三盞燈澳葡餐廳 (已結業)

是日去行藍田魔鬼山，去行山之前決定食個豐富既港式早餐。佢地上菜速度十分之快，基本唔上唔洗點等就有得食，讚!叫左兩份早餐，一個係厚多士+奄列+蕃茄牛肉面，另一個就厚多士+煎蛋+蕃茄牛肉面，仲包埋熱飲。不論炒蛋奄列都係兩隻蛋既份量，好大份。蕃茄湯底有濃濃蕃茄味，聞落都好吸引!食物味道唔錯亦都唔貴，抵食之選!

每次都係叫三盞燈嘅下午茶番屋企食。佢嘅下午茶種類繁多，有飯有粉面，仲要有港式下午茶。我覺得最好食嘅都係辣雞扒焗飯加一杯熱菜蜜。呢間餐廳真係好抵食，性價比極高，加凍飲都係加2蚊，依家出面好多餐廳一加野飲都78蚊起跳。另外佢做咁多年都無乜點加價。

鹹牛肉蛋治（$33）番茄牛肉通粉+厚多士炒蛋（$37）前者炒蛋鬆軟滑溜🍳，加上鹹牛肉超惹味後者番茄湯底溫和🍅，仲有煲到腍晒嘅薯仔🥔，牛肉係雞肋，份量好多但可惜冇味🤷🏻‍♀️。有通粉有厚多士，食完心靈好滿足🥰❤️2個早餐都包野飲，但平日食開意八，呢間會貴d新年期間🧧基本上冇咩餐廳朝早開，呢間少少貴，但有開算好彩

年廿八洗邋遢，新年前要打掃除當然要食個豐富既早餐先啦，莉莉子今早經過藍田搭巴士，襯有時間當然要食個早餐先啦莉莉子記得好細個既時候黎過呢度，餐廳唔多，估唔到甘多年無黎，呢度已經唔同哂。之前媽咪提過啟田商場變左美食街，但好多都係飲品店，食唔到早餐，行行下，俾我見到一間超多人超多人排隊既茶餐廳，叫「三盞燈」，感覺好似黎自澳門，但確實真係唔知坐低左叫左個番茄豬膶公仔麵，配多士同蛋。叫左野食唔駛3分鐘（真係嫁）野食就到齊。莉莉子真係要讚讚個湯，好濃郁既番茄味同薯仔味，完全唔係味精溝出黎既湯黎至於多士，佢係厚多士黎，仲要搽左牛油，熱辣辣非常香，比其他連鎖餐廳既多士厚得多多聲。呢間茶餐廳似乎係藍田幾出名，好多街坊鄰里都排住隊食，等我下次又介紹下朋友去先

話說同我囡同老公去食晚飯，我地叫左杯凍檸茶少冰，黎既時勁多冰，我就叫我地要少冰呀，之後阿姐就拎去吧台，時因我地坐係吧台隔離，所以聽到個吧台阿哥講咩，佢拎起杯檸茶，一邊倒啲i冰一邊講，：少冰啦，要少冰，依家米少冰咯。聽到我勁嬲，阿姐拎埋黎我忍唔住話，吧台阿哥更年期呀，態度甘差。阿姐話，唔係佢講緊電話姐我話，我地坐隔離咯，j完全聽到個阿哥講咩架，我一早讚少冰，唔係事後先講咯，唔想返工就米返啦 。激到我咧。以後唔會再去一粒蟲就搞壞曬成間野

今日為大家介紹嘅係藍田三盞燈葡式餐廳，早餐係番茄豬膶通通心粉，加凍檸茶。非常失望由以往濃濃嘅番茄湯轉為依家味度偏淡嘅番茄湯，好彩都仲有幾粒番茄。而豬潤方面，豬潤比較硬身，口感又比較老。真係好失望，其實呢間餐廳，喺藍田最少開咗七至八年，一直都有食開，之前喺地鐵站開嗰時，亦係小弟最鍾意食嘅早餐嘅其中一間餐廳。估唔到而家變得難食。 好采檸茶所用的檸檬都較為新鮮，唔會有苦澀味。但最後評語係都係非常失望⋯⋯⋯⋯

同公司班同事約咗星期日，三盞燈食早餐，叫咗個早餐叫“特級厚多士早餐” ，厚多士，炒滑蛋，配餐肉及一杯熱咖啡。上菜速度算很快，而且味道唔錯，厚多士一如以往有牛油烘底，炒蛋夠香滑但唔夠熱，還可接受，餐肉就普通，咖啡亦都是一般普通港式味道。由於本人約同事，他們已到，亦都開緊餐，所以我好快咁舉手叫侍應點菜，幾個女侍應一直睇唔到，我就舉耐少少手，點不知個女侍應最後走埋來講左句：咪嚟緊囉！～態度果然係一如附近街坊間傳聞，服務只有三盞燈。

正所謂一日之計在於晨, 早餐既重要性睇怕都唔駛肥妹仔我多講啦!!!!!初六肥妹仔我仲放緊假, 瞓到十一點自然醒就落街食過靚早餐先~~~通常如果肥妹仔我喺呢個鍾數想食埋午餐既話都會揀去三盞燈食過皇牌早餐, 因為佢個皇牌早餐有多士, 蛋, 麵同一杯野飲, 份量絕對可以令你頂到幾個鍾架!!!!皇牌早餐 $36牛油厚多士, 炒滑蛋個厚多士外表烘得香脆微焦, 有一面塗上滿滿既牛油, 試問又有牛油又香脆可口, 點會難食呢!!!!!!不過肥妹仔我建議份多士一定要趁熱食, 凍咗既話就浪費咗人地一番心機烘得香脆既厚多士了. 炒蛋無咩特別, 應該無落牛油去炒, 味道普通.....澳門蕃茄豬膶麵拿......沙爹牛麵肥妹仔我相信間間茶餐廳都有, 但係做得好食既蕃茄豬膶麵我估就唔係好多啦......三盞燈既蕃茄豬膶麵個蕃茄湯底好似罹宋湯, 酸酸甜甜, 有煮得軟諗既薯仔塊, 紅蘿蔔, 椰菜和西芹, 非常足料!!而且個湯底都幾杰身, 同粉麵一齊食真係會成碗湯都飲晒!!!!! 個豬膶份量唔小, 塊塊都大, 完全無臭豬蘇味, 而且塊塊豬膶都非常爽口, 一D都唔梅, 好食!!!!!!熱奶荼講過秘密你地知呀, 其實肥妹仔

下午茶食左個下午茶從來未試過，這樣一個的猪扒包，真的不知道所謂。一塊猪扒加個包，就叫猪扒包，不如囉兩塊方包，㚒住塊猪扒啦。仲要唔平，要成三十幾銀野，一心想嘆個下午茶，有點想嘔。

星期六，瞓到10點幾，同屋企人去食早餐， 想飲杯香滑奶茶，就諗起呢間店喇 ，可能口碑好，早餐時段呢間店經常有好多人喺門口等位，好幸運我哋等咗大概10分鐘左右便有位，我哋點咗沙爹牛肉麵+ 牛油方包 + 白汁雜菌奄列和蕃茄豬潤通粉+蛋治；沙爹牛肉麵湯底惹味，牛肉淋滑冇雪味，麵質彈牙好吃， 奄列蛋味香滑足料， 蕃茄豬潤通粉蕃茄味濃郁豬潤爽滑， 最欣賞係佢哋杯奶茶，沖得好滑有茶香， 奶同茶嘅份量比例恰當，維持水準，無令我失望。

突然好想食炒烏冬，又好耐冇食就諗起呢間餐廳，叫左金菇肥牛牛肉炒烏冬，個炒烏冬好入味唔會太咸，牛肉又唔會太韌，只是烏冬淋左少少，如果冇咁淋就very good。呢度凍檸茶都好好飲。

我通常朝早經開呢頭都黎呢間三盞燈。每次早餐必叫係厚多士，沙嗲牛麵，奄列或者其他兩款（炒蛋，西煎雙蛋）都好食。我個人喜好唔好公仔麵，所以叫通粉米粉食。講下個多士，十次九次都好脆，咬落軟綿綿，而且仲熱熱地。我食過咁多次，得一次係淋身。炒蛋奄列定西煎都做得相當滑，感覺似加牛奶炒。其他主食，特別要講個沙嗲牛麵，我通常飲少少湯，好香沙嗲味，但唔會飲完好口乾。麵底就可以加4蚊轉出前一丁。飲品🤔我喜歡飲熱杏霜，但並唔係間間餐廳都有。再者唔係個個水吧都沖得咁好。呢間杏霜好濃郁，完全唔水稀稀，擺一陣會結左一層杏霜係面，好好味服務要讚，員工快手，坐冇耐舉手落單，好快有人黎。傾幾句偈，就有多士到，絕對唔需要等好耐。我發現冇咩特別員工改動，食物質素一直保持到。環境座位寛敞，無需要逼住食飯。地下以食肆標準，算乾淨。（個人好執著地下清潔，我會受乾淨程度影響食慾）價錢合理，圖有餐牌，我兩個人食，其中一個凍飲加2蚊，埋單70。重要的是絕對飽，我比一般女士大食🙈，都覺得夠飽。

星期日早上，同屋企人去三盞燈食早餐，三盞燈星期日既朝早特別多人食早餐都幾多樣俾我地揀我就叫左個豬扒包配熱好立克上餐速度好快，等左5分鐘左右就有得食啦個包好軟鬆，甜甜地，而豬扒係有骨個隻，味道唔錯，而且豬扒肉質幾腍，比起之前去澳門食既豬扒包，我中意呢個多d😎

假日四處都多人食LUNCH 剛好來到等了2張枱就可以入座裝修後都幾個月沒有來吃過$42 蚊有個湯及有杯飲品凍飲+$2 點了2個餐餐湯有羅宋湯美式什扒餐來到都好大份，有片火腿、一條腸、豬扒同雞扒我覺得真係好抵食，平時一個什扒餐42蚊係食唔到味道方便蒜蓉汁味不會太濃有很香味道豬扒肉質鬆軟有口感來到已聞到陣陣番茄味夠香濃飲落甜甜的有蕃茄蔬菜湯特別醒胃波菜雞絲意粉 意粉與汁之間都很入味有忌廉味道，意粉一條一條口感彈牙雞肉就切得不太幼似是一件件雞肉，肉質都幼滑波菜估不到焗出來後很不錯，味道連汁一起吃很夾。2個餐加都是$88

以往差不多隔天都會光顧其早餐,食物算不上特別,但其奶茶有很香的茶味。餐廰於7月裝修,上星期六重開,以為食物會保持水準。很可惜,昨天早餐點了蛋治烘底三文治,但職員忘了烘底,於是當然要她重做啦!小妹還點了一杯茶走。嘩,點知杯奶茶難飲到死,沒有茶味,只有甜味,與期望有很大落差!