上品火鍋料理 (已結業)

我朋友話請我食生日飯，帶咗我嚟依間火鍋👇🏻👇🏻店名：上品火鍋料理地址：銅鑼灣宇宙商業大廈2樓環境座位寛，適合三五知己及商業聚餐，仲有魚缸添，唔怪得知佢食材咁新鮮👍🏻竹借水清甜例牌象拔蚌$388抵食新鮮牛肉刺身入口即溶夠新鮮，部位靚👍🏻脂肪及筋的比例剛剛好！可媲美日本餐廳，出色👍🏻頂級本地鮮肥牛推介！真係頂級！厚度剛剛好！接近入口即溶👍🏻自製新鮮墨魚滑+芝士爽蝦丸夠滑，彈牙，比較爽口，可以雙拼，有為客人着想仲送甜品奶凍，好味👍🏻性價比：高食材新鮮！服務態度專業有禮👍🏻不像其他火鍋店叫極都無人😂值得一試！如果今次唔係揸車，仲可以飲埋酒，我見到有好多酒😎

今日喺銅鑼灣睇完戲，醒起有朋友講過話呢間餐廳嘅評價唔錯所以就決定去試一試入到餐廳見到店內嘅環境好乾淨衛生，冷氣又夠凍。餐廳提供左十多款唔同嘅醬料，可以比客人選擇我哋叫咗個花膠雞燉群魚翅鍋，來到先知佢係一煲湯，飲完兩碗先再用剩低嘅湯去做湯底，冇諗過個湯飲落勁鮮甜，而且花膠吸收晒湯底味道，正！然後我哋叫咗一個海鮮拼盤，由於我哋已經有花膠湯做湯底，唔需要海鮮湯底，所以店員幫我地扣左$88， 10分貼心，值得一提嘅係，食淨左個魚頭可以幫你用椒鹽炸，都幾香脆好食！海鮮亦都非常新鮮，今期追加海鮮有七折優惠所以我幾位朋友都忍唔住再叫多份蠔同埋花甲，D 蠔真係有拳頭咁大又鮮甜，抵讚！幾個男仔去打邊爐點會唔食牛肉啊，我哋叫咗個上品牛肉拼盤，可以一次過試晒七款唔同嘅部位牛肉，肉質鮮嫩

今日慶祝朋友生日🎂我同朋友都鍾意食火鍋🥘就Book左呢間樓上火鍋，有陣時我都幾鍾意去樓上店，因為好多時候都平D，性價比會高D😝對於我比較為食既人係要識得揀，今次就揀左上品，因為見到佢有生日優惠✌🏻雖然佢係樓上店，但地下都有企既招牌，所以都幾易搵，一上到去就有侍應招呼，店舖唔係好大🙆🏻但都有幾多坐位，佢啲枱又可以拍埋，可以容納到好多人，仲睇到佢有一間房，不過冇入到去睇👀當睇到佢餐牌嘅時候，我有少少後悔，因為我有好多野都想食，但剩係得兩個人食唔到咁多（雖然我哋已經叫咗好多野🙈）我食火鍋通常都叫沙嗲湯底，叫左7個菜😝有刺身，加拿大象拔蚌*例同小份櫻花牛刺身，超新鮮又甜，尤其係牛肉刺身，連埋佢個酸汁，簡直一流🤤有肉，頂級本地鮮肥牛，以呢個價錢食到咁正既肥牛，佢份量唔係多，但幾乎入口即溶，唔知係邊個部位呢🤔有丸類，自製新鮮墨魚滑同芝士爽蝦丸，兩者都好爽滑，彈牙有菜，粟米加生菜，最好係有得雙拼，亦都好彩佢有雙拼先可以叫唔同既野😎我對佢嘅評價係一間值得回頭的火鍋👍🏻除咗食物品質好，服務態度亦抵讚，仲有甜品送，好耐都未試過食一間咁好嘅火鍋，買單$700左右一個，唔係平，但係值，所以我建議多啲人嚟仲抵啲

地點幾清幽~ 告士打道望海~ 可惜唔係坐𥦬邊。環境唔錯，通風設施做得唔錯，咁多枱人地方唔算大都可以唔覺有邊爐味。間野都係中上質素，平凡嘅唔講淨係重點講啲抵讚㗎啦！點完湯底同料之後，翅上先。平時有去深水埗食開一間雞燉翅，估唔到火鍋地方都做到嗰啲質素，證明足料好緊要 :0 響鈴應該喺呢度自己整，即叫即炸，色水比平時嗰白淨啲睇落冇咁油膩，點紅色杰杰地嗰啲醋汁一咬不得了，鬆化到化埋我個人，秒清後encore咗。海鮮拼盤有即劏嘅魚，生蠔，聖子，蝦同埋好多膏嘅蟹。條魚生猛到起咗肉之後仲fing嚟fing去，好驚！雖然係好事嚟，d魚片真係好鮮甜，同平時雪藏住嘅冇得比。啲蝦又大隻又漲卜卜，殻易起，都係罕見嘅新鮮蝦～條魚啲頭頭尾尾侍應問我地要椒鹽定係掉埋落去煲，梗係揀椒鹽啦！又椒得好好食喎，分唔到佢沾咗d咩先炸，唔覺有炸粉但又唔係日本料理嗰種會𠝹損口嘅炸魚頭，好正！食到爆瘡都抵！粉絲都係值得一讚，未淥前比較直身同硬，所以淥完唔會淋哂散哂，仲維持返一條條唔會變咗一pat pat，又有彈牙嘅口感，同時又吸得返啲湯味，滿足哂！

一直未有機會來上品一嚐他們的花膠雞燉群魚翅鍋，直到昨天與朋友剛好在附近逛街，記得上品在附近，便決定來吃一吃。我們愛牛愛海鮮，所以很快就點了488$的海鮮拼盤和上品牛肉拼盤。發現叫了海鮮拼盤後其他海鮮7折，馬上再點了美國桶蠔和本地花甲公。率先試了花膠雞鍋，花膠彈牙厚身雞湯濃郁非常開胃，剩下的做湯底涮響鈴吃，響鈴亦可以即炸即吃，響鈴浸滿湯底後有花膠雞的鮮味，我喜歡半脆半淋。之後的上品牛肉沒有令我們失望，牛肉浸在湯底很久都仍然保持口感，牛味四溢。海鮮拼盤的蠔都十分出色，鮮味十足，我特別喜愛上品的墨魚滑，彈牙且有咬口，推薦！

上品火鍋料理今晚放工同朋友去上品火鍋食晚飯～我哋叫咗個原鍋花睇雞燉翅群鍋，店員幫我哋分，仲好貼心咁發現有一個朋友未到，搵個蓋幫佢蓋住保溫，令佢食到嘅翅仍然係暖暖的～當然，個翅真係十分鮮甜！我哋5個人分，每人可以分到兩碗之後，我哋叫咗幾隻花足蝦享受下！我哋仲叫咗個美國桶蠔同埋花甲雙拼。蠔要注意返自己喜歡嘅熟度，我食嘅第一隻蠔就熟咗少少，而第二隻蠔我注意返個時間，熟度啱啱好！又肥又鮮甜！炸響鈴亦都係值得一讚的！我自己唔中意落響鈴打邊爐，但上品提供埋酸甜醬，咁我就決定試下就咁食啦，點知真係一試難忘！個口感就好似炸餃皮咁樣，甚至比炸餃皮更加脆！另外，安格斯肥牛同新鮮牛柳粒都冇令人失望！牛柳粒更貼心地列明最住烹飪時間，令食客唔需要擔心牛柳粒會太熟太硬嘅問題～跟足4分鐘呢個時間，牛柳粒嘅熟度剛好，入口即化～最令人意外嘅係海鮮拼盤條魚，店員提醒之下先知道原來仲可以另炸，變成另一道炸魚頭！整體嚟講，今次嚟到上品真係感受到好高級嘅享受，環境乾淨，店員服務態度亦都唔錯，一定會推薦朋友再嚟食！

最近邊爐癮又發作 喺fd子嘅介紹下一行三人即興去咗打邊爐 間鋪嘅環境比想像中嘅好地方唔算大 但勝在裝修同埋氣氛唔錯 張枱夠大個位夠闊落一開蓋已經聞到個清酒什菌花甲鍋既香味，四川麻辣鍋亦都唔惹少，湯底幾足料 所以湯底有既食材已經唔駛另外嗌 花甲鍋非常清甜 麻辣鍋會越食越喇非常過癮海鮮拼盤有齊魚蝦蟹蠔花甲蟶子 全部都非常之新鮮 新鮮到條魚同啲蝦上到台仲識郁 嚇餐死都唔知係好定唔好 海蝦同蟹啲肉好實正 仲有唔少膏 超肥美 蟶子好大隻肉質彈牙 蠔亦都唔腥 連我平時唔食蠔都食到黎打邊爐點可以唔嗌牛 我地嗌咗牛肉拼盤當中包含六個牛唔同部位既肉 慢慢品嚐唔同部位既肉有咩分別 有啲部位軟啲 有啲部位肥啲 有啲部位韌啲⋯⋯但全部都非常有牛味 對牛肉有要求既食肉獸一定要試下喇！另外由於本人對蝦滑墨魚滑類非常有要求 所以覺得嗰晚啲蝦滑有啲打過隆 食落硬得濟 已經唔彈 係唯一美中不足既位 但整體黎講所有嘢都幾有水準 食物既份量亦唔好 出面啲任食邊爐質素差太遠 如果想嘆番個高質啲既邊爐同frd子聚下 呢到會係個唔錯既選擇另外壽星仔會有優惠 出示證明文件以下海鮮除龍蝦外揀一項可享半價 ：無人生日都唔緊要 有嗌拼

第一次黎到呢間店食，一入到去發現成個環境佈置都幾舒服，服務態度好好，店員好主動咁親自帶埋入座之後仲會問洗唔洗推薦有d咩好食。張枱都幾大下，座位與座位之間都比較寬鬆，坐得都幾舒服。食物方面，湯底既選擇比平時去開既店多，我地試左個鴛鴦鍋，其中四川麻辣鍋真係有驚喜到。另外，佢俾我地揀既料既種類有好多，例如海鮮拼盤有一條活海魚丶四隻蝦丶兩隻聖子丶四隻珍珠蠔丶四隻花甲丶一隻蟹，全部都非常新鮮，就算平時唔係好鐘意食海鮮既人都會覺得唔錯。我地仲嗌左個上品牛肉拼盤，d牛肉整體上黎講都幾正，肉汁鮮嫩。以後會再黎幫襯。

話說今日朋友仔生日，大家又喺銅鑼灣行完街。三五知己最好就係烚下烚下。咁啱行過見到呢間上品做緊生日優惠，就擇日不如撞日入去試下。入到去坐低好快就有人招呼我地，仲介紹菜式俾我地。本來以為呢度喺商業大廈入面隔離又係d高級酒店以為會好貴，點知原來仲有拼盤優惠jeng ar!!由於湯底太多選擇嘅關係，我地諗佐好耐決定要清酒花甲湯同四川麻辣鴛鴦鍋鍾意食辣嘅我地又點可以錯過～之後我地仲點佐推介必食嘅海鮮拼盤同上品牛肉拼盤。唔試唔知咩叫必食，海鮮拼盤上台嗰陣d魚同蝦都仲喺郁緊果然喺新鮮海鮮，冇得頂之後食落d海鮮仲好鮮甜，肉質爽滑。牛肉拼盤有曬7種頂級牛肉部位，一次過滿足曬所有人嘅慾望連邊爪位都有埋。真係令我好驚喜。仲要大大盤，唔怕唔夠喉仲有蝦滑同墨魚滑，認真，真係唔輸得！仲有侍應哥哥幫我地分落去洽加分加分！食完飽飽地，大家傾下計飲下嘢，而且呢度雖然喺銅鑼灣，環境都算夠寬落同舒服，又唔會好嘈。出面唔喺鬧區，唔會好多人要食到趕頭趕命咁喺好滿足嘅邊爐之夜，果然喺上品整體而言喺間高質嘅餐廳。

這間店來了好幾次，可以網上訂位，這個服務不錯。其實近年已經好少出街打邊爐，今天朋友生日，所以難得相約食飯。依然味道不錯，食物的款式也多選擇、服務也不錯！老實講如果而家有返大陸打邊爐你就知道，內地的服務態度俾我哋香港好多了。有生日優惠不過要睇身分證！牛肉有點細碟，感覺偏貴、唔係好抵食！建議不要食最貴那種牛肉，食普通的覺得更加適合本人口味！這次帶了日本來的朋友來嘗試！也說香港的火鍋十分美味！下次會再去。

呢度既邊爐真係冇得頂！雞腳豬骨煲，安格斯牛柳粒, 象拔蚌刺身，聖子貝拼盤，鹹蛋黃炸鮮魷，呢個真係超正！好少地方可以食到,上品火鍋呢度就可以試到啦！安格斯牛樓粒好有牛味，616之後食落有入口即溶㗎感覺! 象拔蚌刺身好新鮮好爽口，係我食過咁多次象拔蚌刺身以來最好食嘅一次！啲蝦都好新鮮，啲手打丸超勁，會爆漿!我最鍾意食聖子，呢間都好唔錯好新鮮！啲魚片同竹笙都好好味個煲入邊嘅雞腳都係我嘅至愛,有隻豆腐都好好味

啲嘢食好新鮮，食出新鮮味道安格斯肥牛牛味好重油脂分布適中，室內裝修環境OK，張枱夠大張，可以放好多餸菜坐得好闊落，望住維多利亞海景，感覺一流，手打肉丸個餡會有爆漿感覺，象拔蚌刺身好爽口鮮甜美味，仲有鹹蛋黃炸鮮魷，外脆內軟鹹蛋汁流晒出嚟，另外個雞腳豬骨煲湯味濃郁，令人流晒口水，個甜品奶凍真係食完火鍋之後食可以解暑降火仲有間VIP房，下次過嚟人多嘅話真係要book定間VIP房啦，一班朋友過嚟烚吓烚吓就最啱啦

入到黎環境舒服座位闊落，職員態度都好好，我哋一入嚟就好主動帶位，跟住推薦一啲必食推介俾我哋試，呢種感覺好好，真心有被Service到。嘢食方面，我哋叫咗象拔蚌刺身，仲有海鮮拼盤，啲聖子同蝦同貝殼都好新鮮，啲蝦仲識跳架。安格斯牛樓粒有入口即溶嘅感覺，認真唔錯。粒粒都好均勻，本人食咗好多粒。個手打丸拼盤都好正，彈牙爽口。有一隻鹹蛋黃炸鮮魷都好唔錯，下次過嚟可以再叫。不得一提既係個象拔蚌刺身，真係勁爽口。食完真係返尋味！

第一次到店，室內環境感覺很舒服，燈光優雅，菜單選擇非常多元化，看了一下就點了我最愛的瑤柱冬瓜豬骨湯底，湯底非常鮮甜，豬骨腌制成咸骨，增加湯底更濃郁，再來了一個象拔蚌刺身，肉質非常爽口帶清脆口感，加上wasabi醬油點綴，更加鮮甜，由其是海鮮拼盤，無論聖子或海蝦非常新鮮爽口，值得特別介绍就是該店之手打墨魚丸，丸內有咸蛋黃，呢種配搭非常特別，另外一款熟食值得一試就是咸蛋黃鮮魷，個人建議放在湯里點兩下會更好加美味，更他菜式包括牛肉，蔬菜都好新鮮，總結來說，環境舒服，食物新鮮，味道有水準，以後會再來光顧

啲嘢食好新鮮，食出新鮮味道安格斯肥牛牛味好重油脂分布適中，室內裝修環境OK，張枱夠大張，可以放好多餸菜坐得好闊落，望住維多利亞海景，感覺一流，手打肉丸個餡會有爆漿感覺，象拔蚌刺身好爽口鮮甜美味，仲有鹹蛋黃炸鮮魷，外脆內軟鹹蛋汁流晒出嚟，另外個雞腳豬骨煲湯味濃郁，令人流晒口水，個甜品奶凍真係食完火鍋之後食可以解暑降火仲有間VIP房，下次過嚟人多嘅話真係要book定間VIP房啦，一班朋友過嚟烚吓烚吓就最啱啦