三家村水產 (已結業)

一直都沒有機會試呢一間三家村水產，今次終於有機會試到。餐廳地方唔算十分大，望住海邊嘅枱得兩三張，咁好彩啱有客走，於是有機會坐到望海既枱。去到當然要試下啲磯燒海鮮，海鮮種類好多，有平有貴，今次試咗一桶燒日本蠔，勁大隻嘅帆立貝，新鮮北寄貝刺身，燒雞泡魚干，清酒煮花甲，燒鮑魚，海鮮粥，燒牛舌，燒蘆筍豚肉卷。燒日本蠔最抵食，$68 一桶大約有八隻，燒海鮮嘅時候都加任何調味，所以味道比較清淡，但就食得到海鮮嘅鮮味。除咗燒海鮮，燒牛舌同埋燒蘆筍豚肉卷都很好吃，但感覺串燒類比較貴。鮮北寄貝刺身非常爽甜，海鮮粥則一般，沒有預期嘅鮮甜。邊間三家村水產雖然地點唔就腳，但環境氣氛都唔錯，已磯燒海鮮來講價錢都唔算十分貴，仲可以自己帶酒去，免開瓶費。

我是在HKTVMALL Mall買海鮮團購卷的，家人聽到起初有D抗拒，因為以前經驗唔太好，但今次呢間我購買前睇曬openrice 101篇食評才決定買，感謝各位朋友肯寫食評，才促成這事🙏🏻最後家人一致讚賞，食物新鮮有水準👍🏻👏🏻，除左海鮮重食左燒烤、壽司、甜品，都一致好評！店舖非常貼心，為鼓勵食客光顧，只要晚市消費$500及提供收據就津貼的士費，值得鼓掌👏🏻👏🏻👏🏻記得保留收據。詳情請參考圖片。

成日都同朋友去鯉魚門食海鮮，今日就係附近見到呢間三家村，一睇落去好日式，入座仲會有人擊鼓㖭啊！lol，近窗邊位仲可以睇到日落～不過要人多先可以坐大枱啵～睇咗Openrice見到好多人都嗌季節刺身特上選拼盤，超豐富！有成8款刺身～仲要唔細份㗎，大大力推薦，成盤最鍾意帆立貝同馬糞海膽～鮮甜！坐咗一陣見到隔離台有得食浜燒～我地都唔執輸！嗌咗少少海鮮嚟試吓先！主打係佢地嘅鮮甜生蠔睇住佢燒到熟再放入口感受佢個陣鮮甜～真係好享受！貴妃蚌同鮑魚未燒已經開始瘋狂地郁！lol睇嚟佢地都好想快啲比我地食落肚～貴妃蚌帶有少少咸味～食落勁爽口！其他食物相已經唔小心比我地消化咗。。。

上次黎落哂雨，今次好天仲要book6點，由黃昏時食到天黑。今次買左團購活海鮮浜燒盛合，有活鮑魚、蠔、貴妃蚌、帆立貝、馬刀貝、海中蝦。質素同上次一樣，唔會因為團購而質素差左。鮑魚帆立貝都係大大隻今次服務員show一show比我地睇個拼盤，然後喺室外燒店員妹妹仲同我打招呼話記得我地，真係好sweet呀!今次我地帶左呢枝水滴大吟釀配浜燒，好夾!先黎四點壽司，有金槍魚腩、金槍魚、油甘魚、海膽。炸白飯魚乾，脆卜卜，係佐酒必點小食，好美味!燒海鮮，燒得啱啱好。唔會過火，最鍾意係隻鮑魚，鮮美彈牙三家村海鮮粥用咗木魚水做粥底，特別帶出海鮮嘅鮮味!雞皮串燒，燒得超乾身，好似食薯片咁 最後點左和菓子拼朱古力餅。Chocolate cake幼滑香濃，和菓子唔太甜，一人一件剛剛好! 晚餐過後吹吓海風先走

雖然話就話係我生日～不過正式做野第一年～決定帶爸媽食返餐好嘅！係不斷Research吓搵到呢間三家村～係鯉魚門少有嘅日式水產店！非常高質！因為已經係4月中去食～而家個桶蠔優惠應該無咗～但如果去食見到有平！絕對要試！！！可以揀係外面一次過燒 ／ 自己枱燒～因為當晚外面都有啲忙～就係自己枱燒啦！（爸爸不斷大讚負責浜燒嘅姐姐好厲害～全部食物都Keep住多汁鮮甜）超肥美漲卜卜～一桶有成9隻～我地仲嗌咗啲海鮮～唔好睇份量好似好少～慢慢燒慢慢食都好飽㗎！媽媽最愛嘅蟶子皇！平時食開中式炒／蒸嘅～今日浜燒一樣爽口彈牙！好味！睇住隻鮑魚係個燒爐度掙扎～勁生猛～燒個陣仲會加佢地自己煲嘅木魚水～等啲肉會唔太乾！有殻嘅食物我地都無諗住放過佢地lol白雪雪嘅肉～仲要同個殻差唔多大細～絕對肥美無得輸～～食到差唔多埋尾～媽媽話頭先係外面見到有魚掛係度曬～又為食想試下lol本地疆代表嘅馬友一夜干食落油份充足～唔係咸魚味嚟架！唔洗餸飯都一樣食得晒！服務態度一流～燒嘅時間都會講下食物嘅特色！同客人有足夠嘅交流同互動～

是日老公話要帶我到一個特別嘅地方食dinner，一路揸車唔話我知喺邊。結果入左去位於鯉魚門三家村碼頭的三家村水産。三家村水産正正位於三家村碼頭旁邊。店內裝潢充滿特色，而且更能飽覽港島東的景色！三家村水産的店員非常有禮，還會於每道菜式上之前為食客介紹食物！十分體貼！首先第一道點了日本豆腐伴金槍魚腩蓉($98)店員溫馨提示可將醬油倒在中間or旁邊 ，金槍魚配上入味的辣蘿蔔，令口感非常rich！之後點了四道壽司($218)壽司有:金槍魚腩，金槍魚，油甘魚及海膽壽司店員有禮提醒我們先吃海膽壽司，因為是軍艦，所以紫菜易溶，要盡快食用！魚類壽司非常肥美！而海膽則是非常鮮甜！絕對是一級之選！另外點了清酒煮紅甲8隻($158)店員首先介紹紅甲是花甲類，之後十分有善地替我們分。花甲非常鮮甜而且沒沙，湯底更是充滿酒香，一定要飲埋呢！店員推介我們福岡系燒島蠔($68)現在做新推廣68元一桶！店員說因爲生蠔多汁怕會彈到我們所以替我們燒，非常貼心！磯燒生蠔每隻也脹卜卜，非常鮮甜，不用加添任何醬油已能突出味道！三家村海鮮炒麵($158)也是十分推薦! 海燒炒麵味道十分香濃和足料，更有帶子在內，超級惹味！三家村非常

山長水遠入到黎鯉魚門食飯,就係為佐食呢間"三家村水產"聽朋友介紹呢度d嘢食好正,就黎試下啦.料理長特選四點壽司拼盤分別有金槍魚腩,金槍魚,油甘魚,海膽4款,toro系中拖,已經油脂感好重,好香ge魚油味,海膽好新鮮,好正.而個赤身味道好濃郁.唔錯.燒生蠔，燒貴妃蚌呢度ge生蠔都幾抵食,日本空運過黎即叫即燒,價錢唔貴,生蠔都幾厚肉,燒得剛剛好,汁多,好鮮.鵝肝牛油果卷卷物都幾唔錯,分量夠,面頭有蟹子,牛油果卷幾好食,個汁唔錯.活魚一夜干今次黎食ge一夜干系鮮馬友,全部都系大骨,所以好容易食,肉質好鮮,味道啱啱好,燒得好靚條魚,重點條魚夠靚!菠蘿金耗一夜干第一次食金耗串燒,幾好味,味道好濃郁,同菠蘿又出奇地夾,令到距好fresh!雜錦天婦羅烏冬稻庭ge烏冬一定系出色ge,而呢度個天婦羅都炸得唔錯,有蝦,番薯,茄汁,蓮藕片,如果有炸紫蘇葉就好啦!三家村海鮮粥海鮮粥好多料,有蝦,一d貝殼類等,好香ge海鮮味,ge粥底又煮得幾好.沖繩和果子,北海道芝士餅芝士餅好好食,精緻得黎,其實都夠曬,和果子味道幾特別.今晚ge日本料理好滿足,食佐好多新鮮ge海鮮,呢度整得真心唔錯!!推薦

可能大家以為鯉魚門仲淨係可以食中式海鮮，好似瀨尿蝦、龍蝦伊面，而家鯉魚門可以食到既仲有呢間三家村水產。同好多黎食過既朋友一樣，無論裝修抑或食物，比我既感覺都係覺得好似去到日本咁。日式糖心蛋同一般食到既糖心蛋有啲唔同，蛋白比較實，但蛋黃依然流心，係一個不錯既開胃小食。日式豆腐金槍魚腩蓉魚腩蓉好香油脂味，配搭凍豆腐食好清新，又唔會搶走吞拿魚味道。季節刺食拼盤4種刺身拼盤分別有油甘魚、三文魚、甜蝦同帶子。 咁岩呢4款都係我既飛佛，最好食既係帶子，好新鮮好甜。油甘魚都好唔錯，食落油脂雖然未到頂級，但一定對得住呢個價錢。四點壽司- 池魚、帶子、牡丹蝦同埋象拔蚌壽司呢個池魚真係不得了，一般池魚刺身都係連皮，原因係皮口感好特別，有啲𡁻頭，一食油脂充滿口腔，冇得彈。牡丹蝦亦非常新鮮，店員仲會主動問你蝦頭想生食定炸，好細心。北海道貝類墨魚面呢一碗面包括最少四類貝類海類，其中各種貝類既名我都唔太清楚，只知道湯非常鮮甜，蜆食極都仲有，鮮甜既海鮮忌廉湯加上墨魚面異常地夾。馬友一夜干所謂一夜干就係將新鮮捕獲既魚去除內臟濾處理後，放入與海水相近濃度鹽水浸泡。然後風乾製成一夜干，據說咁樣魚鮮味就得以保存。呢條濱燒馬

來三家村呢度食海鮮，真係一次有美好的難忘的體驗，無論食物同埋環境同埋服務都好悶意，其實價錢上亦都幾合理，唔算好貴，之後可能會帶屋企人再來食。入門之前，仲有門口個靚女擊鼓歡迎。呢種排場，令在下受寵若驚。睇OpenRice ,睇到D相都已經覺得好靚，見到實景，原來地方仲寬敞，最正就係可以對住過海食嘢，久唔久仲可以見到有船經過!海鮮吧可以自己過去揀海鮮，真過癮！我朋友就聽過鬼爪螺，而我就未，店員解釋俾我哋聽，原來鬼爪攞香港都有，但係香港嘅水質唔夠乾淨，所以佢嘅鬼爪螺係入口自日本的，摵出來juicy 到爆啲汁出來，味道鮮甜得來甘甘地，幾特別，用來送酒真係好好的選擇。真係好抵食， ＄68有成桶蠔（福岡系島活蠔），睇住佢燒，慢慢蠔殼就爆開，驚心動魄，緊張刺激，食落勁creamy，又香蠔味，超正！海鮮粥真係冇介紹錯，煮得幾滑，而且有少少蛋花，仲香，一人一隻大蝦，啖啖肉，好彈牙的肉質。刺身有六款，每款有兩片，慢慢享受，有金倉魚、左口魚、池魚王，油甘魚，帶子，三文魚牡蠣一夜干，類似蠔豉，加埋菠蘿咁燒原來味道都幾夾。

最近公司賺到錢 所以老細就帶我地食好嘢老細車左我哋去你鯉魚門嗰邊一開始仲以為食中菜點知原來鯉魚門竟然有一間日式水產成班即刻好興奮一入到去就見到有一個位置放晒啲新鮮水產可以比我地揀咁我哋就揀咗燒蠔同清酒煮紅甲試下啲燒蠔仲要咁啱有優惠 $68 八隻而且都十分新鮮 紅甲同清酒嘅味道都好夾之後就叫咗個六點刺身拼盤每一件都好新鮮之後叫咗芝麻鰻魚卷同埋冷稻庭烏冬鰻魚卷好大件 而稻庭烏冬清清地幾好仲叫咗個海鮮粥都好足料 海鮮嘅精華入晒個粥入面好鮮甜之後就叫左啲串燒叫咗海膽牡蠣一夜干 牛舌同埋雞軟骨一夜干好特別 之前未食過而雞軟骨係同平時嗰種唔同呢種好爽脆 好好味

原來佢正正係三家村碼頭果到仲以為佢係鯉魚門海鮮入面印象中呢個鋪位 方廢左好耐或者係我黎親佢都無開門口可以泊車入面既海鮮檔 7成係黎自日本既海鮮呀第一次黎太多野揀唔知食乜好搵店員推介下原來有日本生蠔佢幫你執一桶 大約有6-8隻啦 視乎生蠔size跟住拎去燒 燒到半生熟 入面超級juice落少少鹽同埋檸檬汁 好鮮好好食仲嗌左個6款刺身因為係揀海鮮果時見到鱈魚刺身未見過 未食過 平時煎既鱈魚就食得多所以唔係幾好意思甘問下店員 轉唔轉得佢居然話ok wo 好野 萬歲 (其實會唔會本身都係6款裡面)我想講呢個吞拿魚 雖然唔係腩但係好食wo!! 平時係出面貴既都食唔到呢個口感同埋新鮮仲有左口魚 油甘魚 帶子 鱈魚 同埋三文魚全部都好新鮮 個帶子仲要入口即溶!!鱈魚都好食 油甘魚又係好新鮮 好肥美仲有個未見過炸白飯魚好食 炸到一塊塊餅甘燒安格c 牛 同埋雞肋軟骨仲有少少肉係上面燒到岩岩好 呢個燒蠔又係店員推介海膽燒蠔+ 菠蘿燒蠔呢個紅鬼蝦佢地話好新鮮 拎黎燒一流!! 一隻就夠2個人食佢地真係每款海鮮番黎都有試過 先知道白烚好定燒好d 甘先推介到比客人架嘛仲有呢個必點一夜干!!真係好好食wo 個味入晒

提到在鯉魚門品嚐海鮮，一般人會聯想起什麼魚翅海鮮酒家，都以中菜為主。沒想到有店家想到在三家村碼頭旁，開了一家日式海鮮濱燒。如此別樹一幟，當然吸引到我們的目光，前往一探究竟。濃濃的日本風情，在店門口就已經感受到。日式居酒屋的裝潢，門外擺放著紅色大鼓，每逢客人光臨，店員都會敲響大鼓，以日語高呼歡迎。安頓好立馬有侍應詳盡介紹菜單。除了菜單上的選項，客人還可以到門口旁的魚缸挑選海鮮，即點即燒。季節刺身特選拼盤（6種）和風海鮮餐少不了刺身。拼盤的擺放十分有心思，賞心悅目。象拔蚌鮮甜爽口，帶子size大而厚，三文魚、油甘魚、吞拿魚等每件都厚切豐盈，表面透著一層油脂光澤，新鮮程度可見一斑。鹽燒牛舌串燒燒得不錯，表面微微帶暗紅且散發著焦香，口感嫩滑juicy。馬友一夜干是店家的招牌菜式，浸了鹽水、放了一天風乾的馬友，竟保持肉質嫩滑，一點腥味也沒有。馬友本身就有鮮味，不沾調味吃可以；也可以加點檸檬汁；也可以將蘿蔔蓉加入酸汁點綴馬友的鮮味。各有風味，任君選擇。而且店家很細心的把馬友開了邊，吃起來更是方便。槍烏賊一夜干，除了馬友，店家還提供其他款式的一夜干。我們就挑了槍烏賊一夜干。火喉剛剛好，邊邊的地方有點

細細個爸媽最鍾意放假帶我地周圍去，食好西。今日同妹妹過開黎呢頭，發現原來鯉魚門唔止得港式海鮮食，仲有日式海鮮，岩晒鍾意食日本野嘅我地。松前漬$58鯡魚籽拌入昆布等材料醃製~比較濃味，配沙律菜食就岩岩好～鯡魚籽脆卜卜帆立貝刺身$145牡丹蝦刺身$170兩款刺身都非常新鮮！帆立貝夠厚肉，牡丹蝦夠彈牙，蝦肉爽脆鵝肝牛油果卷$168呢款創作卷物，牛油果打成蓉再放面，鵝肝牛油果口感都係比較軟滑，加埋又幾夾，中間再加左青瓜條，層次豐富安格斯牛肉串燒$68煙肉車厘茄串$48串燒夠晒熱辣辣，燒烤味濃，調味夠香～海老天婦羅盛$228有6條大蝦，炸粉夠薄，卜卜脆好鬆化～蝦肉一樣彈牙，我發覺呢度嘅蝦真係特別靚～餐廳仲會照人頭留起兩個蝦頭另外炸比你，蝦頭炸到薯片咁脆，又多膏！完全估佢唔到咁正～銀鱈魚西京燒$188銀鱈魚醃得好入味，魚肉燒至剛熟，肉質嫩滑，魚皮香脆，同沙律醬係絕配～三家村海鮮粥（小）$118細個最鐘意食砂鍋粥，特別有風味～粥底係用魚肉魚湯黎煮，難得唔腥米粒仲好軟綿～雖然海鮮只有新鮮中蝦同蜆，但因為蝦超級鮮甜，所以好夠味～和菓子拼芝士餅$78唔講唔知我係芝士蛋糕控，黎之前已經爬左文話呢個拼盤好好味

之前黎親鯉魚門都係食海鮮酒家多，今次黎到見到有呢間新既日本餐廳，裝修得幾靚，又有魚缸養住啲魚，感覺唔錯，所以就改左黎呢間餐廳一試。首先叫左個季節刺身特上選拼盤，$388有六款刺身，每款兩片，全部質素都ok，唔會話超級上乘，但絕對對得住個價錢特別鐘意深海池魚同帶子馬友一夜干，$328，係經理推薦既，真心超好食原條馬友份量十足，可能三至四人share 會較好～睇番menu 個介紹，一夜干即係新鮮漁獲處理同浸泡鹽水後，風乾而成，個時睇完之後第一下諗「好似鹹魚喎，得唔得架？」，但食落口完全唔同，呢條馬友既魚肉有彈性得黎保留燒得剛好既細潤，加上宜家係馬友當造既季節，魚脂豐腴，味道鮮美，簡單調味既做法已經食得出馬友既滋味魚脂比較豐富既緣故，食到最後或多或少會有些少膩感，個時就可以將魚肉輕蘸酸汁再食用，頓覺清爽不少！全晚最鐘意係呢個，強烈推薦！鰻魚飯，$198，份量看似少，食起上黎都幾飽下，鰻魚相當肥美，不錯燒福岡系島蠔，$68，有8隻蠔，相當抵食！燒得唔錯，蠔身都幾飽滿，可惜蠔味比較淡，所以口感一流但味道略為失色～江户前天婦羅拼盤，$178，難得係香港食到質素唔錯既天婦羅食起來唔會成口油味呢點，已

今日見天氣唔錯，唸住去鯉魚門食海鮮。冇book任何一間餐廳的。係鯉魚門兜咗個圈 。見到三家村碼頭有間日本海鮮餐廳。觀望咗一陣。人流都幾多。所以最後都揀咗唸間 “三家村水產”。門外職員鳴鼓歡迎食客入座“ 咚咚咚”。入座後職員殷勤招待。介紹餐牌食物。海鮮全部由日本不同地方引入。非常新鮮。先揀海鮮（浜燒），有職員幫你燒埋的。職員仲話，燒嘅時候要加一種由廚師每日新鮮做嘅“目魚汁”。呢個汁會另到海鮮唔會燒乾及會帶出海鮮鮮味。褔岡系島豪$68有8隻。超級抵食。隻隻豪大大隻，脹卜卜。又新鮮。中蝦$88~有2隻。新鮮程度係燒嘅時候係"腳印印"的。蝦頭又有糕。蝦肉爽白珍珠蚌$108~有2隻。第一次食。蚌肉都係脹卜卜的。蚌肉夠大隻再叫咗清酒沙白蜆$78~6隻，隻隻蜆蜆肉大大粒。清酒味濃但唔會搶咗蜆肉嘅鮮味。安格斯牛肉串燒$68~一串有4片。每片厚度適中，牛肉軟，牛味香柚子牡蠣一夜干$88~一串有2粒，係食蠔嘅另一口味。柚子帶出蠔嘅鮮味。槍烏賊一夜干$118~好大隻呀！廚師控制得好好，烏賊唔靭又有肉汁。好香日式糖心蛋$28~2隻。好juice，好流心。三家村海鮮粥（細）$118~有2隻中蝦，2隻蜆。粥低鮮甜