三少爺 (已結業)

尖沙咀韓國街新開左間越南餐廳, 地方唔大, 服務質素一流~ 入座時,老闆娘已經熱情招待, 介紹各款湯麵既製作方式, 同埋推介幾款必吃美食比我地~【三少爺蝦湯麵】HK$90 湯底有好濃郁既蝦膏甘甜味, 係餐廳每日以超過7斤既新鮮海蝦蝦頭同蝦殼淆製左6小時而成, 用心製作既一碗湯麵, 配上豐富既食材, 包括開邊小蝦球+切片豬腩肉+魚片+雞蛋+通菜+豆卜~ 切片豬腩肉醃得好林好入味, 而魚片頭好爽甜彈牙...再配合油麵, 非常飽肚!!【香茅豬扒喇沙】HK$63 好中意呢個喇沙湯底, 有微微既咖哩清香, 入口有少少辣, 愈食愈開胃! 連件豬扒都好林, 配上金邊粉, 入口好滑, 而且索左少少喇沙湯底, 完完全全食到呢個湯底既精華!【大少爺雙炸】HK$48 呢個併盤包括生炸蝦餅同芝士蝦春卷每樣各二....生炸蝦餅炸得表面乾身, 內裡鮮甜彈牙, 而芝士蝦春卷外表好香脆, 入面有好多既栗米粒, 不過芝士味唔太突出【越式札肉】HK$30 札肉兩面稍為煎過, 味道口感同自己屋企煮既差不多, 唔太特別【小店炸雞脾】HK$35 炸得好乾身, 外表好脆, 脆到有聲, 而且雞肉嫩滑, 好Juicy~【古法豬頸肉

店員一入去自動波介紹menu(懷疑其實係老闆娘)😇咩最好食最多人食啲湯底煲點淆~巴巴巴~點雞翼雞比 蝦餅餅點整點整 呵呵呵樣樣野都唔錯~特別係三少爺湯面真係好有蝦味同鮮味~😍雞脾好入味，正~!仲竟然有得碎上，幾個人都可以開心share🤗🤗🤗🤗仲送左幾隻雞翼比我地食，雖然都好似人人都有😅喇沙略為清淡，可能小弟本身鍾意濃厚啲既味道蝦餅同豬頸肉有啲失望，同平時街外食到既差唔多，唔突出🙄

之前睇完蘋果動介紹已經Bookmark咗今日終於有機會一試嗌咗個三少爺蝦湯麵同芝士炸蝦卷喇沙唔知係咪新開張原因，仲會送小食(瑞士雞翼)同嘢飲個蝦湯聽講每日用咗7斤蝦去煲，真係名不虛傳，真材實料。而喇沙個湯頭都好甜，肯定係我食過嘅Top 3我唔係咩專業食家，不過我對喇沙都幾挑剔，好似X坤，XX工房，個啲我食過一次唔會再食喺度我feel到有滿滿嘅人情味同好用心去經營，呢樣係我最Impress，老闆會同你閒話家常，介紹佢地嘅招牌菜，個用餐感覺好好，好到要寫評支持一下

餐廳細細，但得一位女侍應。呢位女侍應好細心，問你黎過食未，本人未黎過啦。咁佢就介紹左佢地啲招牌菜，蝦湯面（講明係用左7斤蝦去煲呢個湯底），到個麵上嘅時候，又好驚你會誤會係好辣，因為佢地仲用左蝦膏油去煮。我就叫左一碗叫"三少爺蝦湯麵" 份量十足，本人都叫大食，原先仲想叫多個小食，點知佢仲同我講，所有叫麵餐嘅客人都會再送一份小食。十分有心思，希望佢地可以保持呢份心思！小食係送左瑞士汁雞中翼，雖然得一隻但都足夠表示佢地嘅用心同誠意，雞翼好入味同好滑！最後跟餐有嘢飲送，但只係得汽水、紙包飲品同枝裝水。係美中不足左少少，不過我就加錢叫左佢地今日嘅特飲，木瓜煲雪耳十分滋潤，唔太甜好有屋企自己煲嘅感覺。總括黎講係可以再黎食過，唔食蝦嘅朋友唔洗擔心。因為佢地都有一般好大路嘅越南粉麵同飯類！

今天和家人出街食飯，諗住抱住試吓的心情入内，試了它們幾个菜式，我試了它們的招牌菜、三少爺蝦湯麵(鮮甜蝦味重)、厚切豬扒又淋又多汁，最重要是冇味精，食後不口喝，食物質數有水準。

食品水準很好,蝦湯麵超出色！！蝦味好濃郁，推薦－下    XXD之後再叫咗個小店炸雞肶，份量好足, 唔覺得用厚粉去炸......但味道好夠。。。。。。會下次再幫襯。。。＾＾