三家村水產 (已結業)

和朋友嚟到鯉魚門三家村郊遊，第一次來到你三家村，看到的景像是很多不同的漁船，風景不像香港仔那邊大，碼頭比想像中小但是也充滿特色，從西灣河坐船到鯉魚門村十多分鐘便到，看到鯉魚門出名的三家村，十分有趣。下午到西灣河出發來到三家村逛一逛想不到來到拍照拍一拍便拍了幾個小時， 通常人家來到三家村也是吃中式的海鮮菜，由於我們 不太想吃中式菜，想起在碼頭下船時看到一間日式海鮮店所以便決定到日式鋪頭吃海鮮菜。這日式鋪頭跟平常中式的舖頭一樣，有魚缸養殖著不同的海鮮，有很多不同的游水海鮮，例如長腳蟹，不同種類的蝦等。來到日式舖頭沙律前菜是少不了，首先來過蟹子蟹柳沙律，蟹子十分鮮味而且沙律菜很新鮮， 作為開頭很不錯。見到有炸白飯魚乾很是特別，平平的48蚊便可以試到新的菜式，炸白飯魚乾，外面脆脆的，但內裏又帶一點鮮味拿來配酒應該不錯。吃完了前菜後我們叫了自己喜愛的刺身就是牡丹蝦，牡丹蝦的價錢不特別貴，吃落非常新鮮，而且店內還會帶有炸蝦頭蝦尾服務，第一次聽到可以炸蝦尾一蝦兩食，正。由於天氣比較冷，我們也吃少一點刺身。店員推介了我們吃一個微燒了油甘魚他他。油甘魚他他把油甘魚腩刺身微微的燒熟，油甘魚的油份停留在油甘

鯉魚門出名食海鮮🐟，今次就去左三家村去食浜燒，我地食左刺身、串燒、浜燒同一夜干，每樣野食都超正❤️ 蟹肉伴蟹子沙律 $90 先黎一客沙律做前菜，用上蟹肉黎整，簡簡單單但都幾好食～ 季節刺身拼盤 $580 呢度一共有6款剌身，刺身新鮮肥美，係用左當日新鮮既海鮮，食起黎魚味極重，冇咩雪味，非常鮮味～ 我尤愛帶子，厚肉鮮甜👍🏻每一款刺身都好高質素！ 雞軟骨雞肉串 $28 燒到香噴噴，非常有口感！ 牛舌 $48 牛舌有三片，厚肉，肉味很濃，而且燒得好惹味！ 馬友一夜干 $328 我最中意食佢地條馬友一夜干🐟，唔中意食魚既我都食左好多～一夜干姐係新鮮既漁獲清理好內臟，浸鹽水再風乾一晚🌬～一夜干燒到層魚皮好脆✨，脆卜卜，魚肉仲好juicy同多汁，充滿魚油香而且咸香十足😋，師傅將魚肉起半，一半有骨，另一半就冇骨，咁我就慢慢享受冇骨個一邊，食唔停呀😍😍 岩手縣石蠔 $96/2  日本岩手縣石蠔燒完仲好大隻，海水味重，多汁肥美～ 浜燒帆立貝 $98 帆立貝厚肉鮮甜，非常有口感！食得出既鮮味！ 和菓子拼芝士餅 $58 甜品精緻可愛，芝士餅味道濃郁～ 當日既海鮮！

很快又到情人節和農曆新年, 除了努力打掃去辦點年貨最緊要的就是去找間好味又有氣氛的餐廳和親愛的朋友和屋企人去歡度節日~ 最近因為工作的闗係, 來到位於鯉魚門的三家村水產 記得小時來過鋰魚門吃海鮮, 印象中那時真的覺得很遠 但這次到來, 又覺得相當方便 除了有船可以直達外 坐地鐵的話, 油塘落車再行大約10-15分鐘就到了 我覺得好方便呀! 以後就可以多啲來了! 比流浮山輕鬆好多~~ 三家村水產是新開的!!! 除了有個無敵大大大玻璃窗睇到靚靚既海景外 地方真係好大, 坐得好舒服!!! 而且所有服務員都很有禮, 招呼周到 再加上食物真係每款都非常好味, 又好海鮮 整餐飯食得好開心! 餐廳主打日式浜燒, 意指餐廳會用上新鮮的海鮮, 即捕即食, 所以全部都好好好新鮮~~! 另外不要以為價錢會好貴, 出乎我意料外, 價錢算係中等, 而且有時會做Promotion, 好似這天我到來,生蠔就好抵食!! 另外客人可以自己來到枱櫃前, 看看海鮮的新鮮度和價錢再點菜 咁就可以食到最優質既食材了! 見到每枱都點一客蟹肉伴蟹子沙律, 所以我們都點了~ 蟹肉伴蟹子沙律 - 份量真的

已經好久沒有來過鯉魚門，今次有幸跟朋友來到這裡食飯，記得好久以前是在牌坊那邊的，但今次來的是另一邊，原來靠碼頭這邊是獨立的一家，非常有氣派，餐廳以日本浜燒及日式料理作主打，名為”三家村水產”，有別於傳統的港式海鮮飯店。餐廳設計裝潢以日系為主，配合牆身的日式繪畫，具濃厚的日本風格，地方寬大。近門口有各類新鮮水產，近窗是無敵大海景，可超近距離看到船泊岸，真的只有這裡才能感受到。檸檬薑茶(熱) $58天氣冷，先飲點熱的檸檬薑茶，暖暖胃開開胃，還有小火一直保持熱度，真貼心。鮮果茶 $58 （上）份量好足，鮮果茶味道清新，而且加了不少即切生果如士多啤梨、藍莓、奇異果等，很不錯。蜜瓜白好燒酎梳打 $48 （下）食浜燒配上一杯燒酎梳打，太棒了，蜜瓜中有淡淡燒酎味，燒酎中有微微蜜瓜香，十分喜歡。日本蕃茄伴和風沙律汁 $88蕃茄新鮮清甜，沙律菜翠綠，配上微酸的和風沙律汁，很清新很開胃。燒味醂河豚干 $88香氣撲鼻，口感煙韌，越嚼味越香 佐酒一流。季節刺身特上撰拼盤(8種) $888刺身擺盤很精美，賣相高貴得體，當中包括有拖羅、大連馬糞海膽、金槍魚、鱆紅魚、池魚王、象拔蚌、帶子和𩶘魚共八款。當中的拖羅、金

約了一班好耐冇見既朋友食飯, 有人提議去鯉魚門食海鮮，相約在鯉魚門牌坊等，心想都係食一般的中式海鮮小菜，但出發見朋友不是向著傳統海鮮街方向行去, 而是行去碼頭方向。步行約十分鐘便看見鄰近碼頭有一家日式餐廳, 門口有一隻巨型螃蟹作招牌和七彩斑的燈籠, 十分搶眼所有海鮮都標示了價格，絕不取巧。店員推介浜燒，浜燒係日本沿海居民的飲食文化，會將捕獲海產在碼頭即燒即食。我們看到每枱食客都有吃浜燒，相信應該也是店家的招牌菜，所以我們點了數款貝殼類做浜燒。炸白飯魚干將白飯魚炸成魚干即食香脆可口的飯前小吃。口感獨特，彷間少見，必點之選牡丹蝦兩食，先吃蝦身刺身，蝦頭和蝦尾酥炸。蝦身好大隻，蝦肉肥美鮮甜新鮮，不用點醬油已經很美味。再來是酥炸蝦頭蝦尾，炸得鬆脆可口，可以整個蝦頭蝦尾連殼吃，絕不浪費，入口沒有一般油炸的油膩口感，想不到如此美味。萬眾期待的浜燒壓軸出場，我地看到石蠔都嘩然，因為有手掌般大，一看便知很新鮮和肥美。店員介紹這個是岩手縣石蠔，由日本直送到港。上邊紅色的是本灣紅磨鏡，是比凡立貝更鮮甜的貝類，店貝介紹這個紅磨鏡不是常常有的。`店員在我們面前代燒，很貼心的服務，還一邊燒一邊講解，燒海鮮時會添

難得同老死一齊放假，佢提議去鯉魚門睇日落同食海鮮，天寒地凍，佢都好有興致吓！冇所謂啦，老死叫到一於奉陪。六點幾鐘睇完日落，除左個靚海景，仲有陣陣寒風！睇完又搵下有咩好食，叫海鮮實在唔在行，唔知咩價先係合理價，最怕做水魚。遠處見到有啲燈飾閃閃吓，有間餐廳喺三家村碼頭嗰邊，過去睇睇原來係日本餐廳，仲有個Q版財神。門面大，夠光猛，裝修都有漁港風味，全部都係木製或竹製矮枱椅，天花掛左啲燈籠。望出玻璃窗仲有無敵海景！叫左三樣野食：京都炸豆腐（$68 ）豆腐皮炸得好香脆，入面就係香滑豆腐，而且豆香冇因為炸完而消失。豆腐係浸喺日本醬油入面，但只係調吓味而唔會過鹹，上面仲有少少辣蘿蔔蓉吊吓味。季節白身魚薄切 - 左口魚刺（$280）白身魚同托羅比較起嚟油脂冇咁豐富，但勝在肉身細嫩同埋魚肉鮮甜味更突出。呢個左口魚刺身魚味好濃郁，若果點調味醬油嚟食我覺得會浪費咗。除咗好食，攞碟亦相當精緻，中間係刺身粒，下面有蘿蔔絲襯托，側邊就放咗小植物裝飾。師傅刀功了得，有啲薄切到半透明狀態，透出碟底嘅藍色，幾有美感。三家村海鮮艇仔泡飯（$288） 嚴冬下要食啲暖身嘢，泡飯材料有蝦同蜆，好大鍋。飯係日本青森米煮成，粒粒

一如既往，公司喺鯉魚門一間中式海鮮餐廳搞年終聚餐。席間一位住喺附近嘅同事提起，鯉魚門有間新開嘅日本濱燒餐廳，開幕時搞咗個開幕典禮，佢都有去湊熱鬧，仲有師傅即場切藍鯨吞拿魚俾來賓享用。當晚散席後同事指向位於三家村碼頭嘅三家村水產，遠望過去見到餐廳門面嘅閃耀聖誕燈飾，仲有大大棵聖誕樹，好搶眼。之前都食過濱燒，但喺海邊咁有風味就未食過，當時就諗住一定要去感受吓。今日嚟到就冇聖誕樹喇，但門口已經掛咗個2018恭賀新禧嘅牌，餐廳入面亦掛咗好多大紅燈籠，十分應節。相信臨近農曆新年又會係另一番景象。餐廳嘅另一「景點」就係「水族館」，清澈嘅水缸入面係游水海鮮，其他較大件嘅就喺前面整齊排列。每種海鮮都明碼實價唔係隨口噏，喺鯉魚門應該算係難得。水缸周圍亦十分乾淨企理，唔會一地都係水。【香葱金槍魚腩卷$188】金槍魚腩口感綿密，極濃嘅魚味帶少少油脂，份量唔多但已足夠散發味道。卷物外面就灑咗啲芝麻，仲有上面有少少黑松露，味道更豐富。【岩手縣石蠔$48/隻】價錢同出面餐廳食嘅生蠔差不多，但大隻好多，仲有店員幫手燒蠔，抵食啦～燒到一分鐘左右，店員就細心咁起個邊緣位同柱位出嚟，否則一熟左就會黐住個殼。店員一絲不苟咁

到鯉魚門食海鮮是常識吧，鯉魚門內有不少酒家，提供各式各樣海產魚鮮，但食得多中菜覺得悶悶地，可以稍移玉步到三家村碼頭旁邊的 <三家村水產>。全店以竹木為主題，加上特大無框玻璃，讓人感覺至身於艇上，飽覽鯉魚門海景。還定時有船經過停泊於旁邊三家村碼頭，風味十足。打看餐牌，浜燒、刺身、壽司、炸物 ... 選擇多。貝類更多達27款，應有盡有。門口左邊放有水缸，放著不同海產，以表新鮮之餘，又乾淨企理。店家主打「一夜干」，意思是把鮮魚內臟都清除，再浸在咸度與海水相約水中，一夜風乾，令魚鮮上依然保存，肉質爽實。最後我們選了都是跟一夜干做法相似的牡蠣一夜干，來自岩手縣的石蠔，燒得juicy，充滿蠔香，一夜干的確做到保留原汁原味京都豆腐伴芝麻汁選用日本直送京村豆腐，豆腐有濃郁豆香，質感軟滑中帶渣，不缺口感 ; 跟沙律菜共嚐，清新感滿分。季節刺身特上選拼盤 (6種)以乾冰營造冰冷效果，吸睛刺身盛盤有三文魚、呑拿魚、油甘魚、池魚王、帆立貝、象拔蚌，共六款當中象拔蚌的表現最出色，以往食的都帶點腥味，但這次鮮甜無比，非常爽口，充滿驚喜！帆立貝亦清甜無半點雪味！另外看到水缸內的生猛花竹蝦，按捺不住單

於東龍島荒山野嶺露宿左兩日，回程船上同旁邊同行露宿者講好左落船就找家較好的晚饍原來就碼頭隔離就有一家日本餐廳，向門外店員示意兩位，店員隨即敲打旁邊大鼓「洞」「洞」兩聲，就安排就坐。入門右邊有一排新鮮海產區，有數十種貝類海鮮，如魚市場一樣， 明碼實價，價格牌上更說明煮食邊法，有的是清酒煮，有的是浜燒，有的更可以刺身食用，再望後一點更可以看到廚師在處理海鮮，食得放心店員推介該店前菜小食，牡蠣一夜干，就是醃泡後把牡蠣風乾再烤煮，一串三件，蠔味非常濃，肚位甘香，那股蠔香在口內徘徊江戶前天婦羅拼盤168有赤蝦及蔬菜，後面的是素麵，如扇子般散開，每件都炸得薄脆香口，這菜式特別是配竹炭鹽，內裡有一種礦物味，同時對身體是健康的其後店員開始幫忙浜燒，我們點了兩款海產手掌般岩手縣石蠔，蠔身體形非常大，店員會先詢問石蠔熟度，之後慢慢加入木魚水，避免石蠔燒乾燒熟後，石蠔肚位脹於，絕不能一啖放進口，多肉肥厚，熟後的生蠔依然海水味濃宮崎縣帆立貝，帆立貝燒到半熟後，貝殼會自動彈起，此時店員會拿走蠔殼蓋並清走內藏帆立貝一開四，啖啖厚肉料理長特上選六年壽司(松)由右起有赤身/ 油甘魚/ 拖羅/ 帆立貝/ 象拔蚌及海膽壽

今天心情是前所未有的好，因為好友說放工後，要帶來到一個神秘的地方，面對大海，吃新鮮直送海鮮。放工後相約到西環滙合，原以為他會帶我到近爹核士街吃飯，誰知來到碼頭，坐船直到鯉魚門的三家村。 由西環坐船到三家村，大概需要十多分鐘，說實，這天天氣急降，非常寒冷，不過，沿途境色還是非常不錯。下船後步行不到1分鐘，就來到三家村水產。 三家村水產這個名字，聽起來好像有點古色古香，其實餐廳主打日本滨燒，所以，裝修設計上充滿日本風情，而滨燒的意思是指將剛捕獲的海產，在海邊即燒即食，所以餐廳於三家村碼頭開設，以鮮活新鮮海鮮作招徠。 甫入餐廳，可以看到各式各樣新鮮水產，這些水產全都是時令海鮮，記得小時候媽媽說過，用魚眼來判斷海魚的新鮮程序，這裏的海魚全眼睛全都是凸起的，當中以東京喜知次最吸引，而且牌上還寫明可以汁煮或燒。 另外，岩手縣石蠔同樣非常吸引，蠔身超大，而魚缸內更有多款活海鮮，自由自在的遊來遊去。 蟹肉伴蟹子沙律 沙律的份量非常多，內裏放了大量的蟹肉，令原本平平淡淡的蔬菜，頓時變得吸味，鮮味大大提升，而蟹子入口脆卜卜，亦可以加強口感。 花竹蝦(刺身) 雖然花竹蝦的價錢有點貴，1隻就需要HK$138

今晩帶女朋友入鯉魚門食飯，知佢鍾意食水産餐廳，所以一定喜歡「三家村水産」。因為除咗嘢食正之外，個 view 真係不得了。京都豆腐伴芝麻醬 ($70)嚟個沙律先，同岀面啲水産比，呢度份量好大份喎，應該用咗成磚豆腐。豆腐好滑溜，加埋啲芝麻醬好開胃。抹茶紅豆東瀛旋風 ($48) 抹茶好香滑，上面有 cream，仲有粒粒紅豆食，價錢算平。季節刺身特上選拼盤 ($580)有六種當日新鮮的海鮮。今晩就係章紅、池魚、象拔蚌、三文魚、吞拿魚同埋帶子。全部都係非常高質，厚身，鮮甜同有口感，同放題嘅刺身完全唔同層次。一夜干 ($328)咩係一夜干？原來餐廳每朝早會由漁船捕獲嘅鮮魚種內揀最適合嘅嚟做一夜干。捕撈後要係八小時內完成漁獲的處理，要先將活魚剖開、清除內臟、清洗乾淨後再浸係同海水濃度相似嘅鹽水中，風乾後就製成一夜干。哇整條魚都咁多 Steps，今日就係食馬友。賣相好正，將條馬友切開一半，一人一邊唔洗爭。脆卜卜嘅魚皮好似食薯片咁，魚肉好滑，又 juicy，魚油好足夠。骨幾大條所以好易起到啲肉岀嚟。因為浸咗鹽水所以好夠味，連酸汁都唔洗點。岩手縣石蠔 ($48/隻) 嚟到依度點可以唔食浜燒呢？隻石蠔好大隻

入鯉魚門吃海鮮就不陌生，但今次我們是去吃日本海鮮。我們在星期一晩前來「三家村水産」，門口裝的修已很有趣，很有日本水産的色彩。雖然只是星期一，但餐廳卻毫不冷清，竟有八成滿座。所以來前記得提早預約，坐在窗口旁的位置挺好氣氛，有機會看見不同船隻經過。前菜是京都豆腐伴芝麻醬 ($70)，份量很大唷！凍豆腐非常滑溜，伴上芝麻醬格外開胃。哈蜜瓜沙冰 ($68) 賣相吸引，用雞尾酒杯呈上。味道有哈蜜瓜的清甜，上面還有蜜瓜粒呢。季節刺身特上選拼盤 ($580) 有六種當日新鮮的海鮮。章紅帶有粉紅色光澤，味道甘甜清爽，脂肪豐富，口感紮實。池魚肉質緊實爽口，略帶油味，味道鮮甜。象拔蚌肉質鮮美爽脆，柔中帶爽，爽滑中帶鮮。三文魚是厚切，很有嚼勁，而且非常新鮮美味。吞拿魚也很厚身，油脂味濃郁，質感滑溜。帶子有檸檬味，令其鮮味更特岀和鮮甜。餐廳最岀名的是一夜干，但又是什麼來的？原來餐廳每朝會從漁船所捕獲的鮮魚種內挑選最適合做一夜干的魚種。捕撈後要在八小時內完成漁獲的處理，先將活魚剖開、清除內臟、清洗乾淨後再浸泡於與海水濃度近似的鹽水中，風乾後便製成一夜干了。一聽到這繁復的步驟就知一定要試，而今天的時魚就是馬友($