三星台菜食堂 (已結業)

今日下午去灣仔工作，過左兩點先去食lunch。以前呢頭返工成日去春園街食lunch,所以今次想試下其他附近的小店。基本上好多間都未試過，不過我鐘意食麵所以就打算試下三星呢間的牛肉麵。果然沒令我失望，有兩件切得好大件的牛肉塊，牛肉好腍，入味。麵也是很正宗的 台式拉麵， 感覺好似去咗台北食牛肉麵！另外我也叫了 一瓶玫瑰烏龍茶 ，味道普通，使用膠樽裝的， 飲唔曬可以攞走。 一個麵包一杯嘢飲 100蚊， 唔算平。 但如果喜歡台式牛肉麵可以一試！

女朋友嘅朋友之前介紹過話依家好好食仲話價錢好平， 叫我哋值得一試諗住去銅鑼灣嗰間不過太攰都係近近哋喺巷度搵到一間， 開頭都諗住應該冇想像中咁好食因為間店得嗰兩張枱仲要係冇人食以為自己黎錯地方叫咗個最大碗嘅牛腩麵飲咗一啖湯食咗一啖麵真係估都估唔到咁好食後黎我女朋友再叫咗個 台灣 鹽酥雞粒掛住食唔記得影相個台灣鹽酥雞粒都好好食 佢個炸鹽酥雞粒仲有啲蒜蓉醬一齊食下次有機會去返銅鑼灣度試食皆因我上網睇openrice有啲野食依間分店冇得食

男朋友黎搵我食飯兩個人又突然諗唔到食咩行到廈門街見到間食台灣野就入去試鋪面唔大 午餐時間都多人所以響門口等左一陣排到差不多店員會叫我地揀定食咩選擇唔多 主打牛肉麵同滷肉飯男朋友叫左個三星牛肉麵除左牛碾仲有牛肚同牛筋 煮得幾腍麵可以揀粗同幼佢叫左幼面 屬於扁身既麵 麵質幾彈牙我就叫左雞扒滷肉飯 估唔到幾有驚喜滷肉仲明顯見到丁狀 肥肉同瘦肉比例均勻醬汁甜甜地 撈飯好正雞扒好脆 竟然無一層厚厚既粉 好抵讚而且仲Keep到有肉汁 一啲都唔乾係幾高質既鹽酥雞扒 我覺得仲正過台灣食既另外仲叫左野飲同是日小食蒜蓉燙青菜 $22幾大碟 一個人就會份量多左啲事後先知原來呢間店係一位明星同佢老公開但間鋪就無明星光環 野食真心做得唔錯人數唔多既朋友Lunch可以試下呀

20190223 💗每次來到灣仔都會想起食牛肉麵。食過幾次，牛肉所有部位都煮得好腍，牛腩，牛筋，牛肚都好正。我自己鍾意蕃茄味，層次比起紅燒味多啲，飲慣咗蕃茄味，就覺得紅燒味低一個層次😆。仲有酸菜都超好食，微酸帶甜又帶辣，每次黎都食好多😆好鬼正。。魯肉飯，不油膩，味香，肉腍。。其實我念念不忘第一次來食有蒜泥白肉，但之後黎幾次都無再出。。希望可以有返啦～。#蕃茄三星麵 $82#紅燒三星麵 $82#魯肉飯 $28.

原來呢間牛肉麵係前藝人傅珮嘉開架，點解無人話我知嘅🙄，好耐之前飲食雜誌都有介紹過，我都想試但無行動，咁啱姐夫話佢屋企附近有間好味嘅牛肉麵，機緣巧合下到此一試喇。傳統牛肉麵 (蕃茄湯底)$75🥢🥢🥢🥢識食梗係揀原味湯底啦，麵一上枱先飲啖湯先，完全無蕃茄味喎，但唔油膩唔咸帶有淡淡牛肉香👍🏻，感覺好健康，牛肉係用上軟腍腍嘅牛腱，食完都無黐牙，至於粗麵條，軟硬度適中，最重點係好掛湯，極力推薦花雕三星麵 $88🥢🥢🥢🥢係今日推介呀，阿媽同我都愛嘅花雕酒，湯底真係好香濃好正，但就咸咗dd，平時花雕醉雞就食得多，估唔到會用佢嚟做湯底，另有一番風味😋，配料有牛腱、牛肚、牛筋，三樣都好腍好入味，而粗麵條都吸盡花雕酒精華，讚！二人共消費：$180

😍最近一直懷念台灣的美食, 記得有朋友推介過呢間的台式牛肉麵就黎一試~🔸三星牛肉面 ($82)⭐️⭐️⭐️第一次來當場要點招牌菜, 三星係指牛腱、牛根、牛肚, 足料份量☺️☺️牛腱好大件同腍身, 有少少筋, 幾有咬口~牛根幾厚同彈牙, 牛肚就夠晒爽口🤤麵條幾粗身、煙韌, 掛得住香濃的牛肉湯底, 揀左紅燒湯底, 帶點藥材味和微辣, 但就嫌略為鹹左少少, 食完有點口渴😂整體味道都唔錯, 不過呢到要加一, $90一碗台式牛肉麵, 灣仔來講有點略貴🤔😋味道 7.5/10 😍回頭指數 7/10 (❗️P.S: 店內不大, 一眼睇晒大約15個位, 但一點都不狹窄~ 想食就要等下啦, 唔好諗住1個人去食有位就可以比你入先, 店員會順序比食客進店, 當日午飯時間, 眼見前面大約7個人, 都等左大約40分鐘先入到~)

响灣仔搵午餐，周圍都要排隊，咁岩呢度如果願意坐小巷可以即入，就呢度啦！餐廳將後巷仔(露天)加左枱，睇黎係為左應付午餐既人潮。嗌左個三星牛肉麵，有牛腩牛筋牛肚，味道都唔錯，不過連埋加一，無飲品，要$90, 响灣仔黎講都唔算平。

咪睇三星間舖門口咁細，佢原來連埋隔離個小巷架﹗今日好好彩，我同幾個同事食排到去戶外小巷食，感覺真係煥然一新，涼涼地的天氣，戶外的小巷，感覺好REFRESHING﹗不過最REFRESHING都係佢個面﹗我叫左個蕃茄湯，有幾舊好淋差唔多融哂的蕃茄，可見佢個湯都係真材實料，我都忍唔住差啲飲哂個湯﹗同埋係真係超甜架﹗而佢地的牛肉真係超讚，大大舊，好多肉，仲要係瘦肉有少少筋﹗你知0拉，我就最怕肥肉，我好怕肥架，所以只吃瘦的，而三星的肉好就好在瘦但又唔會死實實，係有少少咬口的，仲有0個少少筋，真係增加骨膠原之選﹗仲有啲蔥，好新鮮好香，我超鍾意呀﹗今次我叫左粗面，有少少咬口又飽肚﹗食到我好開心呀﹗唯一麻煩的地方係真係要排好幾耐隊，不過無法0拉﹗好野係咁﹗期待下次再食呀﹗

行山前的豐富lunch🏔吃完才知道這家牛肉麵原來是傅珮嘉跟丈夫經營的😳.🍅番茄三星牛肉粗麵(走蔥)$82🍅🌶麻辣三星牛肉粗麵$82🌶🐮紅燒傳統牛肉麵$75🐮三款湯底都試了，都是香氣濃郁到令人食指大動🤤紅燒湯底入口比較温和順喉，是最原始的牛肉麵味道😌番茄也不錯，清爽一點，酸甜很開胃~麻辣我至愛，不過它跟在台灣吃到的麻辣麵一樣，辣度很低🤔麵條粗幼方面，粗麵完勝💯粗麵的煙韌感真的很吸引😍而且大口吃下去才夠痛快😎牛肉肉質軟嫩不乾柴，多汁又煮得香濃，不錯喔👍🏻牛筋軟身入味，牛肚就幾爽口👍🏻.食物質素: 🌕🌕🌕🌕🌘食物顏值: 🌕🌕🌕🌕🌘性價比: 🌕🌕🌕🌕🌘回頭率: 🌕🌕🌕🌕🌘

朋友話沙田店好味過灣仔店! Anyway 我係第一次食! 店小小的, 室內座位不多! 我望見室外好似都有位, 不過落雨我就無去睇喇!三星牛肉麵 $82三星其實係牛肚, 牛筋, 牛!🐄牛肚炆到入味, 淋滑, 不失咬口! 🐄 牛筋超軟滑, 咬落去一口膠, 好似好多骨膠原咁啊 😍 🐄牛, 厚厚的, 唔係一般切到薄薄一片咁, 同牛肚一樣係炆到好淋, 好入味! 😋 🍜麵於我而言係有點硬, 不過好滑口!🍲湯頭尚算濃郁, 唔咸, 飲左幾啖都唔口乾! 😋牛肉麵 $75椒鹽四季豆 $38豆甜甜的, 配上唔算太濃味的椒鹽, 好夾! .

我男朋友去完臺灣🏝之後一直好想嘗反臺灣魯肉飯的味道，看最近介紹該店，於是去食，一開始看到好多人係出面等，之後有個員工就問我地你如果唔想等介唔介意出去坐，我地當然唔介意，我地最初以為係個d係坐門口出面，點知係類似森林系列開放式露台個一種環境🙈，相反如果坐有空調的位就好迫，之後員工送了每人一支大約375ml黑豆漿😗（坐出面先有），出面唔會太熱，可以放心。我地叫左主菜魯肉飯，同埋2碟配菜，今次該店的魯肉飯同臺灣相比係最相似，食完好想再食的感覺，半流心的蛋有點太凍，肉切得精緻，一口牛的足感，有埋酸菜配飯食👍，只於鹽酥雞開頭食幾好食，食食下就很厭倦，落蒜頭太多，令到有反感情況，炸甜辣其實唔知咩泥，所以圈左嘗下，食落去又好似魚豆腐，不過好健康，好開胃，不過炸得太硬有點失色，同樣問題蒜頭太多，食唔到甜味😣

星期三放假一天，同老婆行灣仔. 之前一日做定功課見到有間臺灣店食牛肉麵。12点鐘開門來到。坐低時一個人都冇， 15分鐘內坐滿曬客人。 點了三星牛肉麵 + 魯肉飯。服務: 笑容可嘉，點菜前介紹daily special環境: 坐得舒服。有裝修有音樂食物:先講牛肉面, 我哋叫咗紅燒湯底。覺得有suprise, 雖然並非傳統臺灣味道，但係食到每樣嘢都好有心機做。牛肉牛筋炒得入味，面香咽韌適中，湯味濃。唔頸渴。再講魯肉飯，完勝正宗臺灣味道。魯肉肥瘦+甜鹹味適中。當中溏心蛋比有名拉麵店做得更好。必點👍👍👍總結- 價錢有點貴有加一服務。一面一飯埋單140文。但值回票價。如果用160文兩個人去食日本拉麵,不妨試下呢一度。

又係唔覺意要去灣仔嘅日子，做完正經嘢就梗係要食番餐啦！上 openrice 睇食評啲人講到咁好味，咁我咪黎食下睇下係咪堅好味囉。好!坐低叫左個招牌牛肉麵 (粗麵) & 甜不辣。一放上枱好香，特別一提嘅係D葱好靚! 個麵唔硬又唔林有少少彈性 (真係少少，唔好期望好彈)，唔錯! 食落口牛肉超林，同一時間牛根都係林嘅，鍾唔鍾意食真係見仁見智喇，佢個湯底係超濃味，人地話有藥材但我又真係食唔出， 微辣反而係食得出嘅。而呢個炸甜不辣……我只可以講"不似預期"，首先，個甜不辣本身好煙韌，上面洒左D 蒜頭碎同埋淮鹽， 相對好咸，係香口嘅但勁熱氣!總括黎講係超·重·口·味! 我估我唔會去食第二次囉！

三星牛肉麵 $82本來以為三星純粹係個店舖名，原來三星係指牛肉麵裡面有牛展、牛筋、牛肚。全部都滷到好淋身好入味！麵底好彈牙好有口感，真係幾有台灣風味。台灣香腸 $42香腸被切成一片片容易入口，上面淋左一種甜甜地的醬汁，中和左本身好容易會覺得越食越鹹的香腸的鹹味，我覺得幾唔錯，如果鍾意飲酒的人🍻其實呢款係一個唔錯既送酒小食～鹽酥雞 $48雖然係小食但係份量好多，令人驚喜既係包住雞塊的炸粉好薄，所以keep住食都唔會有好重油膩感。而且雞塊嫩滑多汁，比起好多餐廳的鹽酥雞都做得好食👍🏻

預早訂定三星部新電話終於到手，週五即約埋會計小姐去跟手機品牌同名o既「三星台菜食堂」食晏，試吓新機o既拍攝功能。中午時份，小店於橫行內唔算特別起眼，不過驚喜之處就係電動門後原來係輪椅都可以入得o既通道。當日不時都有落雨，通道兩旁即頓變成遮架，食客可望住自己把遮，同時又慳位，可謂一舉兩得。餐店樓底高高，光線充裕，一眼望哂只有十四個位。收銀處右側有兩個矮啲o既散座。拍窗則有四張高櫈，全部都有勾掛隨手物。其餘o既四人合拼式散枱繼續慳位，因木造椅櫈一打開蓋即變成儲物箱，地方夠哂企理，而且一啲都唔迫夾。白色o既牆身只貼上雀籠裝飾，簡潔得黎仍能帶出中國色彩。餐桌上擺有自助餐具及調味料。兩款調味為左辣椒醬、右酸菜。最有睇頭就係成朵花咁靚o既牙籤座。落單流程簡易，每位客人自己填一張點菜紙。會計小姐要咗碗傳統牛肉麵（$75）。另加$15要多隻溏心蛋。三星牛肉麵（$82）：小肥點咗個三星牛肉麵。大大碗招牌牛肉麵湯底香濃，可能帶點藥材味，食落暖胃之餘仲覺得好行血。牛腩腍身、牛肚夠爽、牛根厚潤，嘻嘻，就好比三顆星星吃進肚裡。三星牛肉麵面頭鋪滿鮮綠爽脆o既靚蔥，撈入埋橙亮o既辣醬又增添惹味。粗身o既麵條煙韌彈牙