三多炸肶 (已結業)

宵夜想食炸雞脾就出去路德圍搵三多 叫一隻炸脾同一個豉油肉碎腸粉等十五分鐘左右三多炸脾 外面真係超簿既脆漿 超脆 熱辣辣 雞脾保留雞肉水份 外脆內滑 唯獨是雞骨附近炸得比較干身豉油肉碎腸粉 基本上係干炒牛河feel 只不過唔係牛河 係肉碎腸粉 但味道咸左dd 鑊氣都唔差架岩岩想買先知執左

前一日入大埔因緣際會冇食到本店，就食一食荃灣店頂頭隱。看店內的海報，三多現在己的特許經營品牌，歡迎加盟那種。$30一隻炸肶真的很貴，其他炸脾名店都未去到這個天價。與一般生炸肶不太一樣，它有薄薄一層麵包糠，有點日式吉列feel，更顯香脆，是我個人都喜歡的。雞肉嫩滑保有肉汁。叫少辣但辣度已頗高，要不停飲凍飲，而且辣粉分佈不有平均，一口勁辣一口無辣。味道其實是OKAY的，但負評來於環境和服務。店員包涵廚師極大聲喧嘩聊天，噪音熏天，當中有多少口沫飛落油鑊已不得而知。店內播的老土K歌選曲難聽已不在話下，而且音量直達disco，坐多一會耳膜真的會受損，不知員工能否申請由歐錦棠賣廣告的職業性失聰補償基金(難怪他們要以獅吼的方式吹水)。店內只有四個高枱高櫈的座位，除我在等外賣之外，只有一對情侶堂食到尾聲，之後他們走了就剩我一人。我坐的位置枱面沒有雜物，最多只是有點味粉，店員走過來說他要抹枱，要求的移到另一邊，沒關係。但我移到另一邊，他又說抹完那張要抹這張，要求我移回原位。其實我幫襯那個下午餐後晚市前的時段客量很少，到我拿到雞肶都沒有另一個客，為何我在店內短短幾分鐘要被滋擾多次，等一陣無客才抹枱會死嗎？

本人最喜歡吃雞肶，所以今天我和男友便去這間餐廳吃炸雞肶。其實 $30一隻雞肶真的太昂貴了，所以我們2人share一隻來吃。等了十分鐘，雞肶終於出爐了，雞肶十分大隻，而且雞肶的皮炸至金黃色，看了都想立即試吃。味道方面，雞皮十分香脆，不過真的十分邪惡，雞皮很肥很油啊>_< 雞肶肉十分鮮嫩多汁，十分juicy！雞肶肉雖然都有點油，不過吃下去時完全沒有油膩的感覺，味道不錯。雞肶十分大隻，啖啖肉真的十分滿足！價錢方面，一隻炸雞肶索價$30，其實真的有點昂貴，而且味道又不是太值得這個價錢。總結來說，三多炸肶的雞肶味道不錯，不過真的太昂貴了，試1-2次便可以了。

這一家炸肶店，店舖面積細小，大多都是光顧外賣自取生意，所以引來眾多上班族來光顧由點燈自取食物要預計10分鐘時間即炸，這時候可以到附近逛一逛回到家已經有15分鐘，拿起雞髀時，仍然很燙手，拍完照要馬上放下來😁放了這麼久都仍然很香酥，絕對沒有多餘的油滲出來！而且店員很細心，有提供一個膠手套方便食用。可惜太熱了，要用叉😂原來這裏的特色不單是炸雞比，還有很多小食、粉面，甚至炒腸粉和沙律，連飲料都是非一般的很有趣的名稱，爆檸柯檸黑牛金牛😂

每次經過三多都好想試，但每次都無Quota食佢，今次終於留肚去試😁去到發現原來加左價，變左$30，但既然黎到就唔會因為加左$1而唔試啦😏要左一件炸脾，話就話要等10分鐘，但其實唔駛等咁耐岩岩到手，真係好熱好香好熱氣🙊不過並唔算好大隻，可能我見過比佢更大既脾啦🤔外層炸得好脆，咬落去滋滋聲裡面既雞肉有醃過，但鹹得制，而且唔滑另外，最衰既就係有雞騷味食果陣仲諗點解岩岩明明見到個Menu話有辣辣地既味，但點解食唔出既呢原來係職員炸完之後會加調味粉，咁點解落柯打果陣職員唔問下要唔要加呢?唔通預左黎呢度食既人都知道有調味粉可以加?對此有少少失望只係一件即炸既普通雞脾，居然令我心思思左咁耐，認真唔抵...

如店名.三多炸肶當然要吃炸肶啦.$29 隻是有點貴.但貴是有理由的.點餐後現炸的雞脾要等約10分鐘.即炸脾熱辣辣.跟一般炸脾不同之處是沒有厚厚的炸粉外層.換上香脆的吉列感覺.內層包裹著滑嫩口感的雞肉.而且沒有了一貫的油膩感.袋上亦溫馨提示了食客「食雞脾唔食皮係一種罪」~~

好好好好好食雖然多油，成個袋油淋淋，但外脆，內軟大啖大啖咬29 蚊一隻貴左少少有個膠手套食左一半先知有個手套有手套，食方便d我地外賣。等左10 分鐘等既時候有d期待

想試三多好耐，咁啱行過荃灣分店，所以就算食完晚飯都走叫左隻炸脾食。餐牌仲有好多其他小食，下次會試下。因為即叫即炸，俾完錢大約要等10分鐘，等到好心急，但因為舖頭唔大，要係門口等，但又怕舖内叫我我聽唔到，感覺忐忑😆😆一拎到手不得了，熱辣辣，香噴噴，完全無油味。咬落去層皮好酥脆，肉嫩juicy。小妹本身偏愛重口味，覺得調味可以再濃啲。平時我食雞係少食皮的，但三多呢隻脾真係忍唔住成塊皮食曬。另外想讚佢有支竹籤穿住隻脾，食落好方便。整體滿意。

好野呀好懶離開荃灣既我地，有日行行下荃灣「搵食」，竟然俾我發現左大埔名物～～～「三多炸髀」係荃灣開左分店呀！！！😆😆👏🏿 十級興奮地衝左入店，但荃灣店有別於大埔店，係以外賣為主，不設坐位，只有設堂食立食位既。店內裝修都乾淨俐落，可能係新開張🙈雖然賣炸脾好似好油膩，但係店內就感受唔到份油膩感，亦都嗅唔到～黎到三多就梗係要試下佢地賣到街知巷聞～傳聞中既～🍗三多炸脾🍗啦！炸雞髀以吉列做法咁樣炸到外皮金黃香脆，外皮鬆脆，肉質夠嫩滑多汁。仲要大過手掌Tim!!! 未食都覺得好興奮😆 要即刻影相呃like!!! 一啖咬下即聽到脆脆既外皮聲，食落啖啖肉，十級滿足！好味！果然係大埔名物！包裝仲話埋你知😂 「食雞脾唔食皮係一種罪」Tim!!想唔想犯罪，你諗你啦😂除左order炸雞髀之外，仲有滷水雞髀（$29）同豉油肉碎炒腸粉（$35）。豉油皇雞脾（$29），因為食炸雞脾真係罪孽深重😂 所以試埋唔另一款都出名既雞脾就係～～豉油皇雞脾啦！呢個可能唔係炸，即時自我感覺健康左😂放心繼續大啖大啖咬，同炸脾唔同佢無左外皮脆脆的口味，而家外表都軟軟的連埋雞脾肉一齊啖超正😭（平時食雞會唔食皮嫁，一黎會肥，二黎真係唔好

「三多炸雞肶$29」三多原先就係大埔既，後來出名左就到到都有。雞肶炸到外皮脆身卜卜聲，內裡肉質鮮嫩，而且雞肶亦都大隻。不過無辣不喜既，可以試下加辣，相信更加惹味。「餐牌」我已經影左上載至openrice既「餐牌」入面啦，方便大家查閱相關菜式。📋

喺大埔出晒名嘅三多炸雞脾，想食又嫌遠既你，而家唔使心思思，入到咁遠就係為左一隻脾既你荃灣都有分舖啦！佢最出名當然係佢個生炸雞脾絕對冇得輸，因為係要生炸先會皮脆多汁肉汁仲有出煙好熱辣辣，佢個質素，係值呢個價除咗雞髀，呢個沙嗲雞扒炒公仔麵絕對唔可以睇少佢究竟除咗雞髀仲有咩咁巴閉！單憑一張相，佢究竟有咩魔力呢睇到個汁都覺得好重沙嗲味搭埋芽菜，每夾一主都有好多重口感，你食都唔會想俾佢停一個人絕對食得晒！會令到你每日都想食

三多個名成日聽身邊的朋友提起, 今日終於有機會一試雞比即叫即炸, 落左單要等10分鐘先有, 前面仲有好個人排緊, 所以都要等一段時間都幾貼心, 堂食外賣都送埋一隻膠手套食雞堂食都有5至6 個坐位 , 枱面應該冇人得閒清潔, 要自己黎新鮮炸起真係唔同D, 層皮好脆, 炸粉唔會過厚入便的肉好多汁好嫩滑, 有質素不過多油就真既, 一路食一路漏油, 但真係好好味, 間唔中食一次都OK, 因為28蚊隻炸肶真係唔平!

剛新開時日日都多排長龍，而家好d不用排很久，可以買傳說中既炸雞脾來試下啦。一開袋就見到炸雞脾肥美大隻脹卜卜，顏色金黃均勻，外表就好得la!食落外皮極酥脆，有d似吉列。肉很嫩滑而且多肉汁。味道不會過咸，果然好食！

由於成日行過都見幾多人會來買肶，終於今次鼓起勇氣拿出錢包來買隻$29既炸肶食。即叫即炸，所以要等10分鐘。個肶有支竹籤插住炸，幾穩陣，仲有一隻手套比店內桌上有紅辣粉，嗜辣者可自行灑用。$29一隻雞肶，其實係貴既。不過真係炸得好食，又覺得都值既好唔好食、抵唔抵都係對比出來既。這雞肶絕對是有厚度的，吉列皮只是薄薄的一層，絕對不會像「大大」雞扒。呢個肶味道似「香香」雞，亦都係咁juicy，或者更juicy，因為有埋皮（或者有人會覺得這是油膩但我不覺）。外加多種口感：吉列、雞皮、雞肶頭舊軟骨。非常建議唔怕肥又中意多d口感咬下既人，例如我，一試。

雞肶已經邪惡，仲要炸，最尾再加上辣粉，睇見已經流口水。剛開張時經過門口人山人海，今日經過見無乜人，唔洗排隊仲有位坐低慢慢嘆，所有點了炸肶及炒腸粉。等左10分鐘左右，炸肶一到，非常熱，根本無辦法即時攞起黎食，等左陣再慢慢分開隻肶攞啲肉黎食，肶肉很滑很香，皮夠脆，加上辣粉又係另一個境界，絕對想食完再食。