三少爺 (已結業)

最近吃了超好吃的麵，真的超推薦！！！ 吃到的味道就像早幾年在馬來西亞吃到的一樣，還要更好吃！ 這店是我上次在尖沙咀金巴利街吃韓國菜時發現的， 在芸芸韓國餐廳當中，唯一一間東南亞餐廳，這令我留下了頗深印象， 因為我想，如果不是好吃的話是無可能在這裡立足。 果然沒有推斷錯誤，三少爺實在值得一去再去！ 三少爺位於韓國街中，門面不大所以有點不起眼， 但在眾多韓國餐廳當中也不難發現它， 店面不大但全部都是半卡位，坐得舒服！ 我們約莫7時半去到，當時只有 2 枱客人， 但到 8 時開始多人，很快就坐到滿滿了。 店內裝潢別緻，照片清晰、食物賣相吸引。 其中很吸引我的是牆上的大時鐘，它是真的會運行的！ 三少爺蝦湯麵 HK$90 來到三少爺，又怎麼不能試試這裡的招牌三少爺蝦湯麵呢？ 蝦湯底用超過 7 斤的海蝦拆出蝦殼及蝦頭， 混合 14 種香料，每日新鮮淆製長達 6 小時， 才得出約60多碗濃而不膩的蝦湯精華。 首先喝一口蝦湯，果然十分濃郁，滿滿都是蝦的精髓， 麵底是油麵，可以免費轉米粉底金邊粉，但第一次來還是試試原始的。 配料十足，有 2 隻大蝦、切片豬腩肉、雞蛋、通菜、豆卜。 蝦同樣很有鮮味

之前黎呢條街都係食韓國野，都無留意到有呢間我地叫左蝦湯麵，同小食A01 (即係蝦春卷同蝦餅各一件)首先蝦湯麵，一試湯底覺得唔夠熱，但的確蝦味濃郁，個腩肉好食！肥瘦均勻油麵底，都夠大碗。不過賣$90 (連汽水或紙包飲品)又好似有d貴。但係勝在湯底飲得出係熬左好耐，d蝦既精華出哂黎勝在夠熱！足料彈牙其實食物唔錯，但兩樣（加汽水）就已經$138略嫌少少貴同埋真係湯底同腩肉加分之外，其他麵同配料都好普通，並唔會特別想再去食

早前看過某youtuber介紹了一間位於尖沙咀韓國街的小店，推介該店的蝦湯麵很出色，用上超過7公斤海蝦再經過6小時熬煮而成，味道濃而不膩，令到我都很想一試! 這天特意前來，發覺小店裝潢簡約，很有家庭風味. 剛過了午市繁忙時段，小店寧靜舒適，這段時間用餐最好不過了. 三少爺蝦湯麵 ($90) 當中的配料有蝦、切片豬腩肉、魚片、雞蛋、通菜& 豆卜，實在相當豐富. 呷一口，湯底香濃而不油膩，配上油麵已經很美味，最重要真材實料、無添加，即使喝了很多蝦湯也沒有口喝的現象. 二少爺海鮮喇沙 ($73) 這碗喇沙配料也相當豐盛，包括: 青口、魷魚、蝦仁、豆卜& 芽菜，同樣選配了油麵. 喇沙的色澤不算吸引，但喝下去就覺得味道濃郁亦帶有辣勁，令人愈吃愈開胃，想不喇沙湯底也不比蝦湯底失色. 古法豬頸肉 ($30) 烤得金黃的厚切豬頸肉，爽口惹味，不用沾泰式酸辣醬已經很好吃. 大少爺雙炸 ($48) 已包括生炸蝦餅 & 芝士蝦春卷. 前者蝦肉爽口彈牙，後者加上芝士及香甜粟米粒，口感更豐富，個人較欣賞芝士蝦春卷呢! 炸雞脾 ($35) 生炸雞脾需要等候約10mins，但絕對

昨天到這間三少爺一嚐招牌蝦湯麵，其間這間鋪我一早已收藏在我的最愛餐廳之中，碰巧昨晚到紅館睇演唱會，睇完好多食評感覺應該不會中伏吧，所以就即管試試。很多食評都推介：蝦湯麵、炸雞脾，炸蝦餅、芝士蝦春卷，我們叫了以下：蝦湯麵、炸雞脾蝦湯麵及芝士蝦春卷。蝦湯麵先到，一早賣哂油麵，所以揀咗矇粉，嘩個蝦湯真係好香，飲咗一啖湯先，的確我相信是他們聲稱的用7斤蝦來煲的湯，好香濃👍🏻配料有豆卜、魚片、兩隻中蝦、芽菜、半熟蛋，樣樣都好新鮮。我朋友揀的炸雞脾蝦湯麵選了金邊粉，值得一提的是，矇粉和金邊粉都好煙un，店員話不是一般貨色，是來自越南的，的確食落與坊間的口感不同，我覺得好好味！炸雞脾食得出是生炸的，好新鮮，但略嫌不夠味，如果腌下先炸應該會更出色，不過皮很脆，不油膩，熟的程度剛好，其實好考功夫👍🏻芝士蝦春卷都不會油膩，但味道一般。必定會再來幫襯，試埋蝦餅（店員話要晚上才供應）

跟太太一起看完電影後 , 便百無了賴地在尖沙咀 , 有俗稱 ( 韓國街 ) 的金巴利街漫遊 ....沿途上我們發現了這間門面老實 , 但食物又滿有特色的餐廳 , 貪吃的我們又怎會錯過這種良機呢 ~Menu ~看來 ,食物的種類也不少 , 但我就點了比較有特色的 三少爺蝦湯麵 $ 90三少爺蝦湯麵 $90 (餐送汽水) : 這碗湯河很是足料 , 賣相也吸引 , 食材有 油麵、蝦、豬腩肉、魚片、雞蛋、豆卜、通菜 ; 湯頭味道濃郁醇厚 , 一入口便嚐得出富有蝦香 , 而據菜單所示 , 此湯乃是以蝦殼、蝦頭、14種香料熬製出來的 .... 難怪 , 每一口都是精華和鮮濃之味 ; 食材也不簡單 , 豬腩肉片十分入味 , 入口柔嫩 , 潤口而不覺膩 ~炸雞肶 : 炸雞肶夠大隻 , 皮炸得脆卜卜, 即叫即炸 , 最重要是炸得夠熟透 , 而熟透之餘 , 肉質既滑嫩又沒有雪味 , 調味得宜 , 很好吃 ~ 本篇完 ~

早幾日，見到Post有人分享此處蝦湯麵有其過人之處。於是，立即找時間尋寶品嘗。三少爺蝦湯麵果然沒有令人失望! 蝦新鮮又爽口，湯底相當鮮甜濃郁，蝦味不斷湧現，相信店家用了很多蝦殼及蝦頭才可以熬出這個好湯底，真材實料。 入面的米粉及豆卜吸收湯的精華，每一口都相當有蝦味。豬腩肉滷得好入味，豬皮口感QQ，有驚喜！朋友點了芝士蝦春卷喇沙，欣賞餸及湯粉分開上。 芝士蝦春卷外表炸得金黃酥脆，蝦爽口彈牙，再加芝士爆漿，口感好豐富！金邊粉厚度適中，好順滑，吸湯一流。而喇沙湯底香料味突出，味道比相像中辣。見餐牌有邪惡的炸雞脾，我又抵受不住誘惑，點了與朋友開心分享。 雞皮香脆，內裡保留滿滿雞油，雞肉又嫩滑，好味！吃了那麼多濃味食物，最後以胡麻豆腐沙律作結。 豆腐配胡麻醬乃是不敗組合，味道好夾。沙律菜沒有苦味，整體不錯。

讀過食友的食評得知 ⟪三少爺⟫ 的出品是很合自己的胃口，個人喜愛東南亞美食，尤其是那些香口惹味的食品飲品。 據悉店家的蝦湯麵是非常了得，湯底熬足6個小時，運用了超過7斤海蝦熬煮而成，非常期待走去喝。 開在韓國街上的 ⟪三少爺⟫，實而不華的小店門面， 但我卻被牆上的大鐘 及 可口可樂的裝飾海報所吸引著，難到店家老闆也和我一樣是『可口可樂粉絲』 !? 餐牌上有介紹自家售賣的食品的精粹在於那兒，即例如⟨蝦湯麵⟩是 運用了超過7斤海蝦熬湯、⟨凍檬⟩的魚露及醃蘿蔔是自家製兼沒有加糖精等等。 下午茶的特點是Ａ至Ｅ款的售價是比原價便宜十元兼⟪送汽水⟫，小食在下午茶時段會⟪送汽水⟫！ 大少爺雙炸 $48 (生炸蝦餅＋芝士蝦春卷)〖生炸蝦餅〗是一開四件，點菜時店員有講過蝦餅是即叫即打成餅再炸，因此製作需時，他們是不會用街外現成的蝦餅來欺客。 蝦膠蘸上麵包糠才炸，所以金黃的外表吃著是有點脆，蝦餅彈牙，蘸少許甜辣醬來吃會有一點點鮮。 〖芝士蝦春卷〗是一開二件，把米紙裹著蝦膠、芝士、粟米並拿去炸，熱辣的春卷讓味道變得多層次，有著米紙的煙韌、蝦膠的彈牙、芝士的香濃、粟米的清甜，這份春卷是無需要蘸甚麼也會好吃。

好友特別喜歡食粉麵等有湯主食，是日經過韓國街去買辣椒粉整泡菜，見到三少爺招牌有啲印象。兩個人行行吓都有啲肚餓，既然有好友喜歡嘅喇沙，姑且一試。友人第一眼睇餐牌就已經決定叫二少爺海鮮喇沙。我就左思右想，本來比較喜歡食凍檬，但諗起自從離開灣仔工作後，好多年未食過令自己滿意嘅蝦湯麵，三少爺自己喺餐牌寫話每日用蝦殼蝦頭加大量香料淆製六小時淆出蝦湯精華，既然蝦湯麵係餐廳主打，當然要一試真偽。先上友人的海鮮喇沙，喇沙湯底有好濃郁咖喱香味，顏色亦偏向黃綠色，比平日食開的新加坡喇沙深色及少椰奶味。來到三少爺蝦湯麵，顏色深紅對板，有好香蝦湯味，飲落味道似龍蝦湯，証明真係用蝦殼蝦頭淆製。配菜用通菜、豆卜、雞蛋、魚片、豬腩肉同蝦亦見地道。大少爺雙炸係蝦餅同芝士蝦春卷雙拼，蝦餅爽口彈牙，芝士蝦春卷則皮薄香脆，包裹著蝦膠芝士及粟米。田園沙律用上西式沙律菜，加蕃茄青瓜粟米及日式芝麻汁，清清爽爽增加饍食纖維。三少爺沒有清水提供，不過跟麵飯有$10飲品送，可以加錢轉其他。

經朋友極力推介，今晚放工一於黎試下馬來西亞風味話明叫「三少爺」，我真係諗住會係年青人主理，但原來是一位和藹可親的女士招待我地！今次兩個人黎食飯，雖然天氣有啲凍，不過都點左個「胡麻豆腐沙律」，豆腐好滑，配上芝麻醬汁，十分開胃，而且個人覺得先食少少沙律，係有助消化然後，叫左一個「瑞士汁雞翼」，雖然好似好普通，但尼度的味道做法唔簡單小店使用左獨門烹調秘方，令雞翼特別入味，唔會只有雞翼表面沾上醬汁，相反將瑞士汁更滲入裡面，肉質更有質感！最後，叫左一個招牌菜「三少爺蝦湯麵」「蝦湯」係用超過七斤蝦頭和蝦殻，混合14種香料，每日新鮮淆製長達六小時，而且仲係限量每日約六十碗「蝦湯」味道濃郁，飲落唔厭，而且好有屋企人煲湯的感覺，最後仲要飲曬湯麵的配料有豬腩肉、蝦、雞蛋、魚片、豆卜同埋通菜，相當豐富！老闆娘熱情有禮招待，仲好有心解釋蝦湯的源頭，原來早係以前，係由中國福建傳到馬來西亞嫁大家可以留意呀，小店宜家仲有埋外送服務嫁，覆蓋範圍將會越來越廣，有興趣可以致電查詢

尖沙咀金巴利道一向是有名的韓國街，出名滿街都是韓國食店，不過原來在街道上的一角座落了一位三少爺，主攻越式餐飲。 支裝維他奶好少地方會有得飲，仲要係溫熱的，近排香港天氣極速急降，維他奶應該很受歡迎吧。 牆上掛滿很多食物照片，配合可口可樂的廣告設計，裝潢有別於一般越南餐廳，反而更有美式風格。其中一面牆用上了一大個時鐘作裝飾(真的會運行的)，成為了我男朋友的大愛。 先看餐牌，餐廳首推的是蝦湯麵，湯底使用了超過7斤海蝦的蝦頭及蝦殼熬煮而成，相信定必蝦味逼人，不過由於我近來都受濕疹所困擾，所以唯有忍一忍口，遠離一切海鮮。越式扎肉 $30熱辣辣的扎肉率先上檯，五香味的味道恰如其分，沒有過濃，而且扎肉亦彈牙爽口。 香茅豬扒喇沙 $63湯底比一般吃到的喇沙顏色更深，原來是因為三少爺的喇沙咖哩比例較高，味道濃郁而且香氣撩人，比坊間其他以椰奶為主的喇沙香濃得多了。金邊粉夾雜著大量芽菜，入口爽脆更具層次，而湯中的豆腐卜吸收湯汁後則美味無窮，一口咖哩味道在口腔中滲出，百吃不厭。香茅豬扒本身有一定的厚度，食落有肉汁又不會過韌。炸雞翼湯檬粉 $50一上檯時發現這碗檬粉又跟出面食的有兩處不一樣：1. 湯底的顏色不

琴日約左女朋友係尖沙咀搵好西，之後見好耐無食過越南野就揀左依間三少爺試下啦～一揀左就揀左一碗＂三少爺龍湯面＄９０＂同＂豬頸肉撈檬＄５５＂。滿心期待依碗龍湯面，以為佢會好濃味。但一試過湯。。就徹底失望。。。。個湯係有蝦味但好淡，完全唔係其他評家所寫咁香濃。。。成碗面得幾舊魚片，兩隻蝦，少量通菜，同一隻蛋。。隻蝦食到尾仲要係苦傻的嗎完全唔值＄９０！個湯仲要勁油，成陣油係面。。大家睇相可以睇到而女朋友個豬頸肉撈檬就好好食，特別係啲豬頸肉，好香口好脆！啲檬粉好滑身好好食，而個汁味都岩岩好，唔會偏酸食到尾仲有好多汁，如果少汁啲會好啲。間房好乾淨，坐得好舒服

晚上一人晚餐，蠻多客的。點了炸雞脾湯檬。（$58包一包紙包飲品）湯底是雞湯，加了少少炸蒜片。湯偏小咸。感覺上炸蒜片搶去了雞湯味。湯底沒什麼變化，一般。檬粉麵底，份量夠。 像壽X牌的健康麵。配菜有幾塊生菜。如果有多幾樣配菜賣相、抵食度會更好。雞脾可碎上。味道偏咸。外層香脆。ok好吃。感覺上不會比快餐店雞脾更好。總括，普普通通。

呢間餐廳近排都有好多人訪問過，所以一於決定去試下，果然真心無得頂呀先來了前菜，豆腐沙律本人是極度愛食豆腐的，所以一見到有豆腐沙律就即刻點啦！沙律醬係有芝麻、花生醬，而豆腐應該係百福豆腐泥既，開頭諗住應該又會係一粒粒超細咁，但點知竟然係一片片既豆腐，真係唔會孤寒呀😍之後就到左小食啦，點了蝦餅春卷拼盤，呢間餐廳真係好用心製作，就連點蝦餅既醬都係自己研製嫁！而蝦餅都非常新鮮，蝦味非常濃，而且應該係岩岩炸起的。春卷有別於平時咁，首先唔會好油，其次唔會一夾就散，而且裡面既材料都好足好豐富，唔會一堆粉咁。真係好有心機嫁！上菜時老闆仲解釋因為所有炸物都係即點即炸，所以都會比較耐少少。但其實一路食住等又唔係好覺耐姐😛主菜就點左店主推介既豬頸肉撈檬，開頭望個賣相覺得好似好清淡，無乜味，仲諗緊會唔會係無俾醬我地呢？但原來醬汁都係底部，可以慢慢撈，個醬汁都係餐廳調校既，絕無味精！至於檬粉亦唔係平時係港式餐廳，或者中式酒樓食開果種檬粉，佢地真係採用越南檬粉，非常彈牙爽口，好乾爽。配合埋餐廳自製醬汁就真係一流啦！當然唔少得就係豬頸肉啦，豬頸肉唔會好難咀嚼，亦唔會太油！其實果日仲想試埋佢其他款蝦湯面啦、炸雞脾啦等

返咗三日工，話咁快又來到周末，見這天天氣唔錯，沒預期般寒冷，所以兩口子就決定趁「特惠星期六」，搭港鐵外出，先到九龍公園逛逛，再去有「小韓國」之稱的金巴利街超市入貨。回程時，老公提議不如在附近歇息一下，找個地方，吃頓午飯才回家。初頭還以為他看上了那間韓國菜館，原來是被這家主打蝦湯麵和喇沙的《三少爺》所吸引。從門外往內望，估唔到店子小小，但捧場客極多，座位幾乎全部坐滿，看來食物水準應該不差，反正已很久沒吃蝦湯麵，就一於入內試試。安坐後先拿起餐牌看看，麵食分為 5 大類，有蝦湯、喇沙、瑞士汁、凍撈檬及熱湯檬，另外還有多款配上自家蔥油的太陽蛋飯及 13 款小食。第一次來新店，當然是點招牌菜，見這客三少爺蝦湯麵 ($90)  押上店名，應該是得意之作，就先來一客。麵食端上後，店員建議我倆先嘗一口蝦湯，味道果然不俗，顏色好搶，夠曬鮮甜濃郁。再挾起油麵入口，質感滑溜，而且蝦味濃厚，帶微辣。細看配料，有蝦、滷水豬腩肉、魚片、雞蛋、通菜和豆卜等，用料十足，絕不欺場。幾款之中，最愛就是切片豬腩肉，油潤帶滷水香，肉脂分明，與蝦湯簡直是絕配，非常好吃。至於另一款麵食就點了炸雞中翼瑞士汁撈丁 ($58)，先將丁

如果唔係朋友帶路真係唔知尖沙咀有條金巴利街，因為只知金巴利道朋友知我鐘情湯麵，專登帶我食這店出式的用蝦做湯底嘅麵店，但我今日試咗個二少爺海鮮喇沙因該聞到隔離枱好香，朋友就點了蝦湯麵比我試，入面有青口、魷魚、蝦仁、豆卜同芽菜講真係一點少失望，首先湯底唔夠熱，二來海鮮唔算新鮮足料，隻蝦仲有少少霉，魷魚好細粒又唔夠彈牙，個粉都叫做滑身同吸到沙嗲味，只可叫勉強合格反而個小食炸蝦餅同芝士蝦春卷幾好味，外皮炸得香脆，而入面有爽彈效果