三川居酒屋 (已結業)

Set lunch 大概HKD70~228 都有， 當然刺身相關項目就貴D。位置就腳係地鐵站附近， 不過係地庫既居酒屋所以平日經過平未留意到。我叫左個刺身lunch set HKD108, 另外加一變相119，以質素同服務黎講認為稍貴，尤其中午時間無免加一優惠。個Set包刺身飯，飲品或湯同沙律(size中)。刺身飯有三文魚，劍魚，油甘魚，白身魚，蝦，吞拿魚，刺身幾厚身同無怪味， 但講唔上質素優良，只能說不過不失。 湯值得讚係有小豆腐同菇， 而沙律比起一般餐廳算大份。環境方面， 2人桌唔算擠擁，卡位更是寬敞舒適，望落乾淨企理。服務方面正正常常。利益申報: 自費項目

平時路過，一定好少會留意嘅地方。原來喺地牢隱藏咗一間居酒屋，之前同朋友訂咗位，一心諗住嚟試。食物我哋就帶咗串燒，壽司，亦都嗌咗一個鯛魚頭煲。飲品就嗌左佢嘅檸檬梳打酒，呢個上枱可以自己榨汁，好飲又好玩。食物嘅質素幾好，每樣野都係新鮮熱辣上枱。最鍾意食嘅係串燒翠玉瓜燒得好香，裏面仲好多汁。鯛魚頭煲打卡最啱，魚頭好大，就好香魚味。居酒屋實在太受歡迎啦，當日嘅菜式好快就賣晒。下次要早啲去試當日推介菜式。環境就比較迫啲，枱之間嘅距離有啲近，但食物嘅質素可以搭救嘅😆。侍應就會超級好，盡快滿足你嘅要求。好友善亦都會推介當日嘅特色。

呢間三川居酒屋我之前都有食過 貪佢夠隱蔽但地點好就腳最近又有機會去到同朋友把酒當歌呢度推出左季節刺身盛裏面全部都係一啲嚴選嘅新鮮到港魚生如果想同朋友享受下刺身有5點盛如果食多啲款式就可以考慮下9點盛同朋友決定豪食一番 就點左9點盛 裏面包含牡丹蝦、貝類、兩款時令法國生蠔，仲有刺身五款添嚟到嘅魚生刺身望落去個賣相非常吸引絕對好啱打卡之用 環觀四周 原來台台都有叫一盤刺身享用！吞拿魚好厚切 足足有三舊擦子膠咁厚 最正係深海池魚 它的鮮甜味道出眾厚度適中 令人忍不住口另外仲有明太子蟹肉醬焗蠔肉蘑菇批橙色嘅外表特別吸引 有拳頭咁大嘅份量下面係一隻菇同埋新鮮嘅蠔肉 幾樣食材加埋無論質感味道都好夾 好rich 將他們好像薄餅切開一小塊再加上碟中央的沙律菜一起吃很飽肚後來我們再點了幾款串燒 包括甜薯、煙肉蘆筍卷、雞翼、燒青椒、雞軟骨和日本粟米 每款也有他們的特色 最令我難忘是粟米 因為真係好抵食一條粟米可以分成五大份 加埋牛油蒜蓉味道香噴噴 此時此刻若加上啤酒或梳打汽水必定錦上添花！

見咁多好評，相約好友一於去試下。早一日 book 定位，都仲可以bbook 到。餐廳充滿日本風，但座位之間相對峽窄。見好多人推薦明太子蟹肉醬焗蠔肉磨菇批，於是 order, 再叫d串燒, 魷魚鬚，壽司咁…老實講，食物味道冇谷所講咁出色，所以都有d失望！侍應服務都好有禮貌，上菜亦十分快，由於座位峽窄，知己良朋談心就冇乜私隱，坐得亦唔係咁舒服，純粹為食而食。

特別推薦大家✅嚴選季節刺身盛 (5點盛 / 9點盛)✅燒雞腎串燒 Chicken Kidney Skewers✅厚燒牛舌串燒 Thick Xo Tongue Skewers✅明太子蟹肉醬焗蠔肉蘑菇批Cod Roe Crab Meat Baked with Oyster and Mushroom《嚴選季節刺身盛 (5點盛 / 9點盛)》期間限定，全部刺身都超新鮮又厚切💕🐠竹笙魚、金目鯛好重魚味，不過完全唔腥，質感厚實，連魚皮嘅關係會有d咬口👄，食落勁有鮮味🐟油甘魚、深海池魚好肥美、甘香🤭，肉厚肥嫩，有油脂感🐡魴鮄魚依款魚係唯一薄切，因為肉質會較有咬口，口感似雞泡魚刺身，有淡淡嘅魚味，清清甜甜✨🦐牡丹蝦味道鮮甜，肉質有彈性，記得要啜埋蝦頭，好有膠質感，好好食🤤🦪生蠔嚟自法國，有好強海水味🌊，超滑溜、一粒沙都冇，生蠔味濃💰$250/p (5點盛) 💰$350/p (9點盛)《燒雞腎串燒》好爽口、好有彈性、好香、好夠味🐥，一串5粒都唔會夠喉🥰💰$32《厚燒牛舌串燒》好厚切🔪🐮，重牛味，有口感得嚟肉質完全唔會韌👅💰$68《明太子蟹肉醬焗蠔肉蘑菇批》蘑菇好juicy🍄，上面有層厚厚嘅明太

主打高質海鮮嘅日本餐廳😋😋。呢間餐廳嘅野食水平唔錯，尤其系海鮮。我試咗幾款熟嘅海鮮都幾好食。例如焗蟶子、象拔蚌，有牛油蒜蓉調味，味道惹味濃郁😋😋。而且肉質都幾彈牙，有海鮮嘅鮮味。條魚燒得好香脆，而且都算幾大條。不過我唔食生野，但同行嘅人都話系一定要試嘅程度，壽司同生蠔等等海鮮都好高質。蕃茄沙律都好多醬，好清新。烏冬鍋嘅烏冬夠彈牙，而且足料。焗芝士明太子蠔蘑菇批雖然都要等一段時間，但系出嚟好香好足明太子芝士🧀🧀，隻蠔都好肥美。綠茶雪糕似自助餐維記，但都夠滑好食。柚子雪葩用果殼裝，味道偏酸，幾醒神。

豚肉生薑燒石頭飯🐖($72)呢個飯係相當地大份, 啲豚肉, 洋蔥同埋薑加埋一齊多到傻左, 個飯又勁大份😂 見到真係O曬嘴, 未見過石頭飯可以大份到咁🤣 味道方面甜甜鹹鹹幾好食, 啲豚肉片帶有少少軟骨幾有口感, 除左洋蔥果啲之外仲有少少泡菜, 個飯keep住都熱辣辣, 食到出曬汗💦 午餐係會跟一杯飲品, 唔想飲甜野可以揀麵豉湯呢間居酒屋令我想再返黎食多次晚飯, 等遲啲個肚好返啲可以再黎過💪🏽 呢間居酒屋既店員既服務好好而且個個都好有禮貌, 食物質素相對高, 值得大家去幫襯呀

同朋友慶祝生日即慶㨂嘅三川居酒屋(好彩打去咁岩有位 建議大家想weekend食嘅話預早book定先 去到見到都好full)啲嘢食都幾有驚喜!芝士炸蝦金龍卷/牛油果軟殻蟹卷/鰻魚牛油果加州卷呢三種卷入面我覺得最值得嗌嘅係鰻魚果個!!條鰻魚夠軟身又冇骨配埋牛油果沙律醬同魚子個味冇得輸!其他卷就正常發揮啦蟹肉蟹膏炒飯呢個炒飯就普通少少 可能因為太多飯 搞到啲蟹膏蟹肉唔係好夠 冇乜蟹味鐵板米沢和牛肉眼配黑菌燒★推介!係好邪惡嘅和牛呀🤤返唔到鄉下唯有係香港食住先 煎得岩岩好 鎖住咗啲肉汁同油份 仲落咗牛油同炸蒜炒🤤食兩三塊都飽咗1/3了🤡仲有啲菇同洋蔥都好香口架我相信佢其他off menu special ge item都會係高質嘢 大家如果有budget不妨嗌兩三樣試下🥰

成日經過呢個位， 但係一直都冇試過， 今日終於機會嚟喇~ 飛雲~~ 去到都幾full, 好彩book咗位， 食個半鐘交枱， 但係都ok, 唔會食得好趕。 我地叫咗個二人餐， 都真係幾多嘢食， 好飽我地叫嗰個係特盛二人前， 沙律揀咗牛油果三文魚野菜沙律， 雖然係跟餐， 但係應該係正常size, 都幾大碟 佢有幾粒橙黃色嘅嘢響度， 好好食， 好特別。。。 我地問個哥哥仔係咩嚟， 佢話叫龍珠果， 我真係孤陋寡聞，從來冇聽過， 冇見過，冇食過。。。。 估唔到有d咁嘅嘢， 好甜好清新， 真係好味~ 佢d三文魚又新鮮， 牛油果又好味， 成個salad都好好食個刺身我地揀咗初刺身四點盛， 有4 款唔同嘅刺身， 全部都好新鮮，好好食！ 鍋物就揀咗泡菜豚肉鍋， d泡菜辣辣地，幾開胃， 都好足料， 好多泡菜同豚肉片， 食極都仲有，又好味喎~ 跟住仲有牛油燒魷魚鬚， 好惹味， 正~~~ 仲有個蟹羔蟹肉炒飯， 又炒得幾好食喎， 真係食到蟹羔同蟹肉味， 唔錯！呢個set都真係幾多嘢食， 正~ 仲有兩杯雪糕， 我地揀咗綠茶同芝麻味， d綠茶同芝麻都好香濃， 食完之後都好滿足呀！！！！我地坐個位都好邊，

依間以我所知係出名既都，所以我就提早打電話book，可能兩個人既關係都好易就book到。咁個環境大致上都幾闊落既，職員態度都溫和既。咁我就長話短說，講返d食物先。火之夢壽司山 - $148依個就好出名既，好多人都推薦食依個我就叫黎試下，我發覺佢係幾足料，先講上面個浸先，上面有海膽同蟹肉鋪係上面，下面仲有醬同三文魚卵，整係個賣相都已經好吸引人！跟住壽司卷入面仲有玉子同青瓜，一齊食既味道唔錯！鹿兒島和牛他他 - $188拮穿個蛋黃撈埋一齊食，佢就算生都好，食落都唔覺腥，幾煙。串燒活白鱔 - $88燒雞腎 - $32燒白鱔唔知點解我覺得去邊間居酒屋都好似點都好食既，係燒既但你食落口係唔會乾，d肉汁鎖左係入面，味道都好足夠，啖啖都係肉。燒雞腎就冇乜特別亦都冇挑剔既地方，爽口，送酒都一流。七味雞軟骨 - $22醬味燒墨魚嘴 - $48我係鍾意用雞軟骨黎送酒既，雞軟骨咸咸地又爽口，正！墨魚嘴咬落好彈牙，都值得一試既House sake 300ml - $208我就仲未對酒好了解，所以都問左店員邊d飲落係易入口同舒服，又可以送野食，佢就推薦左我試依一隻，佢飲落真係好舒服，飲完會好想送下野食，有機會既

男朋友牛一指定要食黃店日本菜，事前做了點資料搜集，見到三川有一定數量好評，決定一試。切餅費方面以人頭計，每位$20。居酒屋地點非常就腳，地鐵出口一出行兩步就到。雖然居酒屋位於地庫位置，但門口有三川字樣的布幡及燈箱MENU非常引人注目。沿長樓梯通往地下推門內進，在小小等待區等了不足5分鐘便獲安排坐位。.今次的座位並非圖片中常見的主餐室，九曲十三彎的迷宮格局頗有日本感覺，雖然空間有點狹窄，但把竹簾放下來後很有安全感，私隱度高。只是牆上草率的佈置稍為破功......Menu的選擇五花百門令人食指大動，但大小還要比枱面大翻頁有少少不便。準備好按座位旁的制，staff 便會前來協助點餐。食物方面🥘🍣1️⃣ 刺身二人盛(並) $298首先上場的是刺身拼盤，有活赤貝/三文魚/花枝條/油甘魚/大甜蝦/劍魚腩。300蚊的拼盤而言，種類夠多，勉強稱得上新鮮，但魚類的選擇真的誠意欠奉。如果upgrade 其中一種，例如甜蝦換牡丹蝦，或把部份油甘魚換成希靈魚/左口魚群邊應該會滿足得多。當然各花入各眼，只是對我而言性價比有待改善。.忘記刺身向前看，三川上菜很有效率，加上生日飯太興奮的關係點菜比較豪爽，十多分鐘已經大

鬧市中隱秘地牢 高質良心居酒屋必試蠔肉蘑菇批 新鮮刺身-👅 厚燒牛舌 ($68)牛舌好好味 厚切好有口感 好有咬口 燒嘅程度啱啱好 黑椒同鹽呀份量恰當 好抵讚😍🍗 月見免治雞肉棒 ($36)去親居酒屋叫串燒都想食雞肉棒 唔同餐廳有唔同做法 今次嘅有俾埋溫泉蛋可以點 雞肉棒入面仲有雞軟骨好有口感咬落去有少少脆口 外表燒得好靚 仲有啲醬油 唯一可惜係份量唔算大喔!🍄 明太子蟹肉醬焗蠔肉蘑菇批 ($98一份兩件)呢個必食必食必食!!!! 表面有好香嘅明太子同芝士鋪係大蘑菇表面 食到少量蟹肉碎 而一切開係成隻大蠔係入面 啖啖都有新鮮蠔味 味道層次好豐富 份量咁大叫做蘑菇批唔過分 真係好好食呀!!🍣 香葱碎吞拿魚腩帶子魚籽卷 ($138)壽司卷上面嘅帶子同魚籽都好新鮮 魚籽好大粒 一件件嘅帶子係飯團上面 再加上淡淡吞拿魚腩蓉味道好夾 卷入面有基本嘅蟹柳玉子等 整體唔錯

今日食既呢間餐廳係位於銅鑼灣, 係正大商場附近, 位置勁方便刺身拼盤呢個刺身拼盤一客有7樣唔同既刺身, 而最好食第一名一定係甜蝦, 超爽甜而且大大條的, 口感一流另外就是帆立貝, 超juicy的, 好新鮮芝士烤菇大愛呢個芝士烤菇, 無論香味上定係味道上都係一流超香口而且個菇真係超好味!! 每一啖都係享受三文魚壽司超大的一片三文魚, 入面既飯係經過處理的, 所以好軟同埋已經有味道左口魚邊壽司呢個超推薦!! 好味而且夠哂JUICY!!

平時比較少食居酒屋嘅原因，係因為覺得成日要單點，冇得叫套餐。不過呢間居酒屋就令到我覺得某啲單點食物嘅質素的確係令人回味。間餐廳喺崇光隔離嘅一個入口之後要行落地庫，不過都唔算好難搵。間餐廳裝修得幾有特色，係呢個冇得去旅行嘅季節，你嗰啲有日式裝修格調嘅餐廳食飯，感覺係唔錯嘅。單點咗佢個刺身拼盤嚟食，感覺好滿意，因為佢嘅食材好新鮮同埋每一件刺身都切得好厚另外叫咗佢呢度嘅手打烏冬，雖然份量唔算好多，但係佢非常有咬口，同平時機器打嘅烏冬差好遠。另外叫咗佢哋都好出名嘅大菇燒，佢用咗非常大隻嘅鮮冬菇，配上明太子同埋其他食材，係我今日最鍾意食的一道菜。

之前都已經黎過幾次，覺得呢度d野食大大碟，而且質素都唔差所以難得放假經過，都拉左男朋友一齊去食~餐廳有消毒啫喱比每一枱，感覺好貼心!沙律份量都幾多，而且配上黑醋感覺清新仲有好多三文魚粒，而且牛油果又夠熟，所以味道真係唔錯!而且個沙律有足夠嘅蛋白質、健康脂肪同埋纖維，如果減緊肥，直頭可以當做午餐牛油果三文魚野菜沙律呢個炒飯非常有鑊氣不過感覺蟹膏味道唔算太突出，俾炒飯本身嘅味道蓋過咗我食過另一個和牛炒飯會更好食d蟹膏蟹肉炒飯左口魚超大舊，而且充滿魚油香味如果可以燒多陣就好，d魚油味會再出d火炙左口魚裙邊壽司不過我地去果日係假日，所以冇lunch set，單點價錢比較貴~