三台八座 (已結業)

有個同事知我喜歡食西餐，已經不只一次話介紹佢屋企附近呢間餐廳話帶我去試吓，見佢咁有誠意終於今日收工跟佢去試吓餐廳地方唔算太大但坐得都幾舒服，7点左右去到都坐咗九成人(心諗唔通真係掂，咁多人識黎揾食嘅)我揀咗個拿破崙番茄汁青口炒扁意粉晚餐先上個羅宋湯，試吓先……好濃味好多料好好飲之後送上一個小牛角飽，初初真係唔起睇架，但點知一食，嘩……口感非常好，好鬼香牛油味味道配合得好，飽質亦唔錯，估唔到一個小小既牛角飽都有用心去做，值得一讚！之後主菜到，拿玻崙番茄汁青口炒扁意粉，張相角出現問題……其實份量絕對唔少，呢個意粉我試咗一啖感覺是完全是一個完完全全西式意粉應有既味道，味道調得唔錯，青口有4大隻，我太貪心了，它們無一幸勉，因為真係好好食，食食吓阿老闆出黎同我哋傾計，佢好好客好健談，我讚話餐廳D嘢幾好食，但佢諗都冇諗就答，係廚師煮得好啫，呢個老闆完全冇架子，如果我係廚師聽到老闆咁答客人我都會覺得好窩心！老闆真係幾好人，見到我三心兩意有選擇困難症咁揀小食，佢特意比我揀個合併(餃子、炸生蠔)，餃子唔會硬内裏D肉啱啱好不會太多，味道唔錯，炸生蠔比一般既唔會咁多油啱哂我食，最後飲埋杯柚子蜜飽到暈，最後老

去開西環，seach下有邊間多like, 見倒哩間小店幾好評就嚟試試。相信係老闆嘅男士非常熱情招待，落單時可能見我肥仔一名就話加多啲薯菜俾我，其實唔駛驚我唔夠飽(嗰陣仲未叫小食) ，因為主食好大碟！叫咗波子汽水又話幫我哋開驚我哋噴濕自己。好nice好窩心~午餐真係抵到顛，主菜都係幾十蚊，小食都係廿幾到卅幾蚊。最可惜冇燒牛脷，下次會嚟再試~都係嗰句： 支持小店！！！4個小食：香脆魷魚圈 - 炸至外脆內軟，唔錯；炭烤雞腿肉串 - 真係幾滑，調味夠惹味；炭燒凡立貝 - 哩個乾咗少少，一般；吉列廣島蠔 - 外脆內creamy。個燒汁好好味~意式香草煎魚枊配紅酒汁 - 魚枊非常嫩滑，但個汁就冇乜酒味；薯角堅正！香煎羊架配巴黎汁 - 老闆問7成熟好唔好，我話生啲佢就建議5成。到上枱聞到有啲羶味驚一驚，點知食落完全冇羶味仲好嫩滑；其實大鄉里唔識咩叫巴嚟汁，有啲似唔辣嘅咖哩汁，同羊架都好夾。$78大大份仲有咁嘅質素，讚！

西環自從有了地鐵站，變得很方便。離地鐵站4分鐘左右的路程，不用google map也找到呢。先來一碗羅宋湯，酸味略重，蔬菜多，健康。然後來了一碟三文魚沙律，用心上碟的沙律，砌出兩朵玫瑰花，很不錯。吃了一飯、一意粉、兩小食。黑松露意大利飯值得推介，賣相好已不用多說，味道令人留戀。黑松露味濃，離遠已聞到香噴噴，意大利飯軟硬度適中，不會過硬以致難以滯化。意粉挑選了黑毛豬巴黎汁意粉，感覺是日式咖哩汁的味道，配上黑毛豬的香味，肥瘦剛好。吃至七成飽之濟，老闆向我們介紹這裡的牛舌，聽聞平日很多熟客讚好，很快便賣光。即叫即燒的三大塊牛舌原塊上碟，一口一口吃下很入味。邊位燒至脆口，啖啖肉，很滿意。既然小吃那麼好吃，再來一碟一口芝士。芝士炸脆至金黃色，剛炸起的味道特別好吃。熱辣辣很過隱，芝士味突出，細細粒，點到即止。客人一般都點這裡的波子汽水喝，原因是「平」! 跟餐加$6便有，而且味道特別，有原味、提子味和士多啤梨味。老闆主動幫忙開瓶，波子跌下的聲音很清脆，很爽!

今日入到西營盤吃個午餐，吃出人情味濃的小餐館，餐廳由一家人打理，好有家庭感覺。餐牌食物選擇好多，有西式排類、意粉，也有日式拉麵烏冬。我叫左個鰻魚飯。白飯香軟帶點煙韌，加上鰻魚汁，味道香甜香口，略為醬汁不夠多，但味道很好。鰻魚不算厚身但無骨沒有魚腥味。另外點上串燒拼盤。我最喜歡南瓜薯餅，炸粉非常薄南瓜蓉香甜，沾上沙律醬香口惹味，炭燒帶子味道也很好，大大隻燒得焦香，點為少一點醬汁，炸魷魚圈香口不太乾身，入口不覺油膩。

今日走到入西營盤，本身想去第三街食個台式午餐，點知人客非常多我又好肚餓，之後走左落第二街食飯，點知食到一間家庭式小餐館午餐有套餐，價錢好抵食幾十蚊就有交易，仲要免加一。叫左枝波子汽水。菠蘿味香甜不膩，清清香甜帶點汽水，甜度不高，波子汽水好耐無飲，今次一飲充滿兒童回憶。餐湯叫左羅宋湯。蔬菜份量多，唔會辣有蔬菜清香。叫左個香煎羊架汁配白飯。羊架香嫩叫左7成熟入口剛剛好，羊肉無羶味好易入口，醬汁香濃送白飯好正

進入餐廳，佈置非常簡單、但很乾淨, 店員親切的服務態度，都讓惠顧的客人感到賓至如歸燒帆立貝，燒得恰到好處, 質地鮮甜美味；每粒都依然充滿醬油同鮮甜, 口感彈牙又保留到肉汁, 好美味~點左海鮮湯烏冬拼虎蝦, 先黎個周打蜆湯, 有唔少蜆, 口感CREAMY, 沙律係煙三文魚, 有煙熏的香味，又保留了魚的豐腴嫩滑海鮮湯烏冬拼虎蝦, 好大碗, 大碗到食唔晒! 食材份量好多, 除左虎蝦之外, 仲有帆立貝, 蟹棒, 海帶, 銀鱈魚, 青口同埋鮑魚添! 食材非常新鮮, 銀鱈魚煎得甘香, 肉質嫩滑, 大大塊乳白色的奶湯, 融合了海鮮的滋味, 湯頭好好飲, 烏冬Q滑帶勁，口感佳

入到餐廳，環境寬敞舒適，店員都非常熱情有禮，並主動為我們介紹餐單，為有選擇困難症的我們提出不少的建議。最後，我們選定了香煎羊架拼虎蝦，烤焗西班牙黑毛豬梅扒配巴黎汁。首先上菜的是黑毛豬扒，黑毛豬脂肪比例均勻，有肉感又有脂肪在口中溶化的感覺，喜愛吃豬的一定要試試，配上巴黎汁，10分惹味😋之後就系筆者最愛的香煎羊架拼虎蝦，他們把火候掌握得很好，香煎的表面將肉汁鎖在羊架之中，香脆內嫩，令人垂涎。筆者回想起來亦忍不住吞了一下口水。再配上鮮味彈牙的虎蝦，真是多重享受！最後店員還奉上飯後果，令人感到窩心！總括而言，我們都對這一頓飯十分滿意，不但食物的質素好，份量足，環境衛生亦不錯，加上店主和店員溫馨的服務，值得推介！

在晚上時份與好友行過西營盤第二街時，被三台八座笑容可掬的廚師人形牌吸引住眼球，再加上菜單上的套餐頗為吸引，我們就決定試一試這餐廳。我們選定了烤焗西班牙黑毛豬梅扒配巴黎汁，酥炸無骨咸豬手配巴黎汁，一份薯菜，一份意粉。當天的餐湯有南瓜忌廉湯與羅宋湯，再配上牛角酥。南瓜忌廉湯香濃細滑，加上鬆軟可口的牛角酥，令人食指大動。再加上糊麻料沙律併煙三文魚的頭盤，十分開胃。在食物的擺位賣相亦很有心思，看見像花一樣的煙三文魚就忍不住先打一下卡，再細細品嚐。然後就來到主菜了，這個是酥炸無骨咸豬手配巴黎汁配薯菜，無骨咸豬手外脆內嫩，脂肪比例適中，口感一流，配上別具風味的巴黎汁，啖啖肉，亦不覺油膩，係一眾食肉獸的不二之選。令人驚喜的是他的薯菜，並不是超市上買到的薯條，而是自家製的即炸薯角，製作用心。另一道主菜，是烤焗西班牙黑毛豬梅扒配巴黎汁配意粉，黑毛豬扒肉質細嫩，脂肪比例平均，加上香煎的表面，切開鮮嫩多汁，蘸少許巴黎汁上面，惹味可口。

下午兩點來到三台八座仍有不少人正在用膳，差不多爆滿，不過剛好有兩個空位剩，所以不需等候便可入座。餐廳不太大，但也可以容納二十至三十人。午餐包餐湯、飯/意粉/薯菜和飲品午餐選了肉眼扒和魚柳，兩者皆配薯菜。欣賞它的自由度，可按個人喜好點薯角和菜的份量。魚柳外脆內軟，肉質細嫩。肉眼扒亦不錯，挺厚身，但最好趁熱吃，不然很快便變靱了。由於很多小食都很吸引，在有選擇困難症下點了三款炸物。三款都炸得十分香脆，温度也適中，配沙律醬或酸酸的日式沾醬，非常惹味。這裡的午餐價錢範圍大概是$50-80 左右，全日免收加一。學生光顧更可以減$6 或送波子汽水，相當抵食。另外值得一提的是餐廳的服務 - 餐廳老闆非常友善，一直向我們推介店內的美食，用餐期間也會來關心我們。跟老闆閒談間，得知這裡每逢星期一至三 晚上9時後便有相同的「午餐」供應，是十分特別的安排，有機會一定要來一嚐遲來的「午餐」。

今日要黎HKU 演出, 所以之前約左歌友黎呢度附近食lunch 之後就一齊返HKU之前住過西營盤, 開左地鐵之後, 變化好大, 餐廳多左好多, 呢間都係新開不久~店舖雖然不大, 但也坐得舒適~先來一杯餐飲紅棗茶~餐湯是羅宋湯, 很足料, 最喜歡是多蔬菜香煎羊架配巴黎汁, 跟飯$78店員推介是日午餐牌上沒有的羊架餐, 羊架有2塊, 很大塊呢, 沒有羶味,肉質鮮嫩, 很"淋", 非常抵食挪威煙三文魚鮮雜菌忌廉汁炒意粉 $62意粉不會很油, 炒得恰到好處, 煙三文魚很新鮮~串燒2點開始供應, 我地叫左雞串燒share,  真心推介, 雞肉非常嫩滑, 很有口感呢~

除左銅鑼灣，西環都是一個覓食好地方。自西港島線開通後，由金鐘去西營盤更加便捷。今次去到西營盤周邊逛逛，留意到一間不太起眼，好有人氣餐廳，午飯時份坐滿八成，大部份都是學生，就決定襯下熱鬧，試一試這餐廳的美食。午飯時段供應西式及日韓式套餐，價錢由$50 至 $70 蚊不等，豐儉由人。是日餐湯為周打蜆湯，忌廉味重，更有粒粒蜆肉，清甜鮮味，值得一試接著到主菜香煎羊架，可跟飯，意粉或薯菜，食肉食得多都想食蔬菜平衡下，所以點了薯菜。羊架有兩大條，肉質鮮嫩，很容易能用刀切成一小件，沾上一點蘑菇汁份外美味。薯菜有我摰愛薯角及節瓜，全都新鮮即製，薯角咬落脆口，節瓜爽口鮮甜，食得很滋味。一不留神，節瓜甩開义子，弄污了我的恤衫，右胸有一大灘污漬，這麼尷尬的場面，慶幸老闆及時發現，趕忙遞上紙巾，才能把污漬清除。凍奶茶茶味香濃有奶味，而且只加了少量冰塊，不會因冰塊溶解而影響本來味道，耐飲度高。整體來講，食物質素高，老闆態度好，值得一再幫襯的小店!

呢間餐廳仔位於HKU 向西營盤方落山中間位置左右，由山上行落去或者電車路上去都唔算遠。面積不大，係間的式o既小店，門口仲幢o左個好可愛o既紙板公仔。有2 個午餐menu，一個西一個日韓，50 零60 幾蚊啦，ok 平民級。我同朋友各自叫一個set，再叫d 小食咁。我order o左「紐西蘭肉眼扒配巴黎汁」($72)，幾大塊同厚切，泛起油光，十分吸引。肉味比較原始一d ，配搭埋個漿汁就o岩o岩好。巴黎汁都係d 比較少見o既o野，一般餐廳/扒房來來去去只有黑椒洋蔥蒜蓉，值得一試。個餐跟意粉(可飯or 薯菜)，仍然幼身爽口，最唔鍾意d 餐廳煮到發晒大……小食首先想講「炭烤雞腿肉串」($26)，真係好好食，佢本身已經搽o左一層燒烤漿o個類，十分惹味，就咁食已相當唔錯，另外仲附上另一隻漿可蘸，酸酸甜甜好開胃。「日本南瓜薯餅」($26) 由南瓜蓉同薯蓉mix 埋再拎去炸，外脆內軟；加埋「香脆魷魚圈」($26)，兩款都金香鬆脆好香口，建議一o黎就快少少食，唔好擺咁耐喇。餐廳無加一的，同埋老闆幾好人，向我地介紹邊隻好食d，服務周到。

以前食開水街嗰間Derby West 點知上年無啦啦執咗 去到西營盤都唔知食咩好 原來有間細細的餐廳係第二街 個名好特別叫三台八座 望下個餐牌都唔算貴就入去試吓先叫咗個豬扒同牛扒 餐湯可以再添！配飯嘅叫做左多飯 如果大家食唔晒就叫多少少飯好啦 份量大 唔好哂。另外配薯菜，係薯角黎架！仲要新鮮炸 超脆超香口 好味呀！自此之後每次都係黎食薯菜！可以配巴黎汁 牛肝菌汁或者紅酒汁。三個都食過三個都好味我就最鍾意巴黎汁 最後我連汁都撈埋 就嚟連碟都食埋架啦😂餐飲除咗咖啡檸茶嗰啲之外呢 仲可以配柚子蜜 紅棗蜜 好啱女士們值得一題就係佢哋啲服務非常好老闆同員工都好友善 感覺好似屋企食飯咁 加上同行有BB 佢哋都有同BB玩 幫我地搞下個冷氣唔好吹正 同埋幫我地調位坐得舒服d 因為抱住bb 超貼心嘅服務 出面其他餐廳好難搵

係西瑩盤第二街剪完頭髮，係salon旁邊有間名叫三台八座既餐廳！見到個menu幾抵食！就入左去食左個午餐。當日餐湯係羅宋湯，味道濃郁帶點微酸！非常開胃而且有d雜菜係入面！索哂d湯既味，好飲到成碗連埋d渣都飲哂！！老闆仲窩心地為我加多碗添呀~呢d人情味既小店真係買少見少。主菜要左個紐西蘭肉眼扒配巴黎汁，肉眼扒細嫩！輕輕用刀切開就可將肉分離！入面肉汁流豐富了。。。見到都流哂口水！！肉眼扒同個巴黎汁個配搭幾夾~好入味！！餐茶要左杯凍奶茶！茶底好香~冇苦澀味！撞埋d奶又香又滑！！下次剪完頭髮經過呢邊都有好野食了！！

Needless to mention the quality food provided by the restaurant, the restaurant owner also offered free refill of soup and sphagetti! And it all costs me only $64