仲叫咗其他串燒雞軟骨都幾好食 💕💕今次食得有啲趕 下次帶埋我屋企人嚟食先!!

N年前同位姨姪女吃過呢間日本餐廳，當時好記得係午餐時段，已經覺得呢間小店都唔錯👍估唔到經過疫情嘅洗禮之後，呢度仍然屹立不倒🤜🤛而且仲係咁好食🤤今次我幫襯晚市堂食，門口已經要攞籌排隊，好彩上完個🚾之後等咗5分鐘就有位啦！原先係諗住在另一間食西餐，見到西餐廳無嘜人氣所以𨍭軚過嚟這邊睇吓，估唔到仍照有喜出望外嘅感覺，而且仲係有進步喎雖然點餐無哂即日空運刺身，好彩普通刺身盤都仍然好新鮮而且味道鮮甜睇得又食得烏冬雖然係普通嘢🤔但見幾枱客人都叫烏冬食咪都唔執輸叫返－客，果然利害真係超彈牙下次我又識叫啦可能天婦羅係最後加單叫所以喺飽飽地嘅情況之下就覺得佢稍為遜色咗一啲

我女朋友介紹我黎呢度試吓，佢話都算係馬鞍山好食既餐廳，決定就try try。6點半去到唔需要等位，格局不錯又有聖誕節裝飾。嗌左6碟菜，但主要想講幾樣野。鰻魚天卷 4/5賣相不錯，壽司飯包住鰻魚，青瓜絲，同炸脆既麵粉粒，還加了木魚絲舖頂，帶來唔同層次既口感，加上獨特的鰻魚醬油，提升鮮味。☺️炸蝦天婦羅 3.5/5呢個68蚊價錢有5隻蝦，係可以接受到既預算，當然唔好抱住大好既質素，但對得住呢個價錢，麵粉都幾厚身，所以食到第三隻開始飽肚，但蝦隻都新鮮，10cm長。鹽燒雞翼 4/5燒得賣相好令，好似好大隻咁，好香口又惹味，咬落去仲有肉汁流出嚟，味道不錯，可以再叫！😝地點:唔熟路有啲難搵，地舖係鞍誠街，近賽馬會大樓個頭。環境:有聖誕節裝飾點綴，但播歌就咩語言都有，好唔似日式料理餐廳😂，變到好街坊生意咁。價錢:300幾蚊2個人既日本料理，抵食呀👍🏻，味道又唔錯，性價比高。服務:良好態度，無乜特別。主動幫我哋倒水👍🏻🤣