上海包餃店 (已結業)

0係呢度見到大家0既評語,專程去左搵唻食^_^非常抵同好食!!!!!!!!!!!!!!!抄手真係好好食!!!!!其實店子有幾個位, 坐0係度食仲好風味^^~~~煮野0既呀姐都好好人^_^~~~值得再去!!!

一直都無留意佢有小籠包賣唔係朋友仔琴日指定要食我都唔知佢有除左如常食我至愛既秘製擔擔麵外仲叫左即叫即蒸既小籠包一籠15蚊有6大個湯汁多味又鮮混左好少好少既菜唔點醋都好好味另外叫左菜肉包菜多肉少包身鬆軟朋友仔都話好味因為即叫即蒸等左十分鐘先拎到外賣電話:2828 3553

咁近屋企成日都幫襯重覆就唔評今次想講既係秘製抄手佢唔係辣既但個秘製汁真係幾好食一客15蚊有9隻大大粒抄手皮好似蝦肉雲吞o個d黃皮咁滑入面既餡又好食加埋個汁真係好食可惜俾朋友仔食晒我食得2粒咋i like it so much

琴日好黑仔俾人偷左電話因為起身之後都無食過野朋友仔求求其其o係屋企附近買左少少野俾我食我食左擔擔麵($17)朋友仔要左菜肉雲吞($15),鍋貼(@$2)同生煎包(@$2)其實我都無乜心機食架喇但估唔到又幾好味喎擔擔麵即叫即煮麵條煙煙韌韌加埋肉碎,榨菜同少少麻醬既湯底又真係幾好味食到尾先發覺d麻醬沈晒o係底另外食左朋友仔一隻雲吞菜肉好平均生煎包包底仍然係煎得脆脆內裡肉汁豐富食飽飽兩個人都只係40十個抵

咁近屋企我成日都會幫襯呢度除左令我愛上食蔥油餅外值得一讚係佢既服務態度令人好有親切感我差唔多每隔幾日就會買一次除左蔥油餅之外鍋貼2蚊一隻大大隻朋友仔話味道唔錯雖則偏油.........牛肉包較以往有進步餡料比以前多而且肉汁算多底又煎得脆脆好多時路過見師傅努力搓皮o個樣加上十分多人圍住買往往會引誘左我呢隻為食貓

咁近屋企成日見好多人幫襯記憶中只係試過生煎包同豆漿早幾日經過突然想試下蔥油餅雖然唔係新鮮出爐但放o係暖櫃入面拎上手仍然暖笠笠面頭有大量芝麻中間夾住軟熟既餅層加埋蔥花底層又煎得脆脆雖然紙袋已經變到透明色但入口又唔覺太油好好味3蚊貨色簡直抵到爛下次會再試下d麵食同紅油抄手

朋友仔番完通宵上黎陪我睇電視因為怕我無早餐食經過呢度見佢一早開左就買左煎牛肉包,煎豬肉包(@$2)同熱豆漿($5)俾我買完至到我食都隔左十分鐘但仍然熱辣辣包身尚算軟熟個底仲要煎得好脆而且雖然賣相好似好油點知食落又唔算喎雖然我鍾意食牛肉多d但今次出奇地覺得豬肉包較牛肉包好味豆漿唔太甜又有豆味真係好好味呀!!!食晒飽到下午四點幾先再食野以呢個價錢真係好抵食加埋朋友仔對我既細心差d想俾5分呢!! 嘻嘻!!!

叫外賣早餐,有菜肉包($3個),煎餃($2隻)同豆漿($5杯),菜肉包"食函"料不多,料為白菜及豬肉,相反包就相當厚,而且無咩味,但幾軟淑,都ok o既.煎餃一流,夠香之餘肉味濃而有肉汁,好食.豆漿香甜有渣,ok.整體尼講都幾好食.