三和茶餐廳

營業中

休息中

今早特別到樂富食早餐，是教會一年一度的受苦周開始，我們一眾弟兄姊妹當然要支持。在回教會的路上，聽見途人說：「嘩，咁多人？」返完晨更，我們當然要找地方醫肚，首選一定是就近地鐵站的「三和」今天情況實在太亂，所以都忘了影相 加上要急急食完趕返工。。。)點了沙爹牛肉麵，跟餐火腿炒蛋及油包。沙爹牛肉麵：牛味被沙爹汁蓋過了，但濃濃的沙爹汁正正是精髓所在，個人來說是喜歡的至於麵，太淋，有些失望。炒蛋我是混入麵中食，還算口感足夠吧！同價錢計，其實可以比個笑臉的問題在於服務，可能今天是受苦周的第一日，餐廳估計唔到咁多人，一時應付唔切；所以經常錯單和溜單不過又不能用這作為籍口，因為呢區，逢禮拜日，人流都超多，原因有小小是因為我們教會大約都有幾千人，呢區也比較少食店選擇，所以基本上，間間食店都會多人，所以伙計們應該有經驗，為何還經常錯單呢？我對這方面都幾不滿，但又唔想因為咁樣比喊面他們，因為我始終覺得，一分錢一分貨，笑喊臉係指標著他們是否用心；平心而論，食物水準是ok的(同價錢計)。期望店舖不要因為呢區選擇少，而固步自封。

經常在此出沒，已吃過這間無數次，但經常受氣，為何還會繼續選擇在此吃，因為~果一帶無得選擇！今早在此叫了兩份早餐，分別百搭早餐（火腿+腸仔+餐包），歐陸式早餐（炸豬扒+司華力腸+焗豆+餐包），一杯熱檸茶及凍奶茶。下單時間約10:45，出單為10:50，百搭早餐送到枱面約10:58，吃完一份早餐，還未有餐茶。追單後，才送上一杯凍奶茶，過多4分鐘才送上熱檸茶，此時為11:10歐陸早餐還未到，當然繼續追單其間，還有其他人入內進食，服務員還問幾多位，有位，入黎啦。心想，你order都做唔切，叫人入黎有咪用呢？最後11:15才送上最後一份早餐。一間茶餐廳，做一個餐要等成20分鐘以上，未免太失望啦！一間茶餐廳，最重要及最搵錢嘅餐茶，要等10分鐘以上，怎開茶餐廳？試過一次，早15分鐘打電話叫定一分三文治餐，到步後餐還未出，等多7分鐘還未有，最後因趕時間，餐還未取氣沖沖地走了。由於真係幾獨市，又有好幾次打去落order，個服務員好經常都叫~等等~hold起電話成2分鐘，有耐性咪等吓囉，感覺佢都唔休做咁。。。一間食市，幾好食有鬼用？服務態度超差，啲餐又遲出，點去！！！希望唔好再容許自己再去食，雖然佢係獨市

剛巧黎到呢區做site visit唔知有咩好食但見到呢間好多人相對隔離果間水盡鵝飛，應該有d implication有d 醒既我梗係食呢度啦是日午餐有5 sets因為有d 趕做野不宜等要快。快餐當然係首選火腿奄列+牛油脆包火腿前所未有的多，呢個奄列好抵脆包果然好香口，牛油亦都好重手炸菜煙鴨胸通粉通粉大大碗煙鴨胸達四片之多，不過唔會有煙味茶餐廳當然要試奶茶茶餐廳特色幾濃烈蠻滑的

上星期五同朋友去左買嘢,一齊攞返佢屋企,之後睇埋電視先落街食晚飯,我同朋友的老公一齊嚟左呢度食,本來係去第二間食西餐的,但係都成10點已關門,所以只可以嚟呢間餐廳食晚飯.其實之前都嚟過幾次,都幾好味的. 今次朋友話食淨肥牛+冬蔭公湯底,我叫左一碗七彩湯粉,但賣晒,所以轉左叫香芧雞亦湯河+冬蔭公湯底,冬蔭公湯底+5元,沒有飲嘢.朋友的老公則叫左小菜套餐,西蘭花鮮魷.唔使等好耐就嚟啦,我地一路食飯一路睇電視,朋友的肥牛都好多架,個湯底都好香椰香味,唔係好辣可以接受,我的香芧雞亦有三隻雞亦,個湯底好味呀,朋友真係冇介紹錯呀!!朋友老公的西蘭花鮮魷有一碟西蘭花鮮魷,一碗白飯,一杯熱茶,我冇食到,但賣相都ok呀!!有好多鮮魷,西蘭花都多及青綠的.

我常去這家店吃早餐,因為店地理位置近我家,而且同區也沒什麼同類型餐廳可供選擇,因為電腦化入單關係,所很多時也漏單,我試過選了餐飲後半小時也沒得吃,而且這情況經常發生,好像昨天我鄰桌就等了45分鐘多了,由我坐下的時間他已點了餐,直至我離開也沒來齊,而且員工態度也非常惡劣,雖知又不是大酒店,就不要要求太好服務,但也要幫客人下餐單才對吧,但很多時也沒得到回應,可能生意太好關係吧.好..說回主題: 大家去這家店吃早餐也可以試一下他的歐陸式早餐, 大大份, 我一個大男人也夠飽, 如果加大餐飲也是30元左右, 同區來說已食物素質和價錢算很讚

蠔仔肉碎泡飯都幾大碗下, 入面有好多配料, 有草菇, 蠔仔(肥美飽滿, 冇沙, 都洗得乾淨), 冬菜, 肉碎 (全瘦肉, 冇咩肥膏) 仲有好多翠肉瓜粒粒(爽口, 唔會浸得太稔), 個湯底唔夠pepper味, 要自己加, 食得出有味精, 但可接受…..d飯岩岩好唔會太硬..佢仲比左d炸左ge米係食之前放落去, 脆卜卜好正凍coffee好淡好似溝左水咁, 又多冰….唔得…仲有唔知點解真係好多人, chair不夠, 不過好快上菜. 碗泡飯好熱呢~

三和的生意好飄忽，有時多人到無位，有時又勁多吉位兩個人食晚飯，叫了一個蒸魚餐，包一碗飯，一個湯和一碟生菜還有一個晚市套餐的時菜，又係包一飯一湯份量足夠，味道叫過得去條魚蒸得都幾好，是三和近來的突破

今日去左樂富某幼稚園做野~做完LUNCH 就去左樂富食LUNCH, 搵左間叫三和茶餐廳 坐底左~咁我就叫左個吉列魚柳香腸炒蛋多士.依個係3和依間餐廳既特餐~26$蚊唔算貴既~個多士呢, 就比較細件, 同埋你會FEEL到係咁求其焗一焗~另外呢佢個炒蛋..都唔知係未炒蛋...似張紙多過蛋~可以叫佢做蛋紙~KAKA 薄到...個另外啦..佢既魚柳, 唔知係未唔新鮮雪左好耐~面就幾多油下..一切呢就散晒~唉..最OK都係個2條腸~KAKA~係廚師腸黎既~杯檸茶..多冰到呢........

今天同朋友四個人嚟左樂富,朋友話呢度食小菜都ok,所以就嚟試下,差唔多10點都好多人喎,都幾好生意呀,我地坐卡位,四圍都係電視,還有幾部專介紹餐廳及天氣的電視,這個幾特別.我地叫左兩個小菜套餐,另叫左一碟油菜一齊食.小菜叫左一個粟米班腩及一個沙拉骨,套餐有一個例湯,一碗白飯,一個餸,一杯熱中國菜,盛惠45元,都幾抵食呀,小菜的size都係正常size,白飯都幾大碗架,例湯係飯碗的大小,是老火靚湯,都幾甜呀.粟米班腩都幾多粟米汁呀,班腩都好香口及啖啖肉,切到size適中,唔會好大塊,好味呀.沙拉骨就切得大件左小小.但味道都好味呀,唔會係好甜既醬汁,個骨都好淋身入味的.油菜我地叫左生菜,都算大碟及清綠呀.

豉油皇三絲炒麵 tea $28 包熱飲 味道超濃, 落了大量醬油去炒, 但又唔會過鹹 好有鑊氣 麵條與醬油完全炒勻, 但仍保持條條完整, 唔會碎濕濕 配料有蔥, 韮黃, 义燒條, 火腿, 洋蔥

tea: 奶油脆脆豬仔包 + 熱飲 $16轉紅豆冰 + $6 先來紅豆冰, 紅豆大粒完整, 夠稔, 起沙, 甜度適中, 份量多, 可惜花奶不夠 豬仔包好大件, 與平時食慣的硬身豬仔包size不同 焗完後個包只是微脆, 可能是個包本身不夠硬身, 或是焗得不夠火喉 以前食過麵軒的焗豬仔包, 面層脆如春卷皮, 肉層實淨+煙韌, 但這兒的只是平平無奇, 同多士差不多, 沒有幾重口感

呢間野開左一年有多，但首次去幫襯。星期日去食早餐再去醫院探朋友，急住食野冇位等只好坐在店外，以下有幾項問題我要比個喊評佢店外坐位有人抽煙......店員唔理.......店外想叫野食？都係冇人理半個小時的常餐？催單冇人理用了半小時等完佢地出個通粉，食晒成個牌再催佢杯熱咖啡，d 阿姐問我仲乜唔一次過催佢地..........好野喎..... d 野要催至出現仲要咁有point 咁既態度加上d 食物好難食，煎蛋個外型好靚，但咬入口原來唔係半生熟既蛋黃，而係全熟既...............d 腸勁油，d蛋又係勁油......最新奇既係連塊多士都係勁油.....(吸晒d 腸同蛋果d 油.....)沙嗲牛肉仲要勁淡，少少沙嗲味都冇，色就有.......

第一次來三和食tea炒粉麵飯 $28 包熱飲, 份量都好大碟 肉絲炒麵 這款蛋麵多了少少梘水味. 個麵夠熱, 好脆口, 正!!! 只是麵尾部有少少焦了 好正宗的做法, 芡汁厚薄適中, 豆粉, 糖, 鹽, 油, 味精都調得恰到好處 肉絲及芽菜都夠份量 嫌罐頭草菇太少, 可以多些更好

因可以用$15券的關係, 再來三和 沙爹牛肉 牛肉薄身, 沒有梳打粉的感覺, 仍保留牛肉味及實淨的肉質, 煮的時間剛好所以夠稔 沙爹汁較失望, 好淡好淡 雪菜肉絲 幾足料, 肉粒份量也適中 火腿奄列 火腿絲較少, 蛋皮也太薄了

星期日都瞓唔到耐,7點就彈左起身.所以落左去三和食個早餐.只有咁早先可以黎食比係9點一定多人到檯角都無得坐.都係咁早先叫有少少服侍. (可落單,單唔出錯)都係叫我成日食的沙爹牛通.好快就黎到. 一見到...我見到生果(因果)碗沙爹牛通又一次縮水. 開左一年多dd的三和已出見最少2次縮水.唔加價就出縮水.味道方面. 牛肉都係老囉! 不過就叫入味同正常沙爹味; 通粉方面就合格,但唔彈牙. (d平通係咁都好難可以係茶記搵到彈牙通粉)茶走一樣茶唔夠香濃. 合格水平.