三哥廚房擔擔麵菜飯專門店

營業中

休息中

馬鞍山冇嘢食就係人都知，估唔到有間上海菜擔擔麵又幾出色，有水準👍🏻今次食三哥排骨擔擔面，其實就係炸豬扒😂麵質唔錯，湯底夠濃🙂起碼唔洗成日食連鎖店先啦🙈

自從有一日女朋友發現左呢間上海舖，發覺唔貴又好食，我既晚飯好多時都係呢度過。每次我都有叫雞絲粉皮，唔係話特別好食，但就覺得上海舖要食呢一味前菜。女朋友唔食正餐，叫左一個豬扒菜飯兩份食，加多個鎮江骨。呢個菜飯佢上次都話想食，今次終於食到，好滿意係珍珠米，仲好大碗，唔太油，加埋枱上既辣醬係超正。當然豬扒都好好食，女朋友鐘意食骨位，我負責食肉，好好味呀，一D都唔硬，又唔會好似台灣雞扒咁好多粉。鎮江骨好多汁，好冧又唔肥，我整完牙食呢個真係好GOOD

個個都話馬鞍山係美食沙漠，無咩好野食，放假就發現左一間餐廳，係馬鞍山警署對面，店鋪細細既三哥廚房，於是帶晉豬入去試下午餐，由於個人好鍾意食上海菜飯，特別個鎮江汁，撈飯一流，晉豬都話好食👍🏻真係好好味呀！最鍾意叫佢地比多個鎮江汁撈飯，一個餐夠哂我同晉豬食😂

今日在馬鞍山發現了一家新開的餐廳，價錢合理！餐廳的裝修是偏西餐，主打賣的是麵食，擔擔麵不知道為什麼沒有紅油，炸排骨覺得有點偏田了，口水雞份量十足，不過太過麻，雞絲粉皮還不錯

繼續尋找上海野😛另一半陪我完成任務 招牌擔擔麵（$30）湯底清甜有蝦米的味道，有濃濃花生醬味所以湯較稠身但絕不膩口👍🏼麵既掛湯能力佳而且有榨菜碎加了點咬口但不會鹹如果可以再加少少肉碎會更加好另外叫了小吃 五香牛肉（$38）份量驚人😳有8片而且每一片都好大塊中間有啲青瓜絲汁不濃味，似冷麵汁咁好清新牛𦟌冧得黎唔會一夾就散保持應有口感👍🏼平日冇加一，星期日同公眾假期就有

我鐘意食上海風味既擔擔麵，呢間就好岩我心水都係第4次黎食拉個湯好惹味，少少稠，有花生香平時食都唔會加配菜今次就試左鎮江骨汁好入味，肉都幾滑但啖啖肉食到我好有罪惡感

排骨菜飯好食！炸得好食！d菜飯有三隻味既汁你揀！揀左鎮江汁！另外有滷水汁同豬手汁！雞絲粉皮又好食！豆漿又好飲！其實食過幾次凍盤都係好食的！係上菜耐左d！不過好野唔怕等！

夜訪馬鞍山，居然有驚喜！嫩雞煨麵：大碗！上枱滾熱！雞湯味香濃！煨麵質夠軟！唯獨雞肉太老！整體好味、連湯都清埋。三哥排骨擔擔麵：炸排骨炸粉薄，肉質可以，味道較甜！擔擔麵湯底花生味香，但又保留雞湯味！滿意！其實三哥未必係米線，可以係上海麵！可retry！

星期日六點幾左右，店門外已經有十幾人等緊，但店員話如果唔係等大檯會好快，我地等左三個字左右，其實人流真係好快，上菜快，大家食完就走唔會霸住啲位，幾好!鍾意呢度夠光猛，睇落都好乾淨我地叫左雞絲粉皮、口水雞、雞絲煨麵，全部都好味道。特別係個口水雞，夠麻辣，好惹味開胃。另外想講雞絲煨麵，個湯好好飲，好多菜，不過雞皮太多XD

朝早係中大上完堂,午飯就約左男朋友一齊闖蕩十八區食肆!今日先去搭程巴士過格沙田海就到嘅馬鞍山!我地當然吾會去新港城廣場呢d高級地方覓食啦xd我地嘅目標反而新港城住宅個邊地下嘅小店今日係我強烈嘅渴求底下就揀左呢間食上海菜嘅鋪頭地方雖然細左少少但系勝在夠光猛所以睇落都吾會太擠逼=]老闆娘服務好好我地問野都會好耐心甘答我地^^我叫左菸鴨胸擔擔麵午市仲可以跟餐有野飲食擔擔麵就梗系跟杯甜甜地嘅豆漿最正啦xd豆漿好快就到(其實都系即刻斟出黎嘅嘖lol)對於豆漿本身都吾會特別大期望因為見到佢將一大袋manufacture好嘅豆漿倒入機所以都算系咁啦我最期待嘅擔擔麵都吾使好耐就到啦xddd見到全個碗都系個種花生色真系令我即刻流曬口水lol食落個陣花生味夠曬濃郁簡直系正呀!麵方面都處理得好好份量足夠之餘口感亦都吾錯吾會煮到太lum而痴埋一舊舊至於鴨胸就無咩野講啦lol中式煮法都吾expect會有咩特別以40幾蚊一個lunch set黎講絕對系好評尤其系中意食擔擔麵嘅朋友更加一定要黎試下!唯一失望嘅只有無諗過擔擔麵會系完全吾辣如果可以有辣就更正啦=]

係馬鞍山依個美食沙漠，要搵一間好野食好難，但最後都俾我搵到，依間係我巧合地搵到，因為有一日突然間想食上海菜如菜飯，擔擔麵，咁岩望到就入左去。之後入到去揀左三哥排骨菜飯，配鎮江汁，好似係佢地ge經典招牌菜。我發覺原來真係好好食，鎮江汁酸酸地好開胃，排骨淋得黎又好好食，豆漿唔算太甜有豆味又好好飲。價幾合理絕對岩大家食

周不時都會經過呢間三哥廚房~~ 唔算好起眼因為佢唔係新港城入面, anyway 我同我老婆叫咗佢地既三哥排骨菜飯, 份量都okay! 菜飯用d米係好似珍珠米, 岩曬我胃口, 而佢d鎮江汁係淋係飯上面, 排骨就另外碟上, 唔會俾d汁浸稔曬我地仲叫咗碗南京牛肉麵, 嘩! d牛腩出其地稔! 湯底都唔錯!之後我地仲叫咗個招牌酸辣湯同杯豆漿最後埋單$158連加一, 都算合理!

馬鞍山近年轉變非常大, 連鎖店多左, 就連食肆都係UCC、和民、翡翠...同外面大商場無咩分別。自從搬離呢區, 已經好少係度食。星期日度度都多人排隊, 即管OPENRICE有咩新野好食, 就見到呢間開左近1年既三哥廚房。我諗同譚仔冇關係掛?今次三個人一共叫左2個主食1個配菜, 埋單唔駛$150, 我諗同去快餐店食差唔多錢, 就當支持一下小店都值得既。排骨飯有3個汁可選, 今次要左鎮江汁, 原來汁係落左下飯面, 菜飯頗大碗幾好食; 排骨熱辣上檯, 稍薄肉, 粉唔算厚, 都炸得幾好。豬手擔擔麵入面麵條唔多, 豬手炆稔而入味, 如果可以再多幾舊就正啦! 唔夠辣可以再落檯面有既辣油, 重麻味, 唔錯。

加入會員多年 第一次寫食評 因為呢間三哥廚房 ! 老闆娘服務好好 ! 同男朋友第一次食, 本身想叫大既酸辣湯。但係老闆娘面帶笑容講解話:「2個人食大既會食唔晒,因為細既都有3碗既份量」(實際上有4碗 ;D)良心餐廳 同埋呢間D野食真係好好味 ! 本身仲有牛展($38) 但係佢最後先上 食到冇影相 ;D 牛展就一般般 

三哥廚房在馬鞍山區是新開的擔擔麵與菜飯專門店******************每次由馬鞍山市中心乘小巴回家，透過車窗佻望總會看到一家新開食肆燈火通明，食客永遠如雲，嘗試觀察食店名牌總被簷篷遮擋視線，有個下午的起心肝探險去，這時候人潮沒晚上般擠擁，抬頭一望，店名為三哥廚房，提供是川滬菜式。室內時尚設計，簡潔小巧，有別於一般老店傳統裝潢，令人感到舒適和溫暖。室內設計令筆者意外，她並非傳統老格局，反而換上清新白色，如純白牆上的鳥屋、小鐘擺設或優雅花花裝飾，配合柔和小燈都為整家小店增添不少親切和溫暖感。 這裡菜式不少，經典的酸辣湯、炒年糕、粗炒或口水雞都有供應午市和下午菜特價套餐以麵食為主，價錢由30元至48元是日午餐: 三哥排骨配擔擔麵和紅油抄手，十分精彩呀!望望餐牌得知這裡主打擔擔麵麵和菜飯，午市和下午茶特價套餐款式不少，如大路的酸辣湯雲吞、雪菜肉絲和鎮江骨等都不缺，引得筆者口水直流，什麼都有興趣一試，要了份三哥排骨配擔擔麵 HK$48，其實亦可選菜飯、清湯麵或白飯、紅油抄手 HK$38及熱豆漿兩杯 (一是套餐奉送，另一是額外點的HK$10)。****************一客三哥排骨