上品火鍋料理 (已結業)

脆牛腩，牛腩外皮炸得酥脆，口感札實，有點像牛展，配上店家秘制的醬汁，好味。鹹蛋黃鮮魷，看見這鮮魷在其他博客的照片已令我垂涎三尺，鮮魷被那金黃色的蛋黃緊緊包裹，在口中發揮濃烈的蛋黃味，配以鮮魷彈牙的口感，美妙。醉雞，意想不到在火鍋店的醉雞竟能有如此高的水準，酒味濃不在話下，最重要是肉質嫩滑，難得。流沙墨魚丸，又是我最愛的鹹蛋黃系列，流沙的鹹蛋黃躲在彈牙的墨魚丸裏，一口咬下，內餡傾刻爆發，滋味。選了椰子花甲蟹鍋，特別喜歡湯料花甲跟鮮蜆另上，令到在座每位也能捕捉鮮料的鮮活，一輪搶攻之後個人分得了一件蟹身，蟹肉鮮甜美味，蟹糕特多，溫馨提示絕對需要小心看火，否則蟹肉過了火便枉費了它的犧牲，湯底椰子味濃，混和花甲及鮮蟹的鮮甜，好得沒話可說。芝士蝦丸在坊間吃得多，但這間餐廳的芝士選料特別，是一種帶點歐式風味的芝士，值得一試。灌湯茄蓉包，感覺有點 fushion，就像是意式肉醬與中式小籠包的混合體，特別。上品牛肉拼盤，款式琳瑯滿目，令人花多眼亂，計有頂級本地鮮肥牛，新鮮邊爪位，新鮮牛柳粒，新鮮金錢展，安格斯肥牛，新鮮牛胸尖及最為人熟悉的雪花肥牛肉，口感由油脂豐腴到爽身滑溜，種種都獨當一面，絕對要每件也

九龍城嘅食肆多不勝數其中一樣成日幫襯嘅就一定係打邊爐今日同媽咪慶祝牛一就揀咗位於九龍城龍崗道嘅《上品火鍋料理》呢間火鍋店裝修企理乾淨 坐得舒舒服服最啱就係一家大細去打邊爐媽咪平時最鍾意煲椰子湯所以就揀左椰子花甲蟹煲做湯底$198貪佢甜得黎又鮮味椰子湯底呈現奶白色 椰香味十足入面仲有粟米、秀珍菇、紅蘿蔔加埋花甲同埋原隻肉蟹令湯底更加鮮味 打邊爐之前一定要飲幾啖美國桶蠔$168桶蠔有成一隻手掌咁大隻肥大肉厚 肉質非常嫩滑 蠔味濃郁上品牛肉拼盤$368呢個牛肉拼盤有成六種牛咁多又有 牛肩脊 牛展 雪花肥牛每種牛肉都佈滿油脂 非常甘香媽咪鍾意食魚 所以叫咗台灣鱔片$108鱔片切得非常薄 輕輕一滾已經食得肉質彈牙 細骨唔算多 又唔腥媽咪都讚不絕口芝士爽蝦丸$98手打蝦丸口感彈牙入邊嘅芝士溶化之後可以拉絲鮮製蟹皇包$58/4粒蟹皇包好得意 食落有啲似灌湯餃不過入面嘅餡料就變咗蟹肉忌廉湯食嘅時候真係要小心淥親個嘴魚皮餃拼自製子母蝦腐 $88魚皮餃真材實料這麼蝦腐第一次食 同魚腐一樣 將蝦加埋豆腐 再加埋蝦子食落好嫩滑 加埋陣陣嘅蝦子香味好香呢度除左打邊爐 熟食都唔錯今晚就試咗燒汁脆皮鮮牛腩$88脆皮

約咗成班朋友打邊爐因為遲到關係我去到嘅時候朋友們已經點了湯底係食之前可以飲左啖湯底簡直清甜無比問返朋友之後原來係椰子湯底估唔到用上椰子做湯底又真係會清甜咁多食打邊爐就梗係一定要叫牛肉啊對於我係牛肉狂迷所以就點左上品牛肉拼盤因為一個拼盤就有晒本地鮮肥牛 新鮮爪位 牛柳粒 金錢展 安格斯肥牛 牛胸尖同埋雪花肥牛拼盤嘅份量都好多而且擺得好靚一擺上台就緊係相機食先啦其中我最鍾意嘅就係入邊一個特別部位牛胸尖呢個部位因為係街市你有時想食都買唔到因為牛肉檔通常會留返晒比啲打邊爐餐廳牛胸尖本身個樣好似成份脂肪咁但佢其實係牛肋骨上既一塊筋膜通常一隻牛只有一塊手板咁大塊嘅牛胸尖食落口口感爽脆牛肉味濃郁而且因為係筋膜嘅關係所以脂肪含量極低另外牛柳粒都唔可以睇小餐廳用上新鮮牛柳粒食落口唔會硬又唔會起晒渣成晚打邊爐我都係主攻呢個牛肉拼盤其他食物方面我就最推介呢款流心蝦丸通常做親包心丸入面黎黎去去唔係芝士就係蟹子或者係肉類但係呢款好特別因為一落去就係黃金鹹蛋黃流心餡所以一定要攤凍左先至咬落去食如果唔係真係急症室見了

食親打邊爐每次要準備好多配料去調制自己最喜歡嘅豉油已經係打邊爐第一種學問不過唔緊要呢度有成九款配料咁多我就最鍾意用豉油再加蒜蓉同埋䓤今次叫咗椰子花甲鍋湯底清甜而且有味湯底仲有大量嘅菇菌同埋粟米聽人講話打邊爐第一樣就係食蔬菜先因為係個湯底唔會太油膩嘅時候食咗蔬菜先就唔會吸收晒之後肉類釋放出來嘅油份所以等到油麥菜上枱嘅時候就梗係食咗蔬菜先啦可能個湯底仲未有肉污染嘅時候唔知係咪心理作用關係油麥菜又真係比平時食嘅更加甜更加脆口而且唔會林晒食落口又唔會俾D油包住咁之後就開始食海鮮先隨着湯底奉送嘅蟹同埋花甲雖然即係唔係大大隻嗰啲但係非常飽滿蟹身就啖啖肉啲肉一疏疏咁花甲方面唔單止鮮甜而且花甲肉彈牙另外叫咗新鮮珍珠蠔雖然size唔係好大隻但係蠔味完全鎖哂係呢隻蠔入面一咬開個蠔身蠔味直情迫晒出嚟其他食物都不過不失不過另外最令我喜出望外同有驚喜嘅就係叫咗一份鱔片用上雙飛嘅切法所以一食落去爽口而且彈牙更加巧妙咁切走咗骨所以食落去啖啖肉

今天下班後和友人到九龍城上品火鍋料理吃飯慶生，一於試試有咩好食先去到已經9點半後，所以有八折，都唔錯丫我地嗌左個椰子花甲蟹鍋，初頭以為係椰子水加啲杞子海鮮嗰種，一黎到，嘩！原來係濃郁厚身如椰奶般既湯底！好surprised ！入口湯底濃郁椰子味帶creamy ，加埋海鮮，成個湯底好正！海鮮加椰子既甜！湯底既花甲同蟹都好鮮甜，無因為湯底而求其！配料揀左蝦滑、流沙汁墨丸、西班牙黑毛豬，珊瑚蚌，豬紅，鯇魚片，四川粉皮，稻庭烏冬，生菜等等配料都好新鮮，特別要講個墨丸，咬一口流沙汁射出來，夾埋個墨丸既鮮味，整個口腔充滿著咸香味，好香好正！不過食時要小心熱淥親個口啊！黑毛豬淥到岩岩好熟放入口好軟滑！粉皮吸曬啲湯真係爽！哈哈不過個豬紅就唔得,有啲縮味都硬！食左兩件就不想再吃加湯方面不是加返椰子湯而是清湯，有點可惜。成晚的飲品主要係竹蔗矛根，一般般得糖甜味同偏貴不過overall 個湯底同墨魚丸取得高分，所以我都會再去的：）

九龍城除了泰國菜館林立之外，其實也有不少火鍋店～秋意起意味著天氣開始涼爽起來，與吃貨朋友合拍地齊齊想烚下烚下～🍜買完串燒後路經上品火鍋，看見門外放著不同時段的折扣優惠確實吸引！坐下後店員便呈上調味料，種類亦比坊間火鍋店較多～食物選擇多～亦推出周年優惠指定食物有半價！單單湯底已經有不少選擇，但最後選了(鮮茄薯仔牛粒鍋)～材料滿滿放在鍋上，飲落蕃茄味濃郁鮮甜，薯仔粉稔，牛粒有肉味肉質厚實而鬆軟～價錢亦合理！打邊爐當然無牛不歡！貪心想試多啲的我們二話不說叫左個牛肉拼盤。肥牛肉味挺濃，紋理均勻。牛胸尖爽口而有嚼勁，牛柳粒口感柔軟，但略嫌肥膏多左啲.....丸類選擇雖然相對較少，不過每款均吸引。最後點了雙拼，芝士爽蝦丸及流沙汁釀墨魚丸！芝士爽蝦丸口感彈牙，咬開後內裡的芝士餡份量澎湃，味香而不太滯～流沙汁墨魚丸同樣彈牙，內裡的餡味道像奶黃，味香而滑溜～唐生菜爽口而微甜，減少滯膩感！北海道大元貝既厚身而鮮甜～價錢亦親民！

個椰汁海鮮湯底都唔錯，幾好味。佢既醬汁選擇都非常之多，睇到我眼花繚亂。勁口渴叫番個西瓜汁，都幾甜冇溝水。又嚟叫咗個最鍾意食嘅墨魚滑，都幾新鮮同埋有口感。油麥菜加埋個湯煮都幾入味。 有朋友唔食得牛肉，叫咗碟羊肉都唔錯，幾新鮮。最後重送多個甜品，椰汁糕正。

本身約朋友來九龍城食晚飯，諗住都是吃泰式。誰不知朋友爬了文，說想試這裡的火鍋！剛巧又秋風起，天氣又涼，吃火鍋都不錯，就這樣我們便入店了。這裡的環境跟以往吃火鍋的地方有點不同，這裡較暗，幾有情調幾舒服。我們點了食物後，店員就拿了醬料給我們。基本上平時常用的都有，很整齊很乾淨我們點了豬骨湯，很多菇和粟米，非常足料！我們散叫了食物，有幾款真心覺得好好食：蟹子墨魚丸熟透後的墨魚丸非常彈牙，彈牙到一個程度，是令我想起「食神」中周星馳的魚蛋可當乒乓球打！唔係講笑，試過就知！除了彈牙，每一口魚肉都很實，一吃就知沒有偷工減料，良心食物唯在墨魚丸上面放了一些蟹子，放入鍋時最好用撈匙盛著墨魚丸這樣蟹子熟透時便會黏實墨魚丸，不會散到鍋裡。第二個想說的就是肥牛肥牛色水很鮮紅，感覺新鮮。簿切得來，肉和脂肪平均，咬口很好！而且份量也不少，不錯不錯！花雕醉雞 (非火鍋)特別點了一個非火鍋食物，因為見到唔貴，只是$68，所以點弼一客試試！雞肉滿滿是花雕味，而且肉質嫩滑！看上去只是一忠份量，但比預期中多，夠食！高度推介另外，這店的店員非常有禮，有種賓至如歸的感覺，讚

天氣涼涼地，穩到間特色火鍋店歎下，上品火鍋料理系火鍋加日本料理刺身，組合已經好特別，而且湯底有成十幾個甘多，我喜歡藥材，點左醉雞藥材湯底，非常滋保，味道偏甘，湯可以飲埋，秋天進補好時機，不容錯過，我最喜歡食牛呢個牛肉拼盤一定要點，有齊牛最好味嘅部位，牛展有嚼頭，牛仔粒好彈牙，肥牛，雪花牛，都好有牛味，食到系優質牛，呢個價錢非常抵，3個人先食得曬抵食又好味湯底配1/4嘅雞，雞好爽滑，好彈牙，又有雞味呢個自家制嘅鮮蝦芝心蝦丸，有蟹子好彈牙，厚厚嘅蝦肉包住鮮蝦，食到中間有好多芝心，一齊食有3種口感無得頂啊

又係開心打邊爐嘅時間，今次試下叫椰子花甲蟹湯底，椰子湯味勁香，蟹同花甲都新鮮，未開始打邊爐我就已經好俾心機飲緊個湯底。身為牛魔王嘅朋友就叫咗個上品牛肉拼盤，有頂級嘅本地肥牛肉，牛柳粒，安格斯肥牛，牛胸尖，雪花肥牛，上到枱樣樣顏色都好靚，食落都ok新鮮同埋甜。又叫咗個稻庭烏冬，好煙靭，加埋個湯底食真係一流。

名副其實品質至上的一間火鍋店裝修走新派路線落地玻璃可以望出街令整體感覺更加寬趟正所謂秋風起三蛇肥開始踏入秋涼天氣我哋三條懶蛇終於開始出動大蛇提議呢間火鍋店佢之前同判頭食過話好正鮮茄薯仔湯底 $68呢個湯底真係香濃多料蕃茄鮮甜之餘個湯底仲有好多大大粒牛肉煮到好似牛尾湯咁濃郁估唔到都幾多料我哋幾個都食牛Menu睇來睇去覺得最抵食都係這一個上品牛肉拼盤 $368因為可以一次過食幾款唔同嘅牛肉雖然部位唔同不過都係靚 level果然是招牌菜我們食到停唔到口呀拼盤有安格斯肥牛＋牛胸尖雪花肥牛、新鮮牛展、牛柳粒本地鮮肥牛。。。白色的雪花入口好滑咁多款都一樣牛味濃郁脂肪分佈平均～唔肥膩入口即溶～口感特別跟住店員仲提我地因為點左一個上品牛肉拼盤跟住我哋就可以特價 order 幾款特色小食我揀咗冰鎭泰式鮑魚撈 $59鮑魚撈夠厚身爽口鮮甜有嚼勁蘸了酸酸辣辣的泰式醬汁特別 crossover Thai~好惹味非常抵食茶介好似＄２０／位自製鮮打四寶丸 $78丸丸更加係不可缺少的喜歡手打鮮墨魚丸和蝦丸真的爽口彈牙打邊爐咁熱氣梗係要飲涼茶啦竹蔗茅根 ＄40送既甜品是心思思紫薯布甸有紫薯味最緊要係影相靚九龍城果然有好

而家打邊爐真係有好多選擇，而喜歡飲飲食食嘅我就最喜歡食新店，今晚行過九龍城見到間餐廳都好多人等，全靠外面係落地玻璃，望到個裝修都好新又乾淨！於是便排隊等了一會有位，座下時店員便放下打邊爐嘅醬料任君選擇，望吓餐牌，有好多選擇，今次點了個蕃茄薯仔牛粒湯底$68，湯底中嘅材料放滿了整個煲內，當然打邊爐點可以不點肉呢！點了個上品牛肉拼盤$368超大份，有鮮牛柳粒、雪花肥牛肉、同安格斯肥牛拼牛胸尖、邊爪位、牛展，放在湯中一會兒便可以入口，肉質軟滑，就算牛肉粒浸泡在湯底中，亦不會太韌，肉質彈牙！另外嘅自制鮮四寶丸$78亦好好味！墨魚丸超彈牙爽口，牛肉丸亦好鮮牛肉味，重有煙韌彈牙嘅鮮蝦丸，同都好彈牙嘅豬肉丸叫了個拼盤後完來可以點一個特價小吃，是日冰鎮泰式鮑魚撈$59，鮮鮑魚肉質超爽彈牙，加上泰式辣醬帶少少辣，確實開胃加多樽清甜嘅竹庶茅根水$40，真係飲多幾啖濃湯都不怕吃飽時，門口已經有好多人等候，如要吃可以先訂位，免得要等候！

當依家大部分新興火鍋店都係做緊六十分鐘或九十分鐘，百幾兩百蚊任食火鍋的時候，仍然有的火鍋店致力為顧客提供上盛火鍋材料。今日我同班姊妹就去左九龍城上品火鍋料理獎勵一下自己的舌頭！為忙碌的工作叉一叉電！刺身拼盤一坐低，我地就已經畀個刺身拼盤吸引住！決定正式試火鍋前，看看新鮮的刺身味道如何。很澎湃的一個刺身拼盤！果然光是看擺盤就已經非常吸睛！刺身包括北寄貝、帶子、象拔蚌、甜蝦、三文魚，鮑魚和泰式海蝦刺身撈，每樣身材都保持原有的鮮味，而且豐有海水的味道。最吸引的係泰式海蝦身撈，加配店舖預先調配好的香辣汁，非常惹味！脆皮芝士蝦丸姊妹仲叫左碟脆皮芝士蝦丸做小食。$88六粒好似乒乓波咁大粒的蝦丸，望落去已經攞左唔少印象分。真係好過癮啊！咬開外面香脆而不油膩的脆皮之後，就有彈牙扎實的蝦肉，中間就係熱辣辣的流心芝士。依個配搭真係冇得輸！餐前小食係一流手打蝦滑更是我至愛，一班人食到津津有味！自家製系列果然不同小可，好有特色！脆鯇片鍾意食魚的朋友，食火鍋一定要點脆鯇片！紋理清明的脆鯇魚片，只要輕輕放入火鍋湯燙幾十秒，就會剛好變成奶白色，再稍為點少少火鍋醬油，入口爽甜而有咬勁，重點幾乎冇魚骨！唔使擔心會哽骨！

今晚去九龍城揾食，選擇實在花多眼亂，入呢間因為太耐無打邊爐，又想慢慢坐慢慢食叫左個海鮮拼盆，菜牌寫左佢有魚、蝦、蟹、蠔、花甲、同聖子。而且送埋湯底，計落又幾吸引！點菜後WAITRESS羅左個醬料來，好多選擇！而且有哂LABEL介紹，又整齊，非常好！海鮮拼盆到啦！佢用左一個賣相相當唔錯既盆來，底入面墊左冰，望落幾新鮮第一時間食左聖子先，幾大隻，有三分之二筷子咁長，食落去好鮮甜，好新鮮既感覺，美中不足係入面有少少沙，扣左少少分，但整體黎講都算唔錯。蝦就有四隻，未食之前已覺得佢好新鮮，因為我未食佢之前佢仲係係個盆入面不斷郁。另外蝦都幾大隻，肉係鮮味夾甜既，唔似得有Ｄ地方食落就梅果類。蟹都ＯＫ，新鮮的三點蟹，夠大隻，但只得一隻，食到到喉唔到肺，但講真，啲蟹膏真係好好味，好鮮好甜。花甲係大花甲，放落去碌完之後都唔係好縮水，仲食到花甲肉，保留到原汁原味。還有不得不提條魚了，店員放左個拼盤係我枱面之後，條魚仲係不停郁，個魚咀仲不斷開合，我心諗唔係新鮮到咁卦，起哂肉家喇喎！魚肉都係好鮮甜，師父片得好薄，碌半分鐘剛剛好。店員仲會幫手將魚骨切件，真係連骨都「輪」埋。這裡食物很新鮮，品質不錯。而且環境幾好，

咁岩喺朋友屋企打完牌，有個朋友趕住返屋企， 10點幾三個人唔知食乜嘢好⋯⋯去到九龍城諗住食牛肉餅，點知突然間諗起想打邊爐。好耐之前黎食個上品，記得裝修都幾舒服，嗰陣時10點半門口寫住七折優惠。一行入去就有位啦，裝修都幾舒服，上次黎左上邊嘅房，今次就坐卡位。雖然話打邊爐但其實我哋都係想食刺身⋯象拔蚌就一定要嗌啦，佢比個Menu我哋成千幾蚊，跟住原來呢個時段有半價正呀，超級鮮味。值得推介！因為同出邊食嘅都差唔多價錢（折後）但佢份量都算幾多又好鮮甜除咗象拔蚌去仲有推介花竹蝦平過出邊百幾蚊左右⋯不過唔知係唔係刀工問題所以份量好似比較少，蝦比較細隻。食完刺身就開始打邊爐，我哋帶咗椰子蟹鍋好鮮甜仲有椰子香味，花蛤同埋佢個蟹係另上嘅⋯⋯第一次打邊爐個湯系可以飲得咁甜咁足料佢係比細隻嘅蟹，都算多膏～打邊爐其他配菜都一般除咗芝心蝦丸同埋留心墨魚丸大家記住二兩款係別是架，因為係手打蝦丸同埋墨魚丸，值得推介個牛肉都冇乜特別，如果下次你會帶返呢個湯底同埋帶多啲佢哋嘅特色野，始終我哋今次三個人都唔係話食得好多⋯⋯