三尖外賣煲仔飯

營業中

休息中

在外國生活了幾年, 雖然當地也有各國的美食, 奈何還是會缺少一些香港的"家鄉菜”, 其中煲仔飯絕對是我其中一款最愛. 回來的7天檢疫中, 看見居然有外賣煲仔飯, 覺得非常驚奇. 要知道除非原煲送來, 否則放在外賣盒中煲仔飯通常只剩餘溫, 飯焦亦香味口感盡失, 不如不吃. 但因為在apps中只此一家, 所以抱著一試的心態落單.估唔到有大驚喜： 我叫的是黃金流沙肉餅飯和焗蜆. 先講焗蜆, 雖然蜆仔細細, 但鮮味十足, 熱度亦足夠, 最緊要是食晒成盤都無沙, 唔駛一路食一路吐（沙）, 痛快. 然後到肉餅飯, 飯夠熱, 肉餅真心厚, 我懷疑不太喜愛肉餅的人根本食唔晒, 最神奇的是明明個錫紙煲外面冇燶, 如何可以做到有飯焦？酒店的食品質素欠奉已是預料之中, 不過食了好幾天也難免開始厭惡. 幸好有這救星, 滿足了難受的腸胃, 一掃鬱悶的心情.

今晚無煮到飯啊~懶人梗係打開個apps 叫外賣~陰陰天落雨多想搵D野暖下身, 竟然比我搵到外賣煲仔飯油麻地三尖外賣煲仔飯, 落單後12分鐘後就做煲好, 而且款式選擇多,肉餅/ 豬肉餅/ 雞肉到咸香海味都有以錫紙兜盛著有飯焦的煲仔飯, 加上紙盒, 送到屋企都熱辣辣香噴噴隨飯盒仲送埋青蔥菜莆同豉油150蚊三盒任選都幾OKAY~-1.臘味三寶臘腸、臘肉同膶腸臘腸油份適中，臘腸肉香滲進飯裡, 每一口都散發陣陣的臘腸香，肉質都香濃柔韌, 配上豉油調味, 一口臘腸，一口白飯，撈飯一流。-2.丁香銀魚肉餅超多銀魚~~咸咸香香的銀魚配搭肉餅, 有肉香又有魚香, 簡單就係美味啊~-3.海味三宝蝦乾, 銀魚同乾瑤柱, 蒸焗後飯裡就是一啖啖海鮮香味~蝦乾,夠大隻, 乾瑤柱撈飯夠美味吧~Simply is the best~

今晚喺佐敦做完野，見倒呢間新開煲仔飯店幾吸引就買左番屋企食。每個煲仔都用紙盒裝住好衛生，煲仔飯仲獨立裝左蔥、辣菜脯同豉油。滑雞臘腸｜滑雞有先醃過，好入味，而且無骨啖啖肉🥰臘腸有一整條，唔會食到成口油，瘦肉同肥肉平均，煲仔飯一要有臘腸😋白飯粒粒分明，仲有飯焦添😍原味焗蜆｜蜆雖然唔係好大粒，但都好肥美，完全無沙👍🏻仲辣辣地，好惹味。原粒鮮香元貝仔肉餅｜肉餅好厚身，超有份量😍加入左元貝多左陣鮮味！肉餅好軟腍仲冇肉汁，加埋煲仔飯豉油食，味道一流🤤三款都好出色，下次想試埋臘味三寶🤤

呀媽落Order叫我放工去佐敦買糖水，再順便買埋晚餐😅。我預先喺外賣平台App搵定有乜好食，其中「三尖外賣煲仔飯」嘅食物好似唔錯喎，價錢唔貴，又啱食。店舖喺正彌敦道巴士站旁，所以我見有唔少人都買個飯先搭車。店內環境乾淨整齊，食客可以放心👍。廚房地帶有十幾個迷你飯煲整齊排烈，相信同一時間能夠處理多張訂單。小店強調煲仔飯十二分鐘就拎得，佢果然無呃人，時間管理做得好好⏰。基本上大家嚟到就拎得，唔需要追單或呆等。呢度顧名思義主打煲仔飯🍚，大致上分四個類別、共十二款選擇，除咗鰻魚飯之外，其他定價為$55或$58，而$150就有三個。另外仲有兩款小食。黑白胡椒豬肚粒肉餅煲仔飯($55)，🐷肉餅有成五款揀，我諗咗好耐要鹹蛋嗰款定係胡椒豬肚，最終見後者好似特別啲，所以就挑選咗佢。佢無令我失望，胡椒味濃郁，豬肚粒混入喺肉餅之中，煙煙韌韌，幾得意。肉餅好大件兼厚身，食落口感唔錯，夠結實，唔會太淋太爛。佢比我嘅感覺仲有啲似日式漢堡扒，哈哈。滑雞臘腸煲仔飯($58)，🐔雞件有好多嚿，而臘腸亦足成條，鋪滿飯面，一啲都唔孤寒。肉汁滲透於飯裡面，所以呢款飯更為入味。同時，每個煲仔飯均搭配幾條小棠菜。白飯本身亦都幾出

⭐️又肥美又大條嘅鰻魚煲仔飯（$68）😍呢個價錢有原條鰻魚真係好抵✨ 叫完即刻整12分鐘就有，啱晒我呢啲咁心急嘅人🤣拎到返屋企仲係熱辣辣，個底已經加咗鰻魚汁如果唔夠重可以加入豉油、秘製菜鋪同香蔥。黃金流沙肉餅（$55）肉餅大大塊好多肉汁，黃金流沙即係鹹蛋黃，識落充滿鹹香而且唔會好膩，送飯一流呀😍.The Eel Claypot Rice ($68) here surprise me😍 This price is really good for an eel 🤣 The bottom of the rice has already been added with sauce. You can also add soy sauce. The Claypot Rice with salted egg Meat Patty ($55) was my favourite, salted egg yolk will never disappoint you😍

下了一整天雨，氣溫低了不少，這種天氣出入冷氣地方或乘搭交通工具都令我覺得好凍，今朝還被冷氣吹得頭重重（中女怕冷身子弱了🤦🏻‍♀️）今晚去朋友家聚會，途中經過佐敦這間小店，不斷有人駐足原來是外賣煲仔飯的小店，正正適合今天需要吃點暖暖東西的我。傍晚六時，已見到櫃面有五至六袋包好的外賣，看來也蠻多人幫襯呢！店子還標明：「即叫即整，12分鐘拎得」十多分鐘？有時等麥記外賣也不止這個時間呢，還即叫即整，真的一試無妨呢。選擇也不少由小店步行到朋友家也差不多十五分鐘，到步後大家未肚餓所以放到七時多才吃，但飯仍是暖暖的。大概是用了錫紙煲所以比較保溫，而且錫紙煲用完丟了便可，不用還煲那麼麻煩。最後選了黃金流沙肉餅、甘香臘味三寶和日式蒲燒鰻魚三個煲仔飯。日式蒲燒鰻魚煲仔飯本來我也想：鰻魚煲仔飯也有夠新穎呢！但朋友堅持想試，就試試吧。沒想到這樣的crossover完全沒有遺和感，甜甜的鰻魚汁和煲仔飯的甜豉油美妙地混和在一起，不錯👍🏼甘香臘味三寶煲仔飯臘味三寶有臘腸、潤腸和臘肉。臘腸和潤腸的質感比較結實，沒有太多肥豬肉，正合我這些又要貪吃又要怕肥的女生。黃金流沙肉餅煲仔飯內餅上淋了鹹蛋黃，而蛋黃滲入白飯之中，令飯

每日收工都搭巴士都經過呢間舖，睇住佢開張，越嚟越多人幫襯，好似都幾穩陣，於是影低咗佢哋張menu, 臨收工前WhatsApp叫定，覆得幾快，而且唔洗15分鐘就整好，我去到真係拎得，非常準確，叫咗個臘味三寶飯，痴線，臘味香喺個袋湧出嚟，好想即刻喺車食🤣。返到屋企都30分鐘，即刻打開，包裝好乾淨企理，個飯仲好熱，足料，米粒夠分明，最驚喜係啲飯焦，金啡色，仲脆脆哋，早啲食一定更正！值得欣賞佢哋將煲仔飯豉油、蔥、辣菜脯分開上，夠貼心。下次一定推介比同事，食lunch可以舒舒服服喺office食，而且$150可以任揀3款煲仔飯，性價比係幾高，唯一可惜只有外賣自取或者app。

參觀完 M+ 博物館，落咗去上海街買糕點。回程時路經彌敦道，喺國貨公司附近見到有間「三尖外賣煲仔飯」。店員落力推銷，反正今日行到咁攰，唔想買餸煮飯，一於外賣返去做晚餐。先睇下餐牌，有 4 類煲仔飯，另外仲有 2 款煲仔小食：炒腸粉同焗蜆供應。有人係肉餅粉絲，第一時間揀咗原粒鮮香元貝仔同家鄉爽甜梅菜，買夠 $150 可以任選 3 款，咁就一於加多個臘味三寶啦！店員話佢哋嘅煲仔飯係即叫即整嘅，所以要等大約 12 分鐘先有得拎。睇下 Pack 得幾整齊企理，每個煲仔飯都用一個鋁錫兜裝住，再用紙盒獨立包裝，據說可有效保溫一小時。甘香臘味三寶：臘味三寶有臘腸、潤腸同臘肉，臘腸油潤有光澤、潤腸甘香味厚、臘肉肥瘦相間，而米飯亦粒粒乾爽甘香。另外隨煲仔飯還會附上秘製辣菜甫、煲仔飯豉油及蔥花，拌入米飯中同吃，分外惹味。原粒鮮香元貝仔肉餅：肉餅做得好有水準，鬆軟入味，既腍滑又富肉汁，保留到豬肉嘅纖維同彈性，唔會一夾就散，內有原粒元貝仔，入口鮮香味濃。另外個家鄉爽甜梅菜肉餅飯亦係誠意之作，肉餅肥瘦適中，咬下彈牙有口感。梅菜爽脆味香，甜而不搶，份量又夠多。飯粒分明，食到最底仲有飯焦，飯焦金黃焦脆，食落好香口，

香港人食煲仔飯一定係諗起廟街，不過去過都知環境衛生情況相當一般，去到都係食佢嘅風味。最近廟街附近向住彌敦道近寧波街就開咗一間三尖外賣煲仔飯，令你可以食到乾淨企理嘅煲仔飯，仲可以將風味帶返屋企。煲仔飯都有好多選擇，價錢亦唔貴。所有煲仔飯都係即叫即整，12分鐘就拎得，真係快靚正。店內安裝咗多個電爐，用嚟製作煲仔飯，非常專業。度身訂造嘅紙盒，仲可以將煲仔飯保溫達1小時。用錫紙兜裝住嘅煲仔飯，夠晒乾淨衛生。煲仔飯會另上豉油、蔥粒同菜脯，自己點調味都得。第一次幫襯，當然係試吓最基本嘅臘味煲仔飯。呢個大肉腸係臘肉配臘腸嘅煲仔飯，佢嘅用料都幾高質，食得出唔係平價嘅臘腸。正如佢宣傳單張所講， 飯焦香脆而不燶底，真係一粒飯都唔會嘥。海味三寶就有海龍蝦乾、原粒元貝同丁香銀魚，海味充滿鹹香，而且帶有鮮味，基本上唔使落豉油都已經夠晒味。除咗煲仔飯，呢度仲有原味焗蜆，焗蜆份量一啲都唔少，而且隻隻都好新鮮，加咗少少辣椒份外惹味。好開心發掘到呢間三尖外賣煲仔飯，而家喺屋企都可以食到又乾淨又有風味嘅煲仔飯啦！

While walking back home, I walked past this claypot stall and since we have not cooked dinner yet, I decided to try it as their menu was quite attractive. Samjim Claypot Rice Takeaway was located at Nathan Road, couple of minutes walk from Jordan MTR.They were basically a takeaway stall, with big touch screen monitor at the side for us to order from there as well. They served chicken, sausages, seafood and steamed meat claypot as well as side dishes. Each claypot rice was served in a round bowl

等巴士經過發現有新舖，係少見既煲仔飯專門店。標榜12分鐘就有得拎而且價錢合理，所以馬上試試先 😋 即叫即整真係好快就有得拎， 包裝仲要好企理！ 紙盒加錫紙兜返到屋企仲係熱辣辣。份量足肉餅大大件夾埋爆漿咸旦黃、煲仔飯鼓油同埋菜埔真係超好食！ 仲要真係有飯焦！！！ 十分驚喜。 的確做到傳統煲仔飯既效果，我已經諗好下次要試埋佢個爆炒腸粉，等外賣時旁邊有人叫聞到超香。 總結來講呢間新舖係近期試過最值得推介既餐廳，已經介紹左比同事。 😍

這間在佐敦新開的外賣煲仔飯店，舖仔雖少但五臟俱全，主打多款經典及特色的煲仔飯，全部即叫即做，新鮮熱辣。煲仔飯全部用特製的鋁錫煲，以電磁爐燒煮，每煲都燒至有飯焦，既香且脆。甘香臘味三寶有臘腸、潤腸、臘肉，是必食之一，臘味油香味全部滲入飯內，而且白飯煮得爽口，下面飯焦直頭食唔停口。家香爽甜梅菜肉餅梅菜肉餅很厚身，一夾開爆出肉汁，而且梅菜帶甜香，非常入味。黃金流沙肉餅另一個必食的煲仔飯，肉餅本身有肉汁，咸蛋蛋香味十足，流沙很邪惡但勁好味。

可外買嘅煲仔飯有時心血來潮都想食煲仔飯🍲, 但煲仔飯永遠都係要坐係餐廳或者飯店等佢煲起先可以食到香噴噴, 熱辣辣嘅飯。而家想隨時隨地食到, 又可以係Lunch 時間唔使等好耐, 仲要係熱辣辣, 用埋鋁錫紙煲, 保溫時間可達一小時 👍🏻 香噴噴, 又有香脆飯焦嘅煲仔飯🍚🥢。。。重要係咩? 就係可外賣, 又唔使還煲先係重點。。。😂😂丁香銀魚肉餅飯 - $55肉餅好鬆軟又juicy, 同銀魚仔一齊蒸, 好香咸香味, 肉餅又夠厚, 好有口感原木花菇滑雞飯 - $55花菇蒸雞飯一向都係食煲仔飯必叫, 花菇夠香, 雞又夠滑, 加埋煲仔飯豉油, 好正👍🏻😋原粒鮮香元貝仔肉餅飯 - $55呢個真係好香, 一打開蓋已經聞到元貝香味, 肉餅夠厚, 咬落去口感十足👍🏻👍🏻每個飯都跟一盒豉油, 一盒香蔥, 一盒微辣菜莆, 加埋落飯食一流呀! 😋直得encore! 舖名: 三尖外賣煲仔飯地址: 彌敦道317號金漢大廈地下E舖時間: 11:30-15:30 17:30-22:30#hkfoodie#hkfood#香港美食#油麻地#煲仔飯#外賣#熱辣辣煲仔飯

三尖外賣煲飯仔係油尖旺一帶住嘅朋友要留意喇係九龍區諗起煲飯仔一定諗起廟街依家係佐敦廟街附近新開geh 外賣煲飯仔一樣值得關注首先係價錢公道150 有3份平均先係$50 一份第二係唔同一般外賣用砂煲佢係用錫紙裝所以拎返去屋企嘅時候都好輕同埋如果唔想拎返返去都減少浪費加上有衛生好多講返今次叫嘅三哥煲仔飯一個叫咗留心蛋黃肉餅一個叫咗臘味3寶再叫咗個煲仔蜆肉餅唔算鹹而且好厚而且好有肉汁食得出無加肥豬肉都好健康鹹蛋流沙做得非常唔錯令到肉餅更有鹹香而臘味三寶都好有誠意有臘腸潤腸各兩條仲有幾舊臘肉臘腸潤腸都好受好適合注意健康嘅人士而且鹹味適當每個煲仔飯都配有豉油同蔥可以按自己需要落最估唔到嘅係竟然呢一個錫紙兜嘅煲仔飯都有飯焦夠香夠feel煲仔蜆都幾好食加咗蒜同辣椒調味香口得黎都食得出蜆肉嘅鮮味舖頭感覺乾淨準備得快又夠好味啱晒唔想坐喺大排檔又想食煲仔飯嘅人士

☀️夏天食煲仔飯🔥雖然冬天食住熱辣辣煲仔飯喺開心，但其實夏天都會心思思想食。今日就買左外賣煲仔飯番屋企慢慢歎🥡。煲仔飯喺即叫即做，要等10分鐘左右。外賣包得好好，不易倒瀉。仲用錫紙兜包住，返到屋企仲係熱！每款煲仔飯配了菜甫，蔥和煲仔飯豉油。最正的位，煲仔飯仲有脆脆的飯焦，不痴牙，個飯焦好正！原味焗蜆這個小食的精華是蜆下的湯汁，所有鮮甜味都掉落入這個湯汁，所以食蜆的時候要點少少嚟食。黃金流沙肉餅煲仔飯鹹蛋黃有流沙的口感，肉餅不肥膩，有紮實的感覺。甘香臘味三寶臘味有臘腸，潤腸和臘肉，都比較濃味，所以不要落太多豉油味喔！