三門仔漁夫火鍋點心專門店 (已結業)

這天過去安蔭村找朋友食飯,他帶我去一間用料十足的中餐廳共享晚餐。他知道我最近心情不好, 點了一個杏汁豬肺湯给我。48元可以飲到杏汁豬肺湯價錢好優惠。奶白色杏汁加上洗得好乾淨嘅豬肺同埋小白菜,滋陰補肺。豬肺起碼有四五嚿,呢個湯冇乜味精,非常健康,最適合女士享用。芥蘭炒元朗臘味,秋冬時節最好就係食芥蘭,芥蘭梗係要用埋臘味炒啦。有臘味嘅香味加上油份炒出嚟嘅芥蘭特別鮮甜。聽說他們的臘味是元朗新鮮曬成的,有別一般，屋企食的x華臘腸。他的臘腸真的很好味,肥瘦均勻,即係連潤腸我都覺得好好味,不過臘肉就留返朋友食啦。芝士龍蝦伊麵,198兩個人食,一送上嚟濃濃嘅芝士味飄入鼻子。龍蝦伊面,龍蝦起碼有一斤,爽口彈牙,非常新鮮,食到我們舐舐脷。最後他們送了南瓜西米露做甜品作總結,完美的一餐。朋友說他常常帶媽咪過來飲早茶,就知道這間餐廳廚房用料十足,她都是第一次食晚飯,我俩把茶談天,互相安慰,互相勉勵。做任何事都不是因為生氣而去做,所以不用生氣,如果你生氣的話那就不如不做了,對嗎?所以選擇好的餐廳，好的食物，好的朋友，都是因為喜歡才選擇的。滿分為10分(1分最低，10分最高)食物：8.5環境：8.5衛生：8服務

今日朋友帶咗我泥呢間漁夫食飯，佢嘅位置唔係好顯眼，所以我初初冇抱太大期望入去。餐廳嘅環境都好簡樸，有小小酒樓飯店嘅感覺。初初都唔知嗌咩野食好，佢有得嗌餸又或者打邊爐，最後我地決定咗嗌餸食飯。我地嗌咗呢到好岀名嘅炸子雞，冰鎮海鮮蝦，蒜蓉蒸貴妃蚌，炒豆苗，乾炒牛河同埋灼金古魚。佢嘅炸子雞嘅雞皮脆卜卜，甜甜地，而且雞肉好嫩，仲要啖啖肉，賣相都好靚，熱辣辣香噴噴加埋薯片嘅配撘一d都唔單調。而佢嘅冰鎮海鮮蝦就咁望都覺得好吸引！佢嘅蝦全部都好新鮮，而且加上佢凍冰冰，佢嘅蝦好鮮甜，再點豉油同wasabi真係冇得頂😋佢最好嘅係佢地會准備一碗檸檬水比我地剶完蝦可以洗手，咁就唔怕對手污糟啦👍🏻蒜蓉蒸貴妃蚌都冇令人失望！佢嘅蒜蓉香味加上粉絲同鮮甜嘅貴妃蚌真係好味到一個點！佢嘅粉絲完全唔硬，而且貴妃蚌都唔會有沙！至於佢嘅炒豆苗我初初冇期望d咩，但食落去估唔到豆苗都可以咁好食，佢嘅豆苗好清甜而且好爽口。而佢嘅乾炒牛河唔會話好油，佢嘅牛肉都好多，成個份量都好足😋牛肉唔會話炒到乾曾曾，個味都唔會話好咸。佢個魚都好正，佢有個煲比我地去灼d生魚片，而個湯底都好清甜，佢嘅金古魚好嫩滑，好鮮甜🤨灼熟之後食再點豉油真係好好味

今日去石籬做野，收工既時候經過見到有間叫三門仔既餐廳，朋友話想上試，我地就入左去😳餐廳環境好大，好適合一家大細去食飯，位置都好闊綽坐低睇左下餐牌，入面好多套餐，份量都好多，岩我地唔知食咩既人，不用想食什麼，餐廳都有好多海鮮類我地叫左一份雞，個外皮好脆，完全不會淋，雞肉好滑，炸得剛剛好，份量都好多，另外我地叫左一份字骨，個汁真係好好食，我第一次食這種味道，咬落去好多肉之後叫左個豆苗，哇份量竟然有甘多，仲要好新鮮海鮮方面我叫左一份蝦，冰震蝦我也是第一次食，冰震既海蝦更帶出鮮味另外我地再叫左一個，象拔蚌、蒜泥加上粉絲真係太夾，真係好好食因為無叫飯，所以我地叫左個豬頸肉炒河，份量好大份，好有鑊氣，最後再叫左個魚，一放入湯幾秒就食得，魚肉好滑，好好食，另外魚仲可以加30加工，但我地太飽所以無整到，次有機會可以再加工試下條魚

朋友是葵涌人，帶我來佢屋企附近食好嘢。的確，如果唔係住附近，真係唔識路嚟呢度搵嘢食。見到招牌以為係打邊爐，原來唔止，呢度食小菜同海鮮都好出名。呢度地方非常寬敞，裝修感覺有啲似深圳連鎖食肆，以懷舊有趣的家居用品裝飾。牆壁上好大幅油畫，很有立體感，畫出漁民居住的海邊風光，幾靚！坐低就送來一碟花生小吃。餐牌有好多小炒都係以海鮮做材料，當然，除了海鮮還有很多家常小菜。一場來到，點都試下廚師推介的龍蝦伊麵。杏汁白肺湯$48 一位，飲靚湯來說，價錢好抵飲。天氣乾燥，飲個靚湯滋潤下。入口有好香杏仁味，配料還有主角白肺和菜膽，白肺清潔得很乾淨，食落沒有沙，已經煲到好淋，吸收了湯的味道，令白肺也十分香甜。整個湯很香濃，飲完好溫暖。芥蘭炒元朗臘味$108例牌。職員介紹這是元朗生曬，100%香港製造的臘味，真的非常好吃！鹹香配芥蘭炒是絕配。芥蘭爽脆新鮮，加上第一口已食到好香的紹興酒味，食得好開胃！食材絕對有花心思，是我吃過最好吃的臘味炒芥蘭！ 喜歡食臘味的人要試！芝士牛油焗龍蝦伊麵$198。 龍蝦都好大隻，起碼重一斤，用料交足功課。 伊麵底用上湯煮過，吸收了湯汁和芝士的味道， 質感仍然煙韌，沒有煮過龍。口感

見到網上介紹呢間餐廳好似唔錯, 咁就BOOK位黎試下我地一行6個人, 我地冇選擇到佢既套餐, 因為好似唔太岩食另外散叫既MENU選擇都唔係好多, 而自己又衰, 冇做好RESEARCH, 原來炸子雞要預訂所以都揀唔到太多野食 (因為我地食小菜)網上有介紹呢個石鍋蟹飯, 叫左一個黎試上菜時熱辣辣, 放低已經聞到好香既蒜蓉味, 將D蒜蓉撈均個飯再食個飯食落去好似煲仔飯咁, 個底仲有飯焦, 再加埋D蒜蓉同埋蟹肉一齊食, 好香好惹味, 有原隻蟹係上面, 蟹肉都鮮甜好食, 最後仲叫埋個蝦飯, 食到停唔到口丫鳳梨咕嚕黑豚肉其實就係我地平時食既咕嚕肉, 份量唔多, 但勝在新鮮整出黎, 食落去熱辣辣脆卜卜, 好開胃石窩薑蔥桶蠔薑蔥味好香呀, D蠔都好大隻, 的確係桶蠔SIZE, 桶蠔都新鮮!!腐乳通菜好正常既味道, 冇乜特別招牌菜膽杏汁白肺湯呢度既另一推介, 豬肺洗得好乾淨, 杏汁味都好香, 冇味精, 豬肺份量都好多婆婆好鍾意呢個湯, 最後仲要打包走添!!最後就係呢個蒸魚啦, 係咪覺得好奇怪呢見到佢白雪雪, 冇蒸魚豉油既?話說就係佢已經用鹽調過味架啦,,,所以唔需要蒸魚豉油架我都係第一次咁樣食, 但味道

今晚同屋企人做節，近近地屋企附近食就算，樓下有一間之前睇雜誌介紹過嘅火鍋餐館，見佢個燒雞好似幾吸引所以預早book定，其實佢有套餐我覺得都好抵食，下次去試吓先，價錢合理而且我見隔離枱食緊份量都好多火鍋配料都好多選擇價錢都OK 菜膽杏汁豬肺湯好香好甜落足料，豬肺都洗到好乾淨沒有異味，細細個見阿媽洗豬肺嘅功夫真係好煩複，所以唔係咁多餐廳會有做我哋一叫咗個鹹菜豬肚魚窩，店員教我地慢慢開始食，豬肚跟住再食條魚，最尾就係飲湯，咁樣能夠將佢哋嘅精華都比個湯吸收晒 魚夠新鮮而且豬肚都好爽口呢個就係雜誌介紹的當紅脆皮炸子雞，雞皮炸到脆卜卜，雞肉都冇因為咁而好乾身 怪唔得要預訂金銀蒜鮮蝦石鍋飯都出名嘅招牌菜，一黎到已經感受到個熱力，未上枱已經聞到嗰個香味將成個飯撈勻，跟住慢慢將底部嘅飯焦翻上面，飯焦脆加埋香蒜撈勻真係好好食，我一個人食咗兩碗飯蝦都係新鮮一食就知，總括來計呢餐飯係合理嘅價錢，下次我會嚟試吓佢個火鍋套餐

食海鮮有幾個地方好出名, 有鯉魚門, 流浮山, 長洲都有但好食既唔係好多, 經過今次一戰, 我發覺呢間真高素質話說三門仔漁夫係由鯉魚門搬過黎, 仲有好多忠實fans支持我都成為左fans, 真係食物真係好唔同, 正門口位已經似食海鮮既地方有火鍋同單點既小菜選擇仲有酒叫黎飲, 不過一定要成年啊!!!菜單叫完小菜後就送左碟小食食住先, 花生都脆口好食~冇幾耐湯上先我講你知, 佢地真係落足料去煲杏汁豬肺湯冇添加味精, 少少杏汁味, 好清甜而且甘大個仔第一次食豬肺, 好軟好食, 有少少似食花膠蒜蓉蒜貴妃蚌蒜味香濃, 蚌又新鮮又彈牙, 仲有少少咸咸海水味配上粉絲令層次分明, 仲要蚌係大大隻..滿足七味炸豆腐上枱時已經好香食落外脆內滑豆腐味又濃又滑身椒鹽亦岩岩好, 冇落太多雞泡魚乾食落甜甜地硬身得黎又唔難咬, 仲有少少脆口, 送酒一流石窩金銀蒜蝦飯直頭係呢餐既精髓蝦又大大隻, 唔係一隻半隻甘少蝦好鮮味, 加上蒜蓉更加帶出鮮, 而且爽口唔"梅"加上一啖飯一隻蝦, wow, 好正個飯係炒過黎, 好香店員告訴如要食飯焦可能要比少少時間焗一焗先好食紅豆沙陳皮味都幾重但係紅豆份量都唔少, 唔會水好食好食

M先生收工話同我上去試下一間食海鮮，事緣上次他吃公司飯就是在這裡，吃過覺得很好吃，就帶我過來。在等菜的時候有小吃比我地食住等，是花生同脆條，有少少芥末味同淮鹽味，都幾好食味椒鹽豆腐粒咬落去豆腐好滑，豆腐味好香，做到皮脆內嫩既口感，真係好好食！D椒鹽粉唔會太重口味遮蓋哂，唔會辣，食完搞到我keep住不停想食椒鹽豆腐千島雞泡干因為我未食過，M先生話幾好食，叫我一試，原來煙煙韌韌，魚乾味濃，可以再蘸埋沙律醬，作小食或者配酒一流蒸貴妃蚌好多好濃蒜，多汁又濃味，而且隻貴妃蚌好爽口，夠哂新鮮，而且粉絲夠哂林，又滑，唔似出面生粉絲又硬又唔好食，最緊要係多汁杏汁豬肺湯第一次飲杏汁豬肺湯，聞落唔會好重杏汁個種臭味，隱隱若若有杏仁味，而且一飲就知冇味精，好清甜，而且豬肺好似食緊花膠咁，M先生話如果豬肺做得唔好係好腥，但我第一次食就覺得好好食，仲可以蘸埋豉油，湯渣仲好多TIM架，成盅湯有成4舊豬肺石鍋金銀蒜蝦飯食海鮮食得最多都係蒸蒜蝦飯，這款蒜蝦飯一看面頭就知夠香脆，蒜又香，蝦爽口夠哂新鮮又多肉，如果喜歡食飯焦仲可放耐點就脆卜卜，而且飯底專登炒過先上架，食到舔舔脷熱陳皮紅豆沙最後的甜品是紅豆沙，紅豆沙不會特

雖然喺附近住，但係都係第一次食。上網見到有介紹呢間餐廳話係食神推介，都好想來試下炸子雞，但係怕炸子雞一隻已經食飽晒所以一直都無來。後來先知道原來可以叫半隻就即刻叫埋阿媽嚟食啦小食係花生+類似炸雲吞皮都幾脆菜膽杏汁燉豬肺湯：每人一盅豬肺湯暖暖胃冬天岩飲呀！ 杏汁味都幾出，而且都幾足料！有幾舊豬肺同好多菜，豬肺洗得好乾淨炸子雞： 炸子雞配薯片都幾得意 呢個招牌菜值得一試！！ 因為皮真係好脆但肉一d都唔乾，有肉汁。而且有雞味，肉質實，唔係冰鮮雞金銀蒜蝦石頭鍋飯：個石頭鍋真係好夠熱，上左枱幾分鐘都仲聽到吱吱聲，店員話想食飯焦就等作幾分鐘先再攪拌果然食到好香的飯焦摌飯焦果下好爽呢碗糖水係送的，香芋西米露，都幾多香芋喎，煲到好綿影左套餐俾大家參考下：下次過節會再來食的

今日係附近做完野見都差唔多食飯時間就Openrice下附近有咩食 然後就揾到呢間 因爲見佢又有海鮮小菜打邊爐咁多元化 就諗住一定有野啱食 一入到去 原來間舖幾都大下 座位之間都好寬敞 坐得好舒服 首先叫左個招牌湯 燉杏仁豬肺白菜湯 個湯係奶白色 好足料 有好多舊豬肺 同埋D豬肺洗得好乾净 飲落好鮮甜 另外又叫咗彩椒炒蜆配米粉底 蜆全部都非常大隻 好新鮮 吐沙吐得非常乾净 完全無沙 個米粉底煎得好乾身 好香口 連埋D汁一齊食 好好味 最後叫左個黃金蝦 呢個黃金蝦真係無得頂 店員一上菜已經聞到好大陣既鹹蛋黃味 如果你係鹹蛋黃fans一定好鍾意呢個餸 d蝦已經是去左個蝦頭 同埋d蝦都好新鮮 食落都好爽口 最後都叫左個菜 比較清淡啲 但係都好新鮮 總括黎講 依間餐廳價錢唔貴 食材都好新鮮 環境座位都舒服 值得推介👍🏼

今天和朋友出去吃飯 朋友想吃海鮮 就找到了這一間餐廳 除了海鮮還有其他的小菜 海鮮打邊爐 還有套餐 今天只有我和朋友兩個人 所以我們就單點了 首先我們點了一個燉杏仁豬肺白菜湯 這應該是這裏的招牌菜 看其他的食客也有點 我是第一次喝這個湯 很有杏仁的味道 豬肺洗得很乾净 推薦！黃金蝦 朋友很喜歡吃蛋黃 所以點了這個 真的很重蛋黃味 蝦非常新鮮 我們還點了這個炒蜆配米粉底 蜆很大一隻 洗得很乾淨沒有沙 炒得很香 除了食物不得不提的是這裏的店員都非常nice 會不時留意客人的需要 例如會幫客人換碟子 還會問客人覺得食物怎麽樣等等 還有這裏的環境很有家的感覺 有很多擺設 裝飾 很喜歡這種有家的感覺的餐廳！以後還會再多來！

今日同屋企人去食好西，但係又唔想去太遠，於是當散步係附近行下，行行下見到三門仔嘅餐廳，間餐廳名叫三門仔，以為佢開係三門仔，嚇到我以為自己唔小心行咗去大埔tim，哈哈哈。係出面冇唸到個餐廳咁大，入到去見到個餐廳ok大ok靚。之後一開始個waiter幾Nice幾好招呼，比咗小食比我地食，有花生同薯片，不過我覺得花生係好食啲，不過見仁見智啦，食完花生傾咗陣計啲食物就到，我地叫咗個芥蘭炒臘腸，幾惹味嘅，分量都好多下！食完之後再食金沙骨，味道清淡，適合空口食，唔錯唔錯。之後我地貪得意叫咗個石蚌魚，佢另外上咗個湯底，漉咗幾下就入口其實認真鮮甜，呢個真心推介，食到最後都唔係好舍得食，因為真係幾好味。之後就係豆芽炒魷魚，兩個我最愛，mix埋一齊唔洗講乜，相信你明白最後又甜品，就係南瓜西米露，不過佢係熱嘅，我個人就喜歡凍嘢，如果個甜品係凍嘅就perfect match喇！總括，間餐廳服務唔錯，嘢食都幾好味，推薦

老實講，如果唔係甘啱經過呢頭，我都唔知道原來呢度有間咁樣嘅食肆！位置的而且確有啲偏僻，距離地鐵站約10分鐘路程。入到黎，見到呢度嘅裝修都幾得意，幾有屋企嘅感覺。同朋友兩個人嚟到已經好肚餓，坐低就即刻嗌嘢食，主食我哋叫咗個金銀蒜鮮蝦飯，估唔到咁簡單嘅材料都可以咁好食！個飯一黎份量夠大，我同朋友兩個都差啲食唔晒，二來蒜蓉落得好足，完全吊出蝦嘅鮮味！仲有啊，啲蝦隻隻都咁大隻，肉質又夠爽！甜品係疏乎厘，睇吓表面冇乜特別，但原來內有乾坤！底層係南瓜西米露！真係有啲出乎意料之外，作為甜品來講，並唔算太甜，我就覺得啱啱好啦，估唔到疏乎厘嘅綿密同埋南瓜蓉嘅香氣可以咁夾！食到我哋兩個捧住個肚走，為今餐飯加上一個好完美嘅句號呀！

每次諗食物都會諗到頭都大，最好就係有朋友可以話事。今日去開朋友住的地方，咁就一於等佢帶我食好西啦！葵涌呢邊真係好少黎，朋友就話揀定間可以打邊爐又可以食小菜的餐廳．話睇下我到時想食咩喎～　再試一間餐廰好唔好食，當然要食小菜啦。呢間餐廳入口位都唔細，行到入鋪頭都先發現內有更大的空間，座位之間都會好密，好方便傾計。我地一坐低，店員就送上小食。睇睇餐牌有咩食先，呢到都叫三門仔漁夫，不少得就有海鮮，各類海鮮都有，今晚食叫咗２款，一款係冰鎮海蝦，另一款叫咗彩椒炒聖子加米粉底。另外我地仲叫咗鳳梨咕嚕肉再加埋個湯就岩岩好喇。上菜了，先黎咗個杏汁白肺湯。一打開，勁香的的杏汁味道，未飲己經覺得好吸引。仲要勁多料。冰鎮海蝦鮮甜有咬口，啲肉唔會太實非常好。唔點豉油都好夠味。鳳梨咕嚕肉啲肉有啲硬，不過整體都ｏｋ。彩椒炒聖子加米粉底呢到的海鮮值得推介，因為呢味菜都唔錯，聖子都係爽口彈牙。味道唔會太咸，有時都會怕豉椒會太濃味，但呢個唔會，味到啱啱好。

因為工作關係，我都會去唔同的地方食飯～　同朋友都會試唔同餐廳。今日去到葵涌就揀咗呢間三門仔漁夫火鍋點心專門店。見佢個名都幾得意，咁就入咗去試！一睇就知呢間野有海鮮食啦。店面入口直望以為鋪頭細細，不過行入少少就見到個幾大的位置，也不少的枱。枱與枱之間有足夠的空間，唔會好迫。呢到的姨姨都幾nice，做野又快手有禮貌～內裹裝幾有家的感覺，見佢有打邊爐又有小菜，呢幾日打得太多邊爐，決定叫小菜，朋友想食蝦，所以叫咗冰鎮凍蝦，睇睇個餐牌 有杏汁豬肺湯，啱哂平時無湯飲既我，即刻叫番個黎試試，黎到都幾香杏仁味，仲有幾舊豬肺係度，豬肺洗得幾乾淨，唔錯。另外店員又介紹咗幾款小菜給我們。冰鎮冰蝦大家定要試，佢係用就鮮海蝦做的，size唔會太大隻，不過一撇開蝦頭就有少量膏，算是驚喜！蝦肉質爽口彈牙，鮮甜的味道！要加分！！另外一款海鮮店員介紹咗聖子！其實我自已有啲怕出街食呢款海鮮，因為通常啲鋪頭都會洗得唔乾淨，會有沙！不過今次店員大讚話係熱賣的話，咁就試下啦。味道都ｏｋ，廚師手勢都唔錯，唔會太老！最後仲有甜品送，滿滿足足咁就走。