三盞燈澳葡餐廳 (已結業)

咁岩經過以澳門主題的餐廳，order了豬扒包，點知一咬落去有骨，我真係未食過豬扒包塊豬扒有骨囉，最基本既野都可以咁，一般茶餐廳都唔會咁啦，呀婆食到就慘慘，牙都甩，非常失望!!!!!!!!

三盞燈既豬頸肉炒出前一丁, 今日本來就想去三盞燈食豬頸肉,加上佢地下午茶又便宜又夠份量仲包埋飲品。非常抵食, (以前都間中放工在六點半前趕到來叫個下午茶充當晚餐),今日放假點就食下午茶, 由於近日咳,所以吾炒一而叫左"黑椒炒豬頸肉意粉"!今次豬頸肉真系好好味, 吾知有冇人食柴灣荃灣角一間xxx的叉燒,賣成300一斤, 一下午2,3點就賣完。 丿今日吾洗去甘遠排隊買又貴 38蚊碟+飲品,內裡鬆軟多肉汁 (講好似食牛扒甘)

約下午三點來到,約有十人在等緊.等左15分鐘咁上下有位.三盞燈係我和朋友大眼媽兩仔乸長期相約食早餐的地方,第一至愛係早餐包埋個塊舊多士,一向係眾食客的至愛.第二至愛係澳門焗豬.比以前退步左,焗飯面好明顯唔夠火喉.不過好老實講收40蚊有個足料份量的焗飯,有杯奶茶飲都係超值.可能以前做得好好味,今次食塊豬扒都好多肥膏,有點怕怕.希望下次再來又會做返好d喇.呢度始終都係做街坊生意,我都希望佢一路撐得住.

之前食開匯景個間，好耐無黎，黎幫襯下。 食物質素下降了，我食沙爹牛肉腸通粉，通粉不夠淋！可以淋點，會好味點。奶油多好味，但嫌烘得不夠，但點燶會較好。熱華田，正常。

*下午茶時段,簡單地點份炸魚柳拼司華力腸,加杯熱奶茶*魚柳 剛炸起,炸得夠脆夠鬆,油份不多,恰到好處 滿意司華力腸 同樣夠熱度,皮脆肉彈 正常不過伴有沙律醬,味道不外乎是某大牌子出品,夾上魚柳還不錯 正常熱奶茶 用有耳黑白奶杯送來,奶夠香滑,茶味略淡 算可以

牛排早餐單是份量，就看出誠意。這塊牛排的大小不像某些連鎖快餐店一樣，小得像塊漢堡排，相反，它簡直有一塊午餐牛排這麼大！牛排的味道也很不錯。因為牛排有醃過黑椒，不用加醬料已很入味，而且又煎得很香口。早餐牛排很少做到這樣的水平，難得！還只不過＄３１／份，我認為也很划算。多士烘得很香脆，不錯。煎雙蛋略嫌生了一點，因為蛋白還有一些透明蛋液。沒錯，是我點「太陽蛋」的。但太陽蛋如要做得更好，其實可以煎到蛋白剛熟，而蛋黃仍然水汪汪，充滿蛋黃汁的，那才是一流！蕃茄豬潤公仔麵我以往的食評說過，煮豬雜實不容易，火侯控制不是每家都能夠做得好的。這家做得實在平平，把豬潤都煮得太熟了，不但質感硬了一點，更失去了其鮮味，可惜！但這個蕃茄湯底還是值得一讚！非常香濃的蕃茄湯底，像一碗濃郁的羅宋湯，相當惹味、醒胃，用來泡即食麵特別配合，特別好吃！值得一試，但其實是可以選擇豬潤或滑牛的，所以，下次還是選擇滑牛的較好。

和朋友行完吉之島，順便食下午茶，朋友叫左豬扒包，我叫瑞士鷄翼沙律$26 ,來到沙律，我用叉拮一拮感冒，又乾又硬，以為送錯炸雞翼，立即叫伙記來，是個女人，他說是瑞士雞翼無錯，又說如果是炸雞翼應該是較白色的，無辦法只好食啦，第一隻咬下去已感覺像吃雞翼乾，第二，第三隻實在咬不下去，只好食沙律，原本不想拍照，食到尾聲才拍照，所以無拍下完整的瑞士雞翼沙律下午茶餐照片

晏晝去左家姐屋企附近就同媽媽尼左呢到食個lunch我地叫左一個豬頸肉魚湯米線同一個焗豬扒飯豬頸肉魚湯米線好快就尼左啦個湯底都ok呀都幾清而且夠味而豬頸肉都好好wor我覺得食落個口感唔好話好"hi"同埋食得出有用d香料尼不過略嫌份量少因為佢價值34蚊但個份量似24蚊@@焗豬扒飯就比較耐啦因為始終都要焗同樣地個份量我都係覺得比較少啦呢個就價值38蚊但食落個味道都唔差既有可以進步既空間其實呢間野都開左幾耐嫁啦今日我都係第一次幫襯如果抵食d我唸我會幫襯多d哈哈

一入去叫野食個員工寫左3mins單,但我地只係得兩個人.....我講左二三次佢仲問~叫佢留心D聽,佢居然話:洗唔洗咁呀!!!覆單啫!!但覆單要覆四五次?!之後D野食到左~我叫左個星洲炒米~佢個米粉係一"舊舊",而且餸還餸,米粉還米粉....之後食落肚......呆左....D米粉無味o架~而且D餸都係無咪~成個米粉得D火腿有味~E間野D服務態度差,而且D野食唔好食,所以唔建議大家去~最慘係想投訴但果度D人唔理~而且連網我都找唔到....

幫小妹阿媽落街買嘢，梗喺走去食埋個tea先返屋企啦。幫襯路過嘅三盞燈茶餐廳，好多款茶餐揀，湯粉麵、多士、珍寶腸、炒粉麵嘅茶餐都有。小妹都係想食碗粉，叫了魚餃湯烏冬加凍鴛鴦。等咗10分鐘，終於嚟啦，啲湯係奶白色嘅，飲咗一啖，幾清，雖然不是魚味嘅，但都OK，魚餃就真喺好啦，個樣幾透明又有光澤，入口外皮幾煙韌同滑，啲肉軟淋淋，好好！啲烏冬都OK。小妹見到隔離枱叫咗珍寶腸餐同炒烏冬，都好正。下次叫埋屋企人落嚟開餐先得。

以前已經幫襯過三盞燈，也曾經在午餐時間中伏。今次見店舖坐無虛席，決定再給它的早餐時間多一次機會。三盞燈環境淺窄，往往在隔離左右左手打右手，又同後面嗰幾位背對背就坐，裝修和間局，距離 "舒服"二字還差很遠。早餐由二十幾蚊起，喺藍田呢個地區算是中上價錢，比它平的食店比比皆是。點了一個穩陣的套餐： 厚多士配忌廉磨菇奄列 蕃茄薯仔牛肉通粉 ($24)厚多士：厚就夠厚，但烘得乾曾曾，食之無味，棄之可惜。忌廉磨菇奄列：整個早餐最失敗和淒慘的一 Part忌廉好杰好咸，好似係罐頭湯開的味道，但味道非常之咸。而且奄列微暖略凍，似是一早整定，等你叫時就極速上枱。蕃茄薯仔牛肉通粉：色澤夠濃，但吃起來淡如開水，牛肉很霉，質感很差，差一點吃了想吐。 熱華田：連熱華田都可以沖到咁淡... 無言。試過今次，連早餐都中伏。奇怪食店為何人來人往？莫非是這區的慣性？吃慣了，就不再到哪處覓食？總括，同區質素比佢好，價錢比佢平的食店比比皆是。

是日 Sunday，跟親友到三盞燈食飯...本來去匯景分店吃，但太多人，上咗嚟商場食.. 呢喥好似無咁多人排.第一次食上面呢間三盞燈，以為呢喥新啲，點知... 侍應安排咗我哋坐二人枱，個枱底好污糟，有幾舊紙巾 and 垃圾，我叫侍應可唔可以清理下， 點知佢話，呢個時間好繁忙，唔得閒同你清理... odd..親友都算數，我哋睇哂個餐牌，都要 36 - 4x 一個 lunch 餐，叫咗：1. A餐的美國雜扒餐 + 白湯 + 凍檸茶2. 澳門招牌焗豬扒飯 + 檸茶 A餐的美國雜扒餐 ($36)：雜扒有香腸，火腿，雞扒，疑似豬扒的物體...跟美國唔知有咩關係，啲扒好乾... 似係先將啲扒煎一煎，然後再淋啲汁上去算數，親友話，啲飯係微暖，略凍... 我即時揮手請侍應可唔可以叮返熱佢... 不過親友話，淨係等呢個雜扒餐都等咗16分鐘... 如果再叫佢叮熱，都唔知等幾耐...結果就咁算... 真係頗失望... $36 的疑似頹餐 白湯(跟雜扒餐)：賣相誇啦啦，飲落嘩哈哈... T_T 啲湯好稀丫, 陰公... 飲咗一啖就丟低喺喥... 澳門招牌焗豬扒飯 ($36)：個樣幾掂，除咗上面濃咗好

約同事食早餐佢往藍田,佢話樓下場有好多正餐廳0的早餐好正叫我早少少上黎試咁話.佢都唔知訂?我好毌住果度我點會唔知.好應承你.就上去.我早去在場內打左過白鴿轉,見到兩問餐廳都推廣緊蕃茄湯麵早餐,心稔可試試來個大比拼.於是見此店比較新淨,店內都幾多人應該有睇頭.坐底快有人招呼遞上兩熱水.但夠熱叫個侍仔同我換過杯熱0的,佢居然同我講都好熱呀,真慶"同佢講.杯水我可一啖飲落口你話有熱呀?佢好不耐煩咁同我換過.差極好落單叫個蕃茄牛肉鑼絲粉,炒旦及沙爹牛肉米,炒旦,熱奶茶,凍檸茶.都幾快叫D野到,先講個蕃茄牛肉鑼絲粉--蕃茄份量不夠但奇怪地個湯勁紅,心想大鑊,一啖落口口感怪嘩好酸又一丁點蕃茄味都無再食牛肉全無肉味又稔又滑溜溜一食就雪藏貨加大量梳打粉醃過又一個差極.同事個沙爹牛肉米D牛肉一樣貨色好彩有沙爹醬遮掩D梳打味又多一差.炒蛋ok水準,多士太厚熱ok啦,最后杯奶茶都係得一般貨色無甚驚喜,同事杯凍o茶飲兩啖就放底,問佢做乜唔飲呀,佢好厚道無講話夠啦,我唔怕死欏黎試,一試難忘真係末試過咁唧味檸茶---檸檬無味,茶不夠甜,有苦澀味色澤瘀黑又多一個差兩個早餐榮穫4個差字直係瘀到

周日又係陪老豆既日子，問佢去食咩佢又話去食大家樂，真係俾佢吹脹，最後帶左佢來呢間新開的三盞燈試下﹗老豆平日五點就要食飯，今晚算是晚了五點半才到，原來六點前都仲有午餐供應，咁就梗係叫午餐啦，平成十幾蚊﹗焗飯全部36蚊，包飲品經濟抵食，另外再叫多個葡汁焗四蔬﹗葡汁四蔬有西蘭花、白菜仔、金菇同埋雜菇仔等，葡汁椰味夠濃亦香，成$40碟份量就係少左0的，不過老豆話個汁好好味，見佢連汁都隊埋入口可知佢幾鍾意﹗三個字左右有焗飯食，我同老豆的都超大碟，老豆要左黑椒牛扒飯，牛扒醃得夠軟熟岩哂佢老人家，黑椒汁香濃夠味，老豆大表滿意﹗我的是白汁芝士海鮮飯，飯是炒飯底，海鮮有墨魚仔、魚塊、魷魚、蝦粒、青口及蜆等，夠哂多元化，老實說我就覺得芝士味未算濃郁，可以更濃更好食，不過都係0個句，呢碟野應該是兩個人的份量來的，我吃到一半已經飽到上心口﹗抵吃之選，老豆話下次叫我夜市再一齊來，試下佢0的咩肉眼扒。有下次，即係好野啦﹗

5點幾有點餓，原本諗住食美心，但見隔離開咗開新嘢，又多一間三盞燈喺藍田。呢間靚D喎，環境不錯，坐得幾舒服。我同老公就嚟試吓喇。我要法蘭克福腸拼牛扒($22)，老公要蕃茄雞翼公仔麵($28)。法蘭克福腸拼牛扒 - 賣相幾得，法蘭克福腸很好味，牛扒都大件，味道OK。蕃茄雞翼公仔麵 - 雞翼好脆，醃得幾好味，但蕃茄湯底唔同咗，一粒蕃茄都冇，似羅宋湯底多D，好彩味道還可以。奶茶唔錯，阿華田也落足料，好味道。