三和茶餐廳

營業中

休息中

與家人到三和下午茶，因家父已吃午餐只點了一杯飲品。哪位面有黑印的女待應由落單、放下單據至飲品送到我們面前仍不斷重複著你們只點了一個餐叫了兩杯飲品。這是什麼意思? 我們無錢付嗎？何須不斷重覆著我們只點了一個餐叫了兩杯飲品。 這種服務超差的服務令我感到氣憤!

今日又喺樂富搵嘢食 ，午餐時間周圍都好多人 ，今日去咗呢間三和茶餐廳搵嘢食，叫咗一個咖哩魚柳飯 ，凍檸水 。呢度一向搵侍應叫嘢食都好困難 ，所以都見怪不怪。咖哩魚柳飯啲咖哩好鹹， 其實反而冇咩咖哩味。魚柳係炸過嘅，但係落得太多炸粉，舊魚細細炸粉多多， 嚴格嚟講係唔合格嘅。最弊係薯仔仲多過魚柳。凍檸水太甜， 所以係咁用佢啲滾水來沖淡佢， 冇辦法呢度真係冇咩選擇

返工之前食個早餐，今日就揀左呢間係地鐵站出口附近的茶餐廳。叫左個沙爹牛肉公仔面，配餐肉煎旦方包，加熱檸水。沙爹牛肉面的沙爹味濃，溶入去個面啲湯度，就令到個湯底非常吸引，但敗北之處在於個面太淋，好似放左係廚房一段時間先拎出黎咁。餐肉太薄，食完好似無食過咁。但成個餐都算係豐富，都一定可以頂到去午餐。餐包加牛油都係一般，牛油太少，比較細件。但不得不提佢地之侍應係極缺乏，好多人等左好耐都未叫到野食。可能因為咁，侍應的態度有點欠佳。好處就係兩個字，就腳。

大大話話成40蚊一個茶餐，俾碟咁的所謂XO醬雞扒炒烏冬俾我，成碟野得兩塊「麥樂雞」size的所謂雞扒，大半個烏冬俾人剪開碎上，得個咸字，無其他味道。除左想爆粗我實在諗唔到其他感想。

今日無無聊聊自己去食飯，終於在樂富搵到間食得下既野食喇！地方及環境也可，味道OK.有魚香味！但價錢就碼碼啦！自己個人就好鍾意飲奶茶，杯奶茶對我來說算是十分不錯的！我喜歡！！

好耐好耐無食過茶記了!!!係酷熱既晚上工作完，同班夥伴一齊食茶記~飲番杯凍奶茶真係爽杯奶茶好正，絲滑入口，茶味適中，原來就係講緊呢杯~~三個人Share兩份，一份肉絲炒面，一份咸魚叉燒炒飯，大份好食見到呢種炒面，人都開心D，咬落去脆卜卜，好香口至於肉絲咩味已經零印象了，可見肉絲屬於不過不失之流~炒飯乾身帶咸魚香得黎唔會太咸，不過叉燒唔多，比較可惜美中不足係要加$8先有野飲，如果唔係出公數，自己食係唔會叫野飲既

自己住開樂富附近都少去呢到食野，偶爾一次想食西多士就入左黎，西多士一上枱真係不得了！超。厚。仲要食晒成舊都吾覺油淋淋，係我食過咁多件西多士裡面其中一件真心覺得吾差！配埋杯檸樂正

因為朋友仔的介紹而來到樂富這間餐廳，這間貌似平平無奇的茶餐廳，意想不到有個一蚊厚的西多士！一般來說，較差的西多不是太薄，就是炸得不好而吸得太多油，但這個西多油分不多、花生味又濃，最重要有一定厚度，配上適量的牛油和糖漿！酥而鬆！下午茶只售$28蚊連熱飲，絕對是誠意之作！😋推！

星期一至五都是A.B.C.D.E.餐二年都是這個餐牌。中湯暖暖地唔係好夠熱，午餐不外是咖哩雞。焗豬扒飯。干炒牛河。梅菜蒸鯇魚。牛扒腸仔黑椒汁。坐下要稍快講出想食勿嘢叫柯打 !若不是樓面侍應生好快會走開!因生意忙碌關係。食物出品變咗有時會差了少少,就少不免了,有時比較會失水隼,無可避免了的事。

成日都出街食飯，今次要做返孝順仔，陪返屋企人落街食晚飯，咁緊喺去返自己主場嘅茶記啦。今次好好彩，人稱七嫂嘅侍頭婆喺舖頭，為我一家推介佢哋嘅燃手小菜。雖然話就話小菜，但份量同排頭一啲都唔小，又唔少！七嫂真係好好客，知道我哋喺街坊，特別推介佢哋震店嘅《豉油皇炒中蝦》同《薑蔥炒大肉蟹》！依個中蝦真喺好入味，咸而不失海蝦嘅鮮味，而且炒到外脆內嫩，屋企人同我都食到讚不絕口！大肉蟹又一絕。三隻大肉蟹，六隻蟹鉗，隻隻都好有肉，連我依個死懶鬼，最怕食有殼嘅嘢，都食左三隻鉗。絕對唔喺小蟹柳，冇扮哂蟹。七嫂見我咁鐘意飲啤酒，又叫咗碟《黃金四季豆》送酒。wow，侍頭婆真喺好細。依碟四季豆真喺香口，咸鴨蛋炸到又夠咸，咬落又食四季豆嘅清香，真喺唔錯唔錯。知道屋企人食得健康，七嫂又拍板叫咗個《海鮮粉絲雜菜煲》同《清蒸三色蛋》送飯！雜菜煲用料充足，味道適中。水蛋又滑又甜，真喺值得推介。最後，七嫂擔心我哋唔夠食，叫仲叫咗碗《潮州蠔仔粥》。依碗蠔仔粥好特別，味道同一般打冷完全唔同，唔咸，而且仲好似有 d 芹菜嘅清香。小店唔單止食出品嘅味道，而且仲食到一份人情味，唔怪咁多街坊幫襯。喺依家商業化嘅社會，體會到鄰里守望相助，

好耐冇返屋企人食晚飯，點知老媽子唔舒服唔煮飯，要落街食。一家四口就去咗附近以70年代樂富橫頭磡為主題的茶記 - 三和茶餐廳。既然以共同回憶為主題，裝修環境置上懷舊相片，相當有心思。喺另一面牆上置咗六七部直倒式電視機，宣傳每晚主菜，電子化環保得嚟又幾硬銷！四個人叫咗三樣餸《北蒽羊腩煲》、《海味雜菜煲》同《豆腐炆火腩》。一坐低就上四碗例湯。肯定嘅喺冇落味精，但真喺好啖，零火喉。《北蒽羊腩煲》就幾有心思，每人一碟細細哋腐乳辣椒。又有例排生菜，賣相唔錯。一打開煲，我就唊咗一舊羊腩，可能啱啱煲起，第一舊都幾實吓，第二舊就可以淋淋哋，幾好味。成煲腩煲都好入，值得推介。《海味雜菜煲》一冠茶記大排檔風味，味道適中。《豆腐炆火腩》就真喺唔錯，豆腐火腩都好入味，又夠火喉，送飯一流。價錢尚可接受， 《海味雜菜煲》57蚊，《豆腐炆火腩》57蚊， 但 《北蒽羊腩煲》128蚊就貴咗啲。

最近待業中、學人寫食評。就選了今日去行獅子山前在三和食的早餐、早2年前也常到三和、因在該區返學一星期有2、3天到此、當時要等5-10分鍾、現不用等便有位了。不知是否因為樂富現増了好多食店？？今日好想嘆'港式奶茶'就點了份'炸菜肉絲拼沙嗲牛通粉'加煎雙旦多士。熱奶茶先到、用的是黑白牛奶瓷杯、第一口喝下去後在喉嚨仍有餘香、感覺比以前喝的更香濃☕。主菜'通粉和旦多士'一同到了、旦可以再煎得更好、個人好喜歡煎旦邊脆脆的、多士不太軟熟、因本人對麵包質素要求較高。主菜'炸菜肉絲拼沙嗲牛通粉'、炸菜味道剛好、不會過咸、沙嗲牛肉份量夠、因現在在連鎖快餐店吃的'沙嗲牛肉'大多是丶'汁多肉少'的...帙

因為工作關係要到平時絕不會去的樂富沒想到出了港鐵站，一踏足就看到一個很像地產商興建的大型商場這就是領匯管理的商場嗎？工作至晚上結束，一行人原本想在商場內搵食但赫然發現商場果然貫徹一貫領匯風格全都是大型連鎖集團食肆，即「貴夾唔飽」那種眾人只好轉戰隔壁的街市，希望有平價飯吃畢竟我們都是屋村仔、街坊嘛甫進去是一間很大的店面，接近九成的位置已經被吃晚餐的街坊佔據侍應安排我們坐最入面的位置只見椅子中間的海綿全都穿掉一個洞，這...看過餐牌，發現價錢其實不比商場的便宜很多，就一般茶餐廳的價錢。由於附近已無所好吃，就決定吃一個較便宜的特餐（$38）已經是最便宜的了總結：侍應阿姐下單、上菜手腳很快，亦都不會「楂流攤」，一定會幫你轉茶具、也不會呃你那碗生粉湯惟店大侍應不多，要多招幾次手才有人接待而餐的份量也很大，友人叫的扒飯餐（$50）雖然更貴但扒很多塊，飯意份量比一般茶餐廳更多，感覺就像給地盤佬度身的餐點。【誇張嗜食】- by 張誇 Nickel

今個星期日到三和茶餐廳食早餐，一來附近沒有太多選擇，二來想着以前價錢和食物味道都比較好，於是就選擇光顧它；沒想到今次看到她們的服務越來越差，可能服務員不足以應付全塲坐滿的食客，因為足足有接近八十人才得五六個樓面工作，所以見到她們態度有時頗晦氣。而我想落單也要等十多分鐘才有人招呼，接著連食物又要等一段時間才能上枱。我想茶餐廳的“快”在三和已不存在了，因為它以前同樣的狀況也可在十五分鐘內把食物送上枱。所以第一個痛心就即時浮現出來了.更何況今次看到本來食開的早餐價錢就痛上加痛了,由原本比同區多了一個比較“平”的一個字又跑掉了。因為以往包括一碗麵同基本腸仔蛋方包等組合，變成一碗麵 / 蛋和方包都要分開計價。今日如要食同一份早餐，就已經比往日貴了兩元了.如果換上凍飲就再多加三元,最後埋單成為三十一元的早餐便出現在共公屋村裡.是平或是貴相信祗有街坊內心才知道。盡管如此，我後來問了服務員的原因，才了解美其名說因為有客人時常浪費食物，所以將早餐分拆計價可達到兩全其美。但如果是這樣，為什么價錢会貴了呢？我只覺得因成本上漲而加價是商業上合理的解釋。但巧立名目去加價卻為人所不恥。最後至於“靚”也每況如下，因

今日同太太去三和食早餐,但一看早餐牌之下就驚嚇了一陣，早餐景然分開三部份收費，基本粉麵二十一元,火腿蛋另加六元,最後麵包一塊就一元。加埋後就要二十八元如果要凍飲重要多三元,那就三十一元才可離開。回想當初三和以平靚正快和員工的爽快隊形而獲得街坊一衆支持，導致奇門如市。但今天所見到卻是相反的表現,全店暴滿卻衹得三五個樓面伙計做嘢,但坐得下來就算了吧，於是叫了兩份輕型早餐，不過足足等了十幾分鍾才有一杯凍飲送上枱，而到廿幾分鐘那碗飛沙走石的一碗麵才送上來。點解是飛沙走石未就喺那隻雞蛋有一半景然可以掛喺碗邊囉。咁都算了。但最慘是那碗麵的品質也比以前差很多，麵質大淋，食完牛肉有。到最後連價錢也不比同區茶餐廳平,咁又可須再光顧它。