三多炸肶 (已結業)

想試三多好耐，咁啱行過荃灣分店，所以就算食完晚飯都走叫左隻炸脾食。餐牌仲有好多其他小食，下次會試下。因為即叫即炸，俾完錢大約要等10分鐘，等到好心急，但因為舖頭唔大，要係門口等，但又怕舖内叫我我聽唔到，感覺忐忑😆😆一拎到手不得了，熱辣辣，香噴噴，完全無油味。咬落去層皮好酥脆，肉嫩juicy。小妹本身偏愛重口味，覺得調味可以再濃啲。平時我食雞係少食皮的，但三多呢隻脾真係忍唔住成塊皮食曬。另外想讚佢有支竹籤穿住隻脾，食落好方便。整體滿意。