三代橋日本料理

營業中

休息中

這家日式料理是马鞍山一帶性價比較高的餐廳，食材新鮮，很多海産都是每天由日本空運到港。我們一家四口，點了2份油甘魚刺身和一份活響螺，加上一份魚生飯和一碗拉麵，以及一份沙拉和一份牛舌，外加一碟8件的寿司和一個手卷，最後人均不到180元。

馬鞍山被譽為美食沙漠，係近年先多返D食店，但日本野係馬鞍山始終都係比較少而且就算有都唔知點解好似好快執又或者幾多劣評，但依一間聽唔少朋友講算係咁，我就決定要試一試。首先入到去，店舖坐落都幾舒服，店中既女店員服務態度都幾好，而且好快幫你斟茶。咁講下牛油果軟殼蟹卷($48)，我覺得依個係幾好食，因為牛油果個口感再配埋跪既軟殼蟹，個口感好豐富，而且再加埋蟹籽，好味跟住係三文魚壽司(每件$8)，都幾大件，又唔會雪左好耐，鮮味都OK，8蚊一件黎講好抵依個係三色刺身($98)，再加多個大吞拿魚刺身($128)，又係幾大件，鮮味十足，油甘魚好有咬頭，我幾鍾意同埋個大吞拿魚刺身一定要講，真係好好食，一直以黎我食既吞拿魚都有D腥所以我唔係幾鍾意，但因為我FD鍾意食，咁我就試下，依個令我覺得原來吞拿魚係好好食，又滑又多汁，好食。炸蝦天婦羅，我都唔記得左個價錢，不過不失。鰻魚壽司(每件$25)，鍾意食鰻魚既朋友仔可以食下，真係好大件，而且味道都夠，唔錯。最後叫左個章魚小丸子($24)，坦白講，唔係咁好食，水準以下餡唔係好多汁，鋪上面既木魚太厚

每次夜晚黎食都會大排長龍 趁住下午有時間人唔太多即刻跑入去食 原來佢地都有特別既午市餐牌 我就揀左鰻魚炒飯 友人就揀左黑蒜叉燒拉麵同秋刀魚定食 同小量壽司 先黎係拉麵 湯底尚算可以 拉麵彈牙 最好食係塊叉燒 食落非常軟腍 如果可以想叫佢加多幾塊啊！另一個係鰻魚飯 肉眼見都有大大粒既鰻魚肉 不過之前黎食過其他飯 覺得三文魚飯會更好食 第三款係秋刀魚 上台有兩條大大條既秋刀魚 份量十足 魚肉點埋酸酸地既汁 非常開胃除左拉麵 兩款飯都附上前菜 湯 都幾好

侍應放低咗一碟我地冇叫既牛油鬼軟殻蟹手卷，一時唔為意食咗一舊先發現我地無叫過。我地同侍應講，佢就話因為我地已經食咗所以一定要收錢，仲冷嘲熱諷話我地唔帶腦黎食飯，放低咩都食。我覺得佢地態度有問題，所以要求即時cancel所有單，我淨係俾我食過兩碟餸既錢，佢地就向廚房大嗌，有咩整緊既都全部計錢。我根本睇唔到佢仕面廚房做緊咩，佢要屈我全部做緊都得。最後嘈咗好耐先有個廚走出黎平息時間。非常無理既一間餐廳！

都唔少人聽過馬鞍山係一個美食沙漠 每每想尋找美食都要捐窿捐罅係大商場以外竟然搵到呢間CP值極高既日本餐廳 手指腳指都要舉起讚好！入到去店鋪唔算好大 有一張長bar枱 三四個卡位 同埋十張普通枱左右！打開餐牌都幾多選擇 有壽司 刺身 拉面 飯 窩物 樣樣睇相都好吸引，完全唔知點揀！同行試過既朋友就話呢間壽司出名，就嗌左幾款單點壽司。三文魚壽司食得出係用優質既三文魚整 有甘香既魚味帶子都係必點選擇，肉質相當肥厚而海膽壽司都一定要試，去食當日店員介紹有另一款海膽今日特別靚，我同同行朋友都即刻點選左一客！真係有分別！入口好香甜 正到不得了！如果怕散叫貴 可以叫六件裝既壽司 分別點左軟殻蟹 同 芝士鰻魚 兩款都非常好食 身邊見到好多枱都點左客軟殻蟹壽司食 好受歡迎 而我都好鐘意鰻魚壽司 啖啖鰻魚配上濃郁芝士 滋味滿分呀！去到仲要留意佢地既枱上小企牌 聽朋友講會定期推出唔同既限定美食 之前推出過既水蜜桃雪糕同生蠔都非常好食！ 埋單時除返開都好平 平過好多連鎖壽司店 性價比高 一定會再帶朋友黎食！

我之前與朋友已試過這間餐廳一次，今次決定和家人一試其他菜式，先點饅魚炒飯，鰻魚和飯用醬料炒好，味道帶甜好入口。日式牛肉鍋味道帶甜，加生蛋落鍋，牛肉熱到剛剛熟，非常稔滑豚地獄，可以選擇小辣或者大辣，大辣辣味香濃，豬頸肉爽口彈牙，拉麵彈牙，溫泉蛋入味蟹棒壽司、甜蝦壽司、火炙三文魚腩壽司、蔥粒吞拿魚腩碎軍艦（左至右），用料新鮮，壽司飯少許醋味，壽司飯微暖，不錯泡菜豬頸肉，豬頸肉炒得過火了牛油果軟殼蟹卷，牛油果新鮮，軟殼蟹香脆多肉，配上青瓜絲，新鮮可口田中芝士鰻魚卷，芝士燒得溶，賣相一流，如果夠熱會更香濃，鰻魚味濃，好味甘栗紫薯餅，紫薯香稔，中間包有半粒完整甘栗，香甜香脆赤蝦壽司做推廣，$10片，蝦肉甜金菇牛肉卷，牛肉味濃，配上汁料，小朋友好鍾意

馬鞍山食日本野選擇唔算太多，呢間小店雖然係新開，但食物質素非常不錯，好快就吸引到一班忠實食客，晚飯時段通常都要排隊，不過都係值得既當晚店長特別推介有油甘魚刺身，於是就叫左黎試下，估唔到非常有驚喜好少見到咁厚切既刺身，食落魚味香濃，油脂分佈平均，魚身既質地有彈性，淡淡既海水味，連唔太鐘意食魚生既朋友都食左兩大片！香蔥吞拿魚蓉卷，好鐘意佢既魚蓉加左好多香蔥，魚既鮮味同蔥好夾，整碎既魚肉帶有更多油脂既香味，落香蔥反而帶出一絲清新既感覺，非常鐘意呢個配搭烤安格斯牛柳粒，未上檯都聞到個香味，燒得啱啱好，落埋少少檸檬汁調味，肉質非常軟捻，一串真係唔多夠😋最後就係鰻魚飯，鰻魚唔算非常厚肉，但係夠大塊，燒得勁靚，醬汁落得啱啱好，配埋飽滿既珍珠米，整體黎講有質素想近近地食到高質日本菜，都不妨黎試一試!

三代橋員工見客人食完每一樣東西，都會極速收碗碟，如果見你食完D野又齊哂，會9秒9收埋檯上張墊紙，這點是可以理解的，因為晚市做生意，想你食完快D走，可以比其他客座。但我只不過由order到食完，只是在一個小時內，食完撩緊牙，個經理已經急不及待，比埋張單我，叫我埋左單先，起初抱著諒解心情，但見門囗都沒有人等，而且只是8:30pm，佢哋又唔係趕住截單埋數，都咁樣趕客，我從未在其他食市試過。其實如果咁樣趕客，倒不如增設限時，咁可以理所當然趕客走。另外，拉麵啲蝦唔新鮮。

上次食完和民覺得好垃圾今日又好想食日本野就且友去左呢一間野食有D 餓所以叫左個烏東 再叫SUSHI先黎叫左個沙律烏東 比想像中大份量好多 好食味道足SUSHI 不過不失軟殼蟹牛油果壽司 一般D 但個全條鰻魚SUSHI 好正,口感好好 但咸左D值得一試COMMENT抵食 坐得舒服 食物好食

之前聽朋友講馬鞍山係一個食物沙漠，我諗應該打破傳言，跟朋友去左三代橋日本料理食午餐，位置係住宅樓下地舖，等左15分鐘有位，特別推介：軟殼蟹牛油果壽司、金菇牛肉卷👍🏼

我有個bff 難約到嘔，連佢生日正日我話同佢食飯佢都話唔食啦想返屋企訓覺🤦🏻‍♀️是日係馬鞍山食問多佢一次黎唔黎佢就肯黎啦🙄我地叫左個三色丼好食啊，海膽幾甜，三文魚子唔係腥果 d，蔥吞拿魚蓉比我想像中有魚味，三樣撈埋食我自己食哂一碗都無難度💁🏻‍♀️ 另一個 fd 要左呑拿魚為主果款，佢話其他雜錦魚生 ok，吞拿魚就普通左 d。炸雞都 ok，唔乾既都嫩滑多汁，只係佢無跟醬，就咁食個味有 d 寡😅 鵝肝算大塊，咬落去都有少少外脆內軟既，係油左少少🙈 牛舌雖然略厚但係有薄切果種咬口，配埋獺祭一流🤤仲叫左個牛肉鍋，都正常既，呢間可以再黎~馬鞍山就黎唔係美食沙漠啦😂

因為屋企人都好鐘意食三代橋，價錢同食物質數都好合理同好好味，所以依間餐廳都變成我地係馬鞍山最常幫襯既食店！今日我地一行四人又去食野！先黎叫左個特色刺身船！刺身食落都好新鮮，唔會有放左好似既腥味或者雪味！海膽都好鮮甜！每次都必點既火灸三文魚腩壽司！無得輸真係做到入口即溶日式牛肉鍋紫薯薯餅食埋黑松露蒸蛋 就完美了☺️☺️總括來講,三代橋係馬鞍山黎講都算係清泉係價錢,味道方面性價比都算係幾高而且餐廳服務員態度良好所以很推介大家！

又比我係美食沙漠揾到清泉💞💞💞有間掋食高質日本餐廳🤘🏻🤘🏻🤘🏻牛油果🥑軟殻蟹🦀壽司 （$55）薄薄一層的牛油果片加上沙律醬，當咬落去時，牛油果與壽司飯溶埋一齊，好香好滑。而軟殻蟹亦炸得很酥脆，食落卜卜脆，十分好味👍🏻👍🏻👍🏻三文魚刺身（$58）超肥美勁厚肉呀🥰🥰🥰食落去好有口感，魚生師傅切到好大一片，一啖都食5哂呀。食到個口滿滿肥美的三文魚，勁滿足😋😋😋燒三文魚頭🐟 （$38）我都好鍾意食燒物，呢款燒得剛剛好，不會太咸太乾。肉質好入味而且好滑。鰻魚炒飯（$72）雖然賣相很普通，但食落非常香口。我之前食過很多鰻魚飯，D鰻魚粒係細到睇唔到，但呢個可望到一細片又食到鰻魚肉，不錯不錯😋😋😋如果可以大碟D就好啦🤭🤭🤭

三代穚這餐廳是我最喜愛的餐廳之一, 因為每一次去都能夠好好地享受一頓飯. 首先談談它的裝修, 很雅致, 給人一種很舒適的感覺. 簡單得來, 又可見其細心. 員工方面, 每位員工都很樂意了解客人的需要, 又能細心留意客人需要幫忙. 再者, 他們大都能夠及時提供茶水. 就算偶然未能及時添水, 他們都會說聲不好意思, 這個態度實在值得欣賞.其次, 食物水準很高, 款式範圍亦很闊, 有高價的, 亦有較為相宜的. 在不同的日子, 您可能需要不同質量的食物, 它都能滿足到您. 最後, 價錢方面, 價性比高. 比元氣較平, 但食物質素有過之而無不及. 

周日晚臨時4大3小的家庭聚會，晚上6時多門口已排滿人的日本餐廳。是次點了各式的菜式，由拉麵、烏冬、壽司、手卷、刺身拼盤、小丸子都有食。基本上食品質素令人滿意，而且座位舒適，雖然門外人多，但用餐時都可以輕鬆悠閒，沒有壓迫及趕住走的感覺，侍應的服務態度亦合宜。餐廳內的座位空大算大，因此小朋友坐及用餐時都舒適順利。之前來過數次，今次第一次點刺身拼盤，各式魚生都不錯，新鮮，厚切而且味道鮮甜。有帶子、海膽、三文魚、吞拿魚、油甘魚，份量都夠4個大人分享，小吃多美味。另拉麵麵質不錯，但地獄湯的確是辣，小朋友就吃不了喔，可選其他的湯底。雜錦海鮮烏冬很受歡迎，是晚我們點了2個，大人小朋友都愛吃。小吃方面，芝士年糕質感好，味道也好，推薦一試。當晚別完之後都沒有感到口干，因此麵及烏冬的湯底都應該是真材實料。