三哥廚房擔擔麵菜飯專門店

營業中

休息中

今晚約左屋企人食飯, 一行六人, 家人決定去呢間舖食, 舖頭唔算大, 十分整潔, 服務員好有禮貎, 雖然細舖, 但如果人多可以提早致電留位, 但有時去到都可能要等, 今日點了花彫醉雞, 招牌上海粗炒, 酸辣湯麵, 炸春卷, 鎮江骨菜飯, 三哥排骨擔擔麵, 上海粗炒同擔擔麵就一般, 醉雞夠入味, 鎮江骨肉質夠軟, 平日排骨係好正, 今日就有少少遜色, 炸得唔夠香, 酸辣湯不過不失, 麵底煮的時間掌握得好好, 推介炸春卷, 雖然無肉, 只有菜, 但炸得香脆, 大家都讚不絕口, 結果再追加多一客, 人少都有半客叫, 整體價錢合理, 提提大家, 星期六, 日及公眾假期會有加一服務費

有一段時間都沒有寫評語啦。眼見近排有空，就繼續尋找好食處。於是繼續在食物中的沙漠區尋找好食處。不斷行不斷找，終於搵到一間啦。為什麼會找這間呢？這就是因為它的名字叫三哥。當然想一想是否跟三哥譚仔一樣那麼出名呢？亦想想是否同一老闆開的店呢？都說了一段話了，現說說選擇了什麼東西啦。先選擇鎮江骨，擔擔麵再選擇上海排骨，擔擔麵。豆漿。原先想選擇上海菜飯，但見到店鋪內其他食客都選擇了擔擔麵，就跟他們選擇擔擔麵。果然跟風是跟得對，擔擔麵香濃又不結。花生或麻漿很好，麵又很有彈性。再加點他們提供的辣椒醬及辣椒油，更香濃更美味。至於鎮江骨呢。。。。本人十分怕酸的，但這店舖所調味的醬汁很吸引我，不醋，帶點甜。肉又不硬，很軟。如果夾菜飯會更為出色。再說上海排骨，一點都不肥膩，而且份量算是正常，不會太少。除此之外，排骨沒有雪味，很香脆。配擔擔麵是絕配。概括而言，這三哥不同其他上海菜店，具自己的風格，本人認為可再在此食飯。

每逢星期六都要去馬鞍山上堂，難得今日媽媽話過黎同我食晚飯，決定帶媽媽去食佢愛既上海菜。『三哥』我食過幾次下午茶，價錢平又好味佢個位置唔係大街，如果唔係朋友介紹都唔知有餐廳係到，但每次都好多人，今日仲見到有人龍添。算多選擇而且價錢合理必點之一三哥醉拿手真係好好味我可以一個人食曬成碟肉夠‘林’豬皮爽口淡淡酒香酸辣湯年糕媽媽至愛好足料，味道唔算太辣，唔太食得辣既朋友都可以試試年糕好煙韌配埋酸辣湯一齊食三哥排骨粗炒第一次試味道不錯，可惜排骨唔夠脆食物份量多，兩個人真係食唔曬🙈🙈

每次食上海菜都會點的餸、沙鍋雲吞雞 、招牌上海粗炒、 雞絲粉皮、總有客飯、今次點了 紅燒豬手菜飯。上海客飯幾時都好底食、菜飯大大碗、豬手入晒味又軟身、煮得啱啱好。雞絲粉皮汁就太多、但粉皮就好夠爽。砂鍋雲吞雞、雲吞大大粒、又不會太油。上海粗炒就太油、但粗炒就係咁油先好味，好邪惡。

最近比較忙，所以遲左出post,呢間野係上幾個星期前食嘅，因為朋友住附近，果頭又冇咩好食就問下朋友有冇好介紹，佢話呢間野唔錯值得一試，我就叫左個菜肉雲吞試試，的確比出前果d好食，佢個湯就比較濃郁，下次再黎馬鞍山再試其他

平時比較少會來這邊搵嘢食，咁啱今日要去快遞公司取件，行咗一圈見這食店好光鮮，白雪雪歐陸風格佈置，感覺好舒服，見時間尚早不用等位，就入去試下啦！＂上海招牌上海粗炒＂好大碟粗炒，麵質有質感，又好多菜，即炒熱騰騰，唔算太油膩，少鹹，感覺係健康D咁。＂酸辣湯年糕＂好耐無食過，見到隔離枱叫咗，所以好想食，這家餐廳煮得唔錯，酸辣湯夠酸夠辣唔太鹹，仲好多材料，湯底唔會太(傑)身；年糕好煙韌，雖然會好飽肚，但也忍不住食多了，哈哈！＂冰豆漿＂相信全間餐廳都係走健康路線，連豆漿都係少甜，好滑，有豆香味，清清地好好飲。

問起馬鞍山有咩食呢個問題，唔少住係呢邊嘅同學都朋友都會叫我去食三哥，留意唔係譚仔嚟，而係一間上海小店上年裝修完之後間舖大咗一半🙆🏻等位都快咗好多以前家家戶戶都會有嘅公雞碗，呢度仍然用緊～～男友嗌咗豬手菜飯～投訴豬手無咩肉，大部分都係骨😕要一提！菜飯賣完就無～要就快手唯一抵讚係啲肉夠晒軟淋以前食得落一個麵再跟餸嘅我今日只係嗌咗個淨擔擔麵，平唔唔鐘意蒜末嘅我對呢度嘅擔擔麵無抵抗力花生味十足～仲有蝦乾好有咬口正常食一碗都好夠飽～

這店開張個多月，今天才來光顧，點了排骨擔擔麵$48元排骨得一件唔香得個甜字，湯就得芝麻花生醬味又傑又唔夠熱麵又淋，五香牛展湯麵$45牛展薄薄幾片，麵又小，湯頭麻麻，雞絲粉皮$28細細碟一般般，價錢唔平，星期六日仲要加一

會到三哥廚房，是因為看了TVB的馬家開飯！在堪稱美食沙漠的馬鞍山搵食，第一時間就想起了三哥。聽街坊說三哥平常都大排長龍（而且是六時多已經開始），但出奇地倒數之夜竟然沒有人。▼三哥的餐點選擇不算很多，都是基本上海菜。桌上有提供暖水，在涼涼地的天氣下，可以飲到暖水，這個服務還滿貼心的！▼三哥排骨菜飯 ($48) 排骨菜飯可以配以不同醬汁，是次選了牛腩汁，味道不算很濃，菜粒雖不少，可是飯質偏糊…但排骨則非常出色！炸得香脆，肉質夠軟腍，帶一點點酥味，有些朋友可能不喜歡，但我是滿喜歡這種香酥味的。（抱歉因為太餓，所以急不及待把它分了）▼招牌上海粗炒 ($52) 粗炒滿滿的一碟，顏色很深但是吃起來味道沒有想像中的濃，材料也算多，但沒有什麼特別。▼菜肉雲吞 (6粒$38) 記得一般吃的菜肉雲吞味道都會比較濃，但這裡的味道卻偏淡，只靠湯底的味道搭救。另叫了一個上湯津白 ($32)，亦屬正常味道，份量算多。▼小總結：說真的，整體菜式真的沒有令人有驚艷的感覺，可是排骨真的炸得非常出色！因為那個排骨，我應該會再次光顧！

晚飯時間，又係同老婆搵新舖頭食好嘢嘅時侯啦！最近新港城裝修咗確實係多咗好多選擇，不過真係人太多，今日行遠少少避一避先，平時少D機會過嚟LEE邊，又真係幾靜。入到舖頭第一個感覺啱晒D美女們（我老婆眼睛閃一閃，讚咁話！），佢嘅裝修係歐陸式感覺，白雪雪加上少許聖誕燈飾，感覺係相當舒服。舖頭入面坐位都算多，又唔會太窄，又乾淨。嚟到上海舖又點可以唔食下上海嘢呢，今日少少地都叫咗幾道飽肚嘅嘢食：招牌上海粗炒：得喎，加埋個豆辦醬掂，果然係招牌，上海菜粗炒係我至愛，LEE間嘅麵，質感唔錯，唔會太淋，有口感；另外，要比個LIKE佢嘅地方就係超多菜，一般上海舖好少可咁；係就係一定油，但係唔算超多嗰種，尚可接受。招牌擔擔麵：老婆揀，本人一向麻麻地，所以無試，但睇落去個樣唔差，亦都見好多人都叫，老婆就話鐘意，只係個湯真係(傑)咗少少，但就話LEE間舖頭個”麻辣油”好正，係又麻又辣又有驚喜，仲想買一瓶返屋企咁話，我試咗堅麻辣，無誇張。雞絲粉皮：超級多青瓜絲，雞絲唔算多，都好食嘅，粉皮整得啱啱好，又凍又爽口，真係唔錯。 凍鮮磨豆漿：飲埋個豆漿我就發現，LEE間舖頭係有HEART㗎，偏向有營嗰種，連豆漿都係少甜，我

前幾日參加了朋友公司活動, 由大水坑出發去行山, 參觀下以前的礦場, 再由馬鞍山效野公園行落山, 行了4,5個小時..好累~2點在附近搵地方食午餐/下午茶, 太累, 見到三哥就入去, 我發現坐滿晒人, 是因為其他行山人士都來食?還是平時都好好生意??左邊午餐, 右邊下午茶, 都差了10蚊~唔知份量會差幾多~我點了下午茶鎮江骨米線份量一般, 味道正常~ 不過我要讚下旁邊有麻辣的油, 加了辣油好食好多, 很香的麻辣味$38蚊的炸雞翼得2隻.....好似貴了D囉, 個米線又只係清湯咁, 計埋加一, 要42蚊@@....2隻雞翼....我要的熱豆漿都OK朋友汽水ZERO要另加3蚊總括來說, 食物正常, 價錢偏貴, 不過我應該也不會在這附近出現~ 

三人行叫三樣野：排骨菜飯（鎮江汁另上）、酸辣湯雲吞麵同豬手擔擔麵。 排骨菜飯黎先，每人食啲share。個人喜好鍾意鎮江汁撈菜飯，開胃啲。豬排幾鬆軟，唔錯。食左幾啖，侍應就上左兩碗麵。佢叫我地食左擔擔麵先，唔係會發漲。聽完拿拿林掉低碗菜飯，食左個麵先。個麵花生味幾濃，有啲蝦米仔，麵質ok，個味就冇咩特別，冇話好好食。個豬手有三舊，骨仲多過肉，不過幾林嘅。食完擔擔麵就食返菜飯，最尾先食酸辣湯。 食酸辣湯時個麵已經發漲左， 不過個味都唔錯嘅，個人覺得唔夠酸，再加左幾滴醋，食到後尾超飽。結論：share食湯麵要注意麵會漲。

馬鞍山可以話係一個美食沙漠，要係沙漠中搵食，必需身經百戰！間間都去搵食！今次就揀咗上海菜為主既餐廳嚟試，等咗一陣就有位啦，叫咗酸辣湯（大）好足料有豆腐絲、筍絲、冬菇絲同木耳絲，酸辣適中，正！之後叫咗個口水雞，個汁較得好好，辣得嚟又好香，D雞仲好嫰滑！三哥醉拿手，好香酒味，重點仲要去埋骨，啱晒鍾意啖啖肉既人！招牌上海粗炒，好夠味，夠晒鑊氣，份量好足仲要好足料（推介）之後叫埋三哥排骨菜飯，豬扒好大塊，好鬆軟，唔會好似街個D咁拿到冇晒未！呢間小店真係值得推介，服務一流！

很想很想吃菜飯的一個晚來，很少來到馬鞍山，並不熟悉這個美食荒漠，搜尋上海菜時找到這間小店來⋯ 由於不熟路看到地址不易找，走了不少冤枉路。（$48）紅燒豬手擔擔麵，擔擔麵的湯底十分香濃而且花生味很重，所以湯煮得很好。麵上有少許蝦米和菜碎，麵也煮得很軟跟湯底很配合。豬手煲得很軟身很入味，雖然醬汁應該配飯一流，但亦不想錯過擔擔麵。（$48）三哥排骨菜飯配牛腩汁，可以選擇鎮江汁、豬手汁、鹵水汁和牛腩汁，由於對醬汁沒有概念所以經店員推介後選擇了牛腩汁。排骨炸得很香，肉也很嫩，份量亦不少。原來醬汁加在菜飯上的，菜飯不會很油膩，加上牛腩汁亦不會乾乾的。（$52）招牌上海炒年糕，好味道的一味菜，經典的上海炒年糕以醬汁去烹調，年糕入味煮得軟身，配料亦不少，作小菜一流，份量很多，兩人吃不完都要打包了⋯

必點三哥排骨菜飯酸辣湯雲吞麵平日下午茶時間吃三哥感覺最划算！不用加一，又有豆漿送，價錢又較便宜。每次必點排骨菜飯，脆脆的排骨外層，配上鎮江汁，甜甜的味道，肉質鮮嫩。排骨沒有炸到乾巴巴的。在酸辣湯加入黑醋，令味道更突出，酸酸辣辣的，很開胃。幼細的麵條，滑滑的雲吞，跟酸辣湯很搭。