三台八座 (已結業)

西環有好多小餐廳，這間亦不例外。裝修簡簡單單，不過，坐得舒服。老闆又好禮貌。午餐選擇主要分為拉麵和西式午餐。我哋點咗一份【香煎日式照燒雞扒 $58】和一份【日式鰻魚飯 $76】，跟餐餐飲點了【蜂蜜紅棗茶】。餐湯是紅、白湯任揀，任添。【蜂蜜紅棗茶】少少甜，熱暖暖的，好好飲。【日式鰻魚飯】雖然，鰻魚只得半條，但都好厚肉，燒得好味。【香煎日式照燒雞扒】雞扒煎得及皮好香脆，雞肉唔 “鞋”，還好juicy。原本跟餐只可以意粉或薯菜任擇其一，點知，老闆好好人，兩款都俾晒我。呢啲咪叫人情味囉!值得一提的是，以上兩個餐，汁醬可以分開上，自己可以按個人口味想落幾多都得。百幾蚊，兩個餐，食得開心，坐得又舒服。

去朋友家拜完年，因為唔太熟路既關係~盲中中起左第二街！見到有間叫三台八座既小店。見價錢都幾化算，所以就入左去食晚飯。menu有好多唔同種類既西餐。選擇勁多！真係花多眼亂，最後簡左個紅酒燴牛舌飯，上台時，有5塊牛舌！真係好少見餐廳會咁足料架囉，牛舌上既醬汁完全入哂味，口感相當濃郁惹味，牛舌質感爽彈！真係好回味呢，配菜亦好健康，有翠肉瓜and荷蘭豆綠色食物可減輕食完肉既罪惡感。個餐湯係松露菇忌廉湯，好有質感仲食到一粒粒既香菇既感覺。i like it!!

週末晚飯，友人和我在這區找個便飯飯。友人曾經幫襯，十分欣賞店主好好人的態度及服務，所以推薦我一齊去。符合經濟原則地，我地揀左意粉C 蝦南瓜意粉同F帆立貝海鮮意大利飯。餐湯先黎，味道較淡同水狀，但唔錯。亮點係任你添，兩款任你飲。仲有個鏍絲粉salad ，幾開胃。兩個主菜相對黎講，飯既味道會濃小小好食啲。南瓜汁食起上黎較普通。同樣老闆會問你要唔要多飯多粉，滿足大胃口既需要。食完飯仲有生果送埋。店內唔係特大，但都座到唔少人，20個以上啦我估。食物唔係話好好食，但價錢服務人情味同份量令成件事合理番。食個便飯係Okay !

咁岩過開西營盤，見到咁多好評，即刻試試佢先。一開始冇睇價錢就直接入去，開頭以為好貴啦，因為依區食野都唔平，好鬼多諗餐都近百完先食到餐西野。依間$58蚊個午餐，有湯有野飲。依個樣。已經完勝好多餐廳。一開頭行過見到佢地煮定左意粉啲放左係到，心諗會唔會好似茶餐廳果啲咁軟淋淋呢。但落到黎枱一試。咦，彈牙喎，重有用茄汁煮過。甜甜地幾好食。賣相都有啲。分量也可以，塊魚幾大。肉都幾嫩。不過有啲腥。跟餐杯咖啡都可以。服務就一流，好貼心。

一間唔係以金錢為先既食店，店主在意既唔係顧客消費多少，而係顧客飽唔飽、食得開唔開心。價錢合理、食物種類多、素質水準以上。店主落單時仲主動問洗唔洗多薯菜、意粉，加唔加餐湯，呢d舉動已經令我地好驚訝，亦讚嘆難得既友善。收舖前店主更主動同我地吹水，令我地喺忙碌又沮喪既星期一有一點舒服同窩心既感覺。(繁忙時間例外啦)呢篇係我第一篇食評，亦係第一間好到令我寫好評既餐廳。話不多說，消費幾十一百，親身體驗先至感覺得到既窩心。希望大家可以支持一下店主

今晚選擇去西營盤搵食，上網見到這間餐廳的評語很不錯，於是決定去試一試，今晚所見，餐廳所在的街道人流不太多，餐廳面積也不太大，裝潢較簡約，dinner set由幾十元至兩百幾都有，而且沒有加一收費，可謂豐儉由人，最後叫了兩個餐，服務及食物質素卻喜出望外：香辣蜆肉意粉：蜆肉份量足，辣味剛剛好，意粉亦很入味法式芥末羊架：羊架味道濃郁，肉質鬆軟店員（還是老闆？）還詢問我們是否需要增加意粉和薯菜的份量，還送顧客一店火龍果作飯後甜品，整個用餐過程的服務態度均十分親切有禮，是一間有驚喜和誠意的小店，值得推薦

一放工前又要開會, 搞到差唔多八點半先走得, 一個人食, 最好要快方便味道又要唔差, 一諗就諗起佢叫咗一個烤焗春雞配蜜糖柚子汁, 先食佢嘅頭盤, 扭紋通粉, 再配上酸酸味味嘅沙律醬, 再加啲 火腿切粒, 味道不錯, 又夠醒胃另外佢嘅忌廉湯落咗少少胡椒黑胡椒, 令口感提升, 幼滑creamy烤焗春雞不失為一個好選擇，有香草同蜜糖柚子，感覺清爽不膩，雞皮帶亮澤, 燒春雞口感外脆內嫩, 鮮嫩多汁令人最欣賞的是配意粉意粉的分量絕對唔少夠飽套資源 味道中不錯酸酸味味嘅劇集融入會條二分之中非常之開胃

在西環有間人情小店，老闆服務相當體貼！真係讓我留下難忘心刻既印象，除止之外！食物既價錢亦幾抵食唔係「離地」價錢，食物質數性價比很高難怪咁多人黎幫襯。所以餐都有餐湯提供，這碗西湯松露忌廉湯，味道濃郁入味！不是水稀稀的。旁邊是餃子，外皮香脆可口！日式天婦羅軟殼蟹咖喱飯，賣相靚仔軟殼蟹炸得卜卜脆唔會淋哂，咖喱醬汁為日本口味。味道相對地甜而不辣，幾惹味的烤焗豬肋骨排配 bbq醬，份量大都得驚人而且肉質 juicy鬆軟薯角亦好香口我和朋友 share黎食都唔知幾滋味我最估唔到係這裡竟然有飯後果。。真的有回了家既感覺！非常窩心！真的推薦這裡給大家

昨晚去了西環遠少少的這間小店 外表平凡的小店有著小小驚喜 到達餐廳時見到別人桌上的意大利粉賣相不錯 朋友就叫了個鮮蝦玉桂南瓜忌廉汁意粉 $58 材料好多 味道很好 可以比美高級西餐廳 而我要了一客紐西蘭肉眼 $118 不錯呀 另外叫了炸蝦還有帶子 價錢比市面的餐廳便宜 不過味道比我預期中好 最重要係侍應(應該係老闆)服務態度一流 只要是我一個小動作(想要黑胡椒) 他就問我是否想要... 之後又問要唔要飲多少少湯添飲 最後飲完飯送上火龍果 個人覺得餐廳不錯

TGIF放工唔想留在中上環覓食 但又想近近地 好 再去尋訪下西營盤既小店先店子門面簡單直接 （裡面不只三台八座啊）門口的站牌也在親切的招我們進去了店子不算大 但簡約舒適 仲有wifi添看menu時 老闆端上兩杯温水 很貼心！餐牌都算多選擇 由較廉價的意粉 日式飯到較豪華的鋸扒都有 各套餐都配有餐湯 飲品仲免收多一添 CP值很高！餐湯- 周打硯湯 意大利菜湯 千島醬通心粉沙律🥗 兩款湯都不算濃味 但不是味精湯或只有麵粉般淡而無味 是滿意的！沙律也很開胃 而且較很多小餐廳一兩片沙律菜加芝麻醬誠意得多吃畢後 老闆還問是否對胃 要否再添 太窩心了 不過我們沒添了 不因為味道不好 而是留肚食後面的主食水牛城雞翼 $58 醬汁調得香 不會太辣 灑上的芝麻亦令味道更突出 雞肉嫩滑 時間控制得很好！和風烤肉汁扒鯛魚柳 $118 鯛魚柳看起來乾乾的 誰知喜出望外的皮脆肉嫩 也夠香 薯角熱辣辣 很綿 伴菜也不少 特別喜歡脆肉瓜黑松露帆立貝鮮雜菌意大利米 $92 OK黑松露汁香 但意大利米略覺太濕 帆立貝都算夠味 但雜菌弄得酸了點 若米與雜菌調配一下會更佳大快朵頤之後 還有飯後果添 整頓飯很圓滿到店時時候

前陣子在大學上完課後，便和朋友到了附近的一家西餐廳吃晚飯。這家餐廳的地理位置非常好，與香港大學的距離只有10分鐘的路程。而進入餐廳之後，就立即感受到鄰家餐廳的氣氛，餐廳佈置得與在自己家吃飯沒有很大的分別，而且侍應也平易近人。而在食物方面，我點了一個牛扒餐拼意粉，餐湯則是忌廉蘑菇湯。首先在湯方面，它的味道恰到好處，不甜不鹹，很有開胃的感覺。而在主菜方面，七成熟的牛扒有著鮮嫩的肉汁，吃進口裡也不會覺得很un。特別一提的是旁邊伴著的醬汁也是非常美味，在吃牛扒是點上一點醬汁是一種十分好的享受。總括來說，我和朋友對是次的用餐也是非常的滿意。

三台八座是在西營盤，聽朋有介紹呢度食野幾有氣氛，來到見店都有飲食文化的感覺，因店員服務幾好，一定來食下先都得。煙三文魚鮮果沙律，主要有煙三文魚、新鮮香茅雜菜、蕃茄粒和栗米粒，並加上一些沙律醬及朱古力汁調味等， 令人食多了蔬菜。香辣炸雞翼，以生粉辣粉鋪在醃味雞翼面而加以油炸，雞翼剛炸好，外面色澤同買相都感受到新鮮樣子,咬落自然香辣肉質軟熟得很。香煎挪威三文魚扒，煎香三文魚扒幾香味道，自然令今餐食更加多款式。

今晚在西營盤行街買了野，心情特別好，去到第二街的食肆「三台八座」，見到門面是台式西膳食餐款做主題，真想食番餐好餐，推介菜式正合我心意。南瓜忌廉餐湯，中以南瓜配忌廉汁炮製，亦有一小碟碎三文魚絲(連小量蟹子粒白汁)及青瓜粒加以調劑。                              香煎挪威三文魚扒配刁草忌廉汁，一塊香煎的去骨大三文魚扒當然香味鮮味十足，吃下一陣已充滿三文魚香氣，再加上幾條熟紅蘿蔔青瓜配少少草白汁，以及茄汁會意粉等，食過都嘴巴不停食意粉,因意粉是軟身滑滑的。

呢日約左個fd係西營盤食好西, 話說好耐冇寫過美食日記既我, 當然要寫下啦haha呢間野既價錢適中，以西營盤黎講算係差唔多啦，呢日我就叫左個set dinner，係肉眼扒既意粉。首先黎既係沙律同餐湯，個沙律好有誠意，長通粉十分惹味，係一道好好既開胃菜式，而我就揀左白湯，落左單冇耐就送上溫暖既湯，好窩心呀 個湯既味道好似以前細個食個d酥皮湯既味，好懷念呀!主菜黎啦!!!!係5成熟既肉眼扒，肉質鮮嫩，有咬口，但係配隔離個汁就好似怪怪地咁，就咁食都幾好味既。最後，仲有一杯飲品同埋附上既生果呀!!!超開心，竟然係火龍果，即刻油膩感減半之後經過西營盤都可能會再去，呢間店環境舒適，而且老闆亦都好親切haha

不嬲最鍾意西環嘅就係佢嘅鋪頭都好有人情味，尤其是喺地鐵站開通之前好多都係啲小店，我哋今晚來的一間cafe同樣都有十分之好客嘅老闆!!首先我哋叫咗三文魚沙律，估唔到小小嘅一碟沙律都裝飾得十分細緻，味道亦都唔錯另外我哋仲試咗水牛城雞翼，呢個係老闆推薦俾我哋嘅食物。大家都不妨一試!仲有大大隻嘅燒春雞，雞燒得好香，肉質都好好食最後我哋仲叫咗ribs，加左一隻大大隻嘅老虎蝦細細間嘅餐廳，難得價錢又唔會太貴，食物嘅質素都好，有機會到嚟試吓！