三代橋日本料理

營業中

休息中

難得既小學同學聚會，我地幾個就揀左間好評都幾多既日本菜。我地就order 左幾樣野1. 牛油果軟殼蟹卷🥑🦀 - 自己本身係牛油果迷，加上軟殼蟹係一個非常好既配搭 👍🏻2. 甘栗紫薯餅 - 香脆而唔太油膩 👍🏻👍🏻3. 炸芝麻雞翼 - 香口多汁一人一隻岩岩好4. 壽司🍣拼盤 - 個人會推薦三文魚壽司同埋帶子壽司，其他都十分新鮮 👍🏻5. 雜錦天婦羅🍤-個人都幾鍾意佢個蝦天婦羅，唔太油膩 👍🏻👍🏻 Overall 黎講佢有好多款式，食一次未必可以試得晒佢既其他款式，所以必定會再黎多次 😃

午飯時間在馬鞍山，正猶豫食什麼，同事建議行遠一點食日本菜，一於舉腳贊成。在地鐵站上蓋或旁邊的商場，肯定租金貴，餐價的一大部份用作支付租金。由新港城中心行咗唔到5分鐘，穿過天橋，落番地面便去到三代橋。由於疫情關係，枱與枱之間距離要有1.5米，坐得舒服。午市套餐選擇多，我們揀了壽司定食（$78）丶薑汁雞肉飯（$62）及鹽燒鯖魚（$56），套餐有前菜及湯。壽司定食先上，唔計火卷，有9件壽司，份量十足。食落魚生新鮮，有我最喜歡的三文魚丶吞拿魚丶甜蝦及帶子，飯亦煙勒軟熟，超值！如果在市區商場，這個餐肯定$100 以上。👍🏻👍🏻👍🏻薑汁雞肉飯亦是水準之作，雞肉份量多兼滑嫩，配以自制醬汁，十分之好味。😋😋😋 鯖魚燒得香口，肉貨幼滑，亦合格。當然普遍日式餐廳的燒鯖魚都能夠做得好味，所以不特別加分。整體而言，三代橋是抵食好味的日本餐廳，值得推薦。👍🏻

侍應趕人走的方式令我唔會再去。我仲拎起緊筷子食緊我碗飯時，侍應突然埋黎收起我碗飯，過左兩秒鐘第二個侍應即刻拎張單過黎叫我地埋左張單佢，但我地坐低唔夠一個鐘，而出面亦只有一枱人等緊。好嬲，我明顯未食完都比人咁樣趕，而且佢收我碗飯時我根本反應唔切，況且我又唔係坐得耐，以後唔會再去。而且食物質素比以前差，叫了滑蛋吉列豬扒飯，吉列豬扒lum哂，滑蛋既份量亦比以往少左好多，整體質素非常普通，雖然價格唔貴，但都唔抵食。

我發覺我好熱帶日本美食，馬鞍山除了迴轉壽司外，還有日式料理店，朋友介紹的這家地舖，中午經過還有位，可以試下啦。天婦羅蝦手卷，炸蝦酥脆，蝦肉都算爽口，一開二放手卷更美觀；軟殼蟹手卷炸得更加香酥，啖啖蟹肉夠滋味。咖哩香濃夠杰身，甜中帶少辣，肥牛片爽滑，烏冬煙韌，份量足。炸蝦香脆，配合爽甜蟹籽，更滿足。玉子小卷小朋友至愛。芝士年糕香脆可口，流心芝士配上軟糯年糕，正豬扒酥脆，配上香滑炒蛋，香甜洋蔥，好好送飯。

侍應因小事埋怨熟客，態度惡劣！閒時weekend都會惠顧一次，今次難得老媽想食日本野帶她去。本身menu 上有兩款丼飯已經長期缺乏供應，每次下單皆以缺貨支吾以對而只有貴一倍丼飯可選。食物以二百元的刺身飯來說只能說和旺角任食刺食質素。但馬鞍山美食沙漠來說的確選舉不多。今日因老媽覆診時間將至，走到收銀處賣單。侍應臉色一黑，眼珠一厲「你返去個位度賣單」我問「有咩分別？」侍應「你阻住人。」我問「人呢？」侍應「我依家出去，你阻住我。」然後突然行過，差點撞倒我老媽。

玉子卷：一客有6件，還未拍照一上枱便被小孩們搶吃兩件，因為即製的卷物特別好吃。飯有醋香味，蛋味足。一口一件適合小孩。軟殼蟹手卷：🦀即製手卷紫菜脆口，有三份一隻蟹份量，加上青瓜絲和蟹子更加脆香和中和炸蟹油膩感。北寄貝壽司：🍣一件壽司有全隻北寄貝，非常豐富，也算新鮮。血地獄拉麵：🍜可自選辣度，這次叫了大辣，也不覺得非常辣，反而我覺得十分之香，拉麵底有許多辣椒碎和香蒜，令湯底更加惹味。拉麵有極多極大片的牛肉，感覺超級抵食，牛肉上枱時仍紅紅的，建議立即放湯內滲一陣，薄片牛肉很嫩滑。值得一讃是溫泉蛋🥚，蛋黃紅紅蛋香味濃郁。厚切叉燒拉麵：🍜雖然厚切但不韌，一碗有五片可算足夠，一樣配有美味的溫泉蛋和紫菜，推介呀！最後一讚，店舖內外有聖誕🎄佈置，增添氣氛令食客吃得、坐得更加開心舒服，尤其一家大小！👨‍👩‍👧‍👦

馬鞍山居民表示住在這區多年對美食也沒有甚麼期望。所以我帶著家人，用平常心走到這間餐廳食慶祝飯。原因只有一個：地方夠近。✏️食物質素：👍🏻叫了$4xx的刺身，剛好夠我們一家大小5個人食，賣相吸引，質素還好。👍🏻叫了兩款卷物，經濟實惠也好好味👍🏻雪葩十分有驚喜，款式很多很好吃😋👎🏻炒雜菜太咸、Truffle蒸蛋無味😟✏️服務態度：欣賞店員也很勤快，某位店員也會自覺地幫忙斟茶，值得一讚👍🏻✏️總結💚在美食沙漠馬鞍山來說，這間算是數一數二性價比高的日本餐廳（請不要跟外面的餐廳比較）。 我會再去的😋💪🏻💪🏻

喺馬鞍山市中心，真係有好多唔同嘅食肆選擇，依家三大橋，朋友話平時都好多人排隊，所以今次我哋特登早啲嚟，唔使排隊可以直接入座。由於我唔係太喜歡食壽司，所以今次主要是呢度嘅拉麵和烏冬。令人喜出望外嘅事，佢嘅黑醬油叉燒拉麵🍜，真係令人好滿足。因為佢嘅叉燒非常厚切，配合埋黑醬油嘅湯底，唔會太鹹，食完夜晚也唔覺得口渴，加上拉麵嘅質地都非常之好，值得一讚。另外一個炒烏冬，烏冬嘅質地彈牙爽口，另外有好多配菜例如金菇椰菜甘筍等等一齊炒，好味。

朋友介紹，馬鞍山最好食的日式料理今日來試試，一行三人，晚上8:00 來到門口，已有多人等位中，等了25分鐘，就有位了。地方也算企理，闊落，乾淨，服務員很快就擺好了，碗筷，也添了熱茶👍點了牛油果軟殼蟹雜錦魚生飯蟹膏海鮮炒飯日式牛肉鍋雜錦魚生飯😊魚生好新鮮，用新鮮wasabi 日式牛肉鍋👍好大件牛肉片，並不是一般肥牛，牛肉味道重蟹膏海鮮炒飯😊好味道，值得一試牛油果軟殼蟹卷足料👍服務員，都10分快手快腳，添茶下次會再嚟幫襯😊😊一共消費了$397.00

新開既時候一直想試，不過太多人所以最後無食到，今日終於有機會一試！午餐set 相當抵食，有前菜: 味付螺肉，9件壽司：厚切玉子，呑拿魚沙律，八爪魚，甜蝦，熟蝦，蟹柳，三文魚。另外仲有一份玉子小卷，同埋麵豉湯！食完勁飽。另外再嗌左2件原條鰻魚壽司，真係長過我隻手板，$25/件好抵食！

之前去馬鞍山只懂去新都城那些連鎖店搵食，今日中午重臨此區，之前刻意睇睇開飯，找到這家住馬鞍山的友人也未去過的店就果斷進去。時值午市1點幾，餐廳坐滿9成客，坐了由4人卡枱拆出來的2人枱，尚算有點空間，望的有壽司🍣套餐，在這爭秋奪暑的天氣特別對此食指大動；另朋友贊成點鯖魚定食，些牙吃了。壽司套餐見圖，件數件頭也不少，當中的卷物是三文魚餡，沒額外形容，就是夠新鮮，附送的中華沙律味道不濃烈，很有意欲多吃；燒鯖魚很夠大條，接近36號腳般長，煎得保留魚還有點濕潤魚汁，不用蘸附加的醬汁已很夠味。

星期日打風落大雨無得出街，下午無聊就落街食個下茶。每次經過都好多人排隊，今日竟然有好多位，一於試下眼望幾枱都有叫軟殼蟹牛油果卷，肯定唔會中伏！賣相正常，不過軟殼蟹唔係好熱，應該係整定大量係到。南瓜番薯天婦羅。。。。這應該是炸南瓜番薯是嗎？天婦羅跟炸粉好明顯吧！幸好南瓜和番薯夠甜，否則我一定退貨！心想，在這美食沙漠，還可以吧！因服務值得一讚！

街坊餐廳日本野星期六約好友見面食飯有人推介話全馬鞍山唯一一間性價比高既餐廳作為美食沙漠既馬鞍山竟有此推介即管試試雖然要排下隊不過性價比確實超班員工服務亦很好「後記」管理員竟然話上文唔合格傻的嗎 食野一定要狂講食物味道？員工服務既分析 性價比既評定絕對係用餐經驗既一種唔該你學好中文再做admin加比你牛油果壽司滑而香各品都食到算為新鮮聚會而言有少量拼盤提供算係咁了會繼續支持

經常有人說馬鞍山是美食沙漠， 但其實馬鞍山這幾年都開了很多新餐廳， 而且食物質素也不錯。 這次是了新港城 附近的一間日本餐廳叫三代橋。 原來三代橋是元朗一間頗出名的日本壽司店田中的分店。這間三代橋跟元朗的田中有些不同， 餐廳近門口的位置設有酒吧檯 ，比較像一間居洒屋。餐廳食物的種類不少， 有刺身，壽司，刺身飯，小食，燒物，拉麵，炒飯等等。 我們兩個人點了兩款主菜和兩款小食。蟹膏海鮮炒飯 ($72)炒飯材料豐富有蟹子，炒蛋，蟹柳 ，鳴門卷，蝦，魷魚，蜆肉，葱。上面再放上蟹膏。味道很好，唯一不好是炒飯不夠乾身。雜錦壽司 ($138)這個雜錦壽司盤賣相和味道不錯。海膽三文魚籽新鮮， 紫菜仍然脆身。帶子鮮甜爽身， 甜蝦比普通的厚身， 味道也很鮮甜。 其他的魚生也很新鮮。日式炸豆腐 ($32)豆腐外層脆漿夠薄和鬆脆， 內裡非常軟滑。豆腐上面鋪上切碎的鳴門卷，再加上微甜的醬汁， 跟炸豆腐很配。胡麻冷菠菜 ($28)菠菜本身味道較淡， 胡麻醬的味道非常濃郁， 芝麻香味很重，正！總結餐廳座位舒適，服務很好，食物新鮮，味道不錯。推介！ 不要再以為馬鞍山沒有好的餐廳喔！

我和男朋友都很喜歡吃日式料理，所以今次驚經朋友推介，來到了這間日式餐廳。由於我們也很喜歡吃海膽的關係，所以點選了海膽魚生飯。但看着Menu裏的圖片，好像裝在一隻細碟子上，有點擔憂這碗飯的份量很少。但飯來到的時候，原來所有擔憂都是多餘的，因為這個小碟子其實有我的頭的直徑那麼大，刺身也是很新鮮的，絕對抵食。另一樣吸引到我們的菜色，就是蒲燒鰻魚飯，鰻魚雖然不算十分厚身，但肉質也不錯，燒汁味道剛剛好，不過相對於魚生飯，這碗的份量比較細小。最後的就是燒牛舌了！牛舌軟身而有咬口，但略嫌沒有足夠的醬汁，所以味道比較淡。